Ennaan eo jān Būreejtōnji eo Kein Kajuōn

Likao im jiron̄ ro rejitōn bōro ippem,

Kōmij iakwe kom̧, im ewōr am lōke ilo kom̧. Kwe em̧ool kwoj pād ilubwiljin jetōb ko kāleti jān Jemedwōj Ilan̄, jilkintok n̄an laļ in ilo tōrein n̄an kōm̧m̧ani men ko raorōk.

Emaron̄ in wōr iien kwoj jab en̄jake kajoor ak maron̄. Menin ekkā an waļo̧k. Eļaptata ilo iien rōt kein, reiļo̧k n̄an Rilo̧mo̧o̧r. E ej “kajoor eo an jodikdik ro.”

Tōl in enaaj jipan̄ kwe kalōk juon pedped epen n̄an kōm̧m̧ani kālet ko n̄an pād wōt ilo iaļan bujin in. Enaaj jipan̄ kwe kōppopo n̄an kōm̧m̧ane bujen ko rekwojarjar ilo tampeļ, kōppopo n̄an jerbal in mijenede, im kappukōt m̧ōņōņō ilo am̧ ļoore Jisōs Kraist ilo aolepen mour eo am̧. Kōm ej kōjatdikdik bwe kwoj en̄jake bwe kwoj aikuj pād ilo Kabun̄ eo an Rilo̧mo̧o̧r im ewōr kajoor jān E n̄an kakūrm̧ool un ko An n̄an kwe.

Jejeļā Anij ej mour. Ej ad jar bwe kwonaaj dim im pen ilo iaļan bujin in eo enaaj tōl eok n̄an ro̧o̧l ippān Jem̧ōm̧ Ilan̄. Ilo am̧ kōm̧m̧ane menin, kwonaaj im̧we n̄an em̧m̧an eo, kwaļo̧k gospel eo ilo m̧ōņōņō im kōpooj laļ in n̄an Itok eo Kein Karuo an Rilo̧mo̧o̧r.

Būreejtōnji eo Kein Kajuon