“Magkat-on—Labing Dugay: 85 Minutos,” Ang Pag-facilitate og mga Grupo sa Self-Reliance (2016)
“Magkat-on—Labing Dugay: 85 Minutos,” Ang Pag-facilitate og mga Grupo
Imahe
magkat-on nga icon
Magkat-on—Labing Dugay: 85 Minutos
Unsa ang Grupo sa Self-Reliance? (10 minutos)
Tan-awa:“I Will Provide for My Saints,” anaa sa srs.lds.org/videos ubos sa “Video Resource” nga seksyon sa “Pag-facilitate og mga Grupo” (Walay video? Padayon sa pagbasa.)
Hisguti:Sa unsang paagi nga ang akong hugot nga pagtuo diha ni Jesukristo makaapekto sa akong espiritwal ug temporal nga pagka-self-reliant?
Basaha:Ang katuyoan sa grupo sa self-reliance mao ang pagtabang sa mga tawo nga mausab ang ilang kahimtang sa kinabuhi. Si Elder M. Russell Ballard mitudlo nga: “Nagtuo ko nga ang mga council maoy pinakaepektibong paagi aron makakuha og tinud-anay nga mga resulta. Dugang pa, nasayud ko nga ang mga council mao ang pamaagi sa Ginoo ug nga gilalang Niya ang tanang butang sa uniberso pinaagi sa council sa langit, sigun sa gihisgutan sa balaang kasulatan” (“Mga Family Council,” Liahona, Mayo 2016, 63).
Pinaagi sa pagtinabangay sa usa ka council nga pamaagi, ang mga sakop sa grupo makapahimulos sa mas daghan nga talento, inspirasyon, kasinatian, ug kahibalo kay sa mag-inusara ra sila. Ang usa ka grupo sa self-reliance:
Maglangkob og 8–12 ka mga miyembro nga nagtrabaho og komon nga interes, sama sa pagdumala sa mga panalapi [managing finances], pagpangita og mas maayong trabaho, pagpalambo sa ilang edukasyan, o pagsugod ug pagpalambo og negosyo.
Usa ka luwas nga lugar diin ang tanan parehong mobati nga komportable nga makaapil.
Magkita matag semana sulod sa 12 ka semana aron sa pagpalambo og bag-o nga mga kahanas ug mga kinaiya.
Mogamit og modelo sa usa ka council [council model] aron ang mga sakop makakat-on ug makaawhag sa usag-usa.
Mopasalig sa pagbuhat matag semana kon unsay nakat-unan sa mga miyembro.
Mo-report sa kalamboan aron ang matag miyembro niini mahimong manubag sa ilang mga commitment.
Hisguti:Unsay kalainan sa mga grupo sa self-reliance gikan sa mga workshop o ubang mga klase nga inyong natambungan?
Imong Tahas isip Facilitator (15 minutos)
Tan-awa:“How to Facilitate a Group,” anaa sa srs.lds.org/videos ubos sa “Video Resources” nga seksyon sa “Pag-facilitate og mga Grupo” (Walay video? Padayon sa pagbasa.)
Hisguti:Unsa ang gikinahanglang usbon sa facilitator dinha sa video gikan sa pagkamagtutudlo ngadto sa usa ka facilitator? Sa unsa nga paagi kini nakaapekto sa grupo?
Basaha:Ang Ginoo misulti mahitungod sa mga council o grupo sa Simbahan, “Dili ang tanan magdungan sa pagpamulong; apan himoa nga ang usa mamulong sa tagsa-tagsa ka higayon ug himoa nga ang tanan maminaw ngadto sa iyang mga gipamulong, nga sa diha nga ang tanan mahuman sa pagpamulong nga ang tanan unta mahatagan og kaayohan sa tanan, ug nga ang matag tawo makabaton og managsama nga kahigayunan.” (DP 88:122; mga italic gidugang).
Sa mga grupo sa self-reliance, walay gitawag sa pagtudlo! Isip usa ka facilitator, ang imong trabaho mao ang pagtabang sa mga sakop sa grupo sa pagsunod sa mga materyal, pag-apil, ug pagdapit sa Espiritu diha sa panaghisgut (discussion). Wala ka gitawag aron mahimong eksperto sa subject. Hinoon, kinahanglan kang moapil isip sakop sa grupo, magtuman sa mga commitment ug dungan nga magkat-on. Ang pagsunod sa mga baruganan sa ubos (baga nga mga letra) makatabang sa imong grupo nga makasinati og kalampusan.
Pagmugna og luwas nga palibut. Matag semana ang mga partisipante dayag nga mo-report sa grupo sa ilang kalamboan sa pagtuman sa mga commitment. Makahimo sila og mga kasaypanan ug makasinati og kapakyasan samtang sila naglawig padulong sa dugang nga pagka-self-reliant. Normal ug makaayo kini. Kritikal kaayo nga ang mga partisipante mobati nga sila anaa sa luwas nga palibut nga mosulay, mapakyas, ug sa katapusan molampos.
Hisguti:Unsa ang pipila ka mga pamaagi nga makatabang ka nga mobati ang mga partisipante nga luwas, komportable ug gidawat sa grupo?
Basaha:Pagdasig sa pag-apil. Isip facilitator, kinahanglan dili daghan ang imong isulti kay ni bisan kinsa sa grupo. Kinahanglan nga makighiusa ug motabang ka nga mahatagan ang tanan og higayon sa pagsulti.
Hisguti:Unsaon nimo pagdala sa usa ka tawo nga maoy modominar sa panag-istoryahanay o dili moapil?
Basaha:Sugdi ug tapusa sa saktong oras. Ang mga sakop sa grupo gikinahanglan nga makasalig nga ang grupo magsugod ug motapos sa sakto nga oras. Matag seksyon ug kalihukan adunay gisugyot nga gidugayon. Matag semana mahimo kang motudlo og usa ka timekeeper sa grupo.
Hisguti:Unsay lain pang mga butang ang imong mabuhat aron sa pagtabang sa grupo nga makasugod ug makahuman sa sakto nga oras?
Basaha:Himoa nga ang mga komentaryo mahinungdanon ug positibo. Ayaw gayud pagpakigbahin og mga istorya nga nagsaway sa uban, bisan kon mahitungod kini sa usa ka tawo nga wala mailhi sa mga sakop sa grupo.
Hisguti:Sa unsang paagi nimo madasig ang grupo nga mag-focus ug magmatinahuron sa ilang mga komentaryo?
Ang Estraktura sa Miting sa Grupo sa Self-Reliance (40 minutos)
Tan-awa:“‘Go and Do’ Learning,” anaa sa srs.lds.org/videos ubos sa “Video Resources” nga seksyon sa “Pag-facilitate og mga Grupo” (Walay video? Padayon sa pagbasa.)
Basaha:Ang matag miting sa grupo adunay lima ka seksyon. Kinahanglan dili gayud ka molaktaw og seksyon.
Imahe
i-report nga icon
I-report:Niini nga seksyon, ang mga partisipante sa grupo mo-evaluate sa ilang paningkamot ug i-report ang ilang kalamboan sa grupo. Ilang ipakigbahin ang mga butang nga ilang nakat-unan gikan sa paggamit sa bag-o nga mga kahanas ug kinaiya. Ang pag-evaluate sa kalamboan importante sa pagporma og bag-o nga kinaiya. (Modangat og 20–30 ka minutos.)
Hisguti:Sa unsang paagi nga ang dayag nga pag-report sa grupo sa atong kalamboan makatabang kanato?
Imahe
Ang Akong Pundasyon nga icon
Ang Akong Pundasyon:Niini nga seksyon, ang mga sakop makakat-on ug makagamit sa mga baruganan sa hugot nga pagtuo, edukasyon, kakugi, ug pagsalig diha sa Ginoo. Matag semana ang mga partisipante moribyu og usa ka sukaranang baruganan nga makatabang nila nga mahimong mas self-reliant. (Modangat og 20 ka minutos.)
Hisguti:Nganong ato mang tun-an ang doktrina ug temporal nga kahanas sa atong mga grupo?
Imahe
magkat-on nga icon
Magkat-on:Dinhi niini nga seksyon, ang mga partisipante sa grupo magbasa, maghisgot, ug magpraktis og bag-o nga mga ideya ug kahanas nga makatabang kanila nga mahimong self-reliant sa temporal nga paagi. (Modangat og 40-50 ka minutos.)
Imahe
mamalangdong nga icon
Mamalandong:Dinhi niini nga seksyon, ang mga partisipante sa grupo mamalandong ug mosulat mahitungod sa mga butang nga ilang nakat-unan atol sa ilang miting sa grupo. Ilang tinguhaon ang giya gikan sa Ginoo ug mangita og mga paagi nga molambo. Palihug ayaw laktawi kini nga seksyon. (Modangat og 5-10 ka minutos.)
Hisguti:Sa unsang paagi nga ang mamalandong—sa hilum ug walay panaghisgutay—motugot sa Espiritu Santo nga motudlo kanato?
Imahe
mo-commit nga icon
Mo-commit:Dinhi niini nga seksyon, ang mga partisipante mo-commit nga mogamit sa mga bag-o nga mga kahanas ug kinaiya nga ilang nakat-unan ug nahisgutan sa miting sa grupo. Ang paghimo ug pagtuman sa mga commitment importante sa proseso sa pag-establisar og bag-o nga kinaiya. Aron sa pagtabang, ang mga partisipante mopili og lain nga sakop sa grupo nga mahimong usa ka action partner. Ang mga action partner magsusi sa usag usa atol sa semana aron sa paghatag og pagdasig ug suporta. Ang mga partisipante mo-commit usab sa pagtudlo kon unsay ilang nakat-unan ngadto sa ilang pamilya o mga higala. (Modangat og 5-10 ka minutos.)
Hisguti:Ngano kaha nga importante ang mahimong action partner ug makaangkon og action partner?
Imahe
mobuhat nga icon
Mobuhat:Ang mga partisipante gikinahanglan nga mobuhat sa ilang mga commitment atol sa semana sa pag-usab sa ilang pamaagi sa pagpakabuhi! Ang pagbuhat ug pagtudlo sa uban kon unsa ang ilang nakat-unan makatabang nga molambo ang ilang mga kahanas ug kinaiya sa pagka-self-reliant. (Modangat og 3–8 ka oras matag semana.)
Hisguti:Sa unsang paagi nga atol sa semana makatabang ko sa mga sakop sa grupo nga molihok aron sa paghimo og maayong nga mga kinaiya?
Basaha:Karon nga nahibalo na kamo mahitungod sa estraktura, dungan natong praktison ang usa ka tinuod nga seksyon sa miting.
Giunsa sa mga Tawo Pag-apil sa mga Grupo (10 ka minutos)
Tan-awa:“Choosing a Self-Reliance Group,” nga anaa sa srs.lds.org/videos ubos sa “Video Resources” nga seksyon sa “Pag-facilitate og mga Grupo”. (Walay video? Padayon sa pagbasa.)
Basaha:Ang proseso sa pag-apil og grupo naglakip sa tulo ka mga lakang.
Una, ang mga ward council modapit sa mga miyembro sa pagtambong og debosyunal sa self-reliance.
Ikaduha, ang mga miyembro nga nanambong sa debosyunal:
Magkat-on sa mga sukaranang doktrina ug baruganan sa self-reliance.
Mag-assess sa ilang kasamtangang espiritwal ug temporal nga mga panginahanglan.
Magpili og grupo nga makapalambo sa ilang mga kahanas.
Magpili og adlaw, oras, ug lokasyon sa mga miting sa grupo.
Ikatulo, ang mga miyembro kasagaran magsugod og tambong sa grupo nga ilang gipili usa ka semana human sa debosyunal.
Ang administratiba nga mga Responsibilidad sa usa ka Facilitator (10 ka minutos)
Pagrehistro sa Grupo
Basaha:Importante nga irehistro ang grupo ug unya kompletuhon ang report hangtud sa katapusan sa grupo. Kini nga proseso magtugot kanimo nga maka-request og mga certificate alang sa mga sakop sa grupo, makadawat og dugang mga materyal para sa pagbansay, ug makatabang sa Simbahan nga mapalambo ang self-reliance nga inisyatibo. Palihug sa pagribyu sa mga instruksyon sa ubos:
Sa dili pa ang unang miting sa grupo, i-download ang Group Registration Form sa srs.lds.org/report. Kompletuha ang porma sa unang miting sa grupo. Human makompleto ang porma, bisitaha ang srs.lds.org/report aron ibutang ang mga impormasyon.
Kontaka ang stake self-reliance specialist matag semana aron pahibaluon siya kon kinsa ang nanambong sa miting ug bisan unsa nga istorya sa kalampusan sa mga sakop sa grupo.
Sa dili pa ang katapusang miting sa grupo, i-download ang End of Group Report ug Certificate Request Form gikan sa srs.lds.org/report. Kompletuha ang porma sa unang miting sa grupo. Human makompleto ang porma, bisitaha ang srs.lds.org/report aron ibutang ang mga impormasyon.
Pag-andam sa Kwarto ug mga Video Matag Semana
Basaha:Ang inyong stake self-reliance specialist kinahanglan maggahin og lawak sa Simbahan alang kanimo. Matag semana kinahanglan ka mosayo aron sa pagpahimutang sa mga lamesa ug lingkuranan. Gikinahanglan usab nga andamon nimo ang audiovisual nga kagamitan ug siguroa nga ang mga video ug sound maayo.
Ang pag-facilitate sa “Mangita og Mas Maayong Trabaho” nga mga grupo
Kon ikaw nag-facilitate og Mangita og Mas Maayong Trabaho nga grupo, adunay duha ka mga butang nga gikinahanglang imong masayran.
Una, kon magtukod mo og grupo atol sa debosyunal sa self-reliance , awhaga ang mga sakop sa grupo sa pagdala og kopya sa listahan sa mga trabaho nga sila interesado sa matag miting sa grupo.
Ikaduha, ang imong opsyon sa mga miting mausab-usab. Palihug basaha ang mga pahina 16–17 sa apendiks. Ipresentar ang mga opsyon sa miting niadtong kinsa mopili sa imong grupo diha sa debosyunal sa self-reliance.
Summary
Basaha:Mo-refer niini nga lista samtang ikaw nagserbisyo isip usa ka facilitator.
Unsa ang Imong Buhaton sa dili pa ang Miting sa Grupo
Tawagi o i-text ang mga sakop sa grupo aron sa pagpahinumdom nila sa adlaw, oras ug lugar.
Ribyuha ang materyal aron sa pagpangandam sa pag-facilitate–apan ayaw pag-andam sa pagtudlo niini isip usa ka leksyon.
Hangyoa ang stake self-reliance specialist nga mahatagan ka og igong mga workbook alang sa tanan nga nagpalista unya pasobrahan og duha ka kopya.
Sayo aron sa pagpahimutang og tarong sa mga lingkuranan, lamesa, ug mga video.
Pag-andam og mga ballpen ug lapis alang sa mga tawo nga nakalimot pagdala.
Unsa ang Imong Buhaton sa dili pa ang Miting sa Grupo
Mainitong moabi-abi sa mga sakop sa grupo ug ila-ilahon sila.
Ilhon ug daygon ang ilang mga kalampusan ug kalamboan.
Pagtudlo og timekeeper nga modumala sa gisugyot nga mga oras.
Awhaga nga maghisgutanay [discussion] ang mga sakop sa grupo.
Hatagi og gibug-aton ang pagbuhat sa mga commitment sa mga miting.
Pahinumdumi ang mga sakop sa grupo sa pagrespeto sa kompidensyal nga impormasyon.
Unsa ang Imong Buhaton human ang Miting sa Grupo
Bisitaha ang srs.lds.org/report human sa una ug katapusan nga mga miting sa grupo alang sa pagrehistro, pagreport, ug sa mga certificate.
Awhaga ang mga action partner nga regular nga mo-kontak ug magtinabangay sulod sa semana.
Kontaka ang stake self-reliance specialist matag semana ug pahibaloa siya sa inyong gidaghanon ug unsay gidangatan sa miting.
Mainampuon nga moribyu sa mga materyal alang sa mosunod nga miting sa grupo.
Mangandam sa espirituhanon nga paagi ug mobuhat sa mga pag-aghat nga nadawat.