Personal Study Tracker

Pe’e i te ’imira’a maita’i a te ta’ata hō’ē

Pāpa’i i tā ’oe ’ōpuara’a nō te ha’api’i mai i te reo peretāne.

’Ōpuara’a : Tē hina’aro nei au e ha’api’i mai i te reo peretāne nō te mea :

E nehenehe ’oe e ha’amaita’i i tō ’oe ’aravihi nō te ha’api’i mai ma te pe’era’a i tā ’oe mau tauto’ora’a ’e te ha’amaura’a i te mau ’ōpuara’a nō te ha’amaita’i atu ā. ’A fa’a’ohipa i te « Pe’e i te ’imira’a maita’i a te ta’ata hō’ē » nō te pe’e i tā ’oe mau tauto’ora’a. I muri mai i te ha’api’ira’a tāta’itahi, ’a ha’amau i te hō’ē fā ’ōhie. ’A fa’ahanahana i tō ’oe nu’ura’a i mua ; e ha’afātata atu ā te tauto’ora’a tātā’itahi ia ’oe i tā ’oe fā.

Tauto’ora’a iti roa a’e

Tauto’ora’a au noa

Tauto’ora’a rahi

« Pe’a i te ’imira’a maita’i a te ta’ata hō’ē » e nehenehe e nene’i

Example

Hi’ora’a

Lesson Ha’api’ira’a	Study the Principle of Learning ’Imira’a maita’i i te parau tumu o te ha’api’ira’a mai	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau nīno’a	Practice Daily Ha’api’ipi’i i te mau mahana ato’a	My Goal Tā’u fā :
Lesson Ha’api’ira’a 1	Study the Principle of Learning ’Imira’a maita’i i te parau tumu o te ha’api’ira’a mai	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau nīno’a	Practice Daily Ha’api’ipi’i i te mau mahana ato’a	My Goal Tā’u fā : Tai’o i te ’ōmuara’a. Rave fa’aoti te tuha’a o te « ’Imira’a maita’i a te ta’ata hō’ē » nō te ha’api’ira’a 2.
Lesson Ha’api’ira’a 2	Study the Principle of Learning ’Imira’a maita’i i te parau tumu o te ha’api’ira’a mai	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau nīno’a	Practice Daily Ha’api’ipi’i i te mau mahana ato’a	My Goal Tā’u fā : ’Imira’a maita’i i te parau tumu o te ha’api’ira’a mai hou i te ha’api’ira’a.
Lesson Ha’api’ira’a 3	Study the Principle of Learning ’Imira’a maita’i i te parau tumu o te ha’api’ira’a mai	Memorize Vocabulary Tāmau ’ā’au i te pu’e ta’o	Practice the Patterns Ha’api’ipi’i i te mau nīno’a	Practice Daily Ha’api’ipi’i i te mau mahana ato’a	My Goal Tā’u fā : ’Ia pure ana’e au, e fa’a’ohipa vau i te mau ta’o pu’e ta’o reo peretāne ’āpī.

Study Suggestions

Mau mana’o tauturu nō te ’imira’a maita’i

’A feruri i te fa’a’ohipa i te mau mana’o tauturu i raro nei nō te ha’amaita’i i tā ’oe ’imira’a maita’i.

Study the Principle of Learning

’Imira’a maita’i i te parau tumu o te ha’api’ira’a mai.

1. ’A pure. ’A ha’amata ’e ’a ’ōpani i tā ’oe ’imira’a maita’i nā roto i te pure. ’A ani i te Atua ’ia tauturu mai ia ’oe ’ia māramarama ’e ’ia fa’a’ohipa te parau tumu.

2. ’A faʼaroʼo i te Vārua. ’A ara maita’i i tō ’oe mau mana’o ’e tō ’oe mau nīno’a mana’o, noa atu ē ’aita tō te reira e tū’atira’a i te mau mea tā ’oe e tai’o ra. Pāpa’i i tō ’oe mau mana’o ’e tō ’oe mau nīno’a mana’o. ’A rave i te mea tā te Vārua e ani nei ia ’oe ’ia rave.

3. Pāpa’i i te mau ta’o ’e te mau pereota fa’auruhia. E ’ite mai paha ’oe i te tahi mau ta’o ’e mau pereota e tano maita’i nō ’oe iho ’o te fa’auru ia ’oe ’e ’o te fa’aitoito ia ’oe. Pāpa’i te reira i te hō’ē vāhi i reira ’oe e ’ite ai i te reira. ’A tu’u i te reira i ni’a i tā ’oe hi’ohipa ’aore rā i ni’a i tā ’oe niuniu paraparau.

4. ’A fa’a’ohipa i te parau tumu o te ha’api’ira’a mai. ’A feruri e nāhea ’oe e nehenehe ai e fa’a’ohipa i te parau tumu o te ha’api’ira’a mai, te mau fa’ahitira’a parau ’e te mau pāpa’ira’a mo’a i roto i tō ’oe orara’a. Pāpa’i i te mau mea tā ’oe i ha’api’i mai ma te fa’a’ohipara’a i te parau tumu o te ha’api’ira’a mai.

5. Tai’o rahi atu ā. ’A tai’o i te mau pāpa’ira’a mo’a ’aore rā te mau a’ora’a o te ’āmuira’a rahi e tū’ati i te parau tumu o te ha’api’ira’a mai.

6. Ha’api’i mai i te pu’e ta’o ’āpī. ’A mā’iti i te tahi mau ta’o nō roto mai i te parau tumu o te ha’api’ira’a mai o tā ’oe e hina’aro e ha’api’i mai nā roto i te reo peretāne. ’A mā’imi mai i te mau ta’o. ’A parau i te tahi atu mau pīahi i te aura’a o te mau ta’o ’e te mau pereota nō rātou.

Memorize Vocabulary

Tāmau ’ā’au i te pu’e ta’o

1. ’A fa’atumu i ni’a i te aura’a ’e te fa’ahitira’a parau. ’A ha’api’ipi’i i te fa’ahiti pūai i te ta’o ’e ’a feruri i tōna aura’a. ’A ha’api’i mai i te fa’ahitira’a parau o te ta’o tāta’itahi ’e ’a fa’a’ohipa e tae roa i te taime e fa’ahiti tano ai ’oe i te reira. ’A tāmau noa e tae roa i te taime e nehenehe ai ia ’oe ’ia parau i te ta’o ma te pāpū maita’i ’e ’ia ’ite i te aura’a o te reira.

2. Ha’api’ipi’i ma te mau tāreta mēhara. ’A fa’a’ohipa i te mau tāreta nota (’aore rā te hō’ē fa’aaura’a roro uira) nō te hāmani i te mau tāreta mēhara. Pāpa’i i te ta’o i ni’a i te hō’ē pae ’e te tātarara’a, te ’īritira’a, ’aore rā te hōho’a i te tahi atu pae. Te fa’ahiti-noa-ra’a ’o te tāviri ïa nō te tāmau ’ā’au i te pu’e ta’o.

3. Ha’api’ipi’i ma te tu’u i te mau ta’o i roto i te mau pereota. Ha’api’ipi’i i te fa’ahitira’a i te ta’o ’o tā ’oe e ha’api’i mai i roto i te hō’ē pereota. E nehenehe ’oe e fa’a’ohipa i te mau nīno’a o te pereota nō te fa’a’ohipa i te mau ta’o tā ’oe i ha’api’i mai.

4. ’A fa’a’ohipa i te ta’o. ’A feruri i te mau tupura’a i reira ’oe e fa’a’ohipa ai i te ta’o i roto i tō ’oe orara’a i te mau mahana ato’a. ’A ha’api’ipi’i i te tupura’a e tae roa i te taime e pāpū maita’i ai ’oe i te fa’a’ohipa i te ta’o. ’A haere ai ’oe i te ’ohipa, i te fare ha’api’ira’a, i te fare toa, ’aore rā i te tahi atu mau vāhi, ’a fa’a’ohipa i te mau ta’o e vai ra i roto i tō ’oe ferurira’a nō te fa’ata’a i te mau mea.

5. ’A ara mai i te mau ta’o. E mā’imi ’e ’a fa’aro’o i te mau ta’o ’āpī i te roara’a o te mahana tā’āto’a. E nehenehe ’oe e ’apo mai nā roto i te mau hōho’a teata, te mau ha’apurorora’a ’āfata teata, te mau buka, te mau podcasts [rāve’a fa’aro’o tari’a], ’aore rā te mau hīmene. Pāpa’i i te mau ta’o ’āpī.

6. Ha’api’i rahi mai ā. ’A fa’a’ohipa i te hō’ē buka fa’atoro parau nō te ha’api’i rahi mai ā i te mau ta’o ’āpī. Ha’api’i mai i te mau tātarara’a, te mau tuha’a o te paraparaura’a, te mau tuha’a o te mau ta’o, te fa’ahitira’a parau, ’e te mau hi’ora’a o te mau pereota.

7. Hi’o fa’ahou. ’A rave i te taime nō te hi’o tāmau fa’ahou i te mau ta’o tā ’oe i ha’api’i na. Nā te reira e tauturu ia ’oe ’ia hi’o e hia tā ’oe i ha’api’i mai ’e ’ia ’ore ’ia mo’ehia ia ’oe.

Practice the Patterns

Fa’a’ohipa i te mau nīno’a

1. ’A fa’atumu i ni’a i te aura’a ’e te ’ōhiera’a. ’A ha’api’ipi’i i te fa’ahiti ha’apūai i te hō’ē pereota o te nīno’a ’e ’a feruri i te aura’a o te pereota. ’A tāmau noa e tae atu i te taime e nehenehe ai ’oe e parau ’ōhie i te pereota ma te pāpū maita’i ’e ’ia ’ite ho’i i te aura’a o te reira.

2. ’A fa’aharuharu ia ’oe. ’A fa’aharuharu ia ’oe ma te uira’a ’e te pāhonora’a i te mau uira’a nā roto i tā ’oe niuniu paraparau. ’A fa’aro’o i te fa’aharuharura’a ’e ’a ha’apa’o maita’i i tō ’oe ’ōhiera’a ’e tā ’oe fa’ahitira’a parau.

3. Ha’api’ipi’i ’e te hō’ē hoa. Ha’api’ipi’i ma te fa’a’ohipara’a i te mau nīnoa nō te ui ’e nō te pāhono i te mau uira’a ’e te hō’ē hoa. E nehenehe ’oe e ha’api’ipi’i tino ta’ata ’aore rā nā roto i te niuniu paraparau. Ha’api’ipi’i ma te fa’a’ohipara’a i te mau nīno’a ’a pāpa’i ai ’oe i te parau poro’i i te hō’ē hoa.

4. ’A feruri ’e ’a parau nō ni’a i te mau nīno’a. E aha tā ’oe e ’ite ra nō ni’a i te huru o te ’ohipara’a te reo peretāne ? Nāhea te reo peretāne e riro ai mai tō ’oe reo ? Nāhea te reo peretāne e ta’a ’ē ai i tō ’oe reo ? Nāhea ’oe ’ia fa’a’ohipa i te hō’ē nīno’a o te hō’ē ha’api’ira’a i roto i te hō’ē tupura’a ta’a ’ē ?

5. Fa’a’ohipa i te tahi atu ā mau mātēria. E nehenehe te mau buka arata’i reo, te mau fa’aaura’a roro uira, te mau tahua itenati, ’e te tahi atu mau ta’ata ha’api’i mai e tauturu ia ’oe ’ia ha’api’i mai hau atu nō ni’a i te mau nīno’a o te arata’ireo peretāne.

6. ’A ara mai i te mau nīno’a. ’A mā’imi ’e ’a fa’aro’o i te mau nīno’a ’o tā ’oe e ha’api’i mai ’ia tai’o ana’e ’oe ’aore rā ’ia fa’aro’o ’o i te reo peretāne.

Practice Daily

’A fa’a’ohipa i te mau mahana ato’a

1. ’A ha’amau ’ei ’ohipa mātarohia. ’A fa’anaho te taime ’e te vāhi ’oe e ’imi maita’i ai i te mau mahana ato’a ’e ’a rave i te reira. Nō te tauturu ia ’oe ’ia ha’amana’o noa, ’a pāpa’i i tā ’oe ’ōpuara’a i roto i te hō’ē fa’ahitira’a parau « te taime ». ’Ei hi’ora’a, « ’Ia anae au, e vau ». Teie te tahi mau hi’ora’a : « ’Ia haere ana’e au nā ni’a te pere’o’o uta ta’ata, e hi’o fa’ahou vau i te pu’e ta’o ». ; « ’Ia fa’aineine ana’e au i te mā’a o te pō, e fa’ata’a vau e aha tā’u e rave ra nā roto i te reo peretāne ». ; ’e « ’Ia pure ana’e au, e parau vau i te mau mea ato’a tā’u e nehenehe nā roto i te reo peretāne ».

2. ’A rave i te mau ’ohipara’a o te mau mahana ato’a nā roto i te reo peretāne. ’A ’ite mai i te mau rāve’a nō te mono i tō ’oe reo tumu nā roto i te reo peretāne, i roto i tā ’oe mau ’ohipara’a i te mau mahana ato’a. ’Ei hi’ora’a, ’ia fa’aro’o ana’e ’oe i te pehe, ’a fa’aro’o nā roto i te reo peretāne. Te tahi atu mau mana’o : ’a māta’ita’i i te mau hōho’a teata nā roto i te reo peretāne ’aore rā ma te pāpa’i i raro nā roto i te reo peretāne, ’a taui i te mau paramētera o tā ’oe niuniu ’āfa’ifa’i nā roto i te reo peretāne, ’e ’a tai’o i te mau pāpa’ira’a mo’a nā roto i te reo peretāne.

3. Tai’o. ’A tai’o rahi atu ā i te mau mea ato’a e ti’a ia ’oe, nā roto i te reo peretāne. ’A tai’o i te mau pāpa’ira’a mo’a, te mau a’ora’a o te ’āmuira’a rahi, te mau ve’a, te mau ra’ita’i, te mau parau ’āpī, ’e te tahi atu mau ha’amāramaramara’a nā roto i te reo peretāne.

4. Fa’aro’o. ’A fa’aro’o rahi atu ā i te mau mea ato’a e ti’a ia ’oe. ’A fa’aro’o i te mau podcasts [rāve’a fa’aro’o tari’a], te mau pāpa’ira’a mo’a, te mau a’ora’a, te mau fa’anahora’a, te mau video, te mau hōho’a ’āfata teata, ’aore rā te mau hōho’a teata.

5. Parau. ’A ’ite mai te mau hoa, te mau melo o te ’utuāfare, ’e te mau hoa ’ohipa ’e ’a ha’api’ipi’i i te paraparau ’e rātou. ’A fa’a’ite e aha tā ’oe i ha’api’i mai ’e i rave nō te ha’api’ipi’i i te reo peretāne. ’A ha’amau i te hō’ē pupu ’āparaura’a ’e ’a hāpono ia rātou i te mau nota reo.

6. Pāpa’i. ’A ’ite mai i te mau rāve’a nō te pāpa’i nā roto i te reo peretāne. ’A ha’amata i te pāpa’i i te hō’ē buka ’ā’amu i te mau mahana ato’a ’aore rā ’a ha’amau i te hō’ē pupu ’āparaura’a. ’A fa’a’ohipa i te mau pereota ’e te pu’e ta’o tā ’oe i ’apo mai.

7. Rave fa’aoti i te mau ’ohipara’a o te ha’api’ira’a. ’A rave i te mau ’ohipara’a ’e te mau fa’aaura’a parau o te ha’api’ira’a nā ni’a te natirara i te englishconnect.org ’aore rā i roto te Buka ’ohipa EnglishConnect.