Lesson 1

Introductory Lesson

Welcome sa EnglishConnect! Masaya kami na narito ka. Tayo ay isang grupo ng mga tao na naghahangad na palawakin ang ating mga oportunidad sa pamamagitan ng pag-aaral ng Ingles. Maaaring iba’t iba ang ating pinagmulan, nagsasalita tayo ng iba’t ibang wika, at may iba’t ibang antas ng kakayahan sa Ingles, ngunit sama-sama nating makakamtan ang ating mga mithiin.

Ang EnglishConnect ay naiiba sa karamihan ng mga programa sa pag-aaral ng Ingles. Ang EnglishConnect ay nilayong makatulong sa iyo na magkaroon ng mga kasanayan sa Ingles sa isang kapaligirang may pananampalataya, pakikisama, at paglago. Ang ibig sabihin niyan ay hindi mo ito gagawin nang mag-isa. Bawat tao sa iyong grupo sa EnglishConnect ay susuporta at maghihikayat sa isa’t isa. Nangangahulugan din ito na gagamitin mo ang mga espirituwal na alituntunin ng pagkatuto habang ikaw ay nag-aaral at natututo.

Sa lesson na ito, ituturo namin ang prosesong gagamitin mo para sa bawat lesson sa personal na pag-aaral at sa iyong conversation group.

Simulan na natin!

Conversation Group

Layunin: Matututo akong ipakilala ang aking sarili at ang iba.

Discuss the Principle of Learning: You Are a Child of God

(10–20 minutes)

Bawat lesson sa manwal na ito ay nagsisimula sa isang alituntunin ng pagkatuto. Ito ay mga espirituwal na alituntunin na makakatulong sa iyo na mapahusay ang iyong pagkatuto sa pamamagitan ng pag-aaral at pananampalataya. Sa bawat lesson, ating:

• Babasahin nang malakas ang alituntunin ng pagkatuto.

• Tatalakayin ang mga tanong.

Ikaw ay Anak ng Diyos

Alam mo ba na ang isa sa mga pinakamahalagang bagay na magagawa mo para makamtan ang isang mithiin ay ang magtuon sa mga paniniwala mo tungkol sa iyong sarili? Ang mga paniniwala mo tungkol sa iyong kakayahan ay magkakaroon ng malaking epekto sa iyong mga pagsisikap at bunga nito. Maaaring nagdududa ka sa iyong mga kakayahan dahil sa dating kabiguan. Ang magandang balita ay maaari mong baguhin ang iyong mga paniniwala! Kapag binago mo ang iyong mga paniniwala tungkol sa iyong sarili, maaari mong baguhin ang iyong mga resulta. Ang kapangyarihang baguhin ang mga paniniwala mo tungkol sa iyong sarili ay nagmumula sa pag-unawa sa iyong likas na pagkatao.

Ikaw ay anak ng Diyos. Mahal ka Niya. Bilang Kanyang anak, ikaw ay may potensyal at layunin. May kakayahan kang matuto at magbago. May kakayahan kang lumago at humusay. Nais ng Diyos na tulungan kang umunlad. Nais Niyang makipagtuwang sa iyo para tulungan kang makamtan ang iyong potensyal. Ang pakikipagtuwang sa Diyos sa pag-aaral ng Ingles ay tutulong sa iyo na higit Siyang makilala. Tutulungan ka rin Niyang higit na makilala ang iyong sarili.

Maaari kang manalangin sa Diyos. Maririnig ka Niya. Maaari mo siyang hilingan na tulungan kang matuto ng Ingles. Maaari mo Siyang pasalamatan sa Kanyang mga pagpapala. Habang nagdarasal ka, bigyang-pansin ang iyong mga iniisip at nadarama. Malalaman mo na nariyan ang Diyos, mahal ka Niya, at nais Niyang tulungan ka. Mapipili mong maniwala na ikaw ay anak ng Diyos na may walang-hanggang potensyal, at na maaari mong hingin ang Kanyang tulong na matuto ng Ingles.

Ponder

• Paano nakakaimpluwensya ang pagkaalam na ikaw ay anak ng Diyos sa mga paniniwala mo tungkol sa iyong sarili?

• Paano makakatulong ang pagkaalam na ikaw ay anak ng Diyos para matuto ka ng Ingles?

Activity 1: Practice the Pattern

(10–15 minutes)

Part 1: Rebyuhin ang listahan ng bokabularyo na may kasamang partner.

Kapag nag-aral ka ng bokabularyo, magtuon sa kahulugan at pagbigkas ng bawat salita.

I/my	ako/ang aking
you/your	ikaw/ang iyong
he/his	siya/ang kanyang (lalaki)
she/her	siya/ang kanyang (babae)

no	hindi
yes	oo

name	pangalan
please	paki/pakiusap
thank you/thanks	salamat sa iyo/salamat

What is … ?	Ano ang … ?
Nice to meet you.	Masaya akong makilala ka.

Part 2: Praktisin ang pattern 1 na may kasamang partner.

Praktisin ang mga pattern na may kasamang partner. Ang iyong mithiin ay magtanong at sumagot sa mga tanong nang may tiwala at maunawaan ang sinasabi.

Magpraktis na magtanong.

Bumuo ng maraming tanong hangga’t kaya mo.

Example 1

What is your name?

Example 2

What’s his name?

Magpraktis na sumagot sa mga tanong.

Bumuo ng maraming sagot hangga’t kaya mo. Maaari mong palitan ng sarili mong mga salita ang nakasalungguhit na mga salita.

Example 1

My name is Rosa.

Example 2

His name is Niko.

Magpraktis na makipag-usap gamit ang mga pattern.

Magtanong at sumagot sa mga tanong gamit ang mga pattern.

Questions

Answers

Example

• A: Hi! What is your name?

• B: Hello! My name is .

• A: Nice to meet you.

• B: What’s your name?

• A: My name is .

• B: Nice to meet you.

• A: What’s her name?

• B: Her name is Rosa.

Activity 2: Create Your Own Sentences

(5–10 minutes)

Ang layunin ng aktibidad na ito ay para gamitin mo ang mga pattern at bokabularyo sa pagbuo ng sarili mong mga pangungusap.

Tingnan ang mga larawan. Magtanong at sumagot sa mga tanong tungkol sa pangalan ng bawat tao. Magsalitan.

Example: Talia

• A: What’s her name?

• B: Her name is Talia.

Marco

Nat

Mari

Jean

Sam

Activity 3: Create Your Own Conversations

(10–15 minutes)

Ang layunin ng aktibidad na ito ay para makipag-usap sa Ingles.

Part 1

Kilalanin ang iyong grupo. Itanong ang pangalan ng bawat mag-aaral sa iyong grupo. Maging malikhain. Gumamit ng maraming salitang alam mo.

Example

• A: Hi, what’s your name?

• B: My name is Mei. What is your name?

• A: My name is Sione. Nice to meet you.

• B: Nice to meet you. Goodbye.

• A: Bye!

Part 2

Humanap ng isang partner at ipakilala ang partner mo sa iyong grupo.

Example

• A: Hi, what’s her name?

• B: Her name is Luna. What is his name?

• A: His name is Seth.

Evaluate

(5–10 minutes)

Ikaw ay anak ng Diyos at may walang hanggang potensyal na matuto at lumago. Maaari mong pag-aralan kung paano maging mas mahusay sa pamamagitan ng mapanalanging pagsusuri sa iyong ginagawa at pagsisikap. Pagkatapos ng bawat lesson, suriin ang iyong pag-unlad sa pagsasakatuparan ng bawat layunin. Pagkatapos, suriin ang iyong pagsisikap sa pamamagitan ng paggamit ng iyong “Tracker sa Personal na Pag-aaral” at pagpili ng isang paraan para mas humusay bago ang susunod na lesson.

I-evaluate ang iyong pag-unlad sa mga layunin at sa mga pagsisikap mong magpraktis ng Ingles araw-araw.

Evaluate Your Progress

I can:

• Say my name and others’ names.

  Sabihin ang pangalan ko at ng iba.

  

• Say hello and goodbye.

  Sabihin ang hello at paalam.

  

• Understand how EnglishConnect can help me learn English.

  Unawain kung paano ako matutulungan ng EnglishConnect na matuto ng Ingles.

  

Evaluate Your Efforts

I-evaluate ang iyong mga pagsisikap na:

1. Pag-aralan ang alituntunin ng pagkatuto.

2. Isaulo ang bokabularyo.

3. Praktisin ang mga pattern.

4. Magpraktis araw-araw.

Magtakda ng mithiin. Isaalang-alang ang mga mungkahi sa pag-aaral sa “Tracker sa Personal na Pag-aaral.”

Ibahagi ang iyong mithiin sa isang partner.

Paghahanda para sa Susunod na Lesson

(5 minutes)

Laging nariyan ang Diyos para suportahan tayo. Inaasahan din ng Diyos na gagawin natin ang ating makakaya. Makikinabang ka mula sa bawat pagsisikap na maghanda para sa lesson. Narito ang tatlong bagay na gagawin para sa bawat lesson bago dumalo sa inyong conversation group:

• Pag-aralan ang alituntunin ng pagkatuto.

• Isaulo ang bokabularyo.

• Praktisin ang mga pattern.

Matatagpuan mo ang tatlong bagay na ito sa bahaging “Personal na Pag-aaral” sa simula ng bawat lesson. Tandaang mag-aral at magpraktis araw-araw.

Act in Faith to Practice English Daily

Sa pagtatapos ng bawat lesson, may bahaging “Kumilos nang may Pananampalataya na Magpraktis ng Ingles Araw-araw.” Gumugol ng isang minuto na basahin nang malakas ang sipi sa iyong grupo.

“Bawat isa sa atin ay may banal na potensyal dahil bawat isa ay anak ng Diyos. Lahat ay pantay-pantay sa Kanyang paningin. Malawak ang implikasyon ng katotohanang ito” (Russell M. Nelson, “Hayaang Manaig ang Diyos,” Liahona, Nob. 2020, 94).