“ບົດຮຽນທີ 9: ເສື້ອຜ້າ ແລະ ສີ,” EnglishConnect 1 ສຳລັບຜູ້ຮຽນ (2022)

“ບົດຮຽນທີ 9,” EnglishConnect 1 ສຳລັບຜູ້ຮຽນ

Lesson 9

Clothing and Colors

ຈຸດປະສົງ: ຂ້ອຍຈະຮຽນບັນຍາຍສິ່ງທີ່ຄົນອື່ນນຸ່ງຖື.

Personal Study

ກຽມຕົວສຳລັບກຸ່ມສົນທະນາຂອງທ່ານ ໂດຍການເຮັດກິດຈະກຳ A ເຖິງ E.

Study the Principle of Learning: Counsel with the Lord

ປຶກສາກັບພຣະຜູ້ເປັນເຈົ້າ

I improve my learning by counseling with God daily about my efforts.

ເຮົາພັດທະນາການຮຽນຮູ້ຂອງເຮົາ ໂດຍການປຶກສາກັບພຣະເຈົ້າທຸກວັນກ່ຽວກັບຄວາມພະຍາຍາມຂອງເຮົາ.

ການຮຽນຮູ້ເປັນຂະບວນການທີ່ເກີດຂຶ້ນເມື່ອເວລາຜ່ານໄປ. ພຣະເຈົ້າ ຕ້ອງການຊ່ວຍໃຫ້ທ່ານຮຽນຮູ້ ແລະ ເຕີບໂຕ. ພຣະອົງຕ້ອງການຊ່ວຍໃຫ້ທ່ານຮຽນຮູ້ວິທີກ້າວໄປເທື່ອລະນ້ອຍ ເພື່ອເຮັດສິ່ງທີ່ຍິ່ງໃຫຍ່ໃຫ້ສຳເລັດ. ພຣະຄຳພີມໍມອນ ບອກເຖິງຊາຍທີ່ມີ ສັດທາ ອັນແຮງກ້າຄົນໜຶ່ງຊື່ ແອວມາ. ເພິ່ນເປັນ ສາດສະດາ ຂອງພຣະເຈົ້າ ແລະ ເປັນຜູ້ນຳປະເທດຂອງເພິ່ນ. ແອວມາໄດ້ສິດສອນວ່າ:

“ໂດຍເລື່ອງເລັກນ້ອຍ ແລະ ງ່າຍໆຈະນຳເລື່ອງໃຫຍ່ມາ. … ຈົ່ງປຶກສານຳພຣະຜູ້ເປັນເຈົ້າໃນການກະທຳທັງໝົດຂອງລູກ, ແລະ ພຣະອົງຈະຊີ້ທາງໃຫ້ລູກເພື່ອຄວາມດີ” (ແອວມາ 37:6, 37).

ພຣະເຈົ້າເຮັດວຽກຜ່ານທາງວິທີນ້ອຍໆ ແລະ ງ່າຍໆ. ການກະທຳເລັກນ້ອຍສາມາດເກີດຜົນອັນຍິ່ງໃຫຍ່ໄດ້ ເມື່ອເວລາຜ່ານໄປ. ເຮົາ ອະທິຖານ ຫາພຣະບິດາເທິງສະຫວັນຂອງເຮົາໃນພຣະນາມຂອງພຣະບຸດຂອງພຣະອົງ, ພຣະເຢຊູຄຣິດ. ຜ່ານທາງການອະທິຖານ ແລະ ການສຶກສາພຣະຄຳພີ, ທ່ານສາມາດປຶກສາກັບພຣະຜູ້ເປັນເຈົ້າໄດ້. ພຣະອົງສາມາດຊ່ວຍໃຫ້ທ່ານເລືອກວິທີເລັກນ້ອຍ ແລະ ງ່າຍໆ ເພື່ອພັດທະນາ. ທ່ານຕ້ອງການປັບປຸງຄວາມເຂົ້າໃຈໃນການຟັງຂອງທ່ານຫລືບໍ່? ເມື່ອທ່ານປຶກສາກັບພຣະເຈົ້າໃນການອະທິຖານ, ທ່ານອາດຕັດສິນໃຈໃຊ້ເວລາ 10 ນາທີຕໍ່ວັນ ເພື່ອຝຶກພາສາອັງກິດກັບເພື່ອນ. ທ່ານມີບັນຫາໃນການຈື່ຈຳຄຳສັບໃໝ່ໆຫລືບໍ່? ເມື່ອທ່ານປຶກສາກັບພຣະເຈົ້າ, ທ່ານອາດຕັດສິນໃຈທົບທວນຄຳສັບຂະນະທີ່ຂີ່ລົດເມ. ຄວາມພະຍາຍາມຢ່າງສະໝ່ຳສະເໝີຂອງທ່ານຈະນຳ “ເລື່ອງໃຫຍ່” ມາ ຂະນະທີ່ທ່ານຮຽນພາສາອັງກິດ.

ເດັກຊາຍ ແລະ ຍິງກຳລັງອະທິຖານຢູ່ເທິງຕຽງນອນ

Ponder

ວັດທະນະທຳຂອງທ່ານມີຄຳເວົ້າທີ່ຄ້າຍຄືກັບ “ເລື່ອງເລັກນ້ອຍ ແລະ ງ່າຍໆ” ບໍ?
ທ່ານຈະສາມາດປຶກສາກັບພຣະເຈົ້າກ່ຽວກັບຄວາມພະຍາຍາມຂອງທ່ານໄດ້ແນວໃດ?
ສິ່ງເລັກນ້ອຍທີ່ທ່ານສາມາດເຮັດໄດ້ທຸກວັນເພື່ອຮຽນພາສາອັງກິດຄືຫຍັງ?

Memorize Vocabulary

ຮຽນຮູ້ຄວາມໝາຍ ແລະ ການອອກສຽງຂອງແຕ່ລະຄຳສັບ ກ່ອນກຸ່ມສົນທະນາຂອງທ່ານ. ພະຍາຍາມນຳໃຊ້ຄຳສັບໃນຊີວິດຂອງທ່ານ. ຄິດກ່ຽວກັບວ່າ ທ່ານສາມາດໃຊ້ຄຳສັບເຫລົ່ານີ້ເມື່ອໃດ ແລະ ຢູ່ໃສ.

I’m	ຂ້ອຍກຳລັງ
he’s	ລາວກຳລັງ
she’s	ລາວກຳລັງ
they’re	ພວກເຂົາກຳລັງ

wearing	ນຸ່ງ
looking for	ຊອກຫາ

this/these	ນີ້/ເຫລົ່ານີ້
that/those	ນັ້ນ/ເຫລົ່ານັ້ນ

clothing	ເສື້ອຜ້າ
color/colors	ສີ

Nouns

coat/coats	ເສື້ອໃຫຍ່
dress/dresses	ກະໂປ່ງ
pants	ໂສ້ງ
shirt/shirts	ເສື້ອ
shoe/shoes	ເກີບ
skirt/skirts	ສະເກິດ
sweater/sweaters	ເສື້ອກັນໜາວ

Adjectives

orange	ສີສົ້ມ
purple	ສີມ່ວງ
yellow	ສີເຫລືອງ

ເບິ່ງ ບົດຮຽນທີ 7 ສຳລັບ colors ເພີ່ມເຕີມ.

Practice Pattern 1

ຝຶກໃຊ້ແບບແຜນຈົນກວ່າທ່ານຈະສາມາດຖາມ ແລະ ຕອບຄຳຖາມໄດ້ຢ່າງໝັ້ນໃຈ. ທ່ານສາມາດແທນຄຳສັບທີ່ຂີດກ້ອງ ດ້ວຍຄຳສັບຢູ່ໃນພາກ “Memorize Vocabulary”.

Q: What are you wearing?A: I’m wearing a (adjective) (noun).

ຄຳຕອບຂອງແບບແຜນທີ 1 ຂ້ອຍກຳລັງນຸ່ງ ຄຳຄຸນນາມ ຄຳນາມ

Examples

Q: What is he wearing?A: He’s wearing a red shirt.

Q: What is she wearing?A: She’s wearing an orange skirt.

Q: What are they looking for?A: They’re looking for black shoes.

Practice Pattern 2

ຝຶກໃຊ້ແບບແຜນຈົນກວ່າທ່ານຈະສາມາດຖາມ ແລະ ຕອບຄຳຖາມໄດ້ຢ່າງໝັ້ນໃຈ.

Q: Do you like this (adjective) (noun)?A: Yes, I like that (adjective) (noun).

ຄຳຖາມຂອງແບບແຜນທີ 2 ເຈົ້າມັກ ຄຳຄຸນນາມ ຄຳນາມ ນີ້ບໍ

ຄຳຕອບຂອງແບບແຜນທີ 2 ແມ່ນ, ຂ້ອຍມັກ ຄຳຄຸນນາມ ຄຳນາມ ນັ້ນ

Examples

Q: Do you like this green sweater?A: No, I don’t like that green sweater.

Q: Do you like these red shoes?A: Yes, I like those shoes.

Use the Patterns

ຂຽນຄຳຖາມສີ່ຂໍ້ທີ່ທ່ານສາມາດຖາມຄົນໃດຄົນໜຶ່ງ. ຂຽນຄຳຕອບສຳລັບຄຳຖາມແຕ່ລະຂໍ້. ອ່ານມັນອອກສຽງ.

Additional Activities

ເຮັດກິດຈະກຳບົດຮຽນ ແລະ ການປະເມີນທາງອອນລາຍໃຫ້ສຳເລັດທີ່ englishconnect.org/learner/resources ຫລື ໃນ ປຶ້ມບົດຝຶກຫັດ EnglishConnect 1.

Act in Faith to Practice English Daily

ສືບຕໍ່ຝຶກພາສາອັງກິດທຸກວັນ. ໃຊ້ “ລະບົບການຕິດຕາມການສຶກສາສ່ວນຕົວ” ຂອງທ່ານ. ທົບທວນເປົ້າໝາຍການສຶກສາຂອງທ່ານ ແລະ ປະເມີນຄວາມພະຍາຍາມຂອງທ່ານ.

Conversation Group

Activity 1: Practice the Patterns

(10–15 minutes)

ທົບທວນລາຍການຄຳສັບກັບຄູ່.

ຝຶກແບບແຜນທີ 1 ກັບຄູ່:

ຝຶກຖາມຄຳຖາມ.
ຝຶກຕອບຄຳຖາມ.
ຝຶກການສົນທະນາໂດຍໃຊ້ແບບແຜນ.

ເຮັດຊ້ຳຄືນສຳລັບແບບແຜນທີ 2.

Activity 2: Create Your Own Sentences

(10–15 minutes)

New Vocabulary

belt/belts	ສາຍແອວ
sock/socks	ຖົງຕີນ
suit/suits	ເສື້ອຊຸດ
tie/ties	ກາລະວັດ

Part 1

ຖາມ ແລະ ຕອບຄຳຖາມກ່ຽວກັບເສື້ອຜ້າຂອງທ່ານ. ປ່ຽນຜຽນກັນ. ປ່ຽນຄູ່ ແລະ ຝຶກອີກຄັ້ງ.

Example

A: What are you wearing?
B: I’m wearing blue pants, a white shirt, yellow socks, and red shoes.

Part 2

ເບິ່ງຮູບພາບ. ຖາມ ແລະ ຕອບຄຳຖາມກ່ຽວກັບເສື້ອຜ້າຂອງແຕ່ລະຄົນ. ເວົ້າໃຫ້ຫລາຍທີ່ສຸດເທົ່າທີ່ທ່ານຈະສາມາດເຮັດໄດ້. ປ່ຽນຜຽນກັນ. ປ່ຽນຄູ່ ແລະ ຝຶກອີກຄັ້ງ.

Example: Eliana

ຜູ້ຍິງຖືຖ້ວຍລາງວັນ ໃສ່ເສື້ອສີຂີ້ເທົ່າ ແລະ ໂສ້ງສີດຳ

A: What is Eliana wearing?
B: She’s wearing a gray shirt and black pants.

ເດັກຊາຍໃສ່ໂສ້ງຂາສັ້ນສີຟ້າ ແລະ ເສື້ອສີເຫລືອງ ກຳລັງຫລິ້ນຟຸດບອນ (ບານເຕະ)

ເດັກຍິງໃສ່ເສື້ອສີດຳ, ໂສ້ງຂາສັ້ນສີດຳ, ຖົງຕີນສີດຳ, ແລະ ເກີບສີເຫລືອງ ກຳລັງຫລິ້ນຟຸດບອນ (ບານເຕະ)

Activity 3: Create Your Own Conversations

(15–20 minutes)

ຫລິ້ນລະຄອນກ້ອມ. ຄູ່ ກ ເຮັດວຽກຢູ່ຮ້ານຂາຍເສື້ອຜ້າ. ຄູ່ ຂ ກຳລັງເລາະຊື້ເສື້ອຜ້າ ແລະ ເກີບ. ຖາມ ແລະ ຕອບຄຳຖາມກ່ຽວກັບສິ່ງຂອງຢູ່ໃນແຕ່ລະຮູບພາບ. ປ່ຽນບົດບາດ. ປ່ຽນຄູ່ ແລະ ຝຶກອີກຄັ້ງ.

Example

A: What are you looking for?
B: I’m looking for shoes.
A: Do you like these brown shoes?
B: No, I don’t like those brown shoes.

ສີໜ້າເປັນກາງ, ສີໜ້າພໍໃຈ, ແລະ ສີໜ້າມີຄວາມສຸກ

Act in Faith to Practice English Daily

“ເຮົາສາມາດອະທິຖານຫາພຣະບິດາເທິງສະຫວັນ ແລະ ຮັບການນຳພາ ແລະ ການຊີ້ນຳ … ແລະ ຊ່ວຍເຮົາໃຫ້ບັນລຸສິ່ງທີ່ເຮົາບໍ່ສາມາດເຮັດໄດ້ດ້ວຍຕົວເອງ. …

“ອະທິຖານ … ແລະ ແລ້ວຟັງ! ໃຫ້ຂຽນແນວຄິດທີ່ມາສູ່ຈິດໃຈຂອງທ່ານໄວ້. ບັນທຶກຄວາມຮູ້ສຶກຂອງທ່ານ ແລະ ເຮັດຕາມການກະຕຸ້ນທີ່ທ່ານໄດ້ຮັບ” (Russell M. Nelson, “Revelation for the Church, Revelation for Our Lives,” Liahona, May 2018, 94–95).