“32. Koluhla oh Soun Kaweid enTohn Mwomwodiso kan,” Pwuhk en Kaweid Doadoahk: Papah nan Mwomwohdiso en Sises Krais en Souleng en Imwin Rahn akan (2020).

“32. Koluhla oh Soun Kaweid enTohn Mwomwodiso kan Pwuhk en Kaweid Doadoahk.

32 .

Koluhla oh Soun Kaweid enTohn Mwomwodiso kan

32.0

Mehn Kapehse

Palilaud en koluhla kin wiawi nan pwungen emen emen aramas, Koht, oh irail kan me ohkihla pwehki sang ni dipen aramas emen. Ahpw, ekei pak pisop men de steik preseden men kin anahne sewese irail toweh kan en Mwomwohdiso ni arail kin nantiheng koluhla.

Nan ansou en sewese irail toweh kan koluhla, pisop kan oh steik preseden kan kin ahniki limpoak oh insonoh. Irail kin idawehn karasaras en Sounkomouro, me kin utungada emen emen irail kan oh sewese irail en sohpeisang dihp oh sohpeieng Koht (kilang Matthew 9:10–13; John 8:3–11).

Ni ah sansal pah, audepen oaralap wet wiawihda pwehn kaweihd kaun kan sang ni koasondi kesempwal kan oh wiewiah kan me konehng en sewese aramas emen koluhkihla dihp laud ehu oh sawas ohng epwel mwahu en mehtei kan.

Wiepen an Mwomwohdiso ah kin sewese emen aramas repent. Ire tikitik 32.1–32.4 kaweweh sapwellimen Kauno padahk en koluhla oh mahk. Ire tikitik pwukat pil kaweweh duwen kahrepe siluh en iraihrdih kan de kapidoi kan en irail toweh kan en Mwomwohdiso. Me pil patehng met, irail pil kaweweh pwukoahn pisop kan oh steik preseden kan ni arail pahn kin sawaskihda sawas en koluhla.
Pilada wasa me pahn mwahu ong sewese emen aramas koluhla. Ire tikitik 32.5–32.7 kasalehda mehn kaweihd kan ong ni pilipildahn ihs toweh en kaunsel de emen me kak kaweihd me kak wia pwukoahn sounwasas ong sewese aramas emen koluhla.
Ketkiihda Sawas en Kaweihd ong Emen Aramas Ire tikitik 32.8 kasalehda mehn kaweid kan ong aramas emen sang rehn pisop de steik preseden. Met pil sewese kawehwehda iraihr akan me sohte anahne intingdi duen tohn Mwomwohdiso.
Koluhla oh tohn kaweid kan en Mwomwohdiso. Ire tikitik 32.9–32.14 kaweweh irail kan me ahniki pwukoah ong toweh en kaunsel kan, mwomwen arail pahn katanga, oh koasondih kan me pahn mie. Pweidahn koasondih kau pil mie kawewehpe.
Kamwaupeh kan ong Tohn Mwomwohdiso me Pwurodo Ire tikitik 32.15–32.17 kaweweh mwomwen aramas emen kak en ahniki ansou mwahu en pwurehng wia towe en Mwomwohdiso pwehki sang ni koluhla.

Ihte ma e intingdier, me pahn sansal ong irail steik preseden kan oh pil ong irail misin preseden kan. Branch preseden kan me sohte iang.

WIEPEN AN MWOMWODIHSO AH KIN SEWESE EMEN ARAMAS REPENT

32.1

Koluhla oh Mahk

Kauno ketin mahsanih “sohte mehkot samin kak iang sohsohki wehin nanleng” (Alma 11:37; see also 3 Nephi 27:19). Dipatail kan karehda atail samin--sohte warohng en mih mwohn Samatail Nanleng. Irail pil kiheng kitail lokolok nan mour wet.

Sapwellimen Koht kosonned en kopwung anahne en mie kalokepe ni ansou me kitail kin wia dihp (see Alma 42:14, 17–18). Ahpw, Sapwellime pilahn en mahk “kak en apwaliala ruwes en kopwung oh kapit kitaila” (Alma 34:16; see also Mosiah 15:9).

Pwehn kak wahdo Sapwellime pilahn en mahk, Sahm Nanleng ketkihdo Sapwellime Iehros, Sises Krais, en matkihla dipatail kan (kilang Alma 42:15). Sises ketin lokolongki kalokolok en kosonned en kopwung me anahnepe ong dipatail kan (kilang Doctrine and Covenants 19:15–19; see also Alma 42:24–25). Sang ni tohnmetei wet, Sahmo oh sapwellime Ierohso kasaledahr Sapwellimara limpoak poatoapoat ong kitail (kilang John 3:16).

Ni ansou me kitail kin ihdawehn “pwoson en koluhla,” Sahm Nanleng mahkehng kitail, ketkihong kitail mahkepen dihp sang ni Tomw en Sises Krais (Alma 34:15; pil kilang Alma 42:13). Ni atail mwakelekelahr oh lapwadahsangehr nan dihp, kitail kakehr iang sohsohki wehin Koht (kilang Isaiah 1:18; Doctrine and Covenants 58:42).

Koluhla e wia mehkot ehu me pil sikisang weliakapwalahn wiewia. Iei sohpeisang dihp oh sohpeilahng Sahm Nanleng oh Sises Krais. E ketkiheng kitail weliakapwalahn mongiong oh madamadau (kilang Mosiah 5:2; Alma 5:12–14; Helaman 15:7). Sang ni koluhlahn dihp, kitail wiahla aramas kapw ekei, pwurodohng rehn Koht (kilang 2 Corinthians 5:17–18; Mosiah 27:25–26).

Ahniki ansou mwahu en koluhla iei ehu kapai keieiu laud me Sahm Nanleng ketkihong kitail sang ni kisakis en Sapwellime Iehros.

32.2

Karoapoan tohn mwomwohdiso ah kin kainapwihdi oh kadowanla

Ni ansou me emen aramas ah kin pepdais, e kin wiahla kisehn “tehnpas en Koht” (Ephesians 2:19). Inou pen pepdais kin pil patehng inoupen memouriki sapwelimen Kraise padahng kan oh kosoned akan. Ni ansou me emen aramas kin pwopwudi,e kin pwurohng kakehlaka ah pwoson oh koluhla, kekehliki sapwelime kalahngan en kehlail oh en kin mahk.

Ma toweh men wiadahr dihp toutou ehu, pisop men de steik preseden men pahn sewese ih pwe en kak koluhla. Kisehn mwekid wet, e pahn anahne kainapwih sang sohng kei nan mwomwohdiso erein ansou iou. Mie songen irair kei, me e pahn anahne kohsang ah wia towe erein ansou iou.

Kosondih kan oh kakomoldien emen tohn mwomwohdiso e sohte wia men kolokolok. Apw, mwekid pwukat ekei pak kin kesempwal pwe e kin sewese emen aramas en kin koluhla oh weliakapwala. Re pil kin kieng emen aramas ansou pwe en kak kaunopada palingenih pwe en pwurehng tapiahda oh kolokol ah inou kan.

Bishop oh steik preseden me kin kilikilang irairdi kan oh kotorohr la kan ni duen nan 32.5–32.14. Mwekid pwukat pil kin patengete doadoak en koluhla. Ni ansou me emen aramas ah kin koluhla ni mehlel, e kin ahniki ansou mwahu en pwurohng kopwurpwuriong pwukoah kan.

Ansou me kainapwidi oh dohlahn towe men in anahn da, pisop de steik presidensi kin idawen kaweid en Ngehn Sarawi oh kaweid kan nan iren pwuhk wet. E kin mwekid ni ngehn en limpok (kilang 32.3).

Kainapwidi en tohn mwomwidso men kin ong nan mour teio, kaidehn ong nan mour wet oh e sohte suwed. E kin doke aramas emen me kin uh mwohn Krais. (Kilang Doctrine and Covenants 134:10.)

Sohng siluh ong kahrepen kainapwih oh dohlan towe men iei me kohdo mwuhr kan.

32.2.1

Sewese Doarehla Meteikan.

Kahrepe keieu en sewese oh doarehla meteikan. Ekei pak aramas emen kin alehdi mehkot me keper ong paliwar oh pali ngehni. Mwekid suwed kan, medek en paliwar, wiakau en nenek, wiakau en dipwisou, likamw, oh mwohmw wia kisehn mwekid suwed pwukat. Sang ni pepehm, bisop oh steik presiden mwekid pwe en doarehla meteikan ansou me emen lelohng mepwukat oh ni sohng kapwuriamwei teikan (kilang Alma 5:59–60).

32.2.2

Sewese Aramas emen en kak Wewehki duwen Manaman en komour rehn Sises Krais sang ni arail pahn kin Koluhla.

Kahrepe keriau iei en sewese aramas emen en kak wewehki duwen manaman en komour rehn Sises Krais sang ni arail pahn kin koluihla. Sang ni wiepe wet, e kak pil ehu mwakelekelda oh warohng en alehda sapwelimen Koht kapai kan.

32.2.3

Doare mehlel en Mwomwodiso

Kahrepe kesiluh iei en doare mehlel en Mwomwodiso. Kainapwdi de kadowanlahn aramas emen sang ni ah wia tohn mwomwodiso men kak wiawi ma ah mwekid kan pahn uhwong ada mwekid en Mwomwodiso Church (kilang Alma 39:11). Doarepen Mwomwodiso sohte kohsang ni ekihla de katikala dihp laud akan—ahpw e kin kasalehda.

32.3

Pwukoahn Sounkopwung kan nan Isrehl

Bishops and stake presidents are called and set apart to be judges in Israel (kilang Doctrine and Covenants 107:72–74). Irail kin kolokol kih kan en prihsduhd me kin welian Kauno sousewese toweh kan en Mwomwohdiso koluhla (kilang Doctrine and Covenants 13:1; 107:16–18).

Ansou koaros pisop kan oh steik preseden kan kin sawas ong ni koluhla sang ni kaweid kan me irail kin kihda. Sawas wet kin kak iangahki irairdihsang en ekei kamwaupeh kan en tohn Mwomwohdiso ki ansou reirei. (kilang 32.8.)

Ong ekei dihp laud kan, kaun akan kin sawaski koluhla sang ni tuhpenehn tohn kaunsel kan (kilang 32.6 and 32.9–32.14). Sawas wet kak iangahki irairdihsang en ekei kamwaupeh kan en tohn Mwomwohdiso ni inting de kamwakidieisang neihn aramas emen rekerd ki ansou reirei (kilang 32.11.3 and 32.11.4).

Pisop kan oh steik preseden kan pahn kin sewese toweh kan en Mwomwohdiso wewehki me Koht ketin poakoahng Sapwellime seri koaros. Pwehki E ketin kupwurki irail en peren oh ale kapai kan, E pil ketin insenohki mehlel duwen arail pahn kin ahniki peihk.

Pisop kan oh steik kan kin ahniki limpoak oh insenoh ni arail kin sewese toweh kan koluhla. En Sounkomouro mwekid ong lih me kin kamwahlo wia mehn kaweihd ehu (kilang John 8:3–11) Itarete ah sohte mahsanih me dipeh kan lapwadahr, E sohte ketin lahlahwe. Ahpw ihme E ketin mahsanihong en “deh ier wia dihp”--en koluhla oh wekidala ah mour.

Lapalap pwukat padahngki me mioa “peren … nanleng ong me wia dihpo me kolulahr” (Luke 15:7). Irail ahniki kanengamah, utuht, oh madamadau mwahu ansou koaros. Irail kin ahniki koapwoaroapwoar. Irail kin padahk oh kadehdeh me pwehki sang ni tohnmetei en tomw en Sounkomouro, koaros kak koluhla oh pwurehng mwakelekelda.

Pisop kan oh steik preseden kan kin rapahki kaweihd sang Ngehno pwe irail en kak ese mwomwen arail pahn sowese emen aramas koluhla. Ihte ongete dihp toutou kan me Mwomwohdiso kaunopadahr wiepeh kan me anahne wiawi me kaun kan anahne wia (kilang 32.6 oh 32.11). Sohte songen kemwekid riau me duwepene. Kaweihd kan me kaun kan kihda oh wiepen koluhla me irail apwalih anahne en kamwakid mongiong kan oh e mweihn pahn wekpeseng ong emen emen aramas.

Kauno ketin mwahngih en emen emen eh mour, pwukoah, oh kehlail en palingene. Ngehn Sarawi pahn sowese kaun kan kilangada mwomwen arail pahn sowese toweh kan en kak wia songen wekdeklah kan me pahn sowese irail en kak maiauda oh powehdi kasongosong me pahn elehda kopwkopwurieng en dihp.

Sowese emen en koluhla, sohpeidohng Koht, oh maiauda sang ni Tomw en Sises Krais wia ehu kemwekid keieu kaperen laud me emen aramas kak ahniki. Doctrine and Covenants 18:10–13 kawehweda.

Tamataman me mour en emen aramas iei me keieu kesempwal ni sihlengin Koht.

Pwe kilang, Kauno me wia amwail Soundor me lokolongki mehla ni uduk; eri e ketin lokolongki medek en koaros aramas, pwehki aramas koaros en kak koluhla oh alehda ih.

Oh e ketin iasadahsangehr mehla, pwe en kak kapwurehdo aramas koaros reh, sang ni wiepe ehute me iei koluhla.

Oh ia wen kaperen en sapwellime popohl ong ih me kolulahr!

32.4

Wehkada, Nekinek Mwahu, oh Repwoht ehng Kaun kan en Kopwerment

32.4.1

Wehkada

Koluhla anahne wehkepen dihp ong Sahm Nanleng. Sises Krais ketin mahsanih me sang ni met me kumwail pahn ese ma aramas emen koluhkilahr dipeh kan--kilang, e pahn wehkada oh pohsehseh iraila (Doctrine and Covenants 58:43; see also Mosiah 26:29).

Ni ansou me toweh kan en Mwomwohdiso kin wiada dihp laud, arail koluhla kin iangahki wehkepen dihp ong arail pisop oh steik preseden. Ih ahpw pahn kak welian iraildi oh doadoahngki kih kan en rongamwahu en koluhla ong irail (kilang Doctrine and Covenants 13:1; 84:26–27; 107:18, 20). Met me pahn sewesei irail kamwauiahla oh kapwurehdo ni ahl en rongamwahu sang ni manaman en Tomw en Sounkomouro.

Kahrepen wehkepen dihp iei en kakehlaka toweh kan en kihsang toutou rehrail pwe irail en kak rapahki ni unsek sawas en weliakapwala oh kamwaula sang rehn Kauno. Kakairada “mongiong karakarahk oh ngehn peik”kin sawas sang wehkepen dihp (2 Nephi 2:7). Peihn pilada en wehkada dihp kasalehda me aramaso ahniki ineng en koluhla.

Ni ansou me toweh men kin wehkada dipe, pisop de steik preseden kin idawehn mehn kaweid kan ong sawas en kaweid me mih nan 32.8. E kin kapakap ni ah kin rapahki mehnia me kaweid me pahn mwahu ong sewese towe meno koluhla (kilang 32.5). E kin medewe ma tohn kaunsel men kak sawas. Ma kosonned en Mwomwohdiso anahne emen tohn kaunsel, e pahn kaweweh met (kilang 32.6 and 32.10).

Ekei pak toweh men kin wia sapwung ong ah pwoud de emen aramas laud. Ni ah wia kisehn koluhla, emen ira kin anahne wehkadahng aramaso oh rapahki mahkepe. Mwanakapw emen me wiahda dihp laud udahn anahne en ale kaweid rehn ah pahpa oh nohno.

32.4.2

Dihp Laud Kan Me Sohte Wehkepe Wiawi de Me Kahmahmla

Pisop men de steik preseden men me esehda duwen dihp laud ehu sang ni eh wehkada de sang aramas tohrohr. E pahn pil alehdi pepehm kan duwen dihp laud ehu sang Ngehn Sarawi. Ma e kehn pepehm sang Ngehno me aramas emen wie nanantihki dihp, e kak koasonehdi irahn tuhpene. Ni ansou me ira tuhpene, e pahn ehukieng ah ireh kan ni kadek oh wahu. E pahn pohn sehse kasalehda kan ni mwohmw en kadeik.

Ma toweh men kamahmkihla dihp laud ehu me pisopo de steik presedeno esehier pwehn utungada, tohn kaunsel pahn kak en tuhkipene. Ahpw, pepehmte pahn sohte kak mweidada tuhpenehn kaunsel en wiawi (kilang Doctrine and Covenants 10:37). Kaun meno pahn anahne rikpene audepeh kan ma anahnepe. E pahn idawehn mehn kaweid kan me sansal nan 32.4.3 and 32.10.2.

32.4.3

Alahdihn Iroa kan

Mwohn tuhpenehn kaunsel, pisop de steik preseden pahn alehdi mahs iroa kan me e anahnepe. Iroa kan en wehkepen dihp sang toweh men me keieu pwung kerenieng ansou koaros. Iroa kan pil kak kohsang rehn emen tohn peneineio, ehu sang kaun en Mwomwohdiso, me medekilau, de me iang wia dipo.

Ni ansou en alehdi iroa kan, pisop de steik preseden pahn anahnehte doadoahngki wiepe me pahn mwahu ohngete kaun en prihsduhd men. E sohte pahn song en kin mwasamwasahn aramaso ni ah wasahn kousono de rekerdih ih ni ah sohte ale mweimwei. De pil doadoahngki songen wiepeh kan me pahn uhwong kosonned.

Wie likamw sohte nohn rek ahpw kak wiawi. Kaun en prihsduhd kan anahne kanaiehng ansou me mengihtik kan kin alahldi me sansal sang en aramas emen koasoi. Ni karasepe, toweh men me karaune ong nenek kak en kamahmkihla dihpo. Pwuhk sarawi kan kawehweh me “koasoi koaros me pahn wiawihda pahn pakadeikuhkada sang soun kadehdeh riemen en mwomwohdiso” (Doctrine and Covenants 42:80). “Soun Kadehdeh riemen” me wewehki songen iroa riau me kohsang wasa riau. Met me kak iangahki aramas me iang wia mwekido ah koaosoi oh sang ekei wasa me kak iang sawas. Ni ansou kan kaun en prihsduhd men pahn kin mweihn anahne awih lau iroa kan miehier.

Ni ansou me kaun en Mwomwohdiso kin alehdi iroa kan ong mihting en kaunsel, e kin ni ansouohte anahne uhdi ma e esehda me palien kosonned wihwia arail pwukoah en repenpwungih towe meno. Met me anahne wiawi pwehn doarehsang akupwung kan me kak mie me mweihn kaun meno kakete uhtwongadahr kosonned. Ong ni palien alehdi sawas sang irail semen en sounsawas akan nan America oh Canada, steik preseden pahn eker Ohpis en Mwomwohdiso en Kaunsel Lap:

1-800-453-3860, nempe 2-6301

1-800-240-6301

Likin weihn America oh Canada, steik preseden pahn eker pwihn en kaunsel en ehria ni ohpis en ehria.

Udahno sohte kaunsel kin wiawi ong aramas emen me tenekpe wiawiher sang ni kopwung en pwuhng de kopwung en dihp lau ansou me mwoalen kopwungo wiahda arail koasondi. Nan songen irair kei, e pil kak en kapwandahla tuhpenehn kaunsel lau e lel ansou me repen pwung sapahl daulilahr ah rahn de repen pwung sapahlo sohte pweida.

32.4.4

Nekinek ni Rir

Pisop kan, steik preseden kan, oh sapwellimarail tohn kaweid kan ahniki pwukoah sarawi en nekidala mwahu mengihtik en audaupeh kan me kohieng irail. Mengihtik pwukat kak kohsang ni kalalapak kan me wiawi ansou en tuhpene, ni kaukauweidpeneh kan, oh tuhpenehn wehkepen dihp kan. Songen pwukoahute pil pahn kohieng irail kan koaros me kin iang towe pwihn en kaunsel. Nekinek mwahu en rekerd kan inenen kesemwpwal pwehki toweh kan pahn kak en sohte men wehkada diparail kan de rapahki kaweid ma dahme irail kasalehda sohte pahn nekinekla mwahu. Kawehla likilik ehu pahn kihsang en toweh kan arail likilik oh pahn karehda arail pahn sohla likih arail kaun akan.

Mehlelieng arail pwukoah kan ong ni nekineklahn rekerd kan, pisop men, steik preseden, de tohn kaweid kan pahn kak en ehukihwei ireh kan nin duwe met:

Irail anahne en koasoikiheng en toweh meno steik preseden, misin preseden, de pisop duwen ehu tuhpenehn rehn tohn kaunsel de soahng tohrohr teikan. Steik preseden pahn pil mweihn anahne ehukiheng ah Ehria en Pwihn en Isiakan. Ma konehng, Ehria en Pwihn en Isiakan pahn uhd kihla steik preseden rehn Ehria Presedensi. Steik preseden kelehpw me pahn pilada ma e konehng tuhpenehn kaunsel de dahme pahn pweida.
Aramaso pahn kesoula ni ehu ward kapw (de kaun en prihsduhdo kopwurupwursangehr) awiawi dahme pahn wiawihong na rekerd kan de soahngen peidek teikan me saik epwella. Nan songen irair pwukat, kaun meno pahn kehsehki pisop kapwo de steik preseden duwen ireh kan de dahngeh kan me saik epwella. (kilang 32.14.7). E pil pahn padahkiong kaun meno ma towe meno sou pahn wia mehn kansensued ehu ong mehtei kan.
Pisop men de steik preseden esehda me emen tohn Mwomwohdiso me kouson likin wardo de steik wiahdahr dip laud. Nan ansouohte e pahn eker en aramaso ah pisopo.
E kak kasalehda mengihtikpen ireh nan ansou en tuhpenehne kaunsel. Ireh kan koaros me rikirikpene oh sansal nan tuhnpenehn kaunsel pahn nekinekla mwahu.
Toweh men pahn pilada en kieng mweimwei ong kaun men ihs me e kak ehukieng ireh kan. Iei irail kan me pahn iangahki pahpa oh nohno, kaun kan en Mwomwohdiso, de mehteikan me pahn kak iang kihda sawas. Kaun men sohte pahn ehukieng ekei aramas ireh likin me towe meno piladahr.
E pahn kak en ehukihwei itait en ireh kan me pid duwen koasoandi en pwihn en kaunsel (kilang 32.12.2).

Nan soahng teikan koarosa, kaun emen pahn anahne tehk ong 32.4.5. Iroa pwukat pahn iangahki ansou me kosonned pahn anahne en mie kadipadip en wiawi, me duwehte wiakawe seri, en repwohtlahng kaun en kopwerment.

Pwehn sewese kaun akan en kak apwalih mehteikan oh idawehn kosonned, Mwomwohdiso kaunopada sawas sang irail semen kan. Pwehn kak alehdi kaweid wet, kaun kan pahn ansouohte eker nempehn Mwomwohdiso me kin apwahpwali wiekau me sansal nan (kilang 32.4.5 oh 38.6.2.1). Ni wasa me sohte ie, steik preseden pahn eker pwihn en kaunsel en ehria ni ohpis en ehria.

Ni soahng ehute me pisop men de steik preseden pahn kasalehda ireh kan me nekinekla ni sohte ale mahs kaweid. Ieite ansou me kasalehda wet pahn wiawi pwehn perehsang keper de ohla laud oh ma solahr ansou en rapahki kaweihd. Nan soahngen irair wo, pwukoahn apwaliada mehteikan kesemwpwal sang pwukoahn nekinekla mwahu en rekerd. Kaun kan pahn anahne en eker sounkadip kan ansou karuaru.

Ma kaun kan intingihdi ireh kan de koasoipene pohn indernet, irail anahne apwalih mwahu duwen alahldi en ireh pwukat. Irail pil pahn kihsang de kawehla ireh kan ni ansou me irail solahr anahne. Irail pahn sohte kak en ehukieng mehteikan ireh kan me pid aramas emen.

Soun kadip kan pahn kak en song en alehdi rekerd kesempwal akan me pahn anahnepe ong kaun en prihsduhd men. Ma met wiawi nan America de Canada, steik preseden pahn rapahki kaweid sang semen kan en Mwomwohdiso en Kaunsel Lap:

1-800-453-3860, nempe 2-6301

1-800-240-6301

Likin weihn America oh Canada, steik preseden pahn eker pwihn en kaunsel en ehria ni ohpis en ehria.

32.4.5

Repwoht ehng Kaun akan en Kopwerment

Koluhla anahne aramas emen me wiahda dihp en repwoht ehng kaun en kopwerment kan ma e kawehla kosonned en pwuhng. Pisop kan oh steik preseden kan kin koangoangoah toweh kan en kin idawehn kosonned oh repwohtki soang pwukat. Irail pil kaweidki toweh kan en rapahki kaweid sang semen kan ni ansou me irail pahn repwoht. Kosonned en Mwomwohdiso iei kitail en peik ieng kosonned akan.

Ni ekei wasa, kaun en prihsduhd kan sang ni ruwes en kosonned anahne repwohtki songen mwekid kan me uhwong kosonned me irail wewehki. Ni karasepe, ekei sahpw oh wehi laud kan kin anahne repwoht en seri wiakau en repwohtlahng pwihn en apwalih kosonned.

Nan wehi laud teikan me sohte sawas en delepwohn wet, pisop meno me esehier me mie kahpwal en wiakau pahn anahne eker ah steik preseden. Kaun pwukat pahn anahne en eker nempehn wasahu ansouohte me pid duwen soahng koaros me pidada aramas me miher nan kahpwal en wiakau--de me miher ni keper pen wiakau (kilang 38.6.2.1). Met me kin langalang awa 24 koaros nan rahn ehu, rahn 7 nan wihk koaros.

Nan wehi laud teikan me sohte sawas en delepwohn wet, pisop meno me esehier me mie kahpwal en wiakau pahn anahne eker ah steik preseden.

Ong me pid ireh kan duwen repwohtki kahpwal en wiekau, kilang 38.6.2.1 oh 38.6.2.7.

PILADA WASA ME PAHN MWAHU ONG SEWESE ARAMAS EMEN EN KOLUHLA

32.5

Wasa kan ong Sewese Aramas Emen Koluhla

Mwurin esehdahr me toweh men wiadahr dihp toutou ehu, pisop men de steik preseden men pahn anahne wia mehkot me pahn sewese apwalih mehteikan. E pil pahn rapahki sawas en Ngehn Sarawi pwehn sewese pilada wasa me pahn mwahu ong sewese aramaso koluhla oh karaniala Sounkomouro.

32.5.1

Wasah kan me pahn Sansal

Me sansal pah kan iei irekdien wasa siluh me kak sewese aramas emen koluhla. E pil oarelapihda ekei wasa ong kaun akan en kak pilada mehnia wasa me konehng en doadoahngki.

Wasa kan ong Sewese Aramas Emen Koluhla

Wasa	Ekei me kak Doadoahk (pil kilang 32.7)
Wasa Tohn Steik Kaunsel	Ekei me kak Doadoahk (pil kilang 32.7) Ong toweh kan me alehdier arail dodohk sarawi nan tehnpas sarawi. Mie anahnepe ma ohl emen de lih emen me endauier pwehn kohsang nah rekerd en Mwomwohdiso ni sohte lipilipil en songen dihp toutou de wiewia kan me sansal nan 32.6.1, 32.6.2, de 32.6.3.
Wasa Tohn Ward Kaunsel	Ekei me kak Doadoahk (pil kilang 32.7) Ong sohte lipilipil toweh kan. Mie anahnepe ong dihp toutou kan me sansal nan 32.6.1. Pahn pil kak mie anahnepe ong dihp toutou kan oh wiewiah kan me sansal nan 32.6.2 oh 32.6.3 E sohte itar ma ohl de lih emen me endauier pwehn kohsang nah rekerd en Mwomwohdiso ong sohte lipilipil en songen dihp toutou de wiewia kan me sansal nan 32.6.1, 32.6.2, de 32.6.3.
Wasa Peihn Alehda Kaweid (kilang 32.8)	Ekei me kak Doadoahk (pil kilang 32.7) Ong sohte lipilipil toweh kan. Met me kak iangahki iraihrdihsang kan en tohn Mwomwohdiso me sohte anahne intingdi. Pahn kak sohte itar ong dihp toutou kan de wiewiah kan me pahn elehda pwihn en kaunsel en kak sawas ong nan koasondi en koluhlau. (see 32.6.2 oh 32.6.3). E sohte itar ong dihp toutou kan pwehn anahne pwihn en kaunsel (kilang 32.6.1). E sohte itar ma ohl de lih emen me endauier pwehn kohsang nah rekerd en Mwomwohdiso ong sohte lipilipil en songen dihp toutou de wiewia kan me sansal nan 32.6.1, 32.6.2, de 32.6.3.

Peihn alehda kaweid oh iraihrdi kan sang pisop de steik preseden kin ekei pak sohte itar en sewese aramas emen en koluhkihla dihp toutou kan. Kauno ketin kaunopadahr pwihn en kaunsel kan pwehn sewese sounkopwung men nan Isrehl nan songen iraihr pwukat. (Kilang Exodus 18:12–27; Mosiah 26:29–36; Doctrine and Covenants 42:80–83; 102.) Ong ekei dihp toutou kan, kaunsel anahnepe en wiawi iei me sansal nan kosonned en Mwomwohdiso (kilang 32.6.1). Kawehla inou sarawih kan en tehnpas sarawi pahn kalaudehla anahnepen pwihn en kaunsel en wiawi (kilang 32.7.4).

Nan ward, sapwellimen pisop tohn kaweid kan pahn kin iang sawas nan pwihn en kaunsel. Nan steik, sapwellimen steik preseden tohn kaweid kan pahn kin pil sawas. Nan ekei pwihn en kaunsel en steik kan, pwihn en kaunsel lapalap kak iang patehng (kilang 32.9.2). Nan pwihn en kaunsel, pisoprik de steik presedensi pahn tuhwong aramaso ki ngehn en limpoak.

32.5.2

Koasonehdi Wasa oh Kulok

Ni ansou en pilada wasah kan me pahn keieu mwahu ong sewese aramas emen en koluhla, kaun akan pahn kin rapahki kaweid en Ngehn Sarawi. Irail pahn kin pil song doadoahngki mepwukat:

Wen toutou en dihpo oh kosonned en Mwomwohdiso me pid ma kaunsel men mie anahnepe(kilang 32.6)
Sohng kan me pid duwen aramaso(kilang 32.7)

Pisop oh steik preseden kosoia pene duwen ire pisetik kan en dahme wiawi. E pahn anahne ale mweimwei sang steik preseden mwohn tuhpenehn pwihn en kaunsel.

Ong ni ire apwal akan, steik preseden kak rapahki kaunsel sang Ehria Seventy me e mih pah. Steik preseden udahn anahne en ale kaweid sang Ehria Seventy ong ni ireh kan me mih pahn 32.6.3. Ahhpw, steik preseden te kelehpw me kak koasonehdi ma e konehng kaunsel en wiawi pwehn kasalehda dahme wiawio. Ma mie kaunsel wiawi, steik preseden de pisop me pahn koasonehdi pwungulahn kemwekido.

Ma pisop de steik preseden kilang me mie anahnepen aramaso en ale kaweid, e pahn idawehn ireh kan me sansal nan 32.8. Ma e kilang me mie anahnepen tuhpenehn pwihn en kaunsel, de ma kosonned en Mwomwohdiso anahne en mie kaunsel, aramas me pahn katanga pahn anahne idawehn ireh kan me sansal nan 32.9–32.14.

Mwohn kaunsel ah pahn wiawi, pisop de steik preseden kak kilang ma iraihrdi en toweh meno me sohte anahne mih ni inting me pahn sou mwahu ong nan ansouo. E pahn wia kaunsel ni ansoue e pahn wia keieu ahnsou mwahu en koangoangoa towe meno ong koluhla mehlel. Ahpw, e sohte pahn kapwandahla tuhpenehn kaunsel ma mie anahn karuaru en apawlih mehtei kan.

32.6

Wen Toutou en Dihpo oh Kosonned en Mwomwohdiso

Wen toutou en dihpo e inenen kesempwal en kilangada mehnia wasa me pahn kak (1) sewese apwalih mehtei kan oh (2) sewese aramaso koluhla. Kauno ketin mahsaniher me E “sohte kak kilang dihp en wia mehkot tikitik ehu” (Doctrine and Covenants 1:31; pil kilang Mosiah 26:29). Sapwellime sounpapah kan sohte pahn pohnsehsehla mehn kadehde en dihp toutou kan.

Dihp toutou kan me sang ni insen oh keieu wiedip laud me uhwong kosonned akan en Koht. Songen dihp toutou kan me sansal pah:

Mwekid Keper oh Wiakau(kilang 32.6.1.1 oh 32.6.2.1)
Wiesued (kilang 32.6.1.2 oh 32.6.2.2)
Mwekid en Widing (kilang 32.6.1.3 oh 32.6.2.3)
Kawehla Likilik me Mie (kilang 32.6.1.4 oh 32.6.2.4)
Ekei wiewiah tei kan (kilang 32.6.1.5 oh 32.6.2.5)

Ire tikitik kan kawewehda ansou da me pwihn en kaunsel anahne en wiawi, ansou me e pahn mweihn konehng, oh ansou me e sohte konehng.

32.6.1

Ni Ansou me Anahnepen Pwihn en Kaunsel

Pisop de steik preseden anahne wia mihting en pwihn en kaunsel ni ansou me mengihtik kan kasalehda me toweh men kawelahr ehu ehu dihp kan me sansal nan ire tikitik wet. Ong dihp pwukat, kaunsel pahn anahne wiawi itar ma uwen wehweh en pali ngehn oh rongamwahuo laud rehn towe meno.

Kilang 32.11 ohng songen pwungilah kan me kaunsel kan kin kihpene ohng dihp kan me sansal nan ire tikitik wet. Iraihrdi en toweh kan me sohte anahne mih ni inting sohte wia ehu mehn pilipil ong kaunsel pwukat.

32.6.1.1

Mwekid Keper oh Wiakau

Kam Aramas Tuhpenehn pwihn en kaunsel anahne wiawi ma toweh men kemehla emen aramas. Nan wasaht, lepin lokoaia kam aramas wia mwekid ehu me sang ni peihn insene ni sohte kahrepen en kihsang en aramas mour. Anahnepe en kihieisang eden aramaso sang nan Mwomwohdiso.

Kemehla aramas sohte iang mih nan mwekid en pwukoahn police de sounpei kan. Iohla sohte iang wewehki kam aramas. Ma mehla wiawi sang ni sapwungalahn mwekid de doarepen mour en emen de mehteikan, kamalahn aramaso kak sohte wewehki me mwekid en kam aramas ehu mwo. Met pil kak mehlel nan mwekid teikan, me duwehte ma aramaso ahniki soumwahu en sapwung en nan monge.

Angkehlail Tuhpenehn pwihn en kaunsel anahnepe wiawi ong mwekid angkehlail. Nan wasaht, lepin lokaia angkehlail wia mwekid en angkehlailin wiesuwed ong emen aramas me sohte kak kihda ah pwuhng sang ni soumwahu en nan monge de paliwar luwet. Nan wasaht, angkehlail sohte iang pid tuhpenehn paliwar ong riemen me ara sounpar tikitik oh kerenpene.

Dipaniki Nenek. Tuhpenehn pwihn en kaunsel anahne wiawi ma toweh meno dipikihda nenek.

Wiakawe Seri de me Pwulopwul. Tuhpenehn pwihn en kaunsel anahne wiawi ma aramas emen wiakawe serih men de me pwulopwul men nin duwen me kawewehpe mih nan 38.6.2.3.

Wiakawe Lih de Ohl pwopwoud de Emen Aramas Laud Tohrohr. Mie songen dor en mwekid en wiakau mie. Kilang 38.6.2.4 ong ni ansou me tuhpenehn pwihn en kaunsel anahnepe ong wiakauwe lih de ohl pwopwoud de emen aramas laud tohrohr.

Tiahk Keper Tuhpenehn pwihn en kaunsel anahne wiawi ma aramas laud men kalapw kamedekehla aramas akan sang ni mwekid keper oh wiahla mehn kamasak ohng mehteikan.

32.6.1.2

Wiesued

Ngenger Suwed Tuhpenehn pwihn en kaunsel anahne wiawi ong ngenger suwed me kawewehdi nan 38.6.10. Kerenieng ansou koaros eden aramaso pahn kin anahne kohsang nan rekerd en Mwomwohdiso.

Kilelen Seri Kilel Suwed Tuhpenehn pwihn en kaunsel anahne wiawi ma aramas emen iang pid nan kilel suwed en seri kan me sansal nan 38.6.6.

Pwopwoud Tohto Tuhpene en pwihn en kaunsel anahne wiawi ma aramas emen wewehki me e wie pwopwoud tohto. Ekei pwowoud tohtoh kan kin wiawi ni rir, ni lih de ohl pwopwoud men sohte wewehki me mie emen de ekei arail pwoud. Kihsang eden aramso nan rekerd en Mwomwohdiso anahne wiawi ma aramaso wewehki douluhl me e wie pwopwoud tohto.

Mwekid Keperki mehn Angkehlail Tuhpenehn pwihn en kaunsel anahne wiawi ma aramas laud meno kamedekehla aramso sang ni angkehlail oh wia mehn kamasak ong mehteikan.

32.6.1.3

Mwekid en Widing

Tiahk Pirap Mwohni Tuhpenehn pwihn en kaunsel anahne wiawi ma aramas laud men dehdehki ni ah kin kalapw wia oh pwurpwurehng kamadakahla aramas ni palien mwohni oh wiahla mehn kamasak ong mehteikan (kilang 38.6.2.4). Met me iangahki kokoldihn wihn en mwohni kan me poasonki widing oh ekei kemwekid kan. Mwohni kan me sohrala sang ni sohkasikpehn mwekmwekid en mwohni kan sohte iang mih ni kawewehpen widing. Ma kosonned pahn pidada, a kaun en prihsduhd kan pahn anahne pilada em pahsan koasondi me pahn sansalada.

32.6.1.4

Kawehla Likilik me Mie

Dihp toutou ni ansou me wie kolokol pwukoah laud en Mwomwohdiso. Tuhpenehn pwihn en kaunsel anahne wiawi ma toweh men kawehla ehu dihp toutou ni ansou me e wie kolokol ehu pwukoah kesempwal. Met akan me iangahki General Authority, Oahpiser Lap en Mwomwohdiso, Area Seventy, preseden en tehnpas sarawi de irail lih sohn apwahpwalih kan, misin preseden de ienge, steik preseden, peitriark, de pisop. Branch preseden kan me sohte iang. Ahpw. neihn branch preseden rekerd en Mwomwohdiso kan iraihrdi de kohsang duwehte neihn towe teikan.

32.6.1.5

Ekei Mwekid Teikan

Dipikihda Dihp Toutou Tuhpenehn pwihn en kaunsel anahne wiawi nan kerenieng ireh kan koaros ni ansou me aramas emen dipikihda dihp toutou.

32.6.2

Ni Ansou me Pwihn en Kaunsel Pahn mie Anahnepe

Pwihn en kaunsel pahn kak en mie anahnepe ong ireh kan me sansal pah.

32.6.2.1

Mwekid Keper oh Wiakau

Kauno masanih, “Ko dehr …. kemehla, de wia mehkot me pahn duwehte” (Doctrine and Covenants 59:6; italics added). Mwekid keper oh wiakau ong ni ma tuhpenehn kaunsel anahne wiawi pahn iangahki (ahpw sohte iraihrdihpe) ong me sansal pah kan.

Song en Kemehla Aramas Sang ni ineng en song kemehla aramas emen.

Wiakau en Wiewia Suwed, me iangahki Kamasak oh Laumwauhmw Wiakau en wiewia suwed kasalehda soahng tohto me kak wiawi (kilang 38.6.18). Tuhpenehn kaunsel pahn anahnepe wiawi ong aramas emen me wia mwekid em wiewia suwed de wiakawehla aramas emen. Kilang 38.6.18.3 ong ni ansou da me pwihn en kaunsel anahnepe wiawi.

Wiakawe Lih de Ohl pwopwoud de Emen Aramas Laud Tohrohr. Mie songen dor en mwekid en wiakau mie(kilang 38.6.2.4). Tuhpenehn pwihn en kaunsel pahn anahnepe wiawi ong aramas emen me wiakawehla ah pwoud de emen aramas laud tohrohr. Kilang 38.6.2.4 ong ni ansou da me kaunsel anahne wiawi.

32.6.2.2

Wiesued

Sapwellimen Kauno kosonned en mwakelekel sohte iang mih nan kosonned me kasalehda wiewiahn tuhpenehn nan pwungen ohl oh lih pwopwoud men likin ara pwoud me sansal nan kosonned en Koht (kilang Exodus 20:14; Doctrine and Covenants 63:16). Tuhpenehn pwihn en kaunsel pahn anahnepe wiawi ong wiewia suwed me kawewehpe sansal nan 38.6.5. Kilang 32.6.1.2 ong ni ansou da me pwihn e kaunsel anahne wiawi.

32.6.2.3

Mwekid en Widing

Kosonned Eiseko padahngki me, “Kumwail sohte pahn pirap” de “karaunlikamw”(Exodus 20:15–16). Tuhpenehn pwihn en kaunsel pahn anahnepe wiawi ong tiahk kan me duwehte pirap, kawehla nimwen aramas, mwekid en pirap, keseulikilik, oh wiahda kadehde likamw. Kilang 32.6.1.3 ong ni ansou da me anahnepen pwihn en kausel en wiawi ong mwekid en widing.

32.6.2.4

Kawehla Likilik me Mie

Tuhpenehn pwihn en kaunsel pahn anahnepe mie ma toweh men:

Kawehla dihp toutou ni ansou me kolokol pwukoahn mweimwei de likilik nan Mwomwohdiso de kousapw.
Kawehla dihp toutou me tohto wewehki.

Kilang 32.6.1.4 ong ni ansou da me pwihn en kaunsel anahnepe wiawi.

32.6.2.5

Ekei Mwekid Teikan

Nanmwarki Benjamin padahngki me, “Eri, I sohte kak ndaiong kumwail soahng koaros me kumwail kak dipikihda; pwe mie soangen wiepe oh mwohmw kei, iei me I sohte kak wadekedi pwehki ar nohn tohto“ (Mosiah 4:29). Tuhpenehn pwihn en kaunsel pahn anahnepe wiawi ma aramas emen:

• Kasalehda me e kin kalapw wihwia dihp toutouo (kilang Doctrine and Covenants 82:7).
• Wiakihla insene en pohnsehsehla epwelpen peneinei me iangahki sohla pwain utuht en epwelpen seri oh epwelpen pelie me koasondihsang kosonned.
• Netikihla mehn kasaliel kan.
• Kawehla ekei mwekid toutou teikan.

Tuhpenehn pwihn en kaunsel pahn mie anahnepe ma toweh men kasalehda, wia, koasonehdi ong, pwaihniki, de koangoangehki en kawehla liseian. Kilang 38.6.1 ong mehn kaweid kan.

Ni Ansou me Anahnepen Pwihn en Kaunsel en Mie de Ma Mie Anahnepe

Songen Dihp da	Anahnepen Pwihn en Kaunsel en Mie (kilang 32.6.1)	Ma Mie Anahnepen Pwihn en Kaunsel (kilang 32.6.2)
Songen Dihp da Mwekid Keper oh Wiakau	Anahnepen Pwihn en Kaunsel en Mie (kilang 32.6.1) Kam Aramas Angkehlail Dipaniki Angkehlail en Nenek Wiakawe Seri de me Pwulopwul Tiahk Keper	Ma Mie Anahnepen Pwihn en Kaunsel (kilang 32.6.2) Song en Kam Aramas Angkehlail ni Wiakau, kapatahieng kamedekehla oh laumwauhmw (kilang 38.6.18 ong ni ansou me soun sawas emen anahne en mie) Wiakau en pwopwoud de aramas laud tohrohr (kilang 38.6.2.4 ong ni ansou me soun sawas emen anahnepe)
Songen Dihp da Madamadau Suwed	Anahnepen Pwihn en Kaunsel en Mie (kilang 32.6.1) Ngenger Suwed Kilelen Seri Kilel Suwed Pwopwoud Tohto Mwekid en Angkehlail Kamasepwehk	Ma Mie Anahnepen Pwihn en Kaunsel (kilang 32.6.2) Nenek, kamwahl, oh werek en lih lih de ohl ohl Mihmipene ansou reirei wiwia insenen pwopwoud ahpw sohte pwopwoud, pwopwoud en lih lih de ohl ohl me koasondi sang kosonned oh pali teikan, oh kapwopwoud en lih lih de ohl ohl Medemedewehte en kilekilang de sohla kakasang kilel suwed akan me kahreda sonsued en pwopwoud oh peneinei
Songen Dihp da Mwekid en Widing	Anahnepen Pwihn en Kaunsel en Mie (kilang 32.6.1) Mwekid en Pirap Mwohni, me rasohng widing oh mwekid teikan me pil duwehte	Ma Mie Anahnepen Pwihn en Kaunsel (kilang 32.6.2) Mwekid en Pirap, kawehla oh pidolong ni sohte mweimwei, pirap, de kesoulikilik Kahula ni Likamw
Songen Dihp da Kawehla Likilik me Mie	Anahnepen Pwihn en Kaunsel en Mie (kilang 32.6.1) Dihp laud ni ansou me kolokol pwukoah laud en Mwomwohdiso	Ma Mie Anahnepen Pwihn en Kaunsel (kilang 32.6.2) Dihp laud ni ansou me kolokol pwukoahn mweimwei de likilik nan Mwomwohdiso de kousapw Dihp laud me tohto wewehki
Songen Dihp da Ekei Mwekid Teikan	Anahnepen Pwihn en Kaunsel en Mie (kilang 32.6.1) Palilaud en Dihp Toutou kan	Ma Mie Anahnepen Pwihn en Kaunsel (kilang 32.6.2) Kawehla liseian Kapwkapwurehieng dihp laud akan Wia inseniki pwukoah kan en peneinei me iangahki sohla pwain utuht en epwelpen seri oh epwelpen pelie me koasondihsang kosonned Netikihla mehn kasahliel kan Ekei wiewia suwed laud kan

32.6.3

Ni ansou me Steik Preseden kin ale kaweid sang Presedensi en Ehria duwen Ma Pwihn en Kaunsel de Ekei Kemwekid

Ekei mwekid kin anahne en mie petehkpe oh mehn kaweid. Pwehn ese mwomwen ah pahn kak kihda sawas mwahu, steik preseden anahne ale kaweid sang Ehria Presedensi duwen kemwekid pwukat nan ire tikitik wet. Ahhpw, steik preseden te kelehpw me kak koasonehdi ma e konehng kaunsel en wiawi pwehn kasalehda dahme wiawi. Ma mie kaunsel wiawi, steik preseden de pisop me pahn koasonehdi pwungulahn kemwekido.

Ma pwihn en kaunsel me wiawi ong ehu kemwekid kan me sansal nan ire tikitik wet, koasondi en kaunsel anahne en “mihmihte ni pwungula mwahu.” Presedensi Keieu anahne kamanahla kopwurupwursang en iraihrdih kan de kopwurupwurlong en aramas emen nan Mwomwohdiso (kilang 32.16.1, number 9).

32.6.3.1

Kemwekid Teikan

Ma sohte pwihn en kaunsel wiawi, a iet ekei kemwekid me kak wiawi me iangahki:

Iraihrdi en toweh kan sohte anahne en mie koasondihpe (kilang 32.8.3).
Kawewehpen rekerd ni inting (kilang 32.14.5).
Tiahk sarawih kan me sohte pahn kak en wiawi, iei me irehdisang aramas emen en ale de wia pwukoahn prihsduhd de ale de doadoahngki kisin likou en mweimwei en pidolong nan tehnpas sarawi.

Steik preseden pahn tuhwong mahs Ehria Preseden mwohn ehu ehu kemwekid pwukat ah pahn wiawi.

32.6.3.2

Pwupwulahu

Koasoiepen pwupwilahu kin kalapw wia ire ehu me kin kak dauliala padahk me kin kohdahsang Ward de Steik. Irail anahne kin koasoia ni pwungih pwehn doarehla mehteikan.

Pisop pahn ale kaweid sang steik preseden ma e kehn me en toweh men mwekid pidadahr duwen pwupwulahu. Pisopo de steik presedeno kak kihda irairdi me sohte nohn toutou ong towe meno (kilang 32.8.3). Steik perseden pahn ansouohte ale kaweid sang Ehria Presedensi. Ahpw, steik preseden kelehpw me kak wiahda koasoandi ong ma e konehng en mie tuhpenehn pwihn en kaunsel de songen kemwekid teikan anahnepe wiawi.

E sansal wasaht me pwupwulahu doke toweh men me wia soang pwukat me sansal pah:

Kin kalapw kasalehda ni sansall oh koasoia duwen weipokon arail uhwong Mwomwohdiso, sapwellime padahk kan, kosonned akan, de kaun akan.
Wenlahte mwowe padapadahngki padahk en Mwomwohdiso me sohte wia padahk en Mwomwohdiso mwurin alehier pwungih sang pisop de steik preseden.
Kaskasale mwohmw ehu sang ni ineng en kaluwetehla pwoson oh kemwekid kan en tohn Mwomwohdiso
Wenlahte mwowe ideidawehn padahk kan en ekei lamalam mwurin alehier kaweid sang pisop de steik preseden
Iangaiang ehu mwomwohdiso tohrohr oh kakehlaka arail padahk kan (Me sohte douluhl wia kemwekid en Mwomwohdiso de iangaiang ehu mwomwohdiso tohrohr me sohte kin koasoaia duwen pwupwilauh. Ahpw, ma toweh men inengieng en iangala ehu mwomwohdiso tohrohr oh utungada arail padahk kan, a neirail rekohd kan pahn anahnepe en kamwakid sang nan rekohd en Mwomwohdiso.)

Sounkomouro padahkiong mehn Nihpai kan en kin pousehlahte wie papah aramas emen me dipanlahr. “Ahpw ma e sohte pahn koluhla, e sohte pahn iang wadawadehng nei aramas pwe ede kawehla nei aramas akan” (3 Nihpai 18:31).

32.6.3.3

Doahkehda Mwohnihn Mwomwohdiso

Ma aramas emen doahkehda mwohnihn Mwomwohdiso de pirapa dipisou kesempwal en Mwomwohdiso, steik preseden pahn ale kaweihd sang Ehria Presedensi duwen ma e konehng tuhpenehn pwihn en kaunsel de songen wiepe teikan anahnepe wiawi. Kaun kan pahn kilang soahng pwukat:

Wen mwohni me aramaso doahkehda de pirapahla
Ma weliepen mwohni wiawiher de saik.
Wen insensuedla me aramaso wia.

Ni oaralap, ma tohn Mwomwohdiso men doahkehda mwohnihn Mwomwohdiso de pirapahla dipisou kesemwpwal akan en Mwomwohdiso, e pahn kileldieng nan nah rekohd en mwomwohdiso. Ni ansou me koluhla pahn imwsekla, steik preseden pahn kak en peki kilelidio en kasohralahsang nan rekohd (kilang 32.14.5).

32.6.3.4

Song en Men Kawikala Paliwere en Wiahla Ohl de Lih

Pisop kan oh steik preseden kan pahn ehuiong irail kan me song en kawikala irail en wiahla ohl de lih en idawehn mehn kaweihd kan me sansal nan 38.6.23.

32.6.4

Ni Ansou me Pwihn en Kaunsel Sohte Anahnepe Wiawi

Pwihn en kaunsel sohte anahnepe wiawi ong ireh kan me sansal pah.

32.6.4.1

Sohte Kapwaiada Ekei Koasondih kan en Mwomwohdiso

Pwihn en kaunsel sohte wiawia ong kemwekid kan me sansal pah. Ahpw, tehk me konehng en wiawi en ni lahs en irehn.

Sohte kalapw iang Sarawi
Sohte kapwaiada pwukoah kan en Mwomwohdiso
Sohte pwaihn Eisek kis- Ehu
Dihp akan sang ni sohte kapwaiada kaweid kan
Tiahk Pwelipwel
Sohte kapwaiada Mahsen en Eripit
Doadoahngki kilel suwed, ahpw kaidehn kilelen seri (me sansal nan 38.6.6) de kalapw ansou koaros de sohla kakasang kilekilang kilel suwed me kahredahr kawehlahn me pwopwoud de peneinei (me sansal nan 38.6.13).

32.6.4.2

Sohte Pweidahn Pesnes de Sohte Pwainla Pweipwand kan

Kaun kan pahn sohte doadoahngki pwihn en kaunsel pwehn apwalih kopwung pweipwand kan en pesnes. Pesnes kan me sohte pweida oh pweipwand kan me sohte kopwungupwungla sohte iang wia kahrepeh kan me pwihn en kaunsel en tuhkipene. Ahpw, kaunsel pahn anahne tuhpene ong mwekid en widing laud kan de ekei kemwekid laud ong me pidada palien mwohni (kilang 32.6.1.3).

32.6.4.3

Pwuhng en Akamaiki Dahme Wiawi

Pwihn en kaunsel sohte kin wiawi pwehn koasonehdi pwuhng en akamai kan (kilang Doctrine and Covenants 134:11).

32.7

Ireh kan me pid Aramaso

Kauno ketin mahsanih, “Mahk me I kieng kumwail oh mehmen me pahn kohdo iei ih me pahn ale; oh kapai ong irail kan me pahn kohdo rehi” (3 Nephi 9:14). Ire mehlel kan me pid duwen aramas emen wia ehu ire kesemwpwal ong ni mehn tenek:

Wasa me keieu konehng ong sewese ohl de lih meno koluhkihla dihp toutou kan (kilang 32.5 oh 32.6).
Koasondih kan me wiawihda ni ansou me kaweihd wiawihong aramaso de sang pwihn en kaunsel kan (kilang 32.8 oh 32.11).

Pisop kan oh steik preseden kan kin rapahki kaweihd oh kupwuren Kauno ong ehu ehu kemwekid. Irail kin tehk soahng pwukat pwehn kak kasalehda mehnia wasahn kaweihd me pahn doadoahk oh dahme pahn pweidasang. Ire pwukat sohte kasalehda koasoandi me pahn mie. Ahpw, irail wia mehn sawas ong koasoandih kan me kaun akan pahn anahne en kapakapki oh me Ngehno pahn kaweihdki.

32.7.1

Wen laud en dihpo

Wen toutou en dihp ehu kin sosohng sang ni wen laud en dihpo. Met me pahn kak en iangahki wen meh depe oh pak depe me dihp akan kin wiawi, wen ohla de medekila me e kin kahrehda, oh wen aramas depe me kin medengkihla.

32.7.2

Kupwuren me medekilahu

Kaun akan kin alehda kupwuren me medikilah kan oh mehteikan. Met pahn kak iangahki en aramaso pwoud oh tohn peneinei teikan. Kaun akan pil kin alehda wen laud en ohla.

32.7.3

Mehn kadehdehpen koluhla

Kaweid en Ngehno udahn anahnepe ong en kak kasawiada ma aramaso mehlelki ah koluhla. Songen koluhla wet kin sansal sang ni nananti en wia mwahu ansou werei ahpw kaidehn sang ni wen pahtou me sansal ni ansou en tuhpenehn peidek kan. Ireh kan me konehng alehda me iangahki:

Kakehlaka pwoson Sises Krais.
Kahrepen wehkepen dihp.
Wen insensued laud ong dihpo.
Pweinen kawehla aramaseko
Idawehn koasondihn kosonned akan
Pweida sang ni sohla pwurehng wia dihpo
Poadediheng kapwaiada kosonned akan sang ni ansou me dihpo wiawio.
Mehleliong kaun akan en Mwomwohdiso oh mehteikan.
Inengieng en idawehn kaweid en kaun akan en Mwomwohdiso.

32.7.4

Kawehla inou sarawih kan en tehnpas sarawi

Kauno ketin kasaleda me, “Ohng ih me ale soahng tohto, anahnepe pil pahn laud” (Doctrine and Covenants 82:3). Aramas emen me alehier ah endaumend wiadahr inou sarawi kan me e pahn momourki wiewia mwahu kan. Kawehla inou sarawi pwukat pahn kasalehda wen laud en dihp. E pahn kalaudehla en mie anahnepen pwihn en kaunsel en wiawi.

32.7.5

Kolokol Pwukoah ehu me mie likilik oh mweimwei

Wen laud en dihp ehu kin kasalehda ni sansal ma aramas emen wiadahr dihpo ni ansou me e kolokol pwukoah ehu me ahniki likilik de mweimwei me rasohng pahpa oh nohno, kaun emen, de sounpadahk men.

32.7.6

Kopwkopwurupwuriheng

Mwekid en dihp toutou ehu me kin kalapw kopwkopwurpwuriheng me kin kakete sansal sang loalen aramas me inengieng oh poahsonkihda de wialahr mwekid ehu me solahr kak uhdisang me kak en kapwandahla en koluhla mehlel. Ni kapatapat ong iraihrdih kan en toweh kan me pil kak wiawi, pirokram en sawas akan ong mwekid kan me solahr kak uhdisang oh kaweid kan sang irail semen kan pil kak sawas (kilang 32.8.2).

32.7.7

Sounpar, Wen Mah, oh Wen Koahiek

Kaun akan kin tehk sounpar, wen mah, oh wen koahiek ni ansou en kaweid toweh men de ong ni pilada koasondi me pahn konehng sang ni dahme sansal sang ni pweidahn tuhpenehn pwihn en kaunsel. Mweidala de mahkala kin kak wiawi ong irail kan me soakoahiek nan rongamwahu wet. Ni karasepe, mweidala de mahkala kin kak wiawi ong irail me pwulopwul kan me iang pidada nan wiewia sapwung ma irail sohla wia dihpo oh kasalehda koluhla mehlel. Ahpw, epwelpe laud pahn wiawihong ma irail doulahte mwowe oh wihwia mwekid sapwungo.

32.7.8

Koahiek en Madamadau

Soumwau en nan moange, ahnla wihwia sohte kak uhdisang, de sohte itar en madamadau, mepwukat sohte wia kahrepe mwahu ehu ong aramas emen me wiahda dihp toutou. Ahpw, ietakan soang kei me kak kahreda. Iei me iang wia sawas en sewese aramas emen en koluhla, kaun akan pahn rapahki Sapwellimen Kauno kaweihd me pid duwen en aramaso wehwehki padahk kan en rongamwahu oh dakehn pwukoah me e ahniki.

32.7.9

Peihn Wehkada Dipe

Peihn wehkada dipe oh insensuedkihla peihn ah mwekid kasalehda ineng en koluhla.

32.7.10

Wen Ahnsou Ehu me Mih nan Pwungen Dihp oh Wehkepen Dihp

Wehkada dihp wia kisehn koluhla oh e sohte anahne en kaikaiala. Ekei pak dihp kin ahniki ansou reirei en kak kin pwungila oh momourki mehlel. Ma toweh men wehkada dipe oh saikinte pwurehng wia, mwo kak kasalehda me e uhdisangehr oh solahr wia. Nan ansouo, wehkepen dihpo kakehr nekier oh sohte anahnepen tapiada koluhla.

Ketkihda Sawas en Kaweihd ong Emen Aramas

32.8

Kaweihd en Penou oh Iraihrdih kan me Sohte mih ni Nting

Kaweihd en penou iei me keieu mwahu en sewese doarehla mehteikan oh sewese aramas emen en kak alehdi komour sang ni manaman en Tomw en Sises Krais ni ah pahn koluhla. Soangen kaweihd wet pahn pil kak en sewese toweh kan en kalikasang irail songen dihp toutou kan. Nan kaweihd en peneu, kaun akan pil kak kihda irairdih kan me sohte mih ni inting pwehn sewese toweh men en koluhkihla ekei dihp toutou kan (kilang 32.8.3).

Dihp toutou kan sohte pahn kin mih ni epwel mengei (kilang Doctrine and Covenants 1:31). Kawehla inou sarawih kan en tehnpas sarawi pahn elehda anahnepen pwihn en kaunsel en wiawi (kilang 32.7.4).

Mehn kaweihd kan me pahn sewese kaun akan ese ansou dah me kaweihd oh kodahn irairdih kan me sohte mih ni inting en wiawi me sansal pah kan (pil kilang 32.7):

Aramas emen me saik wiahda dihp ehu me pahn anahne pwihn en kaunsel (kilang 32.6.1).
Aramas emen me peihn wehkada dipe oh inangiada en koluhla mehlel.
Aramas emen me wie koluhkihla dihp toutou ehu me e saikinte wia pak ehu.
Dipen aramas emen me saik kawehla inou sarawih kan en tehnpas sarawi.
Aramas emen me ahniki mwekid marahrah kan.

32.8.1

Kaweihd en Penou

Mehn kaweihd kan me pahn doadoahk ni ansou me pisop men de steik preseden men kaukaweid toweh men pwehn sewese koluhla.

Kalalapakte irehkante me pahn sawas en kilangada (1) en toweh meno wiewia ong ni tiahk en dihpo oh (2) dahme elehda, pahn pak depe me e wihwia, oh ia wen werei en tiahko. Ieremen idek pisetikpeh kan me sohte nohn anahnepe sang ni dahme mihier en kak wehwehki kemwekido. Ieremen idek peidek kan me pwarada sang ni peihn dahme ke men ese.
Idek ia mwomwen mwekido ah kawehla onopek en mehteikan.
Koasoiahte mehkot me mwahu me pahn koaloalehla en toweh meno ineng en weliakapwala oh inou en poadedieng Kauno. Koangoangehki towe meno en idawehn pisetik en kaweihd kan pwehn sewese wekidala ah wiewia oh ah mongiong pwehn koluhla. Lukehieng ih en karanih Sounkomouro, rapahki Sapwellime kehl oh kehn Sapwellime komour en limpoak.
Koangoangehki kemwekid kan me pahn saihr ah mour me duwehte kapakap, wadek pwuhk sarawih kan, oh iang mihting en Sarawi kan. Padahngki me poadoapoad en peneinei oh doadoahk en tehnpas sarawi kak katikala kahpwal akan me kin elehda en pwupwidieng loale. Koangoangehki en kin papah mehteikan oh ehukieng irail rongamwahuo.

Koangoangoahki en kapwungala sapwung kan ong irail kan me irail wia dihpiong oh pekmahk
Koangoangoahki irail en sohpeisang me sued akan. Sewese toweh kan en wia mwekid me pahn powehdi kasongosong kan.
Kilang pwe kumwail wia kaun en mwomwohdiso kei, kaidehn semen en soukaweid kei. Me iangahki kaweid me kumwail kin kihda kan, ekei toweh kan kin alehdi mwahu sang ni kaweid en wiewia. Ekei kin lokolongki sang ni soumwau en moange. Ma kin mie anahnepe, toweh kan en pwihn en kaunsel kin rapahki kaweid sang irail semen kan en imwen wini oh pwihn en palien apwahpwali irail me ahniki soumwau en nan moange.
Kin kalapw kapakap oh rapahki kaweid en Ngehno mwohn kihda iraihrdih kan me sohte kin ntingdi nan rekohd. Ekei toweh kan kin kak ale kamwaupeh kan sang ni kin iangaiang kemwekid en Mwomwohdiso me kin wiawih kan mwahusang arail kin iraihrdihsang arail saledek.
Kin pil ehu kataman en koangoangoahki, kalaudehla kehlepen palingehn, oh kin daudauwi ansou koaros.

Ni ansou me toweh men kin wehkada dipe ong pisop de steik preseden, tuhpenehn kaweid pahn kin pil anahne pwurehng wiawi ni songen mwohmw kei. Kaun meno kak peihn apwaliala. De, sang ni mweimwei sang rehn towe meno, e kak pilada emen nah sounkaweid kau en apwaliala.

Sang ni dahme towe meno pwungki, pisop de steik preseden men kak pi pilada sang irail toweh kan en elders kohrum de Relief Society en sawas nan ire pisetik kan. Ong me pwulopwul kan, e kak pilada emen toweh kan en presedensi en Serepein Pwulopwul kan de soun kaweid en Prihsduhd en Aron en iang sawas. Irail kan me pilipilda en iang sawas ahniki pepehm en inengieng en sawas pwehn kak kapwaiada pwukoahu (kilang 4.2.6).

Ni ansou me e pilada aramas emen en sawas ong tehksapahlih kaweid me alahldiero, kaun meno pahn kihlahte ireh kan me anahnepe en sewesehki towe meno. Aramas me pilipildahu pahn anahne nekidala mwahu ireh kan ni rir. Ohl de lih meno pahn pil kehsehki pisopo kekeirda oh anahn akan en towe meno.

32.8.2

Sewese Aramas akan me Sohla kak Uhdihsang Wiewiah kan

Kaweihd en penou kin ekei pak pid sewese toweh kan en koluhkihla diparail kan me duwehte de me sang ni wiewiah kan me irail sohlahr kak uhdihsang. Wiewia pwukat me iangahki mehn kasaliel kan de songen tiahk teikan. Ahnla wihwia tiahk sohte mwahu kan kin kak kamedekehla emen emen, pwopwoud kan oh peneinei kan. Pisop kak kaweid toweh kan en rapahki sawas sang pirokgram me kin sawas kamwauhiala soangen soumwau wet sang Mwomwohdiso oh sang irail doahktehn imwen wini kan oh wasahn apwahpwalih roson mwahu en irail me ahniki soumwau en nan moange.

Ehu me keieu reklahr iei kilikilang kilel suwed akan. Ma pil sohla kak uhdihsang de wia tiahk en ahnsou kei, doadoahngki de kilekilang kilel suwed sohte lipilipil kak kawehla mour. Wie doadoahngki pahn katangahla Ngehno. E kaluwetehla manaman me kohsang atail ineng en kolokol inou sarawi kan. E pil kawehla ehupene kesempwal akan en nan pwungen riemen.

Kaweid en peneu oh irairdi kan me sohte kin ntingdi nan rekohd kin kak en itar ong apwali aramas emen en koluhla oh sohla doadoahngki kilel suwed. Tuhpenehn kaunsel en towehkan sohte kin kalapw wiawi nan ire wet. Ohngete ma e pahn konehng wiawi, kilang 38.6.6 oh 38.6.13. Kaweid sang semen kan pil kak sawas.

Steik presiden kan oh pisop kan pahn utung oh sewese peneinei kan ma mie anahnepe. Pahpa oh Nohno kak iang patehng ansou en kaweid me pwulopwul kan ong doadoahngki kilel suwed kan. Ah pwoudo kak iang patehng ahnsou en kaunsel ong me pwopwoud kan.

Ong me pid ireh kan duwen kaunsel ong toweh kan me kin doadoahngki kilel suwek kan, kilang 38.6.13.

32.8.3

Irairdi en Lepin Ansou Kis Me Sohte kin Ntingdi nan Rekohd

Mwohn kaunsel ah pahn wiawi, pisop de steik preseden kak kilang ma iraihrdi en lepin ansou kis ong toweh meno me pahn sou mwahu ong nan ansouo. Sang ni kaweid mwahu, irairdi en ansou kis pwukat kak sewese en koluhla oh alehdi kaweid en ngehno. Irail kin kadahneki ni lepin ansou kis pwehki irail sohte kin kileldi nan rekohdt en tohn mwomwodiso.

Kosondi en irairdih kan kak reireiki wihk ehu samwa, sounpwong kei, de pil kak reireisang ma e konehng pwe aramaso en kak koluhla ni unsek. Nan soahng me inenen laud kan, ansou kak reireisang sounpar ehu.

Kaun kan oh tohn kaunsel kan kin rapahki kaweid en Ngehno pwe en sewese aramas meno en koluhla. Met kan kak iangahki (ahpw sohte kin irairdi ong) kakoamoaldi en dodohk en papah nan pwukoah en Mwomwodiso, doadoahngki pristuhd, de pidelong nan tehnpas sarawi. Kaun emen kak pil irehdi aramas emen en kihda padahk, sawas akan, de kapakap nan kemwekid kan en Mwomwodiso. Ma kaun emen kihsang pwuhng en pidelong nan tehnpas sarawi, e kasohrehla kisin likou en pidelong nan tehnpas sarawio ni ohpihs en Leader and Clerk Resources (LCR).

Ale kamadipw sarawi wia ehu mwekid kesempwal ong koluhla. E sohte pahn wia keieu en irairdi ong aramas me koluhlau me ahnikier mongiong ohla oh ngehn karakarahk. Ahpw, ma aramas meno kawehla dihp toutou kan, kaun emen kak kihsang ih ah ansou mwahu wet ong ansou ehu.

Kaun akan sohte kin kosoia iong emen aramas mwomwen irairdi pwukat lahu mioa anahnepe en ese (kilang 32.12.2).

Pisop men de steik presiden men kak kihsang koasondi en irairdi pwukat sang ni kaweid en Ngehno ni ansou me aramaso kasalehda me e kapwaiada koasondihn koluhla kan koaros. Ma tohn mwomwodiso menet wenlahte wiewi dihpo, e pahn mie anahnepen sawas de konehng en mie tuhpene en pwihn en kaunsel.

KOASONDI EN EPWELPEN TOHN KAUNSEL KAN EN MWOMWOHDISO

Tohn kaunsel akan en Mwomwodiso pahn kin tuhpene ni ansou me pisop men de steik presiden men anahne arail sawas de ni ansou kan me anahneperail mienin duwen me koasondi nan kosonned en Mwomwodiso (kilang 32.6). Irail kin tuhpene nan ward, steik, branch, distrik, de ni wasahnmision. Nan ire tikitik wet kasalehda iren kan ong ni duwen mwomwen apwalih irail.

32.9

Patehng oh Pwukoah

Nan kakon me sansal pah kasalehda ihs irail kan me kin iang towehda pwihn en kaunsel kan.

	Irail kan me kin Iang Patehng Pwihn en Kaunsel kan
Pwihn en Ward Kaunsel	Irail kan me kin Iang Patehng Pwihn en Kaunsel kan Aramas me kahrehda pwihn en kaunsel ah wiawi. Pisop oh nah sounsawas kan Kilerk en Ward Pwihn en Kohrum oh Relief Society presiden (ni sohte idihd;;kilang 32.10.1)
Pwihn en Kaunsel en Steik	Irail kan me kin Iang Patehng Pwihn en Kaunsel kan Aramas me karehda tohn sawas kan arail tuhpene Steik presiden oh nah sounsawas kan Kilerk en Steik Lapalap en pwihn en kaunsel kan (ongete songen irair koai nin duwen ah kawewehdier nan 32.9.2) Pisop en aramaso me pwihn en sawaso tuhkipene (ni sohte idihd;, kilang 32.9.3) Elders Quorum oh Relief Society presiden (kesempwal;; kilang 32.10.1)

32.9.1

Presiden en Steik

Steik Preseden

Ahniki manaman ong irail pwihn en kaunsel kan en nan steik, ahpw, pali laud en kaunsel pwukat kin wiawi rehn pisop akan.
Pahn kin anahne kamanahla mwohn pisop emen ah pahn wia tuhpenehn pwihn en kaunsel.
Wia ehu tuhpenehn steik kaunsel ma ohl emen de lih emen me alehdier endaumen kakete kohsang neirail rekohd en Mwomwodiso.
Pahn kak en wia ehu tuhpenehn kaunselma toweh men uhwong koasondi en pwihn en kaunsel en wardo.
Pahn anahne kamanahla mwohn tohn pwihn en kaunsel en wardo pahn kihda koasondi en kaweid en kihsang rekohd en aramas emen me saik endau.

32.9.2

Ahi Kaunsel

Pwihn en lapalap en kaunselsohte kin kalapw iang patehng nan tuhpene en pwihn en kaunsel en steik. Ahpw, irail pwihn en lapalap en kaunsel kak patehng nan ansou kan me irairo udahn apwal. (kilang Doctrine and Covenants 102:2). Ni karasepe, steik presidensi kak lukehiong pwihn en lapalap en kaunsel en iang towehda tuhpene kan ma:

Mie pwung mehlel kei.
Irail pahn kak kapataiong mehkot me katapan oh pahrek.
Towe meno kak peki irail en patehng.
Emen tohn pwihn en steik presedensi de ah peneinei iang patehng (kilang 32.9.7).

32.9.3

Pisop (de Branch Presiden en nan ehu Steik)

Pisop:

Ahneki manaman pohn pwihn en kaunsel akan en wardo.
Tuhwong steik presiden oh alehdi mweimwei mwohn wia eh tuhpenehn kaunsel.
Sohte pahn kak wia tuhpenehn kaunsel ma ohl emen de lih emen me alehdier ah endaumen pahn kakete kohsang nah rekohd en Mwomwohdiso. Tuhpenehn pwihn en steik kaunsel pahn udahn wiawi ong nan songen kemwekido.
Mwein pahn kak en iang luhkohng en towehda pwihn en kaunsel en steik ong tohn ward men me nah rekohd petehkpe wiawihong. Pwehn kak iang towehda e pahn ale mahs mweimwei sang steik presiden oh aramaso.

Pwihn en kaunsel en ward de branch ehu kak kaweidki en kapidoih rekohd en tohn Mwomwohdiso men ma e saikinte ale endaumen. Ahpw, steik presiden anahne kamanahla mwohn koasondi wet ah pahnwiawi.

Ekei pak toweh men me alehier ah endaumen oh wiepen doadoahk kak kasalehda me towe meno pahn kakete kohsang nah rekohd. Nan songen iraihr pwukat, pisop pahn kehsehkilahng steik presiden.

32.9.4

Misin Preseden

Ahniki manaman pohn irail kaunsel en misin branch kan oh distrik kan.
Pahn anahne kamanahla mwohn distrik de branch presiden arail pahn wia tuhpenehn kaunsel.
Wia ehu tuhpenehn steik kaunsel ma ohl emen de lih emen me alehdier endaumen kakete kohsang neirail rekohd en Mwomwodiso. Ma ansou ehu de woahn reirei ehu pahn kahrehda ah sohte pahn kak pweida, e kak pilada emen nah sounkaweid kau en apwaliala. E pilada Melchizedek Presiden riemen en iang towehda.
Wasa ehu me kak,wia tuhpenehn kaunsel ong irail kan me saik wia arail endaumen. Ma ansou ehu de woahn reirei ehu pahn kahrehda ah sohte pahn kak pweida, e kak mweidada Melkesidik prihstuhd silimen en katanga. Nan irair wet, tohn distrik presiden de branch presiden me kin kaweid tuhpene wet.
Pahn kak en wia ehu tuhpenehn kaunsel ma toweh men uhwong koasondi en irail pwihn en kaunsel en distrik de branch.
Sang ni mweimwei en General Authority sang Ohpis en Misin, wia ehu kaunsel mihting ma misineri men kawehla dihp laud ehu ni ansou me e mihmi nan ah misin (kilang 32.9.8). E pil pahn petehk sapahlih irehu ong emen tohn Ehria Presedensi oh kaweihdkipene rehn stake preseden en wasa me misinerio kohsang ie.
Pahn anahne kamanahla mahs mwohn kaunsel en branch de distrik kan arail pahn kihda kamwomwada en kihsang rekohd en aramas me saikinte endau ah pahn soandi.

Ma misineri men wehkada dihp toutou ehu me e kawehla mwohn ah wia wia misin, misin presiden pahn alehdi weliepe me kin mih nan Ophis en Misin ong kaweid.

Ansou me misin presiden pahn wia tuhpenehn pwihn kaunsel, e pahn pilada Melchizedek Prihstuhd riemen en sewese ih. Ongete nan mwekid me sohte pwung te me e pahn idiada misineri riemen me pwulopwul en sawas. E pil pahn idahwente songen wiepen tuhpene me pwihn en kaunsel en steik kin wia (kilang 32.10). Ahpw, lapalap en kaunsel de distrik kaunsel sohte kin patehng.

32.9.5

Distrik de Branch Presiden en nan Misin

Disrik de branch presiden en nan misin kak wia tuhpenehn kaunsel ma ale mweimwei sang misin presiden. Distrik kaunsel sohte kin iang patehng.

Distrik de branch kaunsel kak kaweidiki kamwomwadahn kihsang rekohd en aramas emen sang nan Mwomwohdiso ma e saik ale endaumen sang nan tehnpas sarawi. Ahpw, steik presiden anahne kamanahla mwohn koasondi wet pahn kak wiawi

32.9.6

Klerk en Steik de Ward

Klerk en Steik de Ward:

Wie kolokol audepen mihting kan ongete ni wen ereihn ahnsou ehu me pahn konehng ong ni kapidelong en doaropwehn Repwoht en Pwihn en Kaunsel en Mwomwohdiso.
Kaunopada doaropwehu ma kaun me katanga mihting en kaunselo idek.
Sohte pahn iang towehda koasoakoasoipene de kosondihkan nan tuhpenehn kaunselo.

32.9.7

Towehda nan Songen Kemwekid kan Me Sohte Kalapw Wiawi.

Ma emen soun kaweid en steik presidensi sohte kak iang towehda tuhpenehn pwihn en kaunsel, stake presiden pahn peki rehn emen lapalapen kaunsel de emen lapalapen prihs en weliandi nan dewehu. Ma steik presiden sohte pahn kak iang towehda, Presedensi Keieu kak pilada emen nah soun kaweidko en weliandi kaunda.

Ma emen soun kaweid en pisoperik sohte kak iang towehda tuhpeneu, pisopokak peki rehn emen lapalap en prihs en nan wardo en weliandi dewehu. Ma pisop sohte pahn kak iang towehda, e pahn kehsehki mwekid wet rehn steik presiden, me pahn ekerpene pwihn en kaunsel en steik ong ehu mihting. Pisop sohte pahn kak en pilada emen sounsawas pwehn katanga mihting en pwihn en kaunsel.

Ma mie tuhpene en pwihn en kaunsel pahn wiawi ong emen tohn peneinei enpisop de emen nah sounsawasoko, e pahn wiawi rehnsteik. Ma e pahn wiawi ong emen tohn peneinei en emen sounsawas ong steik preseden, steik presiden pahn uhd pilada emen lapalap en prihs en weliandi dewen sounsawaso. Ma tuhpenehn kaunselo wiawi ong emen tohng peneinei en steik presiden, e pahn tuhkiheng mahs Presidensi Keieu.

Ma toweh men pahn uhwong en pisop de nah sounsawasoko arail pahn iang towehda, tuhpenehn pwihn en kaunsel pahn wiawi nan steik. Ma toweh men pahn uhwong en emen tohn sounsawas ong steik preseden ah pahn iang towehda, steik presiden pahn pilada emen lapalap en prihs en weliandi dewen sounsawaso. Ma towe meno pahn uhwong en steik presiden ah pahn iang towehda, de ma steik presideno kehn me e sohte pahn kak wiahda koasondi pahrek, e pahn ale kaweid sang Ohpis en Presidensi Keieu.

32.9.8

Kilangada Mehnia Kaun me kin Wia Mihting en Kaunsel ong Kemwekid Kesempwal tei kan

Tuhpenehn mihting en kaunsel kan kin kerenieng ansou koaros kalapw wiawi ni wasa me Mwomwohdisou mih ie wasa me neihn aramaso rekohd mih ie.

Ekei pak tuhpenehn pwihn en kaunsel anahne wiawi ma toweh men kin mwekidla ekis wasa. Ma mwekido wiawihte nan steikohte, ,steik presiden pahn koasoieng pisop en ward riauo koaros oh koasoanehdi wasa me e pahn wiawihie.

Ma towe meno mwekidieisang nan steiko, steik presiden en steik riauo koaros pahn koasoipene oh pilada wasa me kaunselo pahn wiawi ie. Ma ira koasonehdi me e pahn wiawi nan ward de steiko me e apwtehn kohsangie, rekohd en towe meno pahn wie mihmihte nan wardo lau kaunselo unsekla. De ma soh, rekohdo pahn wisikla ni ward kapwo. Pisopo de steik presideno pahn padahkiheng en towe meno pisop en ansouo de rehn steik preseden duwen dahme kahrehda tuhpenehn kaunselo anahnehki wiawi.

Ekei pak tuhpenehn kaunsel kak wiawi ohng toweh men me kohla koukousonki wasahkis ong ni lepin ansoukis. Ni karasepe, tuhpenehn kaunsel pahn kak en wiawi ong tohn school emen de toweh men me iang sounpei. Pisop en wasa me tohn mwomwohdisou kin koukouson ie, kak wia kaweid de sawas. Apw, e sohte pahn kak wia tuhpenehn kaunsel ihte ma nein aramaso rekohd miher nan ah wasa oh e koasoiengehr pisop en ah udahn wardo.

Ekei pak misineri men kin wiahda dihp me laud ni ah wiewia ah misin kin sohte sansalda lau e neksang ah misin. Pisopo de steik presiden kin tuhkipene ihs rehra me pahn wia kaunselo. Emen ira pahn tuheng mahs misin presiden en mwowehu mwohn tuhpene ah pahn wiawi.

32.10

Wiepen Doadoahk kan ong Pwihn en Kaunsel kan

32.10.1

Pakairki oh Kaunopada ong Mihting en Kaunsel

Pisop de steik presiden pahn kalelehki aramaso ni inting duen tuhpenehn kaunsel me pahn wiawi ong ih. E pahn sain doarepwehu. E pahn iangahki ire pwukat:

[Pisopirik de steik presidensi] pahn wia tuhpenehn kaunsel wet ong komwi. Tuhpenehn kaunsel wet pahn wiawi [rahn oh kulok] ni [wasa].

Kaunsel wet pahn pid [oaroalapen mwekid sapwungo, ahpw e sohte pahn kasalehda ni pisetik de mehn kasansal].

“Komw luhkohng en towehda kaunsel wet pwe komwi en kasalehda sapwellimwomwi pasapeng. Komw kak kasalehda ireh kan me intingdi sang aramas akan me pahn kak kasalehda me ireh kan duwepene. Komw kak luke aramas akan en koasoieng pwihn en kaunsel me pid duwen komwi ma e mweimweida sang steik preseden de pisop mwohn tuhpene ah wiawi. Komw pil kak luke [ward Relief Society presiden de pwihn en kohrum] en iang towehda oh kasalehda utuht.

Sohte lipilipil me iang towehda pahn anahne wauneki koasondi en kaunsel, me iangahki wiepen arail doadoahk oh kesempwal pen nekneklahn rekohd kan. Sounsawas en kosonned oh irail kan me utung me sohte iang sansal powe sohte pahn kak iang towehda.

Nan lahs en inting en nan audepen doaropwe kak iangahkikasaladahn limpoak, koapwoaroapwoar oh madamadau.

Mehn kaweid kan me pid duwen ihs me aramaso kak luke en koasoieng pwihn en kaunsel e sansal nan 32.10.3, number 4.

Ma sohte aramas me kak wahla kisin likouo , e kak pekeder nan pwohsdo ni karuaru doadoahngki registered de certified mail, oh peki en mie risiht iangedo.

Pisopo de steik presedeno pahn koasonehdi ehu ahnsou me pahn mwahu ong aramaso ong ni tuhpenehn pwihn en kaunsel. E pil anahne tehk mwahu me mie ahnsou en alehdi irehkan sang irail kan me medekila sang ni wiewia sapwungo ma irail pahn inengieng en ehukieng irail (kilang 32.10.2).

Pisopo de steik presideno pahn kaunopada aramaso ong pwihn en kaunsel ni ah pahn kawehwehieng karepen tuhpeneu oh mwomen wiepen doadoahk en tuhpenehu. E pil pahn kawehweh koasondih kan me pwihn en kaunsel pahn kak en pwungkihda oh arail pweidahkan. Ma emen tohn mwomwohdiso wehkada me e sapwung, kaun meno pahn kawehweh me wehkepen dihpo pahn anahne wiawi nan tuhpenehn pwihn en kaunsel.

32.10.2

Alehdi Kawewehpen Dahme Wiawih kan ni Inting sang Rehn Irail kan me Medekila

Ni ansou me tohn Mwomwohdiso men me wia aramas me medekilahu (me duwehte nenek nan peneinei, wiakawe seri, wiakawe en pwopwoud, de mwersued), pisopo de steik presideno pahn eker en aramaso ah pisopo de steik presiden en ansouo. Kaun pwukat pahn tenekih ma e pahn sawas laud en kieng me medekilau ah ahnsou en kak wiahda ah kosoi ni inting me pid duen wiewia sapwungo oh wekdeklah kan me sansal sang ni mwekido. Dahme intingdi pwukat pahn kak en wadawada nan ansou en tuhpenehn pwihn en kaunsel (kilang 32.10.3, number 3). Kaun akan en Mwomwohdiso sohte ahniki manaman en peihn lemehda en tuhwong irail akan me medekila me sohte wia towe en Mwomwohdiso.

Tuhpene koaros me pahn wiawieng me medekilahu pwehki ong ni kahrepe wet pahn kin wiawihte rehn ah pisop de steik presiden en ansouo. Ma me medekilau pahn kihda ah koasoi ni inting, kaun pwukat pahn kiheng pisop de steik presiden me pahn wia tuhpene en kaunselo. Kaun akan pahn nantiheng apwalih mwahu pwe ede mie pingiping.

Alahldi en duwen emen me medekila me mih pahnangin sounpar 18 pahn kin alehdi sang rehn ahn serio pahpa oh nohno de me ahniki pwuhng en apwahpwali serio, pwe ma soh a e pahn kak karehda kahpwal akan ong me medekilau.

Ong irehkan me pid dahme pisop kan oh steik presiden kan anahne wia ni ansou me irail alehdi repwoht en kamwamwahl, kilang 32.4.5 oh 38.6.2.1.

32.10.3

Mongehda Tuhpenehn Kaunsel

Mwohnte kaunsel ah pahn tepida, pisop de steik presiden pahn kin padahkiong aramas akan me patehng tuhpenehu ihs me karehda tuhpene wet wiawihki oh dahme repwoht kasalehda ong kadipadip me mie. Ma mie anahnepe, e pahn kawewehda wiepeh kan me pahn wiawi nan kaunselo.

Aramaso, ma e mih mwo, ahpw pahn kasomwlongehng nan perehu. Ma pisop men luhkiong en iang towehda tuhpenehn kaunsel en sdeik, e pil pahn iang luhkohng nan perehu nan ansou wet. Ma aramaso luke Relief Society presiden de elders kohrum presiden en iang towehda oh kihda sawas en utuht, ira koaros pil pahn iang pidelong nan pereo.

Pisop de steik presedenpahn kin mongehda tuhpenehn kaunselo ki ngehn en limpoak, nin duwen me sansal pah.

E pahn lukeiong emen en wia kapakap en ritingada.
Ih eri repwohtkihda kadipadip me wiawi. E pahn kiong aramaso (ma e mih mwo) ah ansou mwahu en kasalehda ma e pwung, sohte pwung, de kawewehda duwen ire wet.
Ma towe meno kasalehda me kadipadipo mehlel, a pisop de sdeik presiden pahn doula ong nan nempe limau me sansal pah. Ma towe meno kasalehda me kadipadipo sohte pwung, pisop de sdeik presidens pahn kasalehda ireh kan me e pidada. Met me pahn iangahki kasansaldahn dipwisou en kadehde kan oh wadawada ni ngihl laud audepen kadehdeh kan me sang irail me medekilah kan (kilang 32.10.2). Ma e pahn wadekada koasoi kan, e sohte pahn kasalehda ihs aramaso.
Ma toweh men kahmahmkihla kadipadipo, aramaso pahn anahne wahdo nah mehn kadehde kan ong pwihn en kaunsel. Met kak pil mih ni inting. De towe meno kak peki rehn aramas akan me pahn kak kasalehda songen irair akan pwe en kak kosoiong pwihn en kaunsel, ni wad emen. Aramas pwukat pahn wia towe en Mwomwodiso ihte ma pisop de sdeik presidenmweidada mwowe me aramas me sohte wia towe en Mwomwodiso kak towehda. Irail pahn mih nan ehu pere torohr lau irail pekiek la en koasoi. Emen emen aramas pahn mweselsang nan perehn kaunselo ni ansou me irail nek. Irail pahn anahne en kapwaiada oh wauneki kahrepen tuhpenehn kaunselo, iangahki wiepe kan oh nekineklahn ireh kan. Toweh kansohte pahn ahniki mweimwei ong neirail sounsawas akan en kosonned en iang mih mwo. De pil neirail soun utuht kan me sohte iang sansal rehn irail kan me sansal nan keriau en wadawad en nan ire tikitik wet.
Pisop de sdeik presiden pahn kak en idek iren kalelapak kan me pid duwen towe meno ni koasoi mwahu oh wahu. E pil kak peidengki duwen aramas teikan me towe meno peki arail sawas en sawaskihda ireh kan. Sounkaweid kan nan pisoprik de steik presedensi pil kak iang idek kalelapak kan. Peidek sohte lipilipil koaros pahn anahne mwotomwot oh dokehte dahme mehlel kan.
Mwurin ireh kan koaros ah sansalehr , pisop de sdeik presiden pahn mweidala aramaso en pidohi sang nan perehu. Kilerko pahn pil iang pidohi, ihte ma mielapalap en kaunsel iang towehda tuhpenehn kaunsel en steik. Ma nein towe meno pisop iang towehda tuhpene en sdeik kaunsel, e pil pahn iang mweselda. Ma presiden en Relief Scoriety de presiden en elders kohrum iang towehda pwe en kihda arail sawas, irail koaros pahn pil iang mweimweida en pidohi sang nan perehu.
Pisop de steik presiden pahn idek ma mie iren keinemweh kan de iroan madamadau kan sang rehn sapwellime sounsawas akan. Ma lapalap en kaunsel iang towehda nan tuhpene en sdeik kaunselo, e pil pahn alehdi arail iren keinemweh kan oh iren madamadaw kan.
Pisop de sdeik presiden, iangahki neirail sounsawas akan kin kapakap ni ngidingid pwehn rapahki kupwuren Sapwelimen Kauno koasondi ong mwekido. Sdeik presiden oh nah sounsawas kante de pisop oh nah sounsawas kante me pahn mihmi nan perehu ansou wet. Ma mie lapalap en kaunsel iang patehng tuhpenehn steik kaunselo, sdeik presiidensi kin ansou koaros kesoula nan en steik presedensi ohpis.
Pisop de sdeik presiden pahn kin padahkihong nah sounsawas akan dahme e koasonehdi oh peki rehrail en utungada. Ma lapalap en kaunsel men iang patehng tuhpenehn steik kaunselo, steik preseden pahn pwurala nan perehu oh peki rehn lapalap en kaunselo en utungada. Ma sounsawas emen de lapalap en kaunsel men ahneki iren madamadau tohrohr, pisop de sdeik presidenpahn karonge mwahu oh rapahki mwomwen ah pahn apwaliala wekpesengo. Pwukoah ong koasondi me pahn sansal mihmi pohn oahpiser me moangehda tuhpenehu.
E pahn pwurehng ekerodo aramaso nan perehu. Ma kilerko iang pidohila, e pahn pil iang pwurehng pekiek do nan perehu. Ma neihn towe meno pisopo iang towehda tuhpenehn steik kaunselo, e pil pahn iang pwurehng pekiekdo nan perehu. Ma presiden en Relief Scoriety de presiden en elders kohrum iang towehda pwe en kihda arail sawas, irail koaros pahn pil iang pwurehng pekiekdo nan perehu ansouet.
Pisop de steik preseden pahn ehukieng irail sang ni ngehn en limpoak duwen pweidahn koasondi me sansal sang pwihn en kaunsel. Ma koasondio pahn irehdien aramaso saledek en wia tohn Mwomwodiso de kakomoldi sang wia toweh men, e pahn kawewehda dahngeh kan me pahn wiawi (kilang 32.11.3 and 32.11.4). E pil pahn kawewehda ia mwomwen ah pahn kak powehdi irairdih kan oh kieng ekei kaweid kan oh mehn kamaraihn. Pisop men de sdeik presiden men pahn kahudi tuhpene wet ong ni ansou ehu pwe en kin rapahki kaweid kan de iroa teikan mwohn ah pahn kin wiahda koasondi ehu. Nan irair wet, e kin kawehwe met.
E kin kawewehda an aramaso ah pwuhng en repenpwung (kilang 32.13).
E pahn lukeiong emen en wia kapakap en ritingedi.

Mendahte ma aramaso mihmi mwo de soh, pisop de sdeik presiden pahn kehsehki ih duwen koasondi me wiawier nin duwen me kawewehdier nan 32.12.1.

Sohte aramas emen me iang mih nan tuhpenehn kaunsel ahniki mweimwei en rekordihdi koasoi kan, wia kasdo, de intingihdi nan doaropwe dahme wihwiawi. Kilerk men kak intingihdii audepen mihtingo ong kahrepen kaunopdahn Repwoht en Pwihn en Kaunsel en Mwomwodiso. Ahpw, songen audepen mithing pwukat sohte pahn mih ni pisetik en koasoi de mih ni mwomwn oaretik en repwoht. Mwurin repwoht wet ah kaunopdahr, e pahn kawehla songen iroa pisetik kan koaros.

32.11

Koasondi kan sang Pwihn en Kaunsel kan

Koasondi kan sang pwihn en kaunsel kan pahn kin anahne kohsang ni kaweid en Ngehno Irail pahn kin anahne sansal sang ni limpoak oh koapwoaroapwoar me kohsang rehn Sounkomouro ong irail kan me koluhla. Koasondi kan me kak wiawi me kawewehda pah. Ni ansou en wiahda koasondi pwukat, kaun akan pahn kin tehk irair akan me sansal nan 32.7.

Mwurin mihting en pwihn en kaunsel, pisop de steik presiden kin mwadangete kapidelong Repwoht en Pwihn en Kaunsel en Mwomwohdiso nan LCR( (kilang 32.14.1).

Koasondi kan me kak wiawi sang pwihn en kaunsel kan me sansalehr nan ire me mih pah kan.

32.11.1

Sohte Mie Pweipwand

Ni ekei ansou, aramas emen kak sohte dipoa oh sohte ah pweipwand. Ni ekei ansou, aramas emen kak kawehla dihp laud, koluhla ni mehlel, oh sohte mie pweipwand. Pisop de sdeik presiden pahn kak en kihda kaweid oh keperki duwen wiewiahn mwuhr kan. Mwurin kaunselo, e pahn doulahte oh kin kaukaweid ansou kan me udahn anahnepe.

32.11.2

Kaweid en Peneu sang Pisop de Sdeik Presiden

Nan ekei tuhpenehn pwihn en kaunsel kan, kaun akan kak diarada me towe meno miehte pweipwand me e saik apwaliala—apw irairdih kan me kileldi nan rekohd sohte wiawihda. Nan soangen kemwekid pwukat, pwihn en kaunsel kak koasonehdi me aramaso pahn udahn anahne kohla ale kaweid en peneuoh kapwungala rehn pisop de steik presiden. Tuhpenehn kaweid wet pahn kak iangahki iraidi en lepin ansou kan me sansal nan 32.8.3.

Kaweid en peneu oh irairdi en lepin ansou kan sohte pahn wia mehn pilipil en kopwungupwungla ni ansou metuhpenehn pwihn en kaunsel wiawiher ong dihp akan me sansal nan 32.6.1.

32.11.3

Irairdih kan Me kin Ntingdi nan Rekohd en Mwomwohdiso

Nan ekei tuhpenehn pwihn en kaunsel kan, kaun akan kak koasonehdi me e pahn keieu mwahu en irehdi saledek kan me tohwe men ahniki nan Mwomwohdiso ong ni wen erein ansou ehu. Irairdih kan me kohdi nan rekohd pahn kak mwahu ong koaros apw mehel dihp me keiou toutou de irair akan, iei me kahreda rekohd ah pahn kohsang (kilang 32.11.4).

Irail akan me arail irairdih kan intingdi nan rekohd irail wiwiahte tohn Mwomwohdiso. Apw, arail saledek en wia tohn Mwomwohdiso me irairedi nin duwen me sansal pah:

Irail pahn sohte kak pidelong nan tehnpas sarawi. Ahpw, irail pahn kakete likawih karmend en nan tehnpas sarawi ma irail endauier. Ma mie neihn towe meno kisin likou en mweimwei en pidolong nan tehnpas sarawi, sounkaweido pahn kasohrala nan LCR.
Irail sohte pahn kak wia pwukoahn prihsduhd.
Irail sohte pahn kak iang ale kamadipw sarawi de iang usuhski opisehr kan en Mwomwohdiso .
Irail sohte pahn kak iang padahk, wia kasukuhl, de kapakap ni Ihmw Sarawih kan. Oh irail sohte pahn kak iang alehda pwukoahn Mwomwohdiso.

Irail pahn anahne ngoangki en iang towehda mihting kan en Mwomwohdiso oh kemwekid kan ma arail mwekid kan mwahu. Irail pahn pil ahniki ngoang en pwain eisekis-ehu oh meirong en kaisihsol kan.

Pisopo de steik presideno pahn kak en kapatahieng ekei koasoandi teikan, me pid dehr kilang kilel sued akan oh songen me sakanakan teikan. E kin ansou koaros kapatahieng songen kosondi mwahu tohr. Me pwukat me kak iangahki iang sarawi rahn sarawi koaros, kapakap ansou koaros,oh wadewadek pwuhk sarawi kan oh songen pwuhk teikan en Mwomwohdiso.

Ma en aramas emen ah saledek en wia tohn Mwomwohdiso irairdihsang, met e kileledi nan nah rekord.

Erein irairdi wet kin ansou koaros reireiki sounpar ehu oh pil kak reireisang. Ni ansou me ah wiewia kin wie mwahmwahula ni eh kin koluhla, pisop de steik presiden kin wia ehu tuhpenehn kaunsel pwe en kasorahla irairdi kan (kilang 32.16.1). Ma towe menet wenlahte wihwia dihpo, sounkaweido pahn kak pwurehng wia ehu tuhpenehn kaunsel pwehn kosonehdi ekei wiepe tohrohr.

32.11.4

Kasohralahn Rekohd

Nan ekei tuhpenehn pwihn en kaunsel kan, sounkaweid kan kin kak koasonehdi me ihme keieu mwau en kapidoisang neihn aramas emen rekohd en Mwomwohdiso ong wen ansou ehu (tehk Mosiah 26:36; Alma 6:3; Moroni 6:7; Doctrine and Covenants 20:83).

Kapidoih en neihn aramas emen rekohd en Mwomwohdiso anahne wiawi ma aramaso kam aramas (nin duwen me kawewehdi nan 32.6.1.1,) oh pwopwoud tohto (nin duwen kawehwe nan 32.6.1.2). E kin kerenieng ansou koaros wiawihong me nenek de ngenger suwed nin duwen me kawewehdier nan 32.6.1.2 and 38.6.10.

Sang ni kaweid en Ngehn Sarawi, kapidoisang rekohd en aramas emen pil kak wiawi pwehki sang ni kahrepe pwukat:

Ong irail kan me arail wiewia kan kin keper ong mehtaikan.
Ong irail kan me dipekidahr dihp toutou kan.
Ong irail kan me sohte kasalehda arail koluhla sang dihp toutou kan (tehk madmadau kan nan 32.7).
Ong irail kan me dipekihda dihp toutou kan me kin kawehla eden Mwomwohdiso.

Pwihn en kaunsel en ward, branch de district kak kapidolong kamwomwadahn pekipek en kapidoisang rekohd en Mwomwohdiso sang aramas emen me saikinte alehdi nah endaument sang tehnpas sarawi. Ahpw steik de misin presiden anahne kamanahla mwohn koasondi wet pahn kak wiawi.

Irail kan me neirail rekohd en Mwomwohdiso kohsang pahn solahr kak iang paieki kapai kan me toweh men kin ahniki.

Irail sohte pahn kak pidolong nan tehnpas sarawi de likawih karment kan en tehnpas sarawi. Ma mie neihn aramaso kisin likou en mweimwei en pidolong nan tehnpas sarawi, sounkaweido pahn kasohralanan LCR.
Irail sohte pahn kak wia pwukoahn prihsduhd.
Irail sohte pahn kak iang ale kamadipw sarawi de iang usuhski opisehr kan en Mwomwohdiso .
Irail sohte pahn kak iang padahk, wia kasukuhl, de kapakap ni Ihmw Sarawih kan de mongehda ehu kemwekid en mwomwohdiso. Oh irail sohte pahn kak iang alehda pwukoahn Mwomwohdiso.
Irail sohte pahn kak iang en pwain eisekis-ehu oh meirong kaisihsol kan.

Irail pahn anahne ngoangki en iang towehda mihting kan en Mwomwohdiso oh kemwekid kan ma arail mwekid kan mwahu.

Irail kan me neirail rekohd en Mwomwohdiso kohsang kak pwurehng pwurolong sang ni pepdais oh kasarawi en palingehn. Ihme kin kalap wiawi, irail anahne kasalehda koluhla mehlel ki erein sounpar ehu. Pisop de steik presiden pahn pwurehng wia ehu tuhpenehn pwihn en kaunsel pwehn koasoiapene kopwurupwurlongo (tehk 32.16.1).

Koasondi kan oh Pweida kan en Pwihn en Kaunsel

Koasondi kan	Pweida kan
Koasondi kan Wie Kolokol Wiewia Mwahu (tehk 32.11.1)	Pweida kan Sohte
Koasondi kan Alahle Kaweid rehn Pisop de Steik Presiden (tehk 32.11.2)	Pweida kan Kak ekei kapai kan me towe meno ahniki e irairdihsang. Irairdih kan kin kalapw mwotomwot sang sounpar ehu; ni mwekid soh kasikpe kan, kak reireisang. Irairdi kan me sohte kin intingdi nan rekohd kin kasohrala mwurin koluhla mehlel. Kemwekid wet sohte kin ntingdi nan rekohd.
Koasondi kan Irairdih kan Me Kin Intingdi nan Rekohd (tehk 32.11.3).	Pweida kan Saledek en kapai kan en toweh menkin irairdihsang ni inting. Irairdih kan kin kalapw reireiki sounpar ehu oh kak reireisang. Kemwekid wet kin ntingdi nan rekohd. Irairdih kan me kin ntingdi nan rekohd kin kasohrala mwurin koluhla mehlel, tuhpnehen ehu pwihn en kaunsel, oh, ma mie anahnepe, kamanaman sang Presidensi Keieu. Dipisou me kin kasalehda rekohd en toweh kan kin kopwurupwursang ma irairdih kan kin kasohralal mwurin tuhpenehn pwihn en kaunsel ah wiawi (ihte ireh kan me anahne mihmi; tehk 32.14.5).
Koasondi kan Kasohralahn Rekohd (tehk 32.11.4).	Pweida kan Tiahk sarawi koaros kin kasohrala. Saledek en paieki kapai kan koaros kohsang, oh kin kak reireiki erein sounpar ehu. Aramas emen kak pwurehng pwurolong sang ni pepdais oh kasarawialahn palingehn, mwurin eh pahn ahnikikoluhlamehlel, tuhpenehn pwihn en kaunsel wiawi, oh, ma, mie anahnepe, Presidensi Keieu pahn pil kamana. Aramas emen me alehier endaument kak pwurehng ale ah kapai kan ihte ma Presidensi Keieu kamanala oh e lelehr sounpar ehu mwurin ah pwurehng pwurolong (tehk 32.17.2). Ong aramas emen me alehier ah endaument, mehn kasansal me kin kasalehda “Anahnepen Kopwurupwurdohn Kapai kan” kin kohsang ni rekohd en toweh meno mwurinte tiahk sarawio ah wiawihier (ireh kan me anahne mihmi; tehk 32.14.5).

32.11.5

Peidek kan me pid Koasonepen Ire Apwal kan

Pisop kan pahn kin inenkihla arail iren kalelapak kan me pid duwen pwuhk en kaweid doadoahk ong pwihn en kaunsel kan rehn steik preseden.

Ong ni ire apwal akan, steik preseden kak rapahki kaweid sang Ehria Seventy me pwukoahki irail. Steik presiden udahn anahne en ale kaweid sang Ehria Presidensi ong ni ireh kan me mih nan 32.6.3 Ahpw, steik presiden sohte pahn idek rehn emen Ehria Seventy de Kaun Lapalap de General Authority ong ia mwomwen apwaliada ire apwal kan, Steik presiden pahn kin koasonehdi ma e konehng tuhpenehn kaunsel en wiawi pwehn kasalehda dahme wiawio. Ma tuhpenehn kaunsel wiawi, steik presiden de pisop me pahn pilada dahme pahn wiawi.

32.11.6

Manaman en Presidensi Keieu

Presidensi Keieu me kolokol manaman unsek pohn mwekid koaros me pid irairdi oh kakommoldi en towehkan,

32.12

Mehn Kaihr kan oh Pakair kan

Pweidahn koasondi en pwihn en kaunsel kin pakairlahng aramaso--oh ong mehteikan meanahnepe--me kawewehpe sansal pah kan.

32.12.1

Kairehki Aramaso duwen Koasondio

Pisop de steik presiden me kin kairehki aramaso pweidahn koasondi me sang rehn pwihn en kaunsel ni ansou me e imwisekla. Ahpw, e kak kawuhdi mihting en kaunsel ki ansou kis pwehn repahki kaweid de ireh kan mwohn wiahda koasondio.

Pwihn en kaunsel en ehu ward, branch de district kak kamwomwada en kapidolong pekipeki en kihsang rekohd en aramas emen sang nan Mwomwohdiso me saikinte alehdi ah endaument sang tehnpas sarawi. Ahpw steik de misin presiden anahne kamanahla mwohn koasondi wet pahn kak wiawi

Pisop de steik presiden kin kawehwehda dahme pahn pwaradasang ni koasondio iei me sansal nan 32.11. E pil kin kihda kaweid ong aramaso en koluhla pwe irairdi kan en kak kasohrala oh aramaso eri kak pwurehng pedelong nan Mwomwohdisou,

Pisop de steik presiden kin mwadangete kairehki aramso ni nting me pid duwen koasondio oh dahme pahn wiawi. Mehn kaihr wet kin audaudki nioaralap ong koasondi me wiawi ong wiewia me uhwong kosonned akan oh koasondi en Mwomwohdiso. E pil kak iangahki iren kaweid me pid kasohralahn irairdi kan de pwurehng pwurolong nan Mwomwohdisoh, E pahn anahne kairehki aramaso me e ahneki manaman en repenpwung ong koasondio (tehk 32.13).

Ma aramaso sohte iang mihting en kaunsel, pakair ni nting pahn pekederlahng pwe en kak wehwehki koasondio. Pisop de steik presiden pil kak tuhong aramaso.

Pisop de steik presiden sohte pahn kihong aramaso ehu kopi en Repwoht en Pwihn en Kaunsel en Mwomwohdiso.

32.12.2

Kalelehki Mehteikan duwen Pweidahn Koasondio

Ma pisop de steik presiden men irehdi en toweh men ah saledek en ale kapai kan nan ansou en mihting en kaweidpene, e sohte pahn kin kehsehkieng sohte lipilipil (tehk 32.8.3). Ahpw, sounkaweid pwukat kin koasoikipene duwen irairdi kan me sohte kin rekohdi ni arail kin seseuwese towehkan,

Ma en aramas emen ah saledek en ale kapai kan irairdihsang ni inting de kohsang nan tuhpenehn pwihn en kausel, pisopo de steik presiden pahn koasoiahiengete irail kan te me anahne ese me pid duwen pweidahn koasondio. Iren kaweid kan pahn doadoahk,

E kin alehda anahn en me medekilah kan oh irail kan me medengkihla oh pepehm en aramaso peneinei.
E sohte pahn koasoia duwen koasondio ma aramaso pahn repenpwung. Ahpw, e pahn kak koasoia me mie repenpwungp wiawi ma e pehm me e konehng en doarehla me medekilahr kan. E pil kak koasoia pwehn kak sewese kaloaloamwahuih irail me medekilahr kan (menda ma e sohte kasalehda ederail kan) de pwehn apwalih eden Mwomwohdisou.
Ma mie anahnepe, pisopo pahn koasoiahieng pwihn en kaunsel en ward duwen koasondio ni koapwoaroapwoar. Met pwehn kehsehki sounkaweid kan me irail kak alehda aramaso en kak wia pwukoah kan, wia padahk, de kapakap, de kapahrek, Epil pahn kangoange sounkaweid kan en kasalehda limpoak oh utuht ong towe meno oh ah peneinei.
Sang ni kamanaman en steik presiden, pisopo pahn kak koasoia duwenkoasondio ong tohn pwihn en elder kohrum oh Pwihn en Sawas en Lih nan ah wardo ma mie anahnepe.
- Mwekid keper kan me kin keper ong mehteikan.
- Kasukuhl pen padahk likamw de ekei wiepen kaudek likamw.
- Dihp toutou me duwehte pwopwoud tohto de doadoahngki wiepen wunahni pwehn alehdi aramas.
- Wia mwekid de kasukuhl ni sansal me uhwong wiewiah kan de padahk kan en me lapalap de sounkaweid kan en Mwomwohdiso.
Nan soangen keihs pwukat, steik presiden pil pahn anahne mweidada en mie weheweh ong tohn ward teikan en nan steiko.
Nan ekei songen keihs, pisop de steik presiden kak pehm me e pahn sawas en kalelehki ekei de koaros me medengkihla kahpwalo oh arail peneinei kan me tuhpenehn pwihn en kaunsel tuhkipene ong aramaso. E wia met sang rehn arail pisop de steik presiden.

Ma en aramas emen ah wiewia me nohn keper me kak kihong mehteikan nan kahpwal, pisop de steik presiden pahn kak kasalehda wen keper kan pwehn sewese doare mehteikan. E sohte pahn kasalehda ire rir kan oh sohte pahn peihn wiahda ah koasoi me sohte pwungehng dahme wiawi.
Nan keihs teikan koaros, pisop de steik presiden pahn kin itehieng audepen koasoi kan en mih ni oaralap, E pahn kin koasoiahte me saledek kan me aramaso ahniki nan Mwomsohdiso irairdihsangehr de kohsangehr ohng ni wiewia me uhwong kosonned kan oh koasondi en Mwomwohdiso. E peki koaros me iang mih mwo en dehr koasoia seli. E sohte peki en mie usuhs wiawi.
Ma toweh men kadierekda me soahng koaros mwahu mwurin tuhpenehn pwihn en kaunsel ah wiawi (tehk 32.11.1), pisopo de steik presiden pahn anahne kasalehda pwehn kawuhdi koasoi me pahn kohkohseli.

32.12.3

Pakairkihda Kapidoisang en Rekohd en Mwomwohdiso

Nan songen keihs kei, pisop men pahn kin kak pakairkihda me aramas emen kapidoisangehr nah rekohd sang nan Mwomwohdisoh (tehk 32.14.9). Pisopo sohte pahn kasalehda ire pisetik teikan.

32.13

Repenpwung ong Pwungilahn Koasondi

Toweh men kak repenpwung ong pwungilahn koasondi en pwihn en kaunsel en en ward ong steik presiden nan erein rahn 30. Steik presiden pahn kihpene pwihn en kaunsel en steik pwehn karonge repenpwungo. E kak peki emen pisop en pwurehng wia ehu tuhpenehn pwihn en kaunsel pwehn tehksapahli oh wiahda ehukoasondi, ma mie ire kapw me pwarada.

Toweh men kak repenpwung ong koasondi en pwihn en kaunsel en steik sang ni inting en kisin likou ong Presidensi Keieu nan erein rahn 30. Towe meno pahn kihong kisin likouo steik presiden pwehn kadarehng Presidensi Keieu.

Nan misin, toweh men kak repenpwungehng pwungilahn koasondi en pwihn en kaunsel en ehu branch de district ong misin presiden nan irari en rahn 30. Misin presiden pahn eker ehu tuhpenehn pwihn en kaunsel pwehn alehda repenpwungo. Ma ansou de wen dohpeseng pahn elehda ah pahn sohte en wia met, e pahn idawehn iren kaweihd kan nan 32.9.4.

Ma misin presiden men moangehda tuhpenehn pwihn en kaunselo, towe meno kak kapidolong repenpwung ong koasondio ni eh pahn nting kising likou lahng Presidensi Keieu nan irair en rahn 30. Towe meno pahn kihong kisin likouo misin presiden pwehn kadaralahng Presidensi Keieu.

Aramas me repenpwungohng koasondio pahn oaretikihdi ni nting ire sapwung kan de sapairair kan me sansal nan wiepen doadoahko de nan koasondio.

Ma tuhpenehn pwihn en kaunsel ehu wiawi pwehn rong repenpwungo, ehu rehn koasondi riau pwukat kak pweida:

Mweidehng tepin keieu en koasondio en wie manamante.
Wekidala tepin keieu en koasondio.

Koasondi kan en Presidensi Keieu me keieu manaman oh sohte repenpwung kak wiawihong.

32.14

Repwoht kan oh Rekohd kan en Toweh kan

32.14.1

Repwoht en Pwihn en Kaunsel

Mwurin mihting en pwihn en kaunsel, pisop de steik presiden kin mwadangete kapidelong Repwoht en Pwihn en Kaunsel en Mwomwohdiso nan LCR. E kak peki clerk en kaunopada repwohto, E kin tehk mwahu pwe ede mie kopi nan doropwe de nan kampiuder mihmi seli. E pil kin tehk mwahu pwe mehkoaros me kin doadoahk ong kaunopada repwohto pahn kin kasohrala de kawehla.

32.14.2

Irairdi en Ereihn Ahsnou kan en Tohn Mwomwohdiso.

Irairdi ereihn ahnsou kan en tohn Mwomwohdiso kin ntingdi nan neihn aramaso rekohd. Ohpis Lap en Mwomwohdiso kin kilelehdi ire pwukat mwurin alahldi en Repwoht en Pwihn en Kaunsel en en Mwomwohdiso. Ni ansou me toweh men kin koluhlah, sounkaweido pahn anahne wia pil ehu tuhpenehn pwihn en kaunsel pwehn koasoiada kemwekidsang en irairdih pwukat (tehk 32.16.1).

32.14.3

Rekohd kan mwurin Neihn Aramas emen Rekohd en en Mwomwohdiso kohsang.

Ma neihn aramas emen rekohd en Mwomwohdiso kohsang, Ohpis lap en Mwomwohdiso pahn kamwakidieisang rekohdo mwurin alahldi en Repwoht en Pwihn en Kaunsel en Mwomwohdiso. Ma aramaso kupwurki, sounkaweid kan pahn sewese ih en kaunopada en pwurehng pwurolong nan Mwomwohdiso sang ni pepdais oh kasarawiala (tehk 32.16.1).

32.14.4

Rekohd kan mwurin Pwurolong nan Mwomwohdiso

Mwurin en aramas emen ah pwurolong nan Mwomwodiso, pisopo kin kapidolong ehu Repwoht en Pwihn en Kaunsel en Mwomwohdiso. Kisin likou en Pepdais oh Kasarawiala sohte anahne wiawihda. Pwe rekohd en pepdais oh kasarawialahu kin wiawiher oh sansal nan Repwoht en Pwihn en Kaunsel en Mwomwohdiso.

Ma towe meno saikinte alehdi ah endaumen, Ohpis lap en Mwomwohdiso kin kihla rekohd me kasalehda rahn akan me aramaso tepin pepdaisla oh tiahk sarawi teikan. Rekohd wet sohte kin kasalehda en aramaso ah sohla wia tohn Mwomwohdiso,

Ma aramaso alehier ah endaumen, Ohpis lap en Mwomwohdiso pahn kapatahiongete rekohd kapw me pid rahn en pepdaiso oh kasarawialahuten, Rekohd wet pil pahn iangahki ire wet “Anahnepen Kapwurupwurdohn Kapai kan.” Mwurin en towe meno ah kapai kan kapwurupwurdohr (tehk 32.17.2), ireh kan pahn kapatapationg nan nah rekohdpwehn kasalehda rahn akan en tepin pepdais oh tiahk sarawi teikan. E sohte pahn kasalehda ire me pid ah sohla wia tohn Mwomwohdiso.

32.14.5

Rekohd kan en Towehkan iangahki Kawehwepe kan

Nin duwen kamanaman sang Presidensi Keieu, Ohpis Lap kin kapatahiong nan rekohd en towehkan kawehwepen mwekid kan me sansal pah.

Pisopo de steik presideno kin kapidolong ehu Repwoht en Tuhpenehn Pwihn en Kaunsel en Mwomwohdiso me kasalehda me rekohd en towe meno intingdier irairdih kan de e kohsangehr pwehki sang ni mwekid pwukat:
1. Nenek
2. Tiahksuwedih seri men de me pwulepwul men sang ni ineng en nenek, de tiahksuwedih seri men de me pwulepwul men pwehn alehdihte ah insenamwahu de kawehla paliwere de madamadau en serio de me pwulepwulo.
3. Iang pidada kilelen seri kilel suwed (me sansal nan 38.6.6
4. Pwopwoud Tohto
5. En aramas laud wwekid keper en nenek oh angkehlail
6. Wekidala Paliwar--mwekid kan me kin wekidala paliweren aramaso sang ohl ong lih de lih ong ohl sang ni dahme e neitikihdi (tehk 38.6.23)
7. Kasapwungehla mwohni en Mwomwohdiso de pirapahla dipwisou en Mwomwohdiso.
8. Wiakawe sawas en Mwomwohdiso
9. Wiewiahn kamasak (me duwehte nenek, pei, de pirap mwohni) de wiewia me kin kawehla eden Mwomwohdiso
Pisopo oh steik presiden kin kapidolong mehn kaihr ni nting me aramaso:
1. Wehkadahr de dipekidahr ehu dihp me pid ehu mwekid kan me sansal powe.
2. Kadierekdahr me e dipaneki mwekid en wiakau de mwekid me uhwong kosonned me pid ehu mwekid kan me sansal powe,

Ansou me pisop men alehdi awehwe sang nan en rekohd, e pahn idawehn kaweid kan me sansal nan kawehwehu.

Presidensi Keieu te ma kak kamanahla kasohralahn kawehwe kan sang nan rekohd. Pwehn pekihda kasohralahn ehu kawehwe, steik presiden pahn doadoahngkiLCR. Ohpis en Presidensi Keieu kin kairehki ih ma pekipeko kamanamanlahr de soh.

32.14.6

Repwohtki Pirapalahn Mwohni kan en Mwomwohdiso

Ma rekohd en aramas emen irairdisang de kohsang pwehki ah pirapa mwohni kan en Mwomwohdiso, pisopo de steik presiden kin repwohtki nin duwen me sansal nan 34.9.5.

32.14.7

Kamwakid Irairdih kan me mih nan Rekohd

Ekei ansou emen tohn Mwomwohdiso kin mwekidla ekis wasa ni ansou me wiepen doadaohk en rekohd de ekei ire kesempwal kan saikinte wiawi. Ekei ansou pisop men pahn kin anahne ehukihong pisop kapwo ire kesempwal kan mwohn rekohd ah pahn keseula nan wasa kapwo, Nan soangen iraihr pwukat, pisopo (de klerko ma e kamanamaniong) pahn kak en irehdi kamwakid dahn rekohdo. Rekohdo pahn mihmi nan wasao lao pisopo (de klerko ma e kamanamaniong) kasohrala irairdio. Met kin kihong pisopo ansou mwahu en kak pakairki ire kesempwal kan.

32.14.8

Rekohd kan en Irail kan Me Selidi

Ekei toweh kan kin dipekihda dihp oh kin ale kalokolok en selidi. Pisop de steik presiden en wasa me aramaso kin kouson ie ni ansou me e dipekihda dihpo kin doula oh wia dahme konehng pwehn rekerdihdi irairdih kan de kihsang rekohd en towe meno. Ma kamwaupeh kan en towe meno irairdihsang, sounkaweido (de klerko ma e ahniki manaman) pahn kadarala rekohd en towe menoni unit de wasa me pwukoahko apwali wasa me aramas wie sensel ie. Ma rekohdo kohsang, pisopo de steik presiden pahn kalelehki kaun en unido. (Tehk 32.15.)

32.14.9

Pekipek en Kiheisang Rekohd sang nan Mwomwohdiso

Ma toweh men peki en kiheisang nah rekohd sang nan Mwomwohdiso, pisopo pahn song lella rehn aramaso pwehn kilang ma aramaso sou pahn men koasoia kahrepeh kan oh song en apwaliala ire pwukau. Pisopo oh towe meno pil pahn kak en ale kaweid rehn steik presiden. Sounkaweido pahn anahne tehk mwahu pwe towe meno en wehwehki mwahu dahme kin wiawi ni ansou me aramas emen kin kihsang nah rekohd sang nan Mwomwohdiso:

Tiahk sarawi koaros pahn sohla mene.
E pahn kihsang kamwaupeh kan koaros me e kin ale sangMwomwohdiso.
Pwurehng pwurolong sang ni pepdais oh kasarawih pahn kak wiawihte mwurin tuhpenehn kapeidek oh, nan songen keihs kei, tuhpenehn pwihn en kaunsel (tehk 32.16.2).
Aramas emen me alehier endaument kak pwurehng ale prihsduhd oh kapai kan en tehnpas sarawi ihte ma Presidensi Keieu kamanala oh e lelehr sounpar ehu mwurin ah pwurehng pwurolong (tehk 32.17.2).

Ma toweh men anahnete en kommolsang wia towe en Mwomwohdiso, e anahne kihong pisopo ehu kisin likou en pekipek me sainehr. Pisopo kin kadar kisin likou en pekipeko ong steik presideno nan LCR. Steik presideno kin tehksapahlih oh kadar pekipeko nan LCR. Sounkaweid kan anahne kamwakid pekipek pwukat ni karuwaru.

Aramas emen pil kak kadar kisin likou en kommoldio ni ah pahn sainla oh kahula pohn pekipkeko oh kadarehng ohpis lap en Mwomwohdiso.

Serih men me mih pahnangin sounpar me inangih en kieisang nah rekohd en Mwomwohdiso pahn pil idawehnte soangen wiepe me me mah kan wia, ihte me wekila: pekipeko anahne en sainla sang me mih pahnangin sounparo (ma e mahsang sounpar 8) oh sang ah pahpa/nohno de aramas me kolokol menen kosonned en apwahpwali seri me mih pahnangin sounparo.

Ma towe meno me songosong kieisang nah rekohd men leliki Mwomwohdiso de sounkaweid kan mwoalen kopwung, steik presideno pahn idawehn kaweid me mih nan 38.8.27.

Pekipek en kisin likou en sohla wia toweh men pahn anahne wiawi mendahte ma sounkaweid en prihsduhd kan kolokol ire me pid duwen dihp toutou ehu, Ire koaros me pid dihp kan me wiawiher anahne en kin sansal ansou me pekipeko pekederlahng LCR. Met pahn mweidohng sounkaweid kan en prihsduhd en kapwungala mepwukat mwuhr ma aramaso peki en pwurolong nan Mwomwohdiso (tehk 32.16.2).

Kaun en prishduhd men sohte pahn kaweidki en kapidoisang rekohd en Mwomwohdiso pwehn song irehdi tuhpenehn pwihn en kaunsel de wiawi,

Kaun akan kin doulahte wie papah irail kan me kihsangehr neirial rekohdihte ma irail peki solahr tuhpene pahn wiawi.

KAMWAHUPEH KAN ONG TOWEHKAN ME PWUREHNG PWURODO NAN MWOMWOHDISO

Ma kamwahupeh kan me mih nan neihn aramas emen rekohd en Mwomwohdiso irairdihsang de kohsang, sounkaweid kan kin miniminieng, kaweid, oh sowese de utung aramaso ma e mweidada. Ire tikitik wet kawehwehda mwomwen kamwahupe pwukau ah pahn kak kopwurupwurdo.

32.15

Pousehla wie Papah

En pisopo de steik presideno pwukoah ni ara wiasounkopwung de soun kaweid sohte pahn uhdi ni ansou me towe meno alehdi irairdih kan nan rekohd de neirail rekohd en Mwomwohdiso kohsang. E kin peusehlahte wie papah, ma aramaso kupwurki, pwe aramaso en kak pwurehng paieki kapai kan en tohn Mwomwohdiso. Pisopo pahn kin kalapw tuhwong aramaso oh, ni ansou me pahn kak sawas oh konehng, arail pwoud kak iang towehda. Sounkomouro padahkihong mehn Nihpai kan:

“Kumwail sohte pahn kesehla ih ,,, amwail wasahn kaudek kan, pwe iei kumwail me pahn papah irail; pwe kumwail sohte ese me irail pahn pwurodo oh koluhla, oh idawehn iehdo ki mohngiongirail unsek, oh I pahn kamwauihraila; oh kumwail me pahn wia elen sawas en komour irailla“ (3 Nephi 18:32)

Mwurinte ahnsou me rekohd en aramas emen irairdi de kohsang e kin apwal oh katoutou ong ah peneinei. Sounkaweid kan anahne wehwehki anahn pwukat oh kangoange oh sewese tohn peneineio.

Pisopo kin tehk mwahu pwe toweh kan me nsenoh me pahn kin pwukoahki papah aramas nah rekohd en Mwomwohdiso irairdihsang de kohsang, ma aramaso mweidada, Irail pil kin papah tohn peneinei teikan. Emen emen irail kan me mih pahn irairdih kan kak iang paieki iang wia doadoahk en indeksing (tehk 25.4.3).

Ma aramaso keseusang nan wardo, pisopo anahne kapehsehki pisop kapwo oh kawehweh ireh kan me anahne wiawi mwohn irairdi kan me mih nan rekohd en Mwomwohdiso kasohrala. Ma rekohd en aramaso kohsang nan Mwomwohdiso de aramaso pein kapidoisang nah rekohd, pisopo pil pahn wia soangen kapehsehute ma aramaso pwungkila en ale sawas sang sounkaweid kan en Mwomwohdiso.

32.16

Kasohrala Irairdi kan Me Mih Nan Rekohd de Pwurehng Pwurolong nan Mwomwohdiso

32.16.1

Pwihn en Kaunsel kan en Kasohrala Irairdi kan Me Mih Nan Rekohd de Kapwurehlong Aramas emen

Ni ansou me en aramas emen kamwahu kan kin irairdihsang de kohsang nan tuhpenehn pwihn en kaunsel, a ehu tuhpenehn pwihn en kaunsel pil anahne wiawi pwehn kasalehda ma en kasohrala irairdi kan de en kapwurehlong aramaso nan Mwomwohdiso. Tuhpenehn kaunsel wet pahn pil ni ansouohte ahniki songen manamanohte (de laudsang) en pwihn en kaunsel me tapiada tepin tuhpenehu. NI karasepe, ma steik de misin presiden men me moangehda keieu en tuhpenehn pwihn en kaunselo, emen steik de misin presiden anahne moangehda kaunsel me pahn kasohrala irairdi kan de kapwurehlong en aramaso.

Pisop de steik presiden en ansouo me pahn kin moangehda kaunselo. E kin keieu kilang ma aramaso kolulahr oh onopadahr oh warohng ahneki kapai kan en tohn Mwomwohdiso.

Irail kan me arail rekohd en Mwomwohdiso irairdier kin anahne kasalehda koluhla mehlel ki erein sounpar ehumwohn wiepen kasohrala arail irairkdi kan kin wiawi. Irail kan me arail rekohd en Mwomwohdiso kohsang kin kerenieng ansou koaros anahne kasalehda koluhla mehlel ki erein sounpar ehu mwohn wiepen kapwurupwurlong kak wiawi. Ong toweh men me kolokol ehu pwukoah laud nan Mwomwohdiso ni ansou me irail wiahda dihp toutou, ansou en owiou kin kalap reirei (tehk 32.6.1.4)

Tupenehn ehu pwihn en kaunsel me pahn koasoia kasohralahn irairdi kan de kapwurelong en aramas emen nan Mwomwohdiso pahn kin idawehnte soangen wiepen doadoahkohte me pwihn en kaunsel teikan kin wia. Pisop men anahne ale mweimwei sang steik presiden pwehn moangehda ehu kaunsel. Nan ehu misin, branch de district president men anahne ale kamanaman sang misin president,

Iren kaweid pwukat pahn kin doadoahk ansou me pwihn en kaunsel kan kin koasoia kasohralahn irairdi en rekohd en Mwomwohdiso de kapwurehlong enaramas emen nan Mwomwohdiso Kaidehn mehn kaweihd pwukat koaros pahn kak endoadoahk nan ehu ehu keihs kan.

Tehk sapahli keieu en tuhpenehn pwihn en kaunsel. Pisop de steik presiden kin tehk sapahli doaropwehn Repwoht en Pwihn en Kaunsel en Mwomwohdiso. E kin peki ehu kopi sang LCR. Mwurin ah tehk sapahli doaropweo, e kak tuhkihong pisop de steik presiden wasa me keieu en kaunselo wiawi ie pwehn ale kawehwehpe.
Kapeidakih aramaso. Pisop de steik presiden kin kapeidakih aramaso pwehn wehwehki mwahu duwen kehlail en ah pwoson Sises Krais oh uwenkoluhla me e wia. E pil pahn diarada ma aramaso kapwaiadahr ireh kan me koasondi nan keieu en kaunselo.
Diarada wasa me pwunglahn kopwung en dihp de kopwung en pwuhng lel ie. Ekei ansou aramas emen kin kak wehkada de dipankiher dihp ehu. Ekei ansou aramas emen kin kadierekdahr me e dipaneki ehu mwekid en wiakau de widing de mwekid teikan me uhwong kosonned, Nan songen keihs pwukat, sounkaweido sohte kin wia tuhpenehn pwihn en kaunsel lao aramaso kapwaiadahr ireh kan koaros me sansal nan pwungilahn kalokepen dihp, ruwes en Mwoalen Kopwung, de pwunglahn koasondi me wiawihda sang pali teikan en kosonned. Ire pwukat kak iangahki selidi nan kalupwuhs, selidi en liki, parohl, oh paking, de pwain pweipwand. Ihte ma e udahn anahne wiawi, e pahn anahne ale mahs mweimwei sang Presidensi Keieu mwohn tuhpenehn pwihn en kaunsel. Ireh kan me pahn karehda iei me kak iangahki aramas me kanekelahr koasondih kan koaros me kosonned kiheng oh kasaledahr koluhla mehlel ahpw wie sensel liki erein mour de ahneki pweipwand laud.
Tuhong sounkaweid kan en prihsduhd en irail me medekilah kan. Pisopo de steik presiden kin tuhong pisop de steik president en irail me medekilah kan (tehk 32.10.2).
Pakairki mihting en kaunsel E kin pakairkihong aramaso rahn, kulok, oh wasa me kaunsel pahn tuhpene.
Moangehda kaunsel E kin moangehda kaunselo nin duwen kaweid kan nan 32.10.3. E kin idek rehn aramaso dahngeh kan me e wiadahr pwehn koluhkihla. E pil kalelapak duwen en aramaso ah ehuiong Sises Krais oh Mwomwohdisoht. Ansou me ire koaros kasansaldahr, e kin mweidala aramaso. Ih oh nah sounsawas kan kin kapakap pwehn diarada mehnia koasondi me pahn mwahu en wia. Koasondi silu me kak pweida:
1. Peusehlahte irairdi kan me sansal nan rekohd de kakommoldi.
2. Kasohrala irairdi kan de kamanahla en pwurehng pwurolong.
3. Peki Presidensi Keieu en kamanahla kasohralahn irairdi kan de kamanahla en pwurehng pwurolong (ma konehng nin duwen “Pekipek ong Presidensi Keieu en kamana” pah).
Ehukipene koasondio. Mwurin kaunsel arail wiahda koasondio, opiser me mongehdau pahn ehukihong aramaso. Ma mie anahnepen kamanaman sang Presidensi Keieu, e pahn kawehwe me koasondio wia kamwomwadahn koasondi ehu ong Presidensi Keieu.
Kapidolong repwoht, Pisopo de steik presiden kin kapidelong ehu Repwoht en Pwihn en Kaunsel en Mwomwohdiso nan LCR. E kak peki klerk en kaunopada repwohto, E kin tehk mwahu pwe ede mie kopi nan doropwe de nan kampiuder kin mihmi seli. E pil kin tehk mwahu pwe mehkoaros me pid audepen repwohto kin irihrla.
Peki Presidensi Keieu en kamana (ma mie anahnepe). Nan irair pwukat, Presidensi Keieu anahne kamana kasohralahn irairdi kan me mih nan rekohd de kapwurehlong en aramaso nan Mwomwohdiso. Kamanamanla wet anahne wiawi menda ma wiewia sapwungo wiawi mwurin irairdi en rekohd en Mwomwohdiso de kakommoldi wiawiher.
1. Kam Aramas
2. Nenek
3. Tiahksuwedihserih men de me pwulopwul men sang ineng en nenek, de tiahksuwedih seri men de me pwulepwul men pwehn alehdihte ah insenamwahu, de kawehla paliware laud de madmadau en seri men de me pwulpwul men sang aramas mah men de me pwulepwul men me sounpar kei laudsang.
4. Iang pidada kilel suwed en seri ni ansou me kadierekda me e dipaniki
5. Pwupwila
6. Pwopwoud Tohto
7. Kawehla dihp laud ni ansou me kolokol pwukoah laud nan Mwomwohdiso
8. Wekidala Paliwar--mwekid kan me wekidala paliweren aramaso sangohl ong lih de lih ong ohl sang ni dahme e neitikihdi (tehk 38.6.23)
9. Kasapwungehla wwohni en Mwomwohdiso de pirapahla dipwisou en Mwomwohdiso.
Pakairki ni nting me pid duwen koasondio. Pisopo de steik presideno pahn anahne tehk mwahu pwe aramaso en alehdi mwadang pakair en koasondio oh audepeh kan.
Pepdais oh kasarawiahla. Ma neihn aramas emen rekohd en Mwomwohdiso kohsang ni keieu en mihting en kaunsel, aramaso pahn anahne pwurehng pepdais oh kasarawiahla. Ma Presidensi Keieu anahne kamana, tiahk sarawi pwukat pahn kak wiawi mwurin alahldi en kamanaman wet. Kisin likou en Pepdais oh Kasarawiala sohte anahne wiawihda (tehk 32.14.4).

32.16.2

Pwurehng Pwurodo mwurin Pein Kommoldisang wia Towe en Mwomwohdiso

Ma aramas emen pein kommoldisang wia tohn Mwomwohdiso, e pahn anahne pepdaisla oh katengetengdi pwehn pwurehng pwurodohng nan Mwomwohdiso. Ong me mah, pwehn kak pwurehng pwurodo e sohte kin kalapw wiawi lau sounpar ehu mwurin en aramaso ah pein kommoldio.

Ansou me aramas emen pahn peki en pwurehng pwurodo, pisopo de steik presideno pahn kin ale ehu kopi en Repwoht en Doadoahk me Wiawi me wia kisehn en aramaso peki en pein kommoldi. E kak ale repwoht wet sang LCR.

Pisopo de steik presiden eri wia ehu kapeidek pisetik ong aramaso. E kin peidengki kahrepen en aramaso tepin peki en kommoldi oh ah ineng en men pwurodo. Sang ni ngehn en limpoak, e kin peidengki duwen dihp toutou kan me aramaso mwein wiadahr mwohn de mwurin ah pein kommoldio. Sounkaweido sohte pahn doulahng nanka kapwurehdohn aramaso lao e wehwehkier mwahu me aramaso koluhlahr oh onopadahr oh warehng en ale kapai kan en tohn Mwomwohdiso.

Mehng kaweid kan ong pwurehng pwurodo mwurin pein kommoldi:

Tuhpenehn pwihn en kaunsel anahne wiawi ma rekohd en aramaso irairdihsang ansou me e pein kommoldio.
Tuhpenehn pwihn en kaunsel anahne wiawi ma aramaso dipekihda dihp toutou ehu, iangahki sohla iang sarawi mwohn ah pein kommoldi.

Nan ekei irair, tuhpenehn kaunsel sohte kin wiawi ihte ma pisopo de steik presiden diarada me mie anahnepe.

Ansou me tohn kaunsel kin anahne tuhpene ong aramas emen me alehier ah endaumen nan tehnpas sarawi, steik presiden me pahn moangehda. Ansou me tohn kaunsel kin anahne tuhpene ong aramas emen me saikinte ale ah endaumen, pisopo me kin moangehda, sang ni kamanaman en steik presiden.

Ma aramaso wiahda ehu soangen tiahk kan me sansal nan 32.16.1, nempe 9, mwohn de mwurin ah pein kommoldi sang tohn Mwomwohdiso, Presidensi Keieu anahne kamana pwehn kak pwurehng pwurolong. Ma aramaso wiahda ehu soangen tiahk kan me mi nan 32.14.5, nempe 1, mwohn de mwurin ah pein kommoldi sang Mwomwohdiso, kawehwepen mwekidko pahn kapatapatehng nan nah rekohd.

Aramas emen me peki en pwurehng pwurolong, anahne en warehng duwehte mehteikan ni arail pepdaisla. Ansou me pisopo de steik presiden kamehlelehier me aramaso warehng oh mehlelki ah men pwurehng pwurolong, aramaso kakehr pepdaisla oh katengetengedi. Ehu kisin likou en Pepdais oh Kasarawialahn towe mehlel sohte anahnewiawihda (tehk 32.14.4).

32.17

Mwekid en Mwomwohdiso, Kasarawi, oh Kopwurupwurdohn Kapai kan mwurin Kasapahldo

32.17.1

Mwekid en Mwomwohdiso oh Kasarawi

Nan kasansal me sansal pah kasalehda uwen mwekid kan en Mwomwohdiso me aramas me pwurodohro kak wia mwurin pepdais oh kasarawialahn towe mehlel.

	Saikinte Ale Endaumen	Alehier Endaumen
Iangehr ale Prihsduhd	Saikinte Ale Endaumen Mwurinte pepdais oh kasarawialahn towe mehlel, aramaso kak pwurehng alehda prihsduhd oh kasarawi ong ohpis en prihsduhd me e kolokol ansou me e kohsang de sang ni eh pein kommoldi sang en wia towe en Mwomwohdiso. Usuhs en utuht sohte anahne wiawi, Kak ale ehu doropwehn mweimwei en pedelong nan tehnpas sarawi ni lepin ansou.	Alehier Endaumen Kak sohte kasarawi ong sohte lipilipil ohpis en prihsduhd. Ansou me arail prihsduhd oh kapai kan en tennpas sarawi kopwurupwurdohr, arail ohpis en prihsduhd pahn kopwurupwurdo nin duwen me sansal nan 32.17.2. Irail sohte pahn kak en wia tiahk sarawi kan lau e lel ahnsouo. Irail kak iang mwekid kan en Mwomwohdiso me mweimwei ong towe me saikinte ale ah endaumen oh sohte kolokol prihsduhd. Sohte pahn kak en likauwi karment en tehnpas sarawi de ale doropwehn mweimwei en pedelong nan tehnpas sarawi lau arail kapai kan kopwurupwurdohng irail.
Towe Teikan	Saikinte Ale Endaumen Kak iang towehda mwekid en Mwomwohdiso duwehte souleng kapw men kin wia. Kak ale ehu doropwehn mweimwei en pedelong nan tehnpas sarawi ni lepin ansou.	Alehier Endaumen Irail kak iang mwekid kan en Mwomwohdiso me mweimwei ong towe me saikinte ale ah endaumen oh sohte kolokol prihsduhd. Sohte kak likauwi karment en tehnpas sarawi de ale doropwehn mweimwei en pedelong nan tehnpas sarawi lau arail kapai kan kopwurupwurdoh irail. (kilang 32.17.2).

32.17.2

Kopwurupwurdohn Kapai kan

Aramas akan me alehier arail endaumen nan tehnpas sarawi oh kasapahldohr sang ni pepdais oh katengeteng kak ale arail prihsduhd oh kapai kan en tehnpas sarawi sangete ni tiahk sarawi en kopwurupwurdohn kapai kan (tehk Doctrine and Covenants 109:21). Irail sohte pwurehng kasarawi ong ohpis en prihsduhd de ale endaumen. Kapai pwukat kin kopwurupwurdo sang ni tiahk sarawi. Ohl akan kin pwurehng alehdi arail ohpis en prihsduhd en mahs, ihte me soh, Isiakan, pisop de peidriark.

Presidensi Keieu te me kak kamana kodahn tiahk sarawi en kopwurupwurdohn kapai kan. Irail sohte pahn apwalih pekipek pen tiahk sarawi wet mwohn sounpar ehu mwurin en aramaso kasapaldohr sang ni pepdais oh katengeteng. Pisopo de steik presiden me kin peki tiahk sarawi en kopwurupwurdohn kapai kan nan LCR.

Ma Presidensi Keieu kamana kopwurupwurdohn kapai kan, irail pahn kepwukoahki emen Kaun Lapalap de steik presiden and kapeidaki aramaso. Ma aramaso warehng, ah sounkaweido pahn wia tiahk sarawi me pahn kapwurehdo en aramaso kapai kan.

Ong irehkan me pid rekohd en towehkan oh kopwurupwurdohn kapai kan, tehk 32.14.4.