Faatulagaina o se Nofoaga e Faapotopoto ai TNM

O Le A le Nofoaga e Faapotopoto ai TNM?

O se nofoaga e faapotopoto ai talavou nofofua matutua (TNM) o se nofoaga atofaina (i se falelotu po o se fale o le inisitituti o loo i ai nei) mo TNM ma a latou uo e faapotopoto ai ma auai i gaoioiga lelei ma aafiaga o le a latou latalata atili ai i le tasi ma le isi ma i le Atua. O faatulagaga faataitai nei o loo faaalia ai ituaiga o gaoioiga e mafai ona avea ma se vaega o le aafiaga o le nofoaga e faapotopoto ai.

Faatulagaga Faataitai 1

Ata

Faataitaiga o le faatulagaga o nofoaga e faapotopoto ai TNM 1

Faatulagaga Faataitai 2

Ata

Faataitaiga o le faatulagaga o nofoaga e faapotopoto ai TNM 2

Ata

tamaitai o loo talanoa

Manatu mo le Amataina

Su’eina o se Fale

Fuafua po o a manaoga i le lotoifale ona faailoa lea o fale o inisitituti po o falelotu o le a fetaui ma na manaoga. E tatau ona i ai se avanoa atofaina o le fale e lava le telē mo TNM e faapotopoto ai mo vasega ma gaoioiga. O nofoaga uma e faapotopoto ai e tatau ona faamaonia e le Au Peresitene o le Eria.
Faatulagaina o le taitaiga

Faatulaga le taitaiga ina ia pulea lelei ai punaoa. E faaaoga e se peresitene o le siteki lana komiti o le TNM a le siteki (tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 14.1.1.2, ChurchofJesusChrist.org; “O Le Komiti a Talavou Nofofua Matutua” i le Faamalosia o Talavou Nofofua Matutua [2022], Potutusi o le Talalelei) e faatautaia se nofoaga e faapotopoto ai le TNM. Mo nofoaga e faapotopoto ai e tautuaina ai siteki e tele, e mafai e lenei komiti ona aofia ai TNM ma le tele o siteki.

Ata
Pulea o nofoaga e faapotopoto ai TNM
Fuafuaina o Mea e Fiafia I Ai ma Manaoga

E fuafua e le au peresitene o le siteki ma le komiti a le TNM mea e fiafia i ai ma manaoga e mafai ona fesoasoani le nofoaga e faapotopoto ai. O se nofoaga e faapotopoto ai TNM e mafai ona aofia ai se tasi pe sili atu o mea nei, e faavae i manaoga ma punaoa i le lotoifale:
- Aoaoga faalelotu ma le aoaoina o le talalelei (e pei o vasega inisitituti, Sau, Mulimuli Mai ia te A’u vaega e suesue ai, talanoaga o le talalelei, po o faigalotu)
- Auai i gaoioiga faaagafesootai (e pei o siva; taaloga; gaoioiga o auaunaga faalevaega, e aofia ai le JustServe; gaoioiga mo le faasoaina atu o meaai, aganuu, po o taleni; ma isi mea faapena)
- Gaoioiga o malumalu ma talafaasolopito o aiga (e pei o le sailiiliga o le FamilySearch, faavasegaina i le uepi, sauniuniga mo le malumalu, po o asiasiga i le malumalu)
- Avanoa mo le ola tutoatasi ma avanoa faaleaoaoga (e pei o kosi o le ola tutoatasi po o le BYU–Pathway Worldwide)
- Gaoioiga a faifeautalai ma le aapa atu i nuu (e pei o gaoioiga faaaumea, auaunaga, po o sauniuniga mo misiona)
E le gata i lea, e mafai ona maua isi punaoa a le Ekalesia e faafetaiaia ai manaoga o TNM. Tagai i le “Punaoa mo Nofoaga e Faapotopotoga ai TNM [YSA]” mo ni manatu.
Vaavaaia o se Nofoaga e Faapotopoto ai

O le komiti a le TNM a le siteki e vaavaaia le nofoaga e faapotopoto ai. E iloiloina e le komiti manaoga o TNM i le lotoifale ma mulimuli i le faagasologa o loo faamatalaina i le Faamalosia o Talavou Nofofua Matutua e faafetaiaia manaoga i le lotoifale. O le komiti a le TNM e vaavaaia tofiga nei:
- Fesoasoania i le faaaogaina i aso taitasi o fale ma fanua e faapotopoto ai (e mafai ona avea lenei mea ma tiutetauave o se ulugalii faifeautalai matutua)
- Tausia o se kalena ma se faatulagaga o vasega, gaoioiga, ma mea e tutupu e fesootai ma le nofoaga e faapotopoto ai ma le faamaopoopoina ma le tagata e faatulagaina le fale
- Faatautaia o mea tautupe e fesootai ma meaai, sapalai, ma isi mea faapena mo le nofoaga e faapotopoto ai faatasi ai ma le faamaoniga a le peresitene o le siteki
- Faamaopoopoina ma sui o punaoa a le Ekalesia (e pei o le inisitituti, misiona, uelefea ma le ola tutoatasi, ma taitai o malumalu ma talafaasolopito o aiga) ina ia mautinoa ai o loo lagolagoina lelei ia vasega ma mafutaga faaleaoaoga
- Faamaopoopoina ma peresitene o siteki ma misiona e uiga i avanoa faafaifeautalai faamisiona
- Faamaumauina o le auai i vasega, avanoa mo auaunaga, ma gaoioiga ma talosagaina ni manatu faaalia a tagata auai e fesoasoani ai i komiti o le TNM a siteki e fetuunai ma suia ia fetaui ma manaoga o le TNM
- Faufautuaina o TNM i lo latou atinaega patino i le ala o feagaiga
Faatupeina ma le Lagolago

Ata
talavou matutua o loo suesue
- E faia e sui o le inisitituti se matafaioi autu i le lagolagoina o nofoaga e faapotopoto ai TNM e tusa lava po o le a le fale o loo faaaogaina. O nei taitai e tuuina atu aoaoga faalelotu, faataunuu tiute faaletaitai, ma galulue vavalalata ma le komiti a TNM a le siteki e lagolago le fatuina ma le faamaopoopoina o nofoaga e faapotopoto ai le TNM. Afai o le nofoaga e faapotopoto ai o se fale o le inisitituti ma o le faatonu o le inisitituti (po o le taitai faamaopoopo) o le sui o le fale, e galulue o ia ma sui o le komiti a TNM ina ia mautinoa ua faatagaina le faaaogaina talafeagai.
- O tupe e faagaoioia ma tupe faaalu o le paketi e sau mai le paketi a le siteki a TNM (tagai i le Tusitaulima Aoao, 14.4.1), e faaopoopo mai i ai le paketi a le eria pe a manaomia. O loo maua foi tupe a Seminare ma Inisitituti o Mataupu Faalelotu (S&I) mo polokalama o le inisitituti i le lotoa. E le tatau ona faaaogaina tupe patino mai ulugalii faifeautalai. O tupe faaalu uma e tatau ona faamaonia e le peresitene o le siteki ua tofiaina.
- O masini e pei o laulau piliati, laulau ping-pong, pusaaisa, nofoa vaivai, nofoa, ma avanoa e suesue ai e mafai ona mafaufauina e faavae i le nofoaga o fale e faapotopoto ai ma manaoga.
- Pe a sailia se faamaoniga e faatulaga ai se nofoaga e faapotopoto ai TNM, e aofia ai se talosaga mo ni tupe faaopoopo, faatumu le Fomu Talosaga mo le Faatupeina o Konafesi a Talavou Nofofua Matutua ma Nofoaga e Faapotopotoga ai.

Punaoa mo Nofoaga e Faapotopoto ai TNM

Autu o Punaoa	Faamatalaga
Autu o Punaoa Vasega o le inisitituti	Faamatalaga Vasega e aoao ai talavou matutua e uiga i tusitusiga paia ma isi autu.
Autu o Punaoa Punaoa o talafaasolopito o le Ekalesia	Faamatalaga E mafai e tusitalafaasolopito o le Ekalesia ona fesoasoani i talavou matutua e saili tali i fesili e uiga i autu faigata o talafaasolopito.
Autu o Punaoa Polokalama o le Toe Faaleleia mai Vaisu	Faamatalaga O se polokalama faifai pea e 12 laasaga e fesoasoani i tagata taitoatasi e faatoilalo ai vaisu e ala ia Iesu Keriso ma Lana Togiola.
Autu o Punaoa BYU–Pathway i le Lalolagi Atoa	Faamatalaga O se polokalama o aoaoga i le initoneti e taugofie mo tagata matutua.
Autu o Punaoa EnglishConnect	Faamatalaga O se punaoa e fesoasoani e aoao atu ai le gagana Peretania i nofoaga faalevaega. O loo i ai foi gaoioiga e fesoasoani ai i tagata taitoatasi e faateleina le faatuatua ia Iesu Keriso.
Autu o Punaoa Punaoa o talafaasolopito o aiga	Faamatalaga E tele punaoa o talafaasolopito o aiga a le Ekalesia e mafai ona maua, e aofia ai FamilySearch.org ma le polokalama o le Gafa o le FamilySearch (Android po o le iOS).
Autu o Punaoa Sau, Mulimuli Mai ia te A’u suesuega a le vaega	Faamatalaga O leSau, Mulimuli Mai ia te Au o se taiala mo le suesueina o tusitusiga paia mo tagata taitoatasi ma aiga e mafai foi ona faaaoga i nofoaga faalevaega.
Autu o Punaoa Punaoa mo le ola tutoatasi	Faamatalaga O le ola tutoatasi o se tomai, tautinoga, ma le taumafaiga e saunia mea faaleagaga ma faaletino e manaomia o le olaga mo le tagata lava ia ma le aiga” (Tusitaulima Aoao, 22.0). O nei kosi e mafai ona fesoasoani i tagata o le ekalesia ma isi ia ola tutoatasi: O Lo’u Auala mo le Ola Tutoatasi O Lo’u Faavae mo le Ola Tutoatasi A’oga mo se Galuega Sili Atu Saili se Galuega Sili Atu Tupe Patino Amataina ma le Faaolaina o La’u Pisinisi Tomai o le Olaga mo le Ola-Tutoatasi Mauaina o le Malosi i le Alii: Maufetuunai Faalelagona
Autu o Punaoa Gaoioiga auauna atu	Faamatalaga O gaoioiga o auaunaga o se auala sili lea e faaauai ai tagata o le Ekalesia ma isi. E tele ituaiga o auaunaga e mafai ona ofoina atu. E tuuina atu e leJustServe.org ia avanoa i le lotoifale mo gaoioiga faatulagaina o auaunaga.
Autu o Punaoa Gaoioiga a le TNM	Faamatalaga E tele ituaiga o gaoioiga mo TNM, e pei o konafesi, taaloga, auai i le malumalu, gaoioiga faaleaganuu, siva, ma isi mea faapena.
Autu o Punaoa Aoaoina o le gagana a le lotoifale	Faamatalaga E mafai ona ofoina atu vasega e aoao atu ai le gagana a le lotoifale.
Autu o Punaoa Vasega mo le faaleleia o le tagata lava ia	Faamatalaga O vasega e mafai ona aofia ai aoaoga faaakatemia, kuka, faaleleia o fale, tumama ma teuga faaletagata lava ia, sauniuniga faaletino, ma isi mea faapena.