Appendix

Principles of Learning Glossary

Pedped in Ekkatak ko ilo Glossary

Agency

Anemkwoj: Āinwōtro nejin Anij, ewōr ad anemkwoj, ak kajoor, n̄an kōm̧m̧ani kālet ko ad make. Jemaron̄ kālet ta eo jej tōmak e, ta eo jej kōm̧m̧ane, im wōn ro jej erom̧.

“Anemkwoj ej maron̄ im jeraam̧m̧an eo Anij ej letok n̄an kōj n̄an kālet im n̄an m̧akūtkūt n̄an kōj make” (Gospel Topics, “Agency and Accountability,” ChurchofJesusChrist.org).

“Kōnke Ej iakwe eok, Anij ekar lewaj anemkwoj, ak anemkwoj n̄an kōm̧m̧an jokālet ko. Anemkwoj eo am̧ ej kōmaron̄ am̧ kōm̧m̧ani kālet ko am̧ rem̧m̧an me rej tōlļo̧k n̄an m̧ōņōņō; ebarāinwōt ej kōm̧m̧an am̧ bōk eddo kōn kālet ko renana, ko rej tōl n̄an jorrāān ak aaet jab m̧ōņōņō. Anij ej jamin bōk koņaan ilo kālet ko am̧; Enaaj kōtļo̧k am̧ peek n̄an kwe make im n̄an ekkatak jān jem̧ļok ko an kālet ko ad. Aaet Ej letok jipan̄ eo eļap n̄an anjo̧ jān bōd ko im jerawiwi ko—kajoor in lo̧mo̧o̧r eo an Jisōs Kraist. Jekdo̧o̧n ta ewi jon̄an nana in jekjek eo am̧ emaron̄ erom̧ ak jet alen kālet ko am̧ rebōd kwaar kōm̧m̧ani, aolep iien komaron̄ kālet n̄an oktak im pukot aenōm̧m̧an kōn Jisōs Kraist” (“God Is There for You,” ComeuntoChrist.org).

Agent

Rianemkwōjl: Rianemkwōj ej juon armej eo ewōr an maron̄ ak kajoor n̄an m̧akūtkūt n̄an er make. Āinwōt ro nejin Anij, ewōr ad anemkwoj, ak kajoor, n̄an kōm̧m̧ani kālet ko ad make. Jemaron̄ kālet ta eo jej tōmak e, ta eo jej kōm̧m̧ane, im wōn ro jej erom̧.

Bible

Baibōļ: “Baibōļ eo ej juon bōk ekwojarjar me ej pād naan ko an Anij ie. Kōn peij ko an, Baibōļ eo Ekwojarjar ej katakin bwe Anij ej jāmin bōjrak jān iakwe ajri ro Nejin.…Ļoore katakin ko loi ilo Baibōļ eo rej jipan̄ kōj jeļā wōn Anij … im meļeļe eļapļo̧k etke Ekōņaan bwe jen mour. …”

“Jisōs Kraist ej Nejin Anij eo ekar itok n̄an laļ in n̄an lo̧mo̧o̧ren kōj jān jerawiwi, ajimakeke, metak, im ebar lōn̄. Jisōs ekar katakin katak ko raiboojoj kōn jipan̄ im iakwe im kōm̧m̧an elōn̄ kabwilōn̄lōn̄ ke Ekar pād ioon laļ in. Ilo Baibōļ eo, jemaron̄ riiti bwebwenato kein im jino n̄an jeļā ewi wāween ad anjo̧ ioon men ko reppen kōn jipan̄ jān Jisōs” (“What Is the Holy Bible?,” ComeuntoChrist.org).

Book of Mormon

Bok in Mormon: “Bok in Mormon eo ekitbuuj jeje ko rekwojarjar jān rikaļoor ro an Jisōs. Āinwōt an Anij kar kōnono n̄an Moses im Noa ilo Babōļ, Ej barāinwōt kōnono n̄an armej ro ilo Amedka. Em̧m̧aan rein, ņaetaer rikanaan ro, rekar jeje naan ko an Anij. Jeje ko aer rekar kobaik n̄an juon bok jān juon rikanaan etan Mormon. …

“Bok in Mormon eo ej kam̧ool eo bwe Anij ej iakwe aolep ajri ro Nejin im ej bōk koņaan ilo mour ko aer. Ej jerbal āinwōt juon kam̧ool n̄an m̧ool ko ilo Baibōļ eo im n̄an m̧ool eo im katak ko an Jisōs Kraist” (“What Is the Book of Mormon?,” ComeuntoChrist.org).

Doctrine and Covenants

Katak im Bujen Ko: “Katak im Bujen ko ej juon bok in jeje ko rekwojarjar ekitbuuj revelesōn ko jān Irooj n̄an Rikanaan Josep Smith im n̄an rikanaan ro jet ilo raan ko āliktata. Ej jeje ko rekwojarjar ejenoļok kōnke ejjab juon ukook jān bok ko etto.

“Katak im Bujen Ko ej juon iaan bok ko emān in jeje ko rekwojarjar kōjerbale ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (bok ko jilu jet rej Baibōļ eo, Bok in Mormon eo, im Bōōr Eo Eļap Wōņāān)” (Gospel Topics, “Katak im Bujen Ko,” ChurchofJesusChrist.org).

Faith

Tōmak: “Tōmak ej juon pedped in m̧akūtkūt im kajoor. Jabdewōt iien jej jerbal m̧ae juon kōttōbar erreo, jej kōjerbal tōmak. Jej kwaļo̧k ad kōjatdikdik kōn juon men eo me jekar jab loe kōn mejād. …”

“Tōmak ilo Jisōs Kraist ej meļeļein pedped ioon E—lōke ilo kajoor eo An ejjeļo̧k eļap, māletlet, im iakwe. Ekoba tōmak ilo katak ko An. Ej meļeļein tōmak men̄e jejjab meļeļe aolep men, E emeļeļe kaki. Kōnke E ekar tōpar aolepān metak ko ad, en̄taan ko, m̧ōjņo̧ ko, E ejeļā wāween jipan̄ kōj eļļā ioon men ko reppen rej waļok n̄an kōj aolep raan. … (lale Alma 7:11–12; Katak im Bujen Ko 122:8).”

“Tōmak eļapļo̧k jān ļōmnake kake wōt. Jej kwaļo̧k ad tōmak ilo wāween ad m̧akūtkūt—jān wāween ad mour. …”

“Tōmak ej juon menin letok jān Anij, bōtaab jej aikuj kappukōte im jerbale n̄an kōkajoore wōt. Tōmak ej āinwōt juon majōļ. Eļan̄n̄e jej kōmmourur i, ej eddōkļo̧k ilo kajoor. Eļan̄n̄e jej jab kōm̧akūtkūti, ej jino m̧ōjņo̧” (Gospel Topics, “Faith in Jesus Christ,” ChurchofJesusChrist.org).

God/Heavenly Father

Anij/Jemedwōj Ilan̄: “Anij Jemed ej Armej eo Ekajoor eo me jej tōmak e, jej kabun̄jar n̄an e, im armej eo jej jar n̄an e. E ej Rikōm̧anm̧an eo Eļap, Rikien, im Rikōjparok men otemjej. E ewāppen, epād aolep kajoor Ippān, im jeļā men otemjej” (Gospel Topics, “God the Father,” ChurchofJesusChrist.org).

“Anij ej Jemed ilo Lan̄ ej iakwe. … E ej Jemen jetōb ko [ad]. … [Jemedwōj Ilan̄] ewāppen an iakwe aolep ro Nejin, ekoba kwe . … Ekōņaan kōm̧m̧ane juon jem̧jerā ippem” (“God’s Love,” ComeuntoChrist.org).

Ilo jeje ko rekwojarjar, naan eo Anij ej emakjijkij kōjerbale n̄an kōnono kōn Jemedwōj Ilan̄ ak Jisōs Kraist kōnke rej koba ilo juon wot ilo kōttōpar Jej jar n̄an Jemedwōj Ilan̄.

Holy Spirit

Jetōb Kwojarjar: “Jetōb Kwojarjar, ak Jetōb Kwojarjar, eo ej juon rikam̧ool an Anij im Jisōs Kraist. … Jetōb Kwojarjar eo ej letok n̄an kōj kaenōm̧m̧an, jipan̄ kōj kile m̧ool eo, im kam̧ool kōn Jisōs. … Juon iaan wāween ko Anij ej kōnono ippād ej kōn Jetōb Kwojarjar eo Jetōb Kwojarjar eo ej kōnono n̄an kōļmenļo̧kjeņ ko ad im n̄an būruwōd kōn ļōmņak ko im en̄jake ko” (“The Holy Spirit,” ComeuntoChrist.org).

Jesus Christ

Jisōs Kraist: “Jisōs ej Rilo̧mo̧o̧r eo an laļ im ad waanjon̄ak ewāppen. Ilo ad ļoor E, jej loe eļapļo̧k aenōm̧m̧an im mōnōņō. …”

“Jisōs Kraist ej Nejin Anij. Jemedwōj Ilan̄ ar jilkintok Nejin, Jisōs Kraist, bwe eddoiki jerawiwi ko an aolep ro renaaj pād ioon laļ in bwe jen maron̄ jeorlok bōd ko ad. …”

“Jisōs ekar mour juon mour ewāppen n̄an ba kajjen iaļ eo ļo̧k n̄an ippān Jemedwōj Ilan̄ …”

“Jisōs eaar en̄taan im mej kōn jerawiwi ko ad. Mijen eo an Jisōs ilo itok n̄an laļ in ekar lo̧mo̧o̧ren kōj jān jerawiwi ko ad Ekar m̧ōņōņō in en̄taan im katok kōn E make n̄an kōļļā wōņāān bōd ko ad bwe jen maron̄ ukweļo̧k im bōk jeorļo̧k bōd. …”

“Jisōs ar jerkakpeje bwe jen maroñ bar mour. Jilu raan ālkin mej eo An, Jisōs ekar jerkak jān lōb eo an im waļo̧kļo̧k n̄an elōn̄ ro m̧ōttan im rikaļoor ro An. E eo jinotata n̄an jerkakpeje, meļeļein bwe Jetōb eo An ekar bar koba ippen Ānbwinnin ewāppen ālkin an mej. Kōnke Jisōs ekar anjo̧ jān mej, jenaaj aolep jerkakpeje juon raan” (“Following Jesus Christ, Our Perfect Example,” ComeuntoChrist.org).

Prayer

Jar: Jar ej “juon ekōnono ilo kautiej ippān Anij eo me juon armej ej leļo̧k kam̧m̧oolol im kajjitōk kōn kōjeraam̧m̧an ko. Jar ko rej n̄an Jemedwōj Ilan̄ ilo etan Jisōs Kraist” (Guide to the Scriptures, “Prayer,” ChurchofJesusChrist.org).

“Anij ej Jemam ilan̄ eo ej iakwe, im E ej kōņaan ron̄ jān kwe” (“How to Pray,” ComeuntoChrist.org).

Prophet

Rikanaan: “Juon rikanaan ej juon armej eo ekar kūr jān Anij n̄an letok tōl n̄an aolepān laļ in. Jān Ebream n̄an Moses n̄an rikanaan ro rej mour rainin, Anij ej ļoore juon jon̄ak in tōl ajri ro Nejin kōn rikanaan ro” (“God Speaks to Us through Prophets,” ComeuntoChrist.org).

Savior

Rilo̧mo̧o̧r: “Juon eo ej lo̧mo̧o̧r. … ‘Rilo̧mo̧o̧r ej juon et im taitōl an Jisōs Kraist” (Guide to Scriptures, “Savior,” ChurchofJesusChrist.org).

Jisōs Kraist ej Rilo̧mo̧o̧r eo ad kōnke Ekar letok mour eo An im kar jerkakpeje bwe jen maron̄ anjo̧ jān jekjek ko an jerawiwi im mej im mour bar juon alen ippān Anij.

“Jisōs eaar en̄taan im mej kōn jerawiwi ko ad. Mijen eo an Jisōs ekar itok n̄an laļ im ekar lo̧mo̧o̧ren kōj jān jerawiwi ko ad Ekar m̧ōņōņō in en̄taan im katok kōn E make n̄an kōļļā wōņāān bōd ko ad bwe jen maron̄ ukweļo̧k im bōk jeorļo̧k bōd. …”

“Jisōs ar jerkakpeje bwe jen maroñ bar mour. Jilu raan ālkin mej eo An, Jisōs ekar jerkak jān lōb eo an im waļo̧kļo̧k n̄an elōn̄ ro m̧ōttan im rikaļoor ro An. Eeo jinotata ekar jerkakpeje, meļeļein bwe Jetōb eo An ekar bar koba ippen Ānbwinnin ewāppen ālkin an mej. Kōnke Jisōs ekar anjo̧ jān mej, jenaaj aolep jerkakpeje juon raan” (“Following Jesus Christ, Our Perfect Example,” ComeuntoChrist.org).

Scripture

Jeje ko Rekwojarjar: “N̄e em̧m̧aan ro rekwojarjar an Anij rej jeje ak kōnono jān kajoor eo an Jetōb Kwōjarjar, naan ko aer renaaj erom̧ jeje ekwōjarjar, enaaj ankilaan Irooj, naaj ļōmņak eo an Irooj, naaj naan eo an Irooj, naaj ainikien Irooj, im kajoor eo an Anij n̄an lo̧mo̧o̧r.…’ (Katak im Bujen Ko 68:4). …

“Unleplep in pedped in katak ko an jeje ko rekwojarjar ej n̄an kam̧ool kōn Kraist im n̄an tōl ajri ro nejin Anij bwe ren maron̄ itok n̄an E im bōk mour indeeo (lale Jon 5:39; 20:31; 1 Nipai 6:4; Mosaia 13:33–35)” (Gospel Topics, “Scriptures,” ChurchofJesusChrist.org).