« ទស្សនាវដ្តី ប្រិយមិត្ត៖ ជាទស្សនាវដ្តីសកលសម្រាប់កុមារ » ខែមករា ឆ្នាំ ២០២១ ។
ទស្សនាវដ្តី ប្រិយមិត្ត៖ ជាទស្សនាវដ្តីសកលសម្រាប់កុមារ
ការដើរតាមព្រះយេស៊ូវជាមួយគ្នា
ទស្សនាវដ្តីសកលមួយ
ទស្សនាវដ្ដីប្រិយមិត្ត អញ្ជើញកុមារទូទាំងពិភពលោកឲ្យដើរតាមព្រះយេស៊ូវជាមួយគ្នា ។ ច្បាប់នីមួយៗមានដំណើររឿងក្នុង ព្រះគម្ពីរ នានាជាសារលិខិតប្រកបដោយមិត្តភាពចំពោះកុមារ មកពីព្យាការី និងថ្នាក់ដឹកនាំសាសនាចក្រផ្សេងៗទៀតមានល្បែង និងទំព័រផាត់ពណ៌ និងដំណើររឿងរបស់កុមារទូទាំងពិភពលោកដែលកំពុងដាក់សេចក្តីជំនឿរបស់ពួកគេទៅលើព្រះអង្គសង្គ្រោះឲ្យទៅជាសកម្មភាព ។ ទស្សនាវដ្តី ប្រិយមិត្តរួមមានការចូលរួមក្នុងការស្ថាបនាសេចក្តីជំនឿដែលបានបកប្រែជា ៤៨ ភាសា ។
សម្រាប់កុមារគ្រប់វ័យ
ជាមួយនឹងផ្នែកជាពិសេសសម្រាប់កុមារធំៗនិងកុមារតូចៗ ច្បាប់នីមួយៗរបស់ ប្រិយមិត្ត ក៏មានគំនិតសម្រាប់ធ្វើរាត្រីជួបជុំ ក្រុមគ្រួសារ និងមេរៀន ចូរមកតាមខ្ញុំ ដ៏រីករាយសម្រាប់កុមារគ្រប់វ័យ ។ ទស្សនាវដ្តី ប្រិយមិត្ត អាចជួយកុមារ និងក្រុមគ្រួសារកែលម្អជំនាញអក្ខរកម្ម បង្កើនការយល់ដឹងអំពីដំណឹងល្អ និងកាន់តែរីកចម្រើនខិតទៅជិតព្រះយេស៊ូវគ្រីស្ទ ព្រះអង្គសង្គ្រោះ និងមិត្តភក្តិ របស់ពួកគេ ។
សម្រាប់មាតាបិតា និងគ្រូបង្រៀន
មាតាបិតា និងគ្រូបង្រៀនអាចប្រើទស្សនាវដ្ដីដើម្បីជួយបង្រៀនព្រះគម្ពីរជាមួយនឹង សៀវភៅចូរមកតាមខ្ញុំ ។ ដំណើររឿងទាំងឡាយនៅក្នុង ទស្សនាវដ្តីអាចប្រើជាឧបករណ៍បង្រៀនដ៏មានអានុភាព និងដើម្បីចាប់ផ្តើមការសន្ទនាជាមួយកុមារអំពីបទពិសោធន៍ផ្ទាល់ខ្លួនរបស់ពួកគេ ។
វីដេអូ និងទស្សនាវដ្តីបន្ថែម
ទស្សនាវដ្តី ប្រិយមិត្តបានបោះពុម្ព ផ្សាយជាវីដេអូនៃដំណើររឿងព្រះគម្ពីរ និងវីដេអូចម្រៀងសម្រាប់កុមារ ក៏ដូចជាដំណើររឿងតាមឌីជីថលអំពីប្រធានបទដែលរសើបតែប៉ុណ្ណោះ ។ អាចស្វែងរកឃើញបន្ថែមនៅលើគេហទំព័រ ChurchofJesusChrist.org ឬនៅក្នុងកម្មវិធីបណ្ណាល័យដំណឹងល្អ ។
ពួកយើងចង់ឮពីអ្នក !
ទស្សនាដ្តី ប្រិយមិត្ត ចង់ឮពីកុមារនៅជុំវិញពិភពលោកទាំងអស់ ! សូមផ្ញើមកកាន់យើងដូចខាងក្រោម ៖
-
ពេលមួយដែលអ្នកជ្រើរើសធ្វើត្រូវ ទោះជាមានការលំបាកយ៉ាងណាក្ដី ។
-
រូបភាព ឬគំនូររបស់អ្នកនៅឯព្រះវិហារបរិសុទ្ធ ។
-
ពេលមួយដែលអ្នកជួយនរណាម្នាក់
-
ឧទាហរណ៍អំពីរបៀបដែលគ្រួសាររបស់អ្នកប្រើទស្សនាវដ្តី ប្រិយមិត្ត ( រួមទាំងរូបថតមួយសន្លឺក !)
-
គំនូរ ឬស្នាដៃសិល្បៈផ្សេងទៀតដែលបង្ហាញដំណើររឿងព្រះគម្ពីរ ព្រះយេស៊ូវ និងព្រះវិហារបរិសុទ្ធ ។ ល ។
សូមផ្ញើដំណើររឿងឬ ស្នាដៃសិល្បះទៅកាន់friend@ChurchofJesusChrist.org ។