Kappukōt lan̄lōn̄ ilo Kraist

Kālet ko ewōr tokjeer. Kālet ko pedped ioon katak ko an gospel rej bun̄tōn ko rej kepaakļo̧k kwe n̄an Jemedwōj Ilan̄ im Jisōs Kraist. Rilo̧mo̧o̧r ekar ba, “Men kein Ij kōnono n̄an kom̧, … bwe ami lan̄lōn̄ en obrak” (Jon 15:11 Ippān kajjojo bun̄tōn ko n̄an E, kwonaaj en̄jake epaakeļo̧k Jetōb eo im bujen in jemjerā eo am̧ ippān Anij enaaj kajoorļo̧k.

Ak ejjab meļeļein enaaj ejjeļo̧k būrabļōm̧ ko rej waļo̧k ilo iaļ in. Im kōnke ejjeļo̧k juon ej etetal ilo iaļ eo ejejjet, en ikkut am̧ lale iaļ eo am̧ im kauteij kien ko an Anij. Kōparok bujen ko am̧ ippān Anij, im kōppopo n̄an kōm̧m̧an eļapļo̧k. Bujen ko rej koneeke kwe n̄an Jemedwōj Ilan̄ im Rilo̧mo̧o̧r. Rej kōlapļo̧k kajoor eo an Anij ilo mour eo am̧ im kōpooj kwe n̄an bōk mour indeeo.

Ilubwiljin aolep kālet ko, kālet eo eaorōktata ej kālet eo n̄an ļoore Jisōs Kraist. E ej kajooor eo n̄an jodikdik ro. Gospel eo An ej lan̄lōn̄ eo n̄an ro̧o̧l ippān Jemedwōj Ilan̄.