Pag-facilitate og mga Grupo

Sa Pagsugod (10 ka minutos o mokulang)

Facilitator

Sugdi ang miting sa pagbansay sa facilitator sumala sa mosunod:

1. Sugdi sa pag-ampo (ug usa ka himno, kon gusto).

2. Usa ka specialist sa pagbarug pinaagi sa kinaugalingong paningkamot o laing sakop sa komite sa pagbarug pinaagi sa kinaugalingong paningkamot mahimong mohatag og tulo ngadto sa lima ka minuto nga pasiuna ug pagpamatuod.

3. Hangyoa ang matag usa nga mopaila sa iyang kaugalingon (nga dili mosobra sa 30 ka segundo matag usa).

4. Dapita ang tibuok grupo sa pag-abli sa ilang mga manwal ug sa pagsunod.

Welcome

Basaha

Salamat sa imong kaandam nga moserbisyo isip usa ka facilitator. Motabang kamo og usa ka gamay nga grupo sa indibidwal nga mahimong mas mapaningkamuton sa kaugalingon pinaagi sa pagtabang kanila sa pagkat-on og bag-ong praktikal nga mga kahanas ug pagsunod sa mga baruganan sa ebanghelyo. Mahimo kamo nga kabahin sa usa ka butang nga maanindot. Ang grupo sa pagbarug pinaagi sa kinaugalingong paningkamot makapausab sa mga kinabuhi. Wala kinahanglana nga kamo usa ka batid. Sunda lang ang mga materyal ug salig sa inspirasyon gikan sa grupo ug sa Espiritu.

Tungod kay ang grupo sa pagbarug pinaagi sa kinaugalingong paningkamot lahi gikan sa uban nga mga grupo nga atong nasudlan, kini nga pagbansay magtabang kanato nga makat-on ug magpraktis unsay lahi niini nga grupo. Karon motubag kita og pipila ka komon nga mga pangutana sa mga facilitator sa dili pa sugdan ang usa ka grupo:

• Unsay ipasabut niining pagbarug pinaagi sa kinaugalingong paningkamot?

• Unsaon man sa pagpadagan sa mga grupo sa pagbarug pinaagi sa kinaugalingong paningkamot?

• Unsay akong mabuhat aron mahimong talagsaon nga facilitator?

Agig dugang niining pagbansay, siguroa ang pagbasa mismo sa Apendiks ug susiha ang mga kapanguhaan sa srs.lds.org sa dili pa ang unang miting.

Ang pagbansay karong adlawa mahisama sa usa sa mga miting sa grupo sa pagbarug pinaagi sa kinaugalingong paningkamot nga atong i-facilitate. Niini nga pagbansay ug sa atong mga grupo sa pagbarug pinaagi sa kinaugalingong paningakamot, magsunod kita sa materyal sumala sa pagkasulat niini. Ang tanan nga mga manwal sa pagbarug pinaagi sa kinaugalingong paningkamot gilakipan og mga instruksyon sa pagtabang kanato nga masayud kon unsa ang buhaton. Kon atong makita ang mosunod nga mga instruksyon, mosunod kita niini nga mga direksyon:

table sa, mga direksyon sa mga instruksyon

Basaha

Kini nga pagbansay ug ang mga manwal nga atong gamiton diha sa atong mga grupo naglakip og mga girekomindar nga oras alang sa mga seksyon, mga panaghisgut, ug mga kalihokan. Kini makatabang kanato sa pagdumala sa oras ug sa paghuman sa materyal. Pag-assign kanunay og timekeeper alang sa matag grupo aron magpabilin ang grupo nga magsubay sa dalan.

Facilitator

Paghangyo og usa ka tawo kon ganahan ba siya nga mahimong timekeeper sulod sa tibuok pagbansay.

Unsa may Gipasabut sa Pagbarug pinaagi sa Kinaugalingong Paningkamot?

Basaha

“Ang pagbarug pinaagi sa kinaugalingong paningkamot mao ang abilidad, pasalig, ug paningkamot sa pagsangkap sa espiritwal ug temporal nga mga panginahanglan sa kinabuhi alang sa kaugalingon ug sa pamilya” (Handbook 2: Administering the Church [2010], 6.1.1). Ang paghimong makabarug pinaagi sa kinaugalingong paningkamot wala magpasabut nga makabuhat o makaangkon kita sa bisan unsa natong gusto. Kon kita mobarug pinaagi sa kinaugalingon nga paningkamot, nasayud kita nga pinaagi sa grasya ug gahum ni Jesukristo, inubanan sa atong hugot nga pagtuo, makabuhat kita alang sa espiritwal ug praktikal nga mga panginahanglan sa kinabuhi nga atong gikinahanglan alang sa atong kaugalingon ug sa atong mga pamilya. Ang mga grupo sa pagbarug pinaagi sa kinaugalingong paningkamot gituyo aron sa pagtabang kanato nga mausab ang atong pamaagi sa pagpakabuhi, makigtambayayong sa Ginoo nga mahimong mas mapaningkamuton sa kaugalingon sa temporal ug espiritwal nga paagi.

Motan-aw kita og usa ka video sa mga sakop sa grupo ug mga lider nga maghisgut mahitungod sa ilang mga kasinatian sa mga grupo sa pagbarug pinaagi sa kinaugalingong paningkamot. Samtang magtan-aw kamo sa video, paminawa kon sa unsang paagi ang mga grupo sa pagbarug pinaagi sa kinaugalingong paningkamot nakaapekto sa mga tawo sa temporal ug espiritwal nga paagi.

Tan-aw sa

“Self-Reliance: Tools to Become Better,” anaa sa srs.lds.org/videos. (Walay video? Padayon sa pagbasa.)

Hisguti sa (2 ka minutos)

Unsa nga mga kasinatian nga imong naangkon nga nakatabang nimo nga makat-on nga ang espiritwal ug ang temporal magkasumpay ra?

Unsaon sa Pagpadagan ang Grupo sa Pagbarug pinaagi sa Kinaugalingong Paningkamot?

Basaha

Ang mga grupo sa pagbarug pinaagi sa kinaugalingong paningkamot mao ang ginagmay nga mga konseho nga gitutukan ang pagtabang sa matag sakop sa grupo nga molambo. Adunay upat ka mga grupo sa pagbarug pinaagi sa kinaugalingong paningkamot nga kapilian:

• Find a Better Job [Mangita og Mas Maayong Trabaho]

• Starting and Growing My Business [Pagsugod ug Pagpalambo sa Akong Negosyo]

• Personal Finances [Personal nga Panalapi]

• Education for Better Work [Edukasyon alang sa Mas Maayong Trabaho]

Ang mga tawo mahimong makat-on mahitungod sa mga grupo sa ilang kaugalingon, atol sa usa ka debosyonal, o pinaagi sa usa ka direkta nga imbitasyon. Ang mga tawo mopili unsa nga grupo nga gusto nilang apilan.

Ang mga grupo kasagaran gamay ra, nga dili kaabut og 12 ka tawo. Ang grupo magpundok kada semana sulod sa 12 ka semana, ug ang matag miting mokabat og duha ka oras.

Ang kada grupo sa pagbarug pinaagi sa kinaugalingong paningkamot pagadumalaon og usa ka facilitator (kita). Ang mga grupo sa pagbarug pinaagi kinaugalingong paningkamot gipahiluna, wala itudlo pinaagi sa usa ka magtutudlo. Isip mga facilitator, dili kita lauman nga mahimong mga batid sa hilisgutan. Hinoon, motabang kita sa grupo nga mosunod sa mga materyal samtang sumala sa pagkasulat niini ug modapit sa matag sakop sa grupo sa pag-apil.

Matag miting sa grupo magsunod sa usa ka kapitulo diha sa manwal. Matag kapitulo adunay lima ka seksyon inubanan sa girikomendar nga oras. Kining lima ka seksyon mao ang kinauyokan [core] sa usa ka miting sa grupo sa pagbarug pinaagi sa kinaugalingong paningkamot. Sa pagpadagan og miting sa grupo, sunda lang ang mga materyal ug ang gisugyot nga oras dili gayud molak-ab og usa ka seksyon.

Kalihokan (8 ka minutos)

Mogahin ta og pipila ka minuto ug motan-aw sa usa ka manwal sa pagbarug pinaagi sa kinaugalingong paningkamot. Makatabang kini kanato nga masiguro ang pagpadagan og miting sa grupo, mosunod lang kita sa mga materyal. Buhaton nato kini nga kalihokan isip usa ka grupo.

Lakang 1: Ang facilitator manghatag og mga kopya sa mga manwal sa pagbarug pinaagi sa kinaugalingong paningkamot. Mga tawo mahimong mopaambit uban niadtong naglibut kanila.

Lakang 2: Isip usa ka grupo, ang tanan mopakli ngadto sa ikaduhang kapitulo sa manwal. Magdungan, atong tan-awon ang tibuok kapitulo ug pangitaon ang lima ka mga seksyon sa pagbarug pinaagi sa kinaugalingong paningkamot nga miting sa grupo. Kon atong makita ang seksyon diha sa kapitulo, mohunong kita ug ang facilitator mobasa og kusog sa hulagway sa mosunod nga table.

table, lima ka mga seksyon sa usa ka miting sa grupo sa pagbarug pinaagi sa kinaugalingon nga paningkamot

icon, mag-ilis og mga facilitator

Mag-ilis og mga Facilitator

Basaha

Sa katapusan sa matag miting, mahimo kita nga makatabang sa atong mga sakop sa grupo nga mopili og usa ka pares sa pagbuhat [action partner] alang sa tabang ug suporta atol sa semana. Ang mga pares sa pagbuhat mahimong mausab sa matag semana. Sila sa kasagaran managsama ang sekso apan dili mga sakop sa pamilya.

Ang kombinasyon sa espirituhanong mga baruganan, praktikal nga mga kahanas, ug ang gahum sa grupo makamugna og usa ka lahi nga palibut nga makatabang sa tawo nga molambo ang ilang mga kinabuhi. Samtang imong makita diha sa mosunod nga video, sa atong grupo sa pagbarug pinaagi sa kinaugalingong paningkamot atong makat-unan gikan sa tulo ka mga tinubdan: ang mga materyal, ang usag usa, ug ang Espiritu.

Tan-aw sa

“The Power of the Group,” anaa sa srs.lds.org/videos. (Walay video? Padayon sa pagbasa.)

Hisguti sa (2 ka minutos)

Sa unsang paagi kaha nga ang inyong grupo sa pagbarug pinaagi sa kinaugalingong paningkamot mahimong lahi gikan sa ubang mga klase o mga workshop nga imong natambungan? Sa unsang paagi kini mahimong managsama?

icon, mag-ilis og mga facilitator

Mag-ilis og mga Facilitator

Unsay Akong Mabuhat aron Mahimong usa ka Maayo Kaayo nga Facilitator?

Basaha

Ang Pagka-facilitator mahimong usa ka talagsaon nga kasinatian. Ang labing epektibo nga mga facilitator mobuhat sa tulo ka importante kaayong mga butang:

• Mo-facilitate, dili magtudlo.

• Moatiman sa pipila ka mga responsibilidad.

• Magserbisyo isip usa ka magbalantay alang sa grupo.

Mo-facilitate, Dili Magtudlo

Basaha

Ang mga grupo sa pagbarug pinaagi sa kinaugalingong paningkamot gituyo aron sa i-facilitate ug dili tudloan sa usa ka magtutudlo. Ang mga facilitator dili mag-andam og mga leksyon, pag-lecture sa grupo, o mamulong sa bisan unsa nga laing sakop sa grupo. Mosunod sila sa mga materyal sa kurso ug modapit sa matag sakop sa grupo sa ngamanagsamang nangapil. Ang mga facilitator motabang sa pagmugna og palibut diin ang Espiritu makatudlo sa grupo.

Diha sa mosunod nga video, bantayi ang mga paagi sa usa ka facilitator nga mausab gikan sa pagtudlo ngadto sa pag-facilitate, ug unsa ang epekto niini sa grupo.

Tan-aw sa

“How to Facilitate a Group,” anaa sa srs.lds.org/videos. (Walay video? Padayon sa pagbasa.)

Hisguti sa (2 ka minutos)

Sa unsang paagi ang pag-facilitate lahi kay sa pagtudlo?

icon, mag-ilis og mga facilitator

Mag-ilis og mga Facilitator

Basaha

Isip usa ka facilitator, kita ang responsable sa paghimo og usa ka positibong kahimtang sa pagkat-on, matinahuron, ug makalingaw nga palibut. Atong tabangan ang atong grupo sa pag-atiman sa usag usa ug sa pagpakita og gugma ug suporta.

Kalihokan (5 ka minutos)

Ang mosunod mao ang mga lista sa mga butang nga lagmit buhaton sa mga facilitator nga mahimong makatabang o makadaut sa palibut sa pagkat-on sa grupo. Ipabasa og kusog sa usa ka tawo ang lista, dayon samtang ang grupo nag-istorya kon nganong kining mga butanga lagmit makatabang o makadaut.

lamesa, mga butang nga makatabang ug makadaut

icon, mag-ilis og mga facilitator

Mag-ilis og mga Facilitator

Basaha

Isip mga facilitator, atong ipakita ang ehemplo. Atong matabangan ang atong grupo nga makamugna og usa ka positibo ug maamumahon nga palibut sa pagkat-on. Mga butang nga dili kanunayng mahingpit, ug usahay tingali nagkinahanglan kita nga motabang sa mga sakop sa grupo nga makakita kon sa unsang paagi nga ilang mga lihok nakaapekto sa grupo ug unsaon sa pag-usab niini. Kita maghisgot og mas daghan pa mahitungod niini sa atong sunod nga kalihokan.

Kalihokan (10 ka minutos)

Lakang 1 (5 ka minutos) Makigpares sa tawo nga imong tupad, pagpili og usa sa mosunod nga mga sitwasyon, ug kon usaon ninyo kini sa paghimo.

Lakang 2 (5 ka minutos): Balik kamo isip usa ka grupo ug ipaambit kon unsay inyong nahisgutan.

Mga Sitwasyon

• Usa o duha ka mga sakop sa grupo mokomentaryo og labaw pa kay sa uban sa grupo, ug ubang mga sakop sa grupo magpugong ug dili mopaambit sa ilang mga ideya ug mga hunahuna.

• Usa sa inyong mga sakop sa grupo wala na moapil sa mga panaghisgutan o mga kalihokan sa pundok.

• Usa sa inyong mga sakop sa grupo kanunay naghisgut kabahin sa mga butang nga gawas na sa hilisgutan. Ang iyang komento nakapahimong lisud nga masubay ug mahisgutan ang mga materyal sulod sa gitakda nga panahon.

• Usa ka sakop sa grupo maglisud sa pagbasa og kusog. Naghunahuna ka kon dili siya komportable o tingali naulaw.

• Ang grupo perming ulahi na nga magsugod tungod kay ang pipila sa mga sakop sa grupo dili moabut sa tukmang oras ug dili maayo imong bation kon magsugod nga wala sila.

Facilitator

Alang sa mosunod nga mga panaghisgutan bahin sa mga responsibilidad sa facilitator, lagmit makatabang ang pagbalhin og balik ngadto sa unang facilitator.

Atimana ang Ubang Mga Responsibilidad

Basaha

Isip mga facilitator, kita usab adunay pipila ka mga responsibilidad gawas sa atong mga miting sa grupo. Ang mosunod nga kalihokan mohatag kanato og kahigayunan sa pag-istorya mahitungod niining mga responsibilidad.

Kalihokan (10 ka minutos)

Ang mosunod nga lista sa mga pangutana mogiya kanato sa tibuok diskusyon mahitungod sa ubang mga responsibilidad nga atong naangkon isip mga facilitator. Ang specialist sa pagbarug pinaagi sa kinaugalingong paningkamot o laing lokal nga lider mopahigayon niining diskusyon ug mohatag kanato og piho nga direksyon alang sa matag item. Pangutana lang samtang kita magpadayon.

Kinsa ang akong specialist sa pagbarug pinaagi sa kinaugalingong paningkamot, ug unsay ilang buhaton?

• Impormasyon sa Pagkontak:

Kanus-a ang debosyonal, ug unsa ang akong papel?

• Kanus-a:

• Asa:

• Ang akong papel:

Unsaon man pagporma sa grupo nga akong i-facilitate, ug unsaon nako pagpares kanila?

Unsaon ug kanus-a nako irehistro ang akong grupo ug ireport ang kalamboan niini?

• Unsaon:

• Kanus-a:

Unsaon nako pagpangandam sa akong unang miting?

• Kanus-a ug asa kini ipahigayon:

• Unsaon nako nga makasulod sa gambalay [building]:

• Unsaon nako pagkuha sa mga manwal:

• Unsaon nako sa pagpasalida sa mga video:

• Unsaon nako sa pagpahimutang sa kwarto:

Unsa pay laing mga pangutana?

icon, mag-ilis og mga facilitator

Mag-ilis og mga Facilitator

Moserbisyo isip usa ka Magbalantay sa Imong Grupo

Basaha

Karon nga atong nahisgutan kon unsaon sa pag-facilitate ug nahisgutan ang uban natong mga responsibilidad, panahon na nga istoryahan ang mahitungod sa kamahingungdanon sa talagsaon nga pag-facilitate. Ang labing maayong mga facilitator mohigugma ug moamuma sa ilang mga sakop sa grupo. Moserbisyo sila sa grupo nga hapit sama sa usa ka magbalantay nga mag-atiman sa usa ka panon. Si Kristo migamit sa mga ehemplo sa mga magbalantay tungod kay ang mga magbalantay nakaila sa ilang mga karnero pinaagi sa ngalan, personalidad, ug mga panginahanglan. Ang talagsaong mga facilitator makig-ila-ila sa mga sakop sa grupo, magpakabana mahitungod sa ilang kalampusan, ug motabang nila nga moapil ug magmalampuson. Tingali mokabat pa og pipila ka mga semana aron ang inyong grupo magkapundok, apan kadaghanan nga migradwar nga grupo sa pagbarug pinaagi sa kinaugalingong paningkamot maghisgot kon sa unsang paagi sila nagkasuod sa ilang grupo ug giunsa nila pag-amuma ang usag usa. Isip usa ka facilitator, makatabang kita sa pagmugna og palibut nga makaawhag niini.

Pagpuli-puli og basa sa mosunod nga mga sugyot isip usa ka magbalantay diha sa imong grupo.

Ingon nga usa ka Magbalantay alang sa Imong Grupo

• Tawagi o i-text ang mga sakop sa grupo. Mahimo nimo silang susihon ug pahinumduman sila sa petsa, oras, ug lugar sa miting.

• Kon mangabut na ang mga tawo, mainitong moabi-abi kanila ug ila-ilahon sila.

• Moila ug mopakita og kadasig sa kalamboan sa imong mga sakop sa grupo.

• Pahinumdumi ang mga sakop sa grupo sa pagrespeto sa kompidensyal nga impormasyon.

• Tali sa mga miting, awhaga ang mga sakop sa grupo kinsa naglisud. Tabangi ang ilang mga pares sa pagbuhat sa pagkontak ug pagsuporta usab kanila.

• Kauban sa laing grupo, tabangi ang mga sakop sa grupo kinsa nakapalta og usa ka miting.

• Hinganli diha sa pag-ampo ang mga sakop sa imong grupo.

• Mainampuon nga moribyu sa mga materyal alang sa sunod nimo nga miting sa grupo.

• Magpaduol sa Espiritu, ug buhata ang mga ideya ug pagdasig.

Hisguti (2 ka minutos)

Sa unsang paagi kining mga butanga makatabang kanato nga mahimong usa ka magbalantay alang sa atong grupo sa pagbarug pinaagi sa kinaugalingong paningkamot?

icon, mag-ilis og mga facilitator

Mag-ilis og mga Facilitator

Kalihokan (10 ka minutos)

Lakang 1 (5 ka minutos) Makigpares sa tawo nga imong tupad, pagpili og usa sa mosunod nga mga sitwasyon, ug kon usaon ninyo kini sa paghimo.

Lakang 2 (5 ka minutos): Balik kamo isip usa ka grupo ug ipaambit kon unsay inyong nahisgutan.

Mga Sitwasyon

• Sa imong ikaduhang miting sa grupo, nabatyagan nimo nga ang mga tawo adunay gamay nga pagduha-duha sa pagreport nga sila wala makatuman sa tanan nilang pasalig. Ang uban gusto nga ilang ipasa ang ilang turno sa pagpaambit.

• Atol sa ikaupat nga miting, imong namatikdan nga wala diha ang usa sa sakop sa imong grupo. Iyang pares sa pagbuhat miingon nga dili siya makakontak niya sa tibuok semana.

• Ang duha sa imong mga sakop sa grupo nahisakop sa lahi nga tinuohan. Gustong masiguro nga ang imong grupo maabi-abihon ug sensitibo sa ilang panglantaw.

• Usa sa mga sakop sa grupo adunay emerhensiya diha sa pamilya ug dili makatambong niining semanaha. Naghunahuna siya sa pag-undang sa grupo tungod kay nakapalta siya og usa ka klasehan.

• Usa ka sakop sa grupo nanlimbasug. Ingon og nawad-an siya og kadasig nga wala niya nakita ang samang kalampusan sama sa ubang sakop sa grupo.

icon, mag-ilis og mga facilitator

Mag-ilis og mga Facilitator

Panapos

Basaha

Hinaut nga kining pagbansay nakatabang kanato nga mas masabtan pa og diyutay ang mahitungod sa pagbarug pinaagi sa kinaugalingong paningkamot, unsaon sa pagpadagan ang mga grupo sa pagbarug pinaagi sa kinaugalingong paningkamot, ug unsa ang atong mahimo aron mahimong talagsaon nga mga facilitator. Isip kabahin sa usa ka grupo sa pagbarug pinaagi sa kinaugalingong paningkamot mahimong usa ka lahi ug bag-o nga kasinatian alang kanato ug sa atong mga sakop sa grupo. Tingali madugay-dugay pa nga mobati og kakomportable sa proseso ug sa usag usa. Kanunayng mobalik sa pagtamud niining manwal, susiha ang dugang impormasyon diha sa Apendiks—ilabi na sa mga pagsukod—ug bisitaha ang srs.lds.org alang sa dugang nga impormasyon ug makatabang nga video. Sa panahon ug sa pagsalig sa Ginoo maangkon nato ang talagsaon nga kasinatian.

Tan-aw sa

“Self-Reliance Facilitators: Bringing About Change,” anaa sa srs.lds.org/videos. (Walay video? Padayon sa pagbasa.)

Hisguti (3 ka minutos)

Unsa ang labing importante nga mga butang nga atong nakat-unan gikan niini nga miting?

Pamalandong (3 ka minutos)

Ang matag indibidwal maghunahuna kon unsay imong nakat-unan gikan niining pagbansay, ug ikonsiderar unsay gusto sa Ginoo nga inyong buhaton. Isulat ang imong tubag sa ubos.

Base sa kasinatian nga akong naangkon karon, gusto ko nga:

Pag-ampo

Magdapit og usa ka tawo nga molitok sa panapos nga pag-ampo.