Magpangita sang kalipay kay Cristo

Ang mga pagpili may importansya. Ang mga pagpili nga nabase sa mga pinanudlo sang ebanghelyo mga tikang nga nagapapalapit sa imo sa imo Amay nga Langitnon kag kay Jesucristo. Siling ni Jesus, “Ginasugid ko ini nga mga butang sa inyo, … [agod] ang inyo kalipay mangin bug-os” (Juan 15:11). Sa kada tikang padulong sa Iya, mabatyagan mo nga mas malapit sa Espiritu kag ang imo relasyon sa kasugtanan upod sa Dios mangin mas mabakod.

Pero wala ina nagakahulugan nga ang dalan wala na sing problema. Kag tungod wala sing nagalakat sa perpekto nga tadlong nga dalan, bantayi pirme ang imo direksyon kag tahura ang mga kasuguan sang Dios. Tumana ang imo mga kasugtanan upod sa Dios, kag maghanda sa paghimo sang dugang pa. Ang mga kasugtanan nagaangot sa imo sa Amay nga Langitnon kag sa Manluluwas. Ginapadako sini ang gahum sang Dios sa imo kabuhi kag ginahanda ka sa pagbaton sang kabuhi nga wala katapusan.

Sa tanan nga posible nga mga pagpili, ang pinakaimportante amo ang pagpili nga sundon si Jesucristo. Sia ang kusog sang mga lamharon. Ang Iya ebanghelyo amo ang malipayon nga dalan pabalik sa imo Amay nga Langitnon.