Pēni nō te hō’ē vahine e hi’opo’a ra i te rima o Iesu i rotopū i te mau ta’ata māta’ita’i.

Parau poro’i nā te Peresidenira’a Mātāmua

E au mau taea’e ’e mau tuahine ’āpī ē,

’Ua here mātou ia ’outou, ’e tei ni’a tō mātou ti’aturi ia ’outou. Tei roto mau ’outou i te mau vārua mā’itihia a te Metua i te ao ra, tei tonohia mai i te fenua nei i teie taime nō te rave i te tahi ’ohipa faufa’a rahi.

E mau taime paha ’aita ’outou e mana’o nei ē, e mea pūai ’outou, ’aore rā e haere ia ’outou. ’Aita e fifi terā. I terā taime mau ’outou e fāriu atu i ni’a i te Fa’aora. ’O ’oia te « pūai o te feiā ’āpī. »

E tauturu teie buka arata’i ia ’outou ’ia ha’amau i te niu pāpū nō te rave i te mau mā’itira’a, nō te fa’aea i ni’a i te ’ē’a nō te fafaura’a. E tauturu te reira ia ’outou ’ia fa’aineine nō te rave i te mau fafaura’a mo’a i roto i te hiero, ’ia fa’aineine nō te tāvini i te hō’ē misiōni, ’e ’ia ’ite i te ’oa’oa i te pe’era’a ia Iesu Mesia i te roara’a o tō ’outou orara’a. Maita’i ē, tei roto ia ’outou te mana’o ē, e tā’amura’a tō ’outou i te ’Ēkālesia a te Fa’aora, ’e e mana tō ’outou mai iāna ra nō te rave i tāna mau ’ōpuara’a nō ’outou.

’Ua ’ite mātou ē, tē ora nei te Atua. ’O tā mātou nei ho’i pure ’ia vai pāpū noa ’outou i ni’a i te ’ē’a nō te fafaura’a ’o tē arata’i ’e ’o tē fa’aho’i atu ia ’outou i tō ’outou Metua i te ao ra. ’A nā reira ai ’outou, e riro mai ’outou ’ei mana fa’aitoito nō te maita’i, i te fa’a’itera’a i te ’evanelia ma te ’oa’oa ’e i te fa’aineinera’a i teie nei ao nō te Tae-Piti-Ra’a mai o te Fa’aora.

Te Peresidenira’a Mātāmua