Personal Study Tracker

ລະບົບການຕິດຕາມການສຶກສາສ່ວນຕົວ

ຂຽນຈຸດປະສົງໃນການຮຽນພາສາອັງກິດຂອງທ່ານ.

ຈຸດປະສົງ: ຂ້ອຍຢາກຮຽນພາສາອັງກິດເພາະ:

ທ່ານສາມາດປັບປຸງຄວາມສາມາດຂອງທ່ານໃນການຮຽນ ໂດຍການຕິດຕາມຄວາມພະຍາຍາມຂອງທ່ານ ແລະ ໂດຍການຕັ້ງເປົ້າໝາຍທີ່ຈະປັບປຸງ. ໃຊ້ “ລະບົບການຕິດຕາມການສຶກສາສ່ວນຕົວ” ເພື່ອຕິດຕາມຄວາມພະຍາຍາມຂອງທ່ານ. ຫລັງຈາກແຕ່ລະບົດຮຽນ, ໃຫ້ຕັ້ງເປົ້າໝາຍງ່າຍໆ. ສະຫລອງຄວາມກ້າວໜ້າຂອງທ່ານ; ທຸກຄວາມພະຍາຍາມຈະເຮັດໃຫ້ທ່ານເຂົ້າໃກ້ເປົ້າໝາຍຂອງທ່ານຫລາຍຂຶ້ນ.

ຄວາມພະຍາຍາມນ້ອຍທີ່ສຸດ

ຄວາມພະຍາຍາມປານກາງ

ຄວາມພະຍາຍາມຢ່າງຫລວງຫລາຍ

“ລະບົບການຕິດຕາມການສຶກສາສ່ວນຕົວ” ທີ່ພິມໄດ້

Lesson ບົດຮຽນ	Study the Principle of Learning ສຶກສາຫລັກທຳຂອງການຮຽນຮູ້	Memorize Vocabulary ທ່ອງຈຳຄຳສັບ	Practice the Patterns ຝຶກແບບແຜນ	Practice Daily ຝຶກທຸກວັນ	My Goal ເປົ້າໝາຍຂອງຂ້ອຍ
Lesson ບົດຮຽນ 1	Study the Principle of Learning ສຶກສາຫລັກທຳຂອງການຮຽນຮູ້	Memorize Vocabulary ທ່ອງຈຳຄຳສັບ	Practice the Patterns ຝຶກແບບແຜນ	Practice Daily ຝຶກທຸກວັນ	My Goal ເປົ້າໝາຍຂອງຂ້ອຍ ອ່ານຄຳນຳ. ເຮັດພາກ “ການສຶກສາສ່ວນຕົວ” ສຳລັບບົດຮຽນທີ 2 ໃຫ້ສຳເລັດ.
Lesson ບົດຮຽນ 2	Study the Principle of Learning ສຶກສາຫລັກທຳຂອງການຮຽນຮູ້	Memorize Vocabulary ທ່ອງຈຳຄຳສັບ	Practice the Patterns ຝຶກແບບແຜນ	Practice Daily ຝຶກທຸກວັນ	My Goal ເປົ້າໝາຍຂອງຂ້ອຍ ສຶກສາຫລັກທຳຂອງການຮຽນຮູ້ ກ່ອນບົດຮຽນ.
Lesson ບົດຮຽນ 3	Study the Principle of Learning ສຶກສາຫລັກທຳຂອງການຮຽນຮູ້	Memorize Vocabulary ທ່ອງຈຳຄຳສັບ	Practice the Patterns ຝຶກແບບແຜນ	Practice Daily ຝຶກທຸກວັນ	My Goal ເປົ້າໝາຍຂອງຂ້ອຍ ເມື່ອຂ້ອຍອະທິຖານ, ຂ້ອຍຈະໃຊ້ຄຳສັບພາສາອັງກິດໃໝ່ໆ.

Study Suggestions

ຄຳແນະນຳສຳລັບການສຶກສາ

ພິຈາລະນາໃຊ້ຄຳແນະນຳຂ້າງລຸ່ມ ເພື່ອປັບປຸງການສຶກສາຂອງທ່ານ.

Study the Principle of Learning

ສຶກສາຫລັກທຳຂອງການຮຽນຮູ້

ອະທິຖານ. ເລີ່ມຕົ້ນ ແລະ ຈົບການສຶກສາຂອງທ່ານດ້ວຍການອະທິຖານ. ທູນຂໍໃຫ້ພຣະເຈົ້າຊ່ວຍທ່ານໃຫ້ເຂົ້າໃຈ ແລະ ນຳໃຊ້ຫລັກທຳນີ້.
ຮັບຟັງພຣະວິນຍານ. ໃຫ້ເອົາໃຈໃສ່ຕໍ່ຄວາມນຶກຄິດ ແລະ ຄວາມຮູ້ສຶກຂອງທ່ານ, ເຖິງແມ່ນວ່າມັນເບິ່ງຄືບໍ່ກ່ຽວຂ້ອງກັບສິ່ງທີ່ທ່ານກຳລັງອ່ານຢູ່ກໍຕາມ. ບັນທຶກຄວາມຄິດ ແລະ ຄວາມຮູ້ສຶກຂອງທ່ານ. ເຮັດສິ່ງທີ່ພຣະວິນຍານເຊື້ອເຊີນທ່ານໃຫ້ເຮັດ.
ຂຽນຄຳສັບ ແລະ ວະລີທີ່ດົນໃຈ. ທ່ານອາດພົບຄຳສັບ ແລະ ວະລີບາງຄຳທີ່ກ່ຽວຂ້ອງເປັນການສ່ວນຕົວ ແລະ ດົນໃຈ ແລະ ຈູງໃຈທ່ານ. ຂຽນໄວ້ໃນບ່ອນທີ່ທ່ານຈະຫລຽວເຫັນມັນ. ວາງມັນໄວ້ຢູ່ໜ້າກະຈົກ ຫລື ໃສ່ໄວ້ໃນໂທລະສັບຂອງທ່ານ.
ນຳໃຊ້ຫລັກທຳຂອງການຮຽນຮູ້. ພິຈາລະນາວ່າທ່ານຈະນຳໃຊ້ຫລັກທຳຂອງການຮຽນຮູ້, ຂໍ້ຄວາມອ້າງອີງ, ແລະ ພຣະຄຳພີກັບຊີວິດຂອງທ່ານໄດ້ແນວໃດ. ບັນທຶກສິ່ງທີ່ທ່ານຮຽນຮູ້ຂະນະທີ່ທ່ານນຳໃຊ້ຫລັກທຳຂອງການຮຽນຮູ້.
ອ່ານຕໍ່. ອ່ານພຣະຄຳພີ ຫລື ຄຳປາໄສຈາກກອງປະຊຸມໃຫຍ່ທີ່ກ່ຽວຂ້ອງກັບຫລັກທຳຂອງການຮຽນຮູ້.
ຮຽນຄຳສັບໃໝ່ໆ. ເລືອກບາງຄຳສັບຈາກຫລັກທຳຂອງການຮຽນຮູ້ ທີ່ທ່ານຢາກຮຽນເປັນພາສາອັງກິດ. ຊອກຫາຄຳສັບນັ້ນໆ. ເວົ້າລົມກັບຜູ້ຮຽນຄົນອື່ນໆວ່າຄຳສັບ ແລະ ວະລີມີຄວາມໝາຍຕໍ່ເຂົາເຈົ້າແນວໃດ.

Memorize Vocabulary

ທ່ອງຈຳຄຳສັບ

ສຸມໃສ່ຄວາມໝາຍ ແລະ ການອອກສຽງ. ຝຶກອອກສຽງຄຳສັບຊ້ຳໆ ແລະ ຄິດເຖິງຄວາມໝາຍຂອງຄຳສັບນັ້ນ. ຮຽນຮູ້ການອອກສຽງຂອງແຕ່ລະຄຳສັບ ແລະ ຝຶກຈົນກວ່າທ່ານຈະອອກສຽງຖືກຕ້ອງ. ເຮັດຕໍ່ໄປຈົນກວ່າທ່ານຈະສາມາດເວົ້າຄຳສັບນັ້ນໄດ້ຢ່າງໝັ້ນໃຈ ແລະ ຮູ້ວ່າມັນໝາຍເຖິງຫຍັງ.
ຝຶກດ້ວຍບັດທ່ອງຈຳ. ໃຊ້ບັດບັນທຶກຫຍໍ້ (ຫລື ແອັບ) ເພື່ອສ້າງບັດທ່ອງຈຳ. ຂຽນຄຳສັບໄວ້ດ້ານໜຶ່ງ ແລະ ຂຽນຄວາມໝາຍ, ຄຳແປ, ຫລື ຕິດຮູບພາບ ໄວ້ອີກດ້ານໜຶ່ງ. ການເຮັດຊ້ຳໆເປັນວິທີສຳຄັນໃນການຈື່ຈຳຄຳສັບ.
ຝຶກຄຳສັບໃນປະໂຫຍກ. ຝຶກເວົ້າຄຳສັບທີ່ທ່ານກຳລັງຮຽນໃນປະໂຫຍກ. ທ່ານສາມາດໃຊ້ແບບແຜນປະໂຫຍກ ເພື່ອຝຶກຄຳສັບທີ່ທ່ານກຳລັງຮຽນ.
ນຳໃຊ້ຄຳສັບ. ຄິດເຖິງສະຖານະການທີ່ທ່ານຈະໃຊ້ຄຳສັບນີ້ໃນຊີວິດປະຈຳວັນຂອງທ່ານ. ຝຶກສະຖານະການຈົນຮູ້ສຶກເປັນທຳມະຊາດໂດຍໃຊ້ຄຳສັບນີ້. ເມື່ອທ່ານໄປເຮັດວຽກ, ໂຮງຮຽນ, ຮ້ານຄ້າ, ຫລື ສະຖານທີ່ອື່ນໆ, ໃຫ້ໃຊ້ຄຳສັບຢູ່ໃນໃຈ ເພື່ອບັນຍາຍສິ່ງຕ່າງໆ.
ສັງເກດຄຳສັບ. ຊອກຫາ ແລະ ຟັງຄຳສັບໃໝ່ໆ ໃນແຕ່ລະວັນ. ທ່ານສາມາດຮຽນຈາກໜັງ, ລາຍການໂທລະພາບ, ໜັງສື, ພອດແຄສທ໌, ຫລື ເພງ. ຂຽນຄຳສັບໃໝ່ໆ.
ຮຽນຮູ້ເພີ່ມເຕີມ. ໃຊ້ວັດຈະນານຸກົມ ເພື່ອຮຽນຮູ້ເພີ່ມເຕີມກ່ຽວກັບຄຳສັບໃໝ່ໆ. ຮຽນຮູ້ຄຳນິຍາມ, ສ່ວນຂອງການປາກເວົ້າ, ສ່ວນຂອງຄຳສັບ, ການອອກສຽງ, ແລະ ປະໂຫຍກຕົວຢ່າງ.
ທົບທວນ. ໃຊ້ເວລາທົບທວນຄຳສັບທີ່ທ່ານໄດ້ຮຽນຮູ້ໃນອະດີດເປັນໄລຍະໆ. ສິ່ງນີ້ຈະຊ່ວຍໃຫ້ທ່ານເຫັນວ່າ ທ່ານໄດ້ຮຽນຮູ້ຫລາຍພຽງໃດ ແລະ ບໍ່ລືມຄຳສັບ.

Practice the Patterns

ຝຶກແບບແຜນ

ສຸມໃສ່ຄວາມໝາຍ ແລະ ຄວາມຄ່ອງແຄ້ວ. ຝຶກເວົ້າປະໂຫຍກຈາກແບບແຜນອອກສຽງຊ້ຳໆ ແລະ ຄິດເຖິງຄວາມໝາຍຂອງປະໂຫຍກ. ສືບຕໍ່ຈົນກວ່າທ່ານຈະສາມາດເວົ້າປະໂຫຍກໄດ້ຢ່າງຫລ່ຽນໄຫລ, ໝັ້ນໃຈ, ແລະ ຮູ້ວ່າມັນໝາຍວ່າຫຍັງ.
ອັດສຽງຕົວເອງ. ອັດສຽງຕົວເອງຖາມ ແລະ ຕອບຄຳຖາມໃນໂທລະສັບຂອງທ່ານ. ຟັງການອັດສຽງ ແລະ ໃຫ້ຄວາມສົນໃຈກັບຄວາມຄ່ອງແຄ້ວ ແລະ ການອອກສຽງຂອງທ່ານ.
ຝຶກກັບຄູ່. ຝຶກໃຊ້ແບບແຜນເພື່ອຖາມ ແລະ ຕອບຄຳຖາມກັບເພື່ອນ. ທ່ານສາມາດຝຶກກັບຄົນອື່ນຕົວຕໍ່ຕົວ ຫລື ທາງໂທລະສັບກໍໄດ້. ຝຶກໃຊ້ແບບແຜນ ຂະນະທີ່ທ່ານຂຽນຂໍ້ຄວາມເຖິງເພື່ອນ.
ຄິດ ແລະ ເວົ້າກ່ຽວກັບແບບແຜນ. ທ່ານສັງເກດເຫັນຫຍັງແດ່ກ່ຽວກັບວິທີການທຳງານຂອງພາສາອັງກິດ? ພາສາອັງກິດຄ້າຍຄືກັບພາສາຂອງທ່ານແນວໃດ? ພາສາອັງກິດແຕກຕ່າງຈາກພາສາຂອງທ່ານແນວໃດ? ທ່ານຈະສາມາດໃຊ້ແບບແຜນຈາກບົດຮຽນໃນສະຖານະການອື່ນໄດ້ແນວໃດ?
ໃຊ້ແຫລ່ງຊ່ວຍເຫລືອອື່ນ. ປຶ້ມໄວຍະກອນ, ແອັບ, ເວັບໄຊ, ແລະ ຜູ້ຮຽນຄົນອື່ນໆ ສາມາດຊ່ວຍທ່ານຮຽນຮູ້ເພີ່ມເຕີມກ່ຽວກັບແບບແຜນໄວຍະກອນພາສາອັງກິດໄດ້.
ສັງເກດແບບແຜນ. ເບິ່ງ ແລະ ຟັງແບບແຜນທີ່ທ່ານກຳລັງຮຽນຮູ້ ເມື່ອທ່ານອ່ານ ຫລື ຟັງພາສາອັງກິດ.

Practice Daily

ຝຶກທຸກວັນ

ຕັ້ງກິດຈະວັດ. ວາງແຜນວ່າທ່ານຈະຮຽນເມື່ອໃດ ແລະ ຢູ່ໃສໃນແຕ່ລະວັນ ແລະ ລົງມືເຮັດ. ເພື່ອຊ່ວຍໃຫ້ທ່ານຈື່ຈຳ, ໃຫ້ຂຽນເປົ້າໝາຍຂອງທ່ານລົງໃນປະໂຫຍກ “ເມື່ອ”. ຍົກຕົວຢ່າງ, “ເມື່ອຂ້ອຍ , ຂ້ອຍ .” ຕໍ່ໄປນີ້ແມ່ນບາງຕົວຢ່າງ: “ເມື່ອຂ້ອຍ ຂີ່ລົດເມ, ຂ້ອຍ ທົບທວນຄຳສັບ.”; “ເມື່ອຂ້ອຍ ເຮັດເຂົ້າແລງ, ຂ້ອຍ ບັນຍາຍສິ່ງທີ່ຂ້ອຍກຳລັງເຮັດເປັນພາສາອັງກິດ.”; ແລະ “ເມື່ອຂ້ອຍ ອະທິຖານ, ຂ້ອຍ ຈະເວົ້າໃຫ້ຫລາຍທີ່ສຸດເທົ່າທີ່ຈະສາມາດເຮັດໄດ້ເປັນພາສາອັງກິດ.”
ເຮັດກິດຈະກຳປະຈຳວັນເປັນພາສາອັງກິດ. ຊອກຫາວິທີແທນພາສາແມ່ຂອງທ່ານ ດ້ວຍພາສາອັງກິດໃນກິດຈະກຳປະຈຳວັນຂອງທ່ານ. ຍົກຕົວຢ່າງ, ເມື່ອທ່ານຟັງເພງ, ໃຫ້ຟັງເປັນພາສາອັງກິດ. ແນວຄິດອື່ນໆ: ເບິ່ງໜັງເປັນພາສາອັງກິດ ຫລື ມີຄຳບັນຍາຍເປັນພາສາອັງກິດ, ປ່ຽນການຕັ້ງຄ່າໂທລະສັບຂອງທ່ານເປັນພາສາອັງກິດ, ແລະ ອ່ານພຣະຄຳພີເປັນພາສາອັງກິດ.
ອ່ານ. ອ່ານໃຫ້ຫລາຍທີ່ສຸດເທົ່າທີ່ທ່ານຈະສາມາດເຮັດໄດ້ເປັນພາສາອັງກິດ. ອ່ານພຣະຄຳພີ, ຄຳປາໄສຈາກກອງປະຊຸມໃຫຍ່ສາມັນ, ວາລະສານ, ບລອກສ໌, ຂ່າວ, ແລະ ຂໍ້ມູນອື່ນໆເປັນພາສາອັງກິດ.
ຟັງ. ຕັ້ງໃຈຟັງຫລາຍທີ່ສຸດເທົ່າທີ່ທ່ານຈະສາມາດເຮັດໄດ້. ຟັງພອດແຄສທ໌, ພຣະຄຳພີ, ຄຳປາໄສ, ການນຳສະເໜີ, ວິດີໂອ, ລາຍການໂທລະພາບ, ຫລື ໜັງ.
ເວົ້າ. ຊອກຫາເພື່ອນ, ຄອບຄົວ, ແລະ ເພື່ອນຮ່ວມງານ ແລະ ຝຶກເວົ້າກັບເຂົາເຈົ້າ. ແບ່ງປັນສິ່ງທີ່ທ່ານໄດ້ຮຽນຮູ້ ແລະ ໄດ້ເຮັດ ເພື່ອຝຶກພາສາອັງກິດ. ສ້າງກຸ່ມສົນທະນາ ແລະ ສົ່ງບັນທຶກສຽງ.
ຂຽນ. ຫາໂອກາດທີ່ຈະຂຽນພາສາອັງກິດ. ເລີ່ມຂຽນບັນທຶກປະຈຳວັນ ຫລື ສ້າງກຸ່ມສົນທະນາ. ໃຊ້ປະໂຫຍກ ແລະ ຄຳສັບທີ່ທ່ານກຳລັງຮຽນ.
ເຮັດກິດຈະກຳບົດຮຽນໃຫ້ສຳເລັດ. ເຮັດກິດຈະກຳບົດຮຽນ ແລະ ການປະເມີນຜົນທາງອອນລາຍທີ່ englishconnect.org ຫລື ໃນ ປຶ້ມບົດຝຶກຫັດ EnglishConnect.