Panagserbi nga addaan kadagiti Napapigsa a Korum iti Melchizedek Priesthood ken Relief Society

Frequently Asked Questions

Panagserbi nga addaan kadagiti Napapigsa a Korum iti Melchizedek Priesthood ken Relief Society

Surat ti Umuna a Panguluen, 2 ti Abril 2018: Panagserbi nga addaan kadagiti Napapigsa a Korum iti Melchizedek Priesthood ken Relief Society

Panagserbi [Ministering] nga Addaan kadagiti Napapigsa a Korum iti Melchizedek Priesthood ken Relief Society: Dagiti Mainayon a Banag a Masansan a Saludsoden

Ti biag ni Jesus ken panagserbi ket mangipagwadan iti dua a naindaklan a bilin: “Ayatem ti Apo a Diosmo iti amin a pusom, ken iti amin a kararuam, ken iti amin nga isipmo” ken “Ayatem ti padam a tao a kas iti bagim” (Mateo 22:37, 39). Kas miembro ti Simbaan ti Mangisalakan a sipupudno nga agtartarigagay nga agbalin a disipulona, nasken a surotentayo ti patigmaanna nga agayat ken agserbi iti Amatayo iti Langit ken dagiti annakna. “No ay-ayatendak, agserbikayo kaniak,” kinuna ti Mangisalakan (DkK 42:29). Insuro ni Ari Benjamin, “No agserbikayo iti padayo a tao agserserbikayo laeng iti Dios” (Mosiah 2:17 Ginupgop ni Alma ti pagrebbengantayo babaen ti panangisaona, “Binantayanda dagiti taoda, ken tinarakenda ida kadagiti banag a maipanggep iti kinalinteg” (Mosiah 23:18).

Tapno matulongan ti tunggal maysa kadatayo nga agresponde iti nadiosan a bilin a mangaywan ken agserbi kadagiti dadduma, impakaammo ti Umuna a Panguluen dagiti sumaganad a panagbalbaliw, a naisangrat a mangipamaysa kadagiti panagkagumaan dagiti korum ti Melchizedek Priesthood ken Relief Society iti panagserbi kas iti inaramid ti Mangisalakan. Iraman dagitoy a panagbalbaliw ti sumaganad:

Iti ward level, maysa a korum ti Melchizedek Priesthood.
Iti stake level, maysa a high priests quorum.
Ti panagserbi ti mangsukat iti home teaching ken visiting teaching.
Panangiraman kadagiti agtutubo iti panagserbi.

Kas pangsuporta kadagitoy a panagbalbaliw, saanen nga angayen dagiti ward ken stake dagiti miting iti priesthood executive committee. No adda espesial nga isyu iti ward, kas iti nakain-inaka a pakaseknan ti pamilia wenno saan a gagangay a karit iti welfare, mabalin a risuten daytoy iti napadakkel a miting iti bishopric. Mabalin a risuten ti dadduma pay a saan a sensitibo a banag iti ward council. Ti naawagan a “dagiti miting iti stake priesthood executive committee” ket naawagan iti “high council meeting” (kitaen kadagiti saludsod 8 ken 19, iti baba).

Iti Ward Level, Maysa a Melchizedek Priesthood Quorum

Insuro ni President Russell M. Nelson a “saan a nasken nga umay ti paltiing iti maminpinsan. Mabalin nga in-inut daytoy.”¹ Dagiti maipalpalgak a pasamak maipanggep kadagiti korum ti priesthood ken ti dumakdakkel a pannakaammo kadagiti tulbek iti priesthood ket mangted iti pangtuladan iti in-inut a paltiing. Iti intero a pakasaritaan ti Simbaan, masansan nga impalgak ti Apo ti pagayatanna iti tunggal binatog, a silalabon a mangbendision kadagiti annakna iti dakdakkel a pannakaawat no kasano a mayaplikar dagiti pagbatayan ti ebanghelio kadagiti agdama a kasasaad (kitaen iti DkK 46:15–16).

Iti adu a tawen, imbilang ti Umuna a Panguluen ken ti Korum ti Sangapulo-ket-dua nga Aposltol dagiti panagbalbaliw a nailadawan iti baba. Babaen laeng iti adu a panagkararag, naannad a panagadal iti pundasion dagiti korum ti priesthood a mainaig iti nasantuan a kasuratan, panagkaykaysa dagiti mangimatmaton a lider ti Simbaan, ken ti pammatalged a daytoy ti pagayatan ti Apo, intuloy dagiti lider ti maulit a panangbukel kadagiti korum iti ward ken stake level, a mangaramid iti daytoy a maysa pay nga addang iti pannakaipalgak ti Pannakaisubli.

1. Ania dagiti panagbalbaliw para kadagiti high priests group iti ward ken dagiti elders quorum?

Kadagiti ward, dagiti miembro ti elders quorum ken high priests group ket agtiponto iti maysa a korum nga addaan maysa a panguluen. Ti korum, a dimmakkel iti bilang ken panagkaykaysa, ket maawaganto iti “elders quorum,” ket maisardeng ti high priests group iti ward.

Mairaman iti elders quorum ti amin nga elder ken prospective elder iti ward kasta met dagiti high priest a saan a madama nga agserserbi iti bishopric, iti stake presidency, iti high council, wenno kas dagiti agak-akem a patriarch.

2. Kasano ti pannakabukel ti elders quorum presidency?

Ti stake president, a tulongan dagiti mamangbagana, ti mangi-release kadagiti agdama a high priests group leadership ken dagiti elders quorum presidency. Kalpasanna umawagto ti stake president iti baro nga elders quorum president iti tunggal ward, ken ti stake president, ti nadutokan a mammagbaga iti stake presidency, wenno ti nadutokan a high councilor ket umawagto kadagiti mammagbaga a nairekomenda nga agserbi iti elders quorum presidency. Mabalin a mairaman iti baro nga elders quorum presidency dagiti elder ken high priest, iti agduduma nga edad ken padas, a sangkamaysa nga agserserbi iti maysa a quorum presidency. Mabalin nga agserbi ti maysa nga elder wenno maysa a high priest kas quorum president wenno kas maysa a mammagbaga.²

3. Asino ti mangiturong iti aramid ti elders quorum president?

Ti elders quorum president ti direkta a responsable iti stake president, a mangted iti training ken pangiwanwan manipud iti stake presidency ken babaen ti high council. Ti bishop, kas presiding high priest iti ward, ket regular a makipagmiting pay iti elders quorum president. Ti bishop ti magbalakad kenkuana ken mangted iti umno a direksion maipanggep no kasano a kasayaatan nga agserbi ken mangbendision kadagiti miembro ti ward, a makipagtrabaho a maitunos iti amin nga organisasion ti ward. (Kitaen iti Handbook 2, 7.3.1.)

4. Baliwan kadi daytoy a panagbalbaliw ti structure ti korum ti priesthood office nga iggem dagiti miembro ti korum?

Saan. Agtalinaed dagiti elder nga elder ken hight priest a high priest iti termino ti priesthood officeda. Nupay kasta, ituloy dagiti elder a maordenan a high priest no maawaganda iti presidency, high council, wenno bishopric—wenno iti sabali pay a gundaway nga inkeddeng ti stake president babaen ti nainkararagan a konsiderasion ken inspirasion.

5. Mabalin kadi a maaddaan ti maysa a ward iti nasursurok ngem maysa nga elders quorum?

Wen. Segun iti Doktrina ken Katulagan 107:89, no addaan ti ward iti di gagangay a dakkel a bilang dagiti aktibo a Melchizedek Priesthood bearer, mabalin a mangbukel dagiti lider iti nasurok ngem maysa nga elders quorum. Kadagiti kasta a kasasaad, nasken nga addaan ti tunggal korum iti nainrasonan a balanse no mainaig iti edad, padas, ken priesthood office ken pigsa.

6. Iti ania a korum ti pakaibilangan dagiti miembro ti panguluen ti templo, mision, ken missionary training center?

Dagitoy a kakabsat ket miembro ti elders quorum iti wardda.

Iti Stake Level, Maysa a High Priests Quorum

7. Ania dagiti panagbalbaliw para iti stake high priests quorum?

Ituloy ti stake presidency ti agserbi kas presidency ti stake high priests quorum. Dagiti miembro dayta a korum ket dagiti laeng high priest nga agdama nga agserserbi iti stake presidency, kadagiti bishopric, iti high council, ken kas dagiti agak-akem a patriarch. Dagiti ward and stake clerk ken executive secretary ket saan a miembro ti high priests quorum.

Gagangay a makipagmitingto dagiti miembro ti stake high priests quorum iti elders quorum no saanda a madutokan iti sadino man.

8. Ania ti akem ti stake high priests quorum?

Iti akemda iti panangidaulo, makipagmiting ti stake presidency no kasapulan kadagiti miembro ti stake high priests quorum tapno mangted iti training ken mangtulong kadagiti miembro ti korum kadagiti callingda. Dagiti agdama a miting iti stake a nailawlawag iti Handbook 2, section 18.3 ket agtultuloy nga addaan kadagiti sumaganad a panagbalbaliw:

Dagiti stake priesthood executive committee meeting ket maawagan iti “high council meeting.”
Saanen a maangay pay ti tinawen a miting dagiti amin a naordenan a high priest iti stake. Nupay kasta, angayen ti stake presidency ti tinawen a miting ti stake high priests quorum.

9. Ania dagiti panggep dagiti panagbalbaliw kadagiti korum iti Melchizedek Priesthood?

Ti kaadda ti maysa a korum ti Melchizedek Priesthood iti ward ket mamagkaykaysa kadagiti priesthood holder a mangipatungpal iti amin nga aspekto ti aramid iti pannakaisalakan, agraman ti aramid iti templo ken family history a sigud nga inurnos ti high priests group leader. Daytoy ti mangpalugod kadagiti miembro ti korum ti amin nga edad ken background tapno mairanud manipud iti pannirigan ken padas dagiti adda iti agduduma nga agpang ti biag. Daytoy pay ti mangted kadagiti nayon a gundaway kadagiti addan padasna a priesthood holder a mangisuro kadagiti dadduma, agraman dagiti prospective elder, baro a miembro, young adult, ken dagiti nagsubli iti panagaktibo iti Simbaan

Makatulong dagitoy a panagbalbaliw kadagiti elders quorum ken Relief Society a mangitunos iti aramidda. Dagitoy pay ti mangpalag-an iti pannakitunos ti korum iti bishopric ken ward council. Ket dagitoy ti mangpalugod iti bishop a mangidutok iti ad-adu pay a pagrebbengan kadagiti presidente ti elders quorum ken Relief Society tapno makapagpokus isuna ken dagiti mamagbagana kadagiti kangrunaan a pagrebbenganda—nangnangruna iti panangidaulo iti Aaronic Priesthood ken young women.

10. Iti maysa a stake, miembro kadi ti high priests quorum dagiti high priest nga agserserbi iti branch presidency?

Saan. Dagiti high priest nga agserserbi kadagiti branch presidency iti stake ket saan a miembro ti high priests quorum. Dagiti miembro ti high priests quorum ket dagiti laeng addaan iti takem [calling] iti stake presidency, iti bishopric, iti high council, ken kas agak-akem a patriarch a kasapulan kadakuada tapno agbalin a high priests.

11. Miembro kadi ti high priests quorum dagiti elder nga agserserbi iti bishopric (kas pagarigan, iti maysa a stake ti young single adult)?

Saan. Saan a miembro ti high priests quorum dagiti elder nga agserserbi iti bishopric.

12. Kasano a mayaplikar ti ministering kadagiti miembro ti high priests quorum?

Babaen ti panangiturong ti bishopda, ti presiding high priest iti ward, dagiti miembro ti high priests quorum ken dagiti pamiliada ket addaan kadagiti ministering brother ken sister nga indutok kadakuada ti elders quorumda ken ti Relief Societyda.

Gapu ta pagrebbengan dagiti stake presidency ken bishopric ti amin a miembro ti stake wenno ward, gagangay a saan a madutokan dagitoy a kakabsat kas ministering brothers kadagiti masinunuo nga indibidual wenno pamilia. Mabalin a madutokan dagiti high councilor ken agak-akem a patriarch, maibatay kadagiti lokal a kasasaad, no inkeddeng ti stake president. No madutokanda, mabalin a babaen ti elders quorum presidentda babaen ti panangiturong ti bishop dagiti wardda.

Kas mainayon iti dadduma pay a responsibilidad kas presiding high priest ken gagangay nga ukom iti Israel, addaan dagiti bishop iti masinunuo a responsibilidad, kasta met dagiti counselorda, a mangaywan kadagiti agtutubo. Doktrina ken Katulagan 107:15 mabasa ti, “Ti pagobispuan [bishopric] ti panguluen daytoy a kinasaserdote [ni Aaron], nga isu ti agiggem kadagiti tulbek wenno turay iti daytoy.” Handbook 1, 2.2, dakamatenna, “Bantayan ken taripatuen dagiti miembro ti bishopric dagiti agtutubo a lallaki ken agtutubo a babbai iti ward.”

Kasta met a, ti stake president, kas presiding high priest ti stake, isu “ti kangrunaan a naespirituan a lider iti stake” (Handbook 1, 1.1.1) ken “mangidaulo iti aramid ti pannakaisalakan” (Handbook 1, 1.1.2).

Ti Panagserbi ti Mangsukat iti Home Teaching ken Visiting Teaching

Iti adu a tawen, nagresponde dagiti home teacher ken visiting teacher kadagiti assignmentda a sumarungkar iti balay ti tunggal miembro iti binulan, mangidanon iti mensahe, ken tumulong no kasapulan. Di mabilang nga oras ti napasnek ken saan a manangimbubukod a serbisio ti naited iti daytoy naindaklan nga aramid.

Iti panangbangon iti dayta a kinapasnek, idawat itan dagiti lider iti Simbaan kadagiti miembro a mangpadakkel iit pokusda iti panangaywan kadagiti dadduma a kas ken ni Cristo, agpada nga espiritual ken temporal (kitaen iti Handbook 2, 3.2.3). Tapno mayunay-unay dayta a panangaywan, dagiti sigud a programa ti home teaching ken visiting teaching ket gagangay itan a panagkagumaan a maitudo iti “panagserbi,” nga imatonan dagiti panguluen ti elders quorum and Relief Society babaen ti panangiturong ti bishop.

13. Ania ti “panagserbi”?

Impakita ti Mangisalakan babaen ti pagwadan no ania ti kayat a sawen ti agserbi kas iti panagserbina babaen iti ayat para iti Amana ken para iti tunggal tao (kitaen iti Juan 15:9–10). Inayat, insuro, inkararagan, liniwliwa, ken binendisionanna dagiti adda iti aglawlawna, nga aw-awisenna amin ida a sumurot Kenkuana (kitaen iti Marcos 8:34). No agserbi dagiti miembro ti Simbaan, sikakararag nga agkalikagumda nga agserbi kas iti kayatna—a “manglinglingay kadagiti makasapul iti pannakalinglingay,” “mangkitkita a kanayon iti simbaan, a makipulapol ken mangpapigsa kadakuada,” “mangsarungkar iti balay ti tunggal kameng,” ken mangtulong iti tunggal maysa nga agbalin a pudno a disipulo ni Jesucristo (Mosiah 18:9; DkK 20:51, 53; kitaen met iti Juan 13:35).

No agserbi dagiti miembro, ikeddengda babaen ti komunikasion ken inspirasion ti kasansan ken kita ti pannakikontakda kadagiti naidutok kadakuada nga aywanan. Makiuman ken mangtedda iti pakaammuan kadagiti liderda iti uray maminsan laeng iti tunggal tallo a bulan maipanggep iti serbisioda ken dagiti kasapulan ken pagpigsaan dagiti nayawis kadakuada nga aywana. Ireport dagiti lider dagitoy nga interbyu iti panagserbi iti tunggal tallo a bulan; saandan nga ireport pay ti bilang dagiti nabisita wenno kontak a naaramid kadagiti indibidual ken pamilia. Mainayon pay, babaen ti priesthood link iti tunggal miembro, mangbukel dagiti agserserbi a kakabsat a lallaki ken babbai iti network iti komunikasion a mabalin nga usaren dagiti lider iti oras ti peggad wenno pettat a panagkasapulan.

14. Ania ti yawag kadagiti agserbi?

Maitudo dagiti priesthood holder kas “agserserbi a kakabsat a lallaki,” ken maitudo dagiti kakabsat iti Relief Society kas “dagiti agserserbi a kakabsat a babbai.” Gagangay, a maawagandanto iti naganda: “Brother Jones” ken “Sister Smith.” Saanda a maitudo a kas “dagiti ministro.”

15. Kasano a maipada ken maigidiat ti panagserbi manipud iti home teaching ken visiting teaching?

Maipada ti panangserbi iti home teaching ken visiting teaching iti dayta tunggal sangakabbalayan ket addaanto iti kakabsat a lallaki—dagiti agserserbi a kakabsat a lallaki—tapno agserbi ken mangaywan iti pamilia wenno dagiti indibidual nga agnaed idiay (kitaen iti DkK 20:47, 59). Tunggal nataengan a kabsat a babai ket maaddaanto kadagiti miembro ti Relief Society—dagiti agserserbi a kakabsat a babbai—tapno agserbi ken mangaywan kenkuana, nga itultuloy ti panangpatibker iti panangyunay-unay iti panangserbi nga imbinglay ti Relief Society General Presidency iti rugi ti Enero 2018 (kitaen iti “Keep in Touch with Her Anytime, Anywhere, Any Way,” Ensign wenno Liahona, Ene. 2018, 7).

Mainayon pay, sumagmamano a naidawat a kasapulan ti home teaching ken visiting teaching ti nabalbaliwan a makatulong kadagiti miembro nga agserbi iti dakdakkel a pokus iti panangipaay kadagiti kasapulan. Saanen a nasken a kanayon a pormal a panagbisita kadagiti kontak. Mabalin a maaramid dagitoy iti pagtaengan, iti simbaan, wenno iti ania man a lugar a natalged, nanam-ay, ken madanon. Kas iti insuro ni Elder Jeffrey R. Holland: Ti kaskenan a banag ket no kasano a pinaraburan ken inaywananyo dagiti adda iti uneg ti panangaywanyo, a talaga nga awan ti pakainaiganna iti naitudo a petsa wenno lugar. Ti napateg ket patpatgenyo dagiti taoyo ken tungtungpalenyo ti bilin a “mangkitkita a kanayon iti simbaan.’”³

Iti ababa a pannao, ti panagserbi ket iturong ti Espiritu, nalaka nga ibagay daytoy, ken nai-customize daytoy kadagiti kasapulan ti tunggal miembro.

16. Kasano nga iturong ti Espiritu ti panagserbi?

No agserbi dagiti miembro, agkalikagumda a manggun-od iti inspirasion tapno maammuan no kasano ti kasayaatan a mangtulong iti dadduma ken mangipaay kadagiti kasapulanda. Ti kadi naiskediul a panagbisita ken regular a tawag iti telepono iti nataengan a kabsat a babai nga agbibiag nga agmaymaysa ket mangted iti koneksion a kasapulanna? Ti kadi panangawis iti saan nga aktibo a young adult tapno makiraman iti proyekto iti komunidad ti kasayaatan a tulong a pangkontak? Ti kadi panangsuporta iti ay-ayam a soccer ti agtutubo ti makatulong iti agpada nga agtutubo ken dagiti nagannak kenkuana? Ti kadi panangteks iti maysa a tao iti makaparegta a nasantuan a kasuratan ti makatulong a mangpalag-an kadagiti dagensenna? Ti kadi maysa a surat wenno kard wenno email ti pangipakita iti makatulong a pannakaseknan? Ania koma ti paaramid ti Mangisalakan kadagiti katulonganna? Ti panangsarak kadagiti naparegta a sungbat kadagiti kasta a saludsod ken panangusar iti amin a sidadaan a magun-od a pamay-an iti pannakikontak kadagiti tao a naidutok kadakuada ket kangrunaan iti naparegta a panagserbi. Tapno mangipaay iti serbisio a kas ken ni Cristo, saan a makapagpannuray dagiti agserserbi a kakabsat a lallaki ken babbai kadagiti gagangay a panagbisita wenno naikeddeng a mesahe; agkalikagumda a manggun-od iti inspirasion ken balakad kadagiti miembro ti pamilia tapno kasayaatan a maaywanan dagiti tao a naidutok kadakuada—nga us-usaren ti oras ken resources nga adda kadakuada.

17. Kaano a nalaka nga ibagay ti panagserbi?

Adda gundaway dagiti agserserbi a kakabsat a lallaki ken babbai nga aramiden no ania ti kasayaatan a maitrabaho. Mabalin a saan nga agkasapulan iti umdas nga atension dagiti tao a nakaawisanda nga aywanan. Ti pannakipagtrabaho iti bishopric ken ward council, dagiti panguluen ti elders quorum ken Relief Society ket mangipakaammo kadagiti prioridad iti panangserbi kadagiti kakabsat a lallaki ken babbai tapno mariknada no asino ti mabalin nga agkasapulan unay kadakuada. Masansan a kangrunaan a maited ti kangatuan a prioridad kadagiti baro a miembro, saan nga aktibo a miembro a mabalin a nakasagana nga umawat, ken dadduma pay kas kadagiti awan asawana a nagannak, balo a babai, ken balo a lalaki. Mabalin a dutokan dagiti lider ti maysa a youth leader iti pamilia nga addaan maysa nga agtutubo a maipaspasango kadagiti karit, ket dagus a mangidutokda kadagiti agserserbi a kakabsat a lallaki ken babbai kadagiti baro a convert. Mabalinda a dutokan dagiti asino man a miembro ti elders quorum—dagiti high priest ken elders—iti kasta a panagserbi.

No maitutop, mabalin a madutokan ti maysa nga agassawa iti maysa a pamilia wenno indibidual. Mainayon pay, mabalin a mangted dagiti Laurel ken Mia Maid iti napapateg a kontribusion babaen ti panagserbi kas kompanion dagiti kabsat a babbai iti Relief Society, kasta met dagiti priest ken teacher babaen ti panagserbi a kaduada dagiti Melchizedek Priesthood holder (kitaen iti saludsod 22, iti baba).

18. Kasano a nai-customize ti panagserbi kadagiti kasapulan ti tunggal miembro?

Agkalikagum dagiti agserserbi a kakabsat a lallaki ken babbai a mangaramid iti no ania ti kasayaatan a mangipaay kadagiti kasapulan ti indibidual. Sidadaan a magun-od ti tunggal kita ti komunikasion tapno masungbatan dagiti parikna ti Espiritu ket maipaay dagiti kasapulan dagiti tao a pagserbianda. Ti panangipaay kadagita a kasapulan ket mangrugi iti nainkararagan a konsiderasion ken iti kaadda ti mangted adal a pannakisarita kadagiti pamilia ken indibidual a naidutok kadakuada. Iti dayta a pannakisarita ken kadagiti sumaruno a kontak, dumgngegda kadagiti tao a pagserbianda tapno maawatanda no kasano ti kasayaatan a panagserbi, ti kasansan ken ti kita ti kontak a tarigagayanda, ken ti kasapulan ken ti linaon dagiti mensahe nga ibinglayda. Penken dagiti tao nga agserbi nga umno ti amin a komunikasion iti asino man a miembro ti pamilia.

Agkalikagum dagiti agserserbi a kakabsat a lallaki ken babbai ti mangtulong kadagiti indibidual ken pamilia nga agsagana para iti sumaruno nga ordinansa, agtungpal kadagiti katulagan nga inaramidda, ken agbalin a managpannuray iti bagi. Mabalin nga iraman daytoy a tulong ti panangibinglay kadagiti naespirituan a mensahe a naibagay iti indibidual wenno pamilia, nupay ti panagserbi ket saan a kangrunaan nga assignment iti panangibinglay iti mensahe. Saanton a mairaman iti Liahona ken Ensign dagiti naipangpangruna a mensahe a mausar iti panagserbi kadagiti kontak.

19. Kasano a pagkaykaysaen dagiti lider iti Melchizedek Priesthood ken Relief Society ti aramidda?

Ti napadur-as a kabaelan nga agserbi kadagiti dadduma ket maysa kadagiti nairanta ken gagangay a bunga ti napadakkel a pigsa dagiti naulit a nabukel a korum iti priesthood ken ti ibubunga a pannakipagkaykaysa iti Relief Society. Agbalin ti panagserbi a maysa a napagtunos a panagkagumaan tapno maipatungpal ti pagrebbengan iti priesthood a “mangsarungkar iti balay ti tunggal kameng” ken “mangkitkita a kanayon iti simbaan, ken makipulapol ken mangpapigsa kadakuada” ket ti panggep ti Relief Society a “mangpatibker iti pammati iti Nailangitan nga Ama ken ni Jesucristo ken iti Pannubbotna; mangpapigsa kadagiti indibidual, pamilia, ken pagtaengan babaen dagiti ordinansa ken katulagan; ken agtrabaho iti panagkaykaysa a mangtulong kadagiti agkasapulan” (DkK 20:47, 53; Handbook 2, 9.1.1).

Ti panagtrabaho a sangkamaysa ken babaen ti direksion ti bishop, adda gundaway dagiti panguluen ti elders quorum ken Relief Society tapno maparegta, mabukel, ken maitunos iti panagkalikagum a mangbantay ken mangaywan iti tunggal indibidual ken pamilia. Iraman ti panangitunos ti panagtrabaho a sangkamaysa kadagiti sumaganad a wagas:

Irekomenda dagiti panguluen ti elders quorum dagiti assignment iti panagserbi para kadagiti indibidual ken pamilia ti ward. Irekomenda dagiti panguluen ti Relief Society dagiti assignment iti panagserbi para kadagiti kakabsat a babbai iti Relief Society. Iti lugar nga adda dagiti naisangsangayan a kasapulan, mabalin a paglilinnawagan dagiti panguluen ti elders quorum ken Relief Society dagiti naipangpangruna nga assignment sakbay a maileppas dagitoy.
Irekomenda dagiti panguluen ti elders quorum ken Relief Society dagiti assignment iti panagserbi iti bishop para iti pananganamongna.
No kasapulan, mabalin a paglilinnawagan dagiti agserserbi a kakabsat a lallaki ken babbai dagiti naisangsangayan a kasasaad dagiti indibidual ken, no kasapulan, kontakenda dagiti liderda iti korum ken Relief Society para iti nayon a tulong ken resources.
Agmimiting dagiti panguluen ti elders quorum ken Relief Society iti tunggal tallo a bulan tapno paglilinnawagan dagiti kasapulan dagiti indibidual ken pamilia a naammuan babaen dagiti interbyu iti panagserbi.
Kalpasan dayta a miting, makipagmiting dagiti presidente ti elders quorum ken Relief Society iti tunggal tallo a bulan iti bishop tapno mapaglilinnawagan dagiti kasapulan dagiti indibidual ken pamilia.
No kasapulan, makiuman dagiti lider iti elders quorum ken Relief Society iti ward council maipanggep kadagiti pagpigsaan ken kasapulan a nailasin kadagiti interbyu iti panagserbi ket agaramid ken ipatungpal dagiti plano nga agserbi ken mangbendision kadagiti miembro ti ward.

Tapno mapalag-an ti pannakitunos, ipokus dagiti ward dagiti miting iti ward council ket saanen a mangangay kadagiti miting iti priesthood executive committee. Mapaglilinnawagan dagiti aytem iti agenda a sigud a napagsasaritaan kadagiti miting iti priesthood executive committee, no kasapulan, kadagiti napadakkel a miting iti bishopric, ward council, wenno dagiti miting iti tunggal tallo a bulan iti bishop, elders quorum president, ken ti Relief Society president.

20. Kasano nga umawat dagiti miembro iti assignmentda iti panagserbi?

Makipagmiting dagiti lider kadagiti agserserbi a kakabsat a lallaki ken babbai—nangnangruna kadagiti agkompanion—tapno ibinglayda dagiti assignmentda kadakuada ken tapno balakadanda maipapan kadagiti pagpigsaan, kasapulan, ken karit dagiti tao a pagserbianda. Maaramid daytoy a pannakisarita iti interbyu iti panagserbi (kitaen iti saludsod 24, iti baba) wenno no kasapulan.

21. Ania ti akem dagiti panagbisita iti uneg ti pagtaengan?

Dagiti naited a numero, distansia, panagtalged, ken dadduma pay a konsiderasion, ti panagbisita iti tunggal pagtaengan iti tunggal bulan ket mabalin a saan a posible wenno praktikal; nupay kasta, napateg dagiti personal a panagbisita no mabalin a maaramid dagitoy. Tapno agserbi kas iti kayat ti Mangisalakan, ibilang dagiti agserserbi a kakabsat a lallaki ken babbai ti tunggal posibilidad para iti panangaywan ken panagkontak kadagiti tao a naidutok kadakuada.

22. Kanayon kadi a mairaman iti panagserbi ti panangibinglay iti maysa a mensahe?

Saan. Bayat ti pannakaam-ammo dagiti agserserbi a kakabsat a lallaki ken babbai dagiti tao a naidutok kadakuada, maammuanda dagiti kasapulanda ken mabalin nga iparikna kadakuada ti Espiritu Santo tapno mangisuro iti maysa a pagbatayan iti ebanghelio. Mabalin pay nga agkiddaw ti maysa a naganak iti naipangruna a topiko para iti pamiliana. Ngem ti kasayaatan a “mensahe” ket panangaywan ken panangngaasi.

23. Kasano nga agipakaammo dagiti agserserbi a kakabsat a lallaki ken babbai kadagiti panagkagumaanda?

Saanen nga agummong dagiti lider kadagiti report dagiti pamilia ken indibidual a nabisita bayat ti naited a bulan. Ketdi, addaan iti gundaway dagiti agserserbi a lallaki ken babbai a makiinnuman kadagiti lider iti elders quorum ken Relief Society maipapan kadagiti kasasaad dagiti tao a pagserbianda ken maipapan kadagiti agtultuloy a panagkagumaanda iti panagserbi. Maaramid ti panaggiinnuman iti uray laeng tunggal tallo a bulan kadagiti interbyu iti panagserbi ken ania man a nayon pay nga oras no kasapulan ti komunikasion.

24. Ania ti nterbyu iti panagserbi?

Maangay ti interbyu iti panagserbi (1) tapno kauman maipapan kadagiti pagpigsaan, kasapulan, ken karit dagiti naidutok a pamilia ken indibidual, (2) tapno ikeddeng no ania a kasapulan ti mabalin a pakatulongan ti korum, Relief Society, wenno ward council, ken (3) tapno masursuruan manipud kadagiti lider ken maparegta kadagiti panagkagumaan iti panagserbi.

Iti uray tunggal tallo a bulan, makipagmiting dagiti agserserbi a kakabsat a lallaki ken babbai iti maysa a lider ti elders quorum wenno Relief Society iti interbyu iti panagserbi, maymayat no personal ken kadua ti kompanionda. Ti maysa nga agassawa nga agkadua nga agserserbi ket makipagmiting kadagiti lider ti elders quorum wenno Relief Society wenno agpada. Iti baet dagiti interbyu, ipakaammo dagiti agserserbi a kakabsat a lallaki ken babbai ti dadduma pay nga impormasion no kasapulan—iti personal wenno babaen ti tawag iti telepono, teks, email, wenno dadduma pay. Ibinglayda dagiti kumpidesial nga impormasion laeng iti elders quorum wenno Relief Society president—wenno direkta iti bishop.

25. Kasano nga agidulin dagiti lider iti rekord dagiti interbyu iti panagserbi?

Dagiti panguluen ti Elders quorum ken Relief Societ ket agidulin iti rekord dagiti interbyu nga iggemga kadagiti agserserbi a kakabsat a lallaki ken babbai. Ipakita dagiti lider ti bulan a naangay dagiti interbyu ken no asino ti nairaman kadagitoy. Ireportda ti agkompanion kas nainterbyu no uray maysa laeng a miembro ti agkompanion ken nainterbyu bayat ti tunggal tallo a bulan.

Iti 1 Agosto, 2018, dagiti update iti LDS Tools app ken iti Leader and Clerk Resources iti LDS.org ket available para iti kasta a panagreport. Dagiti panagbalbaliw iti Quarterly Report ket available pay iti tengnga ti 2018. Ti ad-adu pay a detalye para kadagiti lider ken klerk ket maitedto iti umay a pakaammo manipud iti Church headquarters.

26. Ania ti akem dagiti ministering coordinator ken supervisor?

Naisardengen dagiti panangawag iti ministering coordinator ken ministering supervisor. Nasken a mai-release dagiti naawaganen kadagitoy a saad.

27. Asino ti mangiturong kadagiti interbyu iti ministering?

Tunggal miembro ti panguluen ti elders quorum ken Relief Society ti mangiturong kadagiti interbyu iti ministering. Uray iti maysa a dakkel a ward, makitanto dagiti lider a nalaka a maiturong dagiti interbyu no sumagmamano ti angayen ti tunggal miembro ti panguluen. Saan a nasken nga atiddog tapno agbalin nga epektibo dagiti initerbyu iti ministering.

28. Kabayatan ti tunggal tallo a bulan kaano nga angayen dagiti lider dagiti interbyu iti ministering?

Mabalin ken nasken a maangay dagiti interbyu iti ministering iti unos ti tunggal tallo a bulan—ken saan a mailatang para iti maudi a lawas wenno maudi a bulan ti tunggal tallo a bulan. No regular nga angayen dagiti lider dagiti interbyu, makitadanto a makaipatungpalda kadagiti naespirituan ken temporal a panggep ti ministering.

Panangiraman kadagiti Agtutubo iti Panagserbi

29. Kasano a mairaman dagiti agtutubo kadagiti assignment iti panagserbi?

Mabalin a pilien dagiti lider a dutokan dagiti Laurel ken Mia Maid kas kompanion kadagiti kakabsat a babbai iti Relief Society, madutokan itan dagiti priest ken teacher kas kompanion kadagiti Melchizedek Priesthood holder. Maibinglay dagiti agtutubo dagiti naidumduma a sagutda ken dumur-asda a naespirituan bayat ti pannakipagserbida kadagiti nataengan iti aramid iti pannakaisalakan ken bayat ti pannakiumanda maipapan iti dayta a serbisio kadagiti interbyu iti panagserbi. Mainayon pay, ti panangiraman kadagiti agtutubo kadagiti assignment iti panagserbi ket mangpadur-as iti tulong a panangaywan kadagiti dadduma babaen ti panangpadakkel iti bilang dagiti miembro a makiraman. Mabalin a daytoy pay ti mangpalag-an ken mangpapigsa kadagitoy a panagkagumaan iti uneg ti pamilia kas inna ken annak a babbai—kas amma ken annak a lallaki—nga agtinnulong nga agserbi.

30. Nasken kadi a maidutok a nangnangruna kenkuana ti maysa nga agtutubo nga addaan kadagiti agserserbi a kakabsat a lallaki ken/wenno babbai?

Saan. Dagiti agtutubo a lallaki ken agtutubo a babbai ket pagserbian dagiti agserbi kadagiti pamiliada ken kasta met nga aywanan ida dagiti liderda iti Aaronic Priesthood ken Young Women.

31. Mabalin kadi a madutokan dagiti agtutubo a lallaki ken agtutubo a babbai nga agminister a kadua dagiti nataengan a kompanionda?

Wen. Dagiti pangiwanwan iti kallabes a dokumento “Panangliklik ken Panagresponde iti Abuso” ket mangipalubos kadagiti ministering companionship a nakaidutokan dagiti agtutubo kas kompanion dagiti nataengan. Ti “ministering” ket saan a maibilang a kas “aktibidad” wenno “klase,” kas natukoy kadagita a pangiwanwan.

Nasken nga usaren dagiti lider ti naparegta a pangngeddeng no mangdutok kadagiti agtutubo kas kompanion iti ministering. Nasken a liklikan dagiti nataengan a kompanion dagiti situasion a mabalin a saan a maawatan. Nasken nga agannadda maipanggep kadagiti situasion nga one-on-one tapno addaan dagiti agtutubo iti natalged ken napateg a padas iti ministering. Mainayon pay, nasken a maaramat ti sirib iti saan a panangdutok kadagiti agtutubo kadagiti narigat a situasion iti pagtaengan ken pamilia.

32. Nasken kadi nga addaan dagiti Mia Maid ken Laurel kadagiti ministering assignment?

Mabalin a maawis dagiti Mia Maid ken Laurel nga agminister. Kauman dagiti nagannak ken lider ti tunggal agtutubo a babai, ken no ti kasasaadna ket kabaelanna ken natallugod nga agserbi, mabalin a maikkan isuna iti ministering assignment. Agserbi dagiti agtutubo a babbai kas kompanion dagiti kakabsat a babbai iti Relief Society.

33. Asino ti mangted iti ministering assignment kadagiti agtutubo?

Addaan iti pananganamong ti bishop, maysa a miembro ti panguluen ti Relief Society ti mangted iti ministering assignment kadagiti Mia Maid ken Laurel. Ket, addaan iti pananganamong ti bishop, maysa a panguluen ti elders quorum ti mangted iti ministering assignment kadagiti teacher ken priest.

Dagiti Korum ken Relief Society

34. Ti pokus kadi ti elders quorum ken Relief Society ket mangpapigsa iti akem ti bishop ken ti ward council?

Wen. Ti bishop isu ti presiding high priest ken “mangipaay iti pangiwanwan ken balakad iti dadduma pay a lider iti ward” (Handbook 1, 2.1.1). Irebyu ken anamonganna dagiti naidutok nga aramiden iti ministering. Babaen ti panangiturong ti bishop, agtultuloy ti ward council iti napateg nga akemna a “mangtulong kadagiti indibidual a mangbangon iti pammaneknek, umawat kadagiti pangisalakan nga ordinansa, agtungpal kadagiti katulagan, ken agbalin a naikkan-pateg a pasurot ni Jesucristo” (Handbook 2, 4.4). Dagiti napapigsa nga elders quorum ken Relief Society—nga ibagi dagiti presidenteda, a miembro ti ward council—ket mangpapigsanto iti kinaepektibo dayta a council.

35. Nasken kadi a sumarungkar dagiti panguluen ti elders quorum kadagiti miembro ti korum iti maminsan ti makatawen (kitaen iti Handbook 2, 7.3.2)—kas mainayon iti panangangay kadagiti interbyu iti ministering iti tunggal tallo a bulan?

Wen. Kas paset ti amin a responsibilidadda, nasken nga aginterbyu dagiti panguluen ti elders quorum kadagiti miembro ti korum a mainaig iti amin a pagrebbengan iti priesthood—a pakairamanan ti pagimbagan ti priesthood holder, ti asawana, ken ti pamiliana—iti uray maminsan laeng ti makatawen. Mabalin nga angayen dagitoy nga interbyu iti unos ti tawen. Nasken a saan a maikadua daytoy a panaglilinnawag iti interbyu iti ministering nga adda pay ti maysa a kompanion.

36. Asino ti makatulong kadagiti panguluen ti elders quorum ken Relief Society a mangipatungpal iti aramid ti pannakaisalakan?

Mabalin dagiti panguluen ti elders quorum ken Relief Society ti mangbukel kadagiti miembro a makatulong a mangipatungpal iti aramid no kasapulan. Kas pagarigan, mabalinda nga awagan dagiti miembro a mangidaulo ken tumulong iti kasta nga aramid kas iti serbisio, templo ken family history, panangibinglay iti ebanghelio, ken welfare.

37. Mabalin kadi a maaddaan ti ward iti nasursurok ngem maysa nga elders quorum wenno Relief Society?

Wen. Segun iti Doktrina ken Katulagan 107:89, no addaan ti ward iti di gagangay a dakkel a bilang dagiti aktibo a Melchizedek Priesthood bearer, mabalin ti mangbukel dagiti lider iti nasurok ngem maysa nga elders quorum. Kadagiti kasta a kasasaad, nasken nga addaan ti tunggal korum iti nainrasonan a balanse no mainaig iti edad, padas, ken priesthood office ken pigsa. Mayaplikar dagiti maipada a pagbatayan iti Relief Society.

38. Mabalin kadi dagiti presidente ti elders quorum ken Relief Society ti umawag kadagiti nayon pay a mammagbaga a tumulong iti ministering?

Saan. Addaan ti presidente iti dua a mammagbaga. No makita dagiti lider a kasapulan ti nayon pay a tulong, mabalinda a yuman iti bishopda maipapan iti panangawag iti maysa wenno ad-adu pay a ministering secretary. Mabalin a maidutok dagitoy a mininstering secretary, kas pagarigan, tapno yiskediul dagiti interbyu iti ministering ken tumulong a mangisagana iti quarterly report dagiti iterbyu.