Նկար. կինը զննում է Հիսուսի ձեռքը ականատեսների աչքի առաջ

Առաջին Նախագահության ուղերձ

Մեր սիրելի երիտասարդ եղբայրնե՛ր և քույրե՛ր,

Մենք սիրում ենք ձեզ և վստահում ենք ձեզ: Դուք իսկապես Երկնային Հոր ընտրյալ հոգիներից եք, որոնք ուղարկվել են երկիր այս պահին՝ կարևոր գործեր կատարելու:

Կարող են լինել դեպքեր, երբ դուք ձեզ ուժեղ և ընդունակ չեք զգա: Դա նորմալ է: Հատկապես այդ պահերին դիմեք Փրկչին: Նա «երիտասարդության ուժն է»։

Այս ուղեցույցը կօգնի ձեզ ամուր հիմք ստեղծել, որպեսզի ընտրություններ կատարեք ուխտի ուղու վրա մնալու համար: Այն կօգնի ձեզ պատրաստվել սուրբ ուխտեր կապել տաճարում, պատրաստվել ծառայելու միսիայում և ուրախություն գտնել՝ հետևելով Հիսուս Քրիստոսին ձեր ողջ կյանքում: Մենք հուսով ենք, որ դուք զգում եք, որ պատկանում եք Փրկչի Եկեղեցուն և ուժ ունեք Նրա կողմից՝ իրականացնելու Նրա նպատակները ձեզ համար:

Մենք գիտենք, որ Աստված ապրում է: Մենք աղոթում ենք, որ դուք ամուր մնաք ուխտի ճանապարհին, որը տանում է դեպի ձեր Երկնային Հայրը: Դրանով դուք մշտապես բարի ազդեցություն կունենաք՝ ուրախությամբ կիսվելով ավետարանով և պատրաստելով աշխարհը Փրկչի Երկրորդ Գալուստին:

Առաջին Նախագահություն