“38. Masap ac Kahs in Kol ke Alu Uh,” General Handbook: Kuhlwacnsap ke Alu luhn Jisus Kraist luhn Mwet Luhlahlfongi ke Lwen Sahflah (2020).

“38. Masap ac Kahs in kol ke Alu uh,” General Handbook.

Masap ac Kahs in kol ke Alu uh

38.1

Wi Alu

Pahpah Tuhmasr Inkuhsrao luhngse nohfohn tuhlihk Nahtuhl. “Nohfohnna oacna sie ye muhtahl God,” ac El suli nohfohn “in fahsr nuh yohrohl ac eis wo lal” (2 Nephi 26:33).

Mwet kol ac mempucr uh wacna siyuckyuck selos lah suc kac kuh in wi miting ke Alu luhn Jisus Kraist luhn Mwet Luhlahlfongi ke Lwen-sahflah, suc kuh in mempucrlac uh, ac suc kuh in som nuh ke tempuhl.

38.1.1

Pihsen Mwet ke Miting luhn Alu uh

Leum El luti lah mwet tuhma lutlut Lal ah enenuh in ahkkahlwemye luhngse nuh sin mwet tuhlan lalos (liye Matthew 22:39). Paul el suli mwet sasuc nuh ke Alu uh in “eklac mwet kawuck nuh sin mwet luhlahlfongi” (Ephesus 2:19). Leum El oacyacpac luti mempucr ke Alu uh in tiac sislah oacna sie mwet liki miting, ma orek ye muhtuhn facluh (liye Doctrine and Covenants 46:3).

Mwet nuhkwewa suliyuck in wi alu, toeni sahyac ke Sacnri uh, ac kuhtuh pac toeni ke Alu luhn Jisus Kraist luhn Mwet Luhlahlfongi ke Lwen-sahflah. Mwet kol se ma prisait uh ma kunacl in liyacacng lah mwet nuhkwewa ma wi toeni uh ahkfuhlwactye toeni uh.

Mwet ma wi inge enenuh in tiac wakruh kuh ahktongongye alu kuh srihpac sahyac ke toeni se inge. Matwac nuhkwewa ac elah ma enenweyuck nuh ke kain in toeni luhn Alu uh enenuh in ahkfuhlwactyeyuck. Pa enenuh nuh ke in tiac sramsram in ahkluhkuhk ac nuknuk ma ac kuh in lusrong. Pa pac nuh ke sramsram in palitiks kuh sramsramkihn ohiyac in luhngse inmahsrlon mwet kuh ma sahyac ma eslah lohacng uh liki Mwet Lahngo lasr.

Fin oasr elah tiac fal, pisraprik kuh prestuhnsi luhn stek elos sun mwet se ke nguhn in luhngse. El pahtok mwet ma elah la tiac wo in lohacng in ahkwoye in kahsruh sruokyac na muhtahl se nuh sin mwet ma wi alu nuh sel Pahpah Tuhmasr Inkuhsrao ac Mwet Lahngo lasr.

Lohm in toeni luhn Alu uh ma luhn Alu oacna ke masap luhn Alu uh. Mwet ma tiac luhngse ukwe kahs in ukweyuck inge ac ngihsreyuck ke puhsra muhlahlah in tiac wi toeni luhn Alu uh.

38.2

Akwuck ac Mwe Insewowo ke Masap

Kahs in ukweyuck nuh ke ahkfahsryeyacn akwuck ac mwe insewowo ahkuhtweyucki ke ma tahklac inge:

Sapta 18 ke handbook se inge
Puk in Kol nuh sin Sucu, sra puk 18–25

Masap nuh ke akwuck ke tempuhl sihmlac oasr ke sapta 27 ac 28 ke handbook se inge.

38.2.3

Pacptais ac Ahkkweyeyuck

38.2.3.14

Mwet ma Ekuhllah Ataclos

Misin prestuhn se el enenuh in sramsram nuh sin Prestuhnsi luhn Eria ke ma muh sihmlac ke 38.6.23.

Mwet se ma nuhnkuh in ekuhllah atacl kain se nuh ke ekuhllah in muhtwacn lac kuh in mukul lac tiac kuh in pacptaislac ac ahkkweyeyucklac.

Pacptais ac ahkkweyeyucklac luhn mwet se ma ekuhllah tari atacl enenuh lwelah luhn Prestuhnsi Se Met. Misin prestuhn el kuh in siyuck ke ahkkweye fin el intuhrfiyui tari mwet se inge, konwacack lah el nwacsnwacs, ac kuh in pacptais. Tuhsruhktuh, ma akwuck tiac lwelah, suc tulokihn mwet se in tiac eis kuh orekmakihn pristut kuh eis kuh orekmakihn tempuhl rackuhmacn.

38.6

Masap ke elyah luhn Ma Wo ac Koluk

Kuhtuh sin masap ke sacksrihn se inge ma ke ohiyac ma alu uh “tiac pahtok.” Mempucr ke alu uh wacna tiac puhlakihn mwe kohsrkohsr ke srihpen sulaclah lalos ke ohiyac inge. Tuhsruhktuh, mwet nuhkwewa ac fah eis mwe nuhnuhnkuh fal sin God ke sulaclah lalos.

38.6.1

Uniyac Tuhlihk ke Srwackna an Insiacn Ninac Se

Leum el sapkihn, “Thou shalt not … kill, nor do anything like unto it” (Doctrine and Covenants 59:6). Alu uh lain ke ohiyac in eslah moul luhn tuhlihk se suc oan lun insiacn ninac se in sang wo nuh sin ninac sacn na kuh in sang wo nuh sin mwet sahyac. Mempucr tiac enenuh in insese nuh kac, oruh, ahkolah nuh kac, moli, kuh pahtok , kuh ahkweye in sislah tuhlihk se ma srwackna an lun insiacn ninac se. Ma na kuh in lwelah ohiyac se inge uh pa fin:

Pihtuctuc se inge ma ke srihpen rep kuh ahko nuh sin sucu fototo.
Taktuh se fahk lah moul kuh fokokoiyacn moul luhn ninac se inge sensen.
Taktuh el konwacack tuh ahwowo se inge oasr elyah la ma ac tuh pwacnwacng el tiacna kuh in pain moullac tukun el isuslac uh.

Finne ma inge tiacna arulacna oruh in wo uniyac moul luhn tuhlihk se suc oan insiacn ninac se uh. Uniyac luhn tuhlihk ma oan insiacn ninac se el ohiyac na upac se ac enenuh in nuhnkweyucklac wo tukun mwet ma e oruh uh elos eis kahsruh sin pisap lalos ac eis ahkkweyeyuck muhtahl ac kuh ke pruhe.

Mwet kol uh elos liye ahkwoye ma e sikyak fin mempucr se ke Alu uh puhtatyang nuh ke ohiyac se inge. Toeni kuh miting luhn mempucrsrip e kuh in enenweyuck fin mempucr se el insese nuh kac, oruh, ahkolah nuh kac, moli, pahtok, kuh ahkweye in sislah tuhlihk se ma srwackna an lun insiacn ninac se (liye 32.6.2.5). Tuhsruhk, miting nuh ke mempucrsrip tiac enenuh in nuhnkweyuck fin mempucr se inge el puhtatyang nuh ke uniyac tuhlihk se lun insiacn ninac se met liki na el pacptaislac uh. Oacyacpac miting nuh ke mempucrsrip kuh mwe kohsrkohsr tiac enenuh in nuhnkweyuck nuh sin mempucr ma oraclah ohiyac se inge ke oacna sie sin srihpac tolu ma sihmlac met kuhtuh ke sacksrihn se inge.

Pisap el lohlngohk ke ma inge nuh sin prestuhn luhn stek. Prestuhn luhn stek e fah eis siyuck yurin Ohfuhs luhn Prestuhnsi Se Met in fin enenweyuck.

Ke ma etweyuck ne ingena uh, mwet se kuh in auliyak ac eis nuhnak muhnahs ke ma koluk se el oraclah in uniyac tuhlihk oan lun insiacn ninac se.

38.6.2

Ahkngal

Ahkngal pa tiac oruh wo kuh sruhnga mwet sahyac ke atac ma oruh in ngal mahno, sruh in kuh, puhla, kuh elyah ke mani. Masap luhn alu uh pa in tiacna lwelah in oasr oacna sie kain in atac ke ahkngal. Elos suc ahkngalye muhtwacn kuh mukul tuhmwaclos, tuhlihk, kuhtuh sucu sahyac, kuh oacna sie mwet kuhnahoslah masap luhn God ac mwet uh.

Mempucr nuhkwewa sahyac, yohkiyac na ninac ac pahpah ac mwet kol, pahtokyuck in sensen ac lohacng yohk nuh kac ac oruh ma nuhkwewa ma elos kuh in karihngihn tuhlihk ac mwet sahyac liki ahkngal. Fin mempucr uh etwacack ke oacna sie atac ke ahkngal, elos fahkwacng nuh sin mwet liyacacng masap ah ac sramsram nuh sin pisap. Mwet kol ke alu uh enenuh in lihksreni lohacng ke fahkwack ke ahkngal inge ac tiac pihlesruh.

Mwet mahtuh nuhkwewa ma w tuhlihk kuh mwet fuhsr orekma uh enenuh in ahksahfyelah trein nuh ke karihngihnyen tuhlihk ac mwet fuhsr ke lusen mahlwem se fah ahkkweyeyucklac el (liye ProtectingChildren.ChurchofJesusChrist.org). Elos enenuh in kalweni trein se inge ke yac tolu nuhkwewa.

Ke ahkngal uh sikyak uh, ma se emet ma enenuh mwet kol ke Alu uh in oruh pa in kahsruh mwet ma ahkngalyeyuck ac karihngihn mwet muhnahs kuh fihsrwacsr in ahkngalyeyuck ke pacl fahsruh uh. Mwet kol uh tiac enenuh in pahtok sie mwet in muhta na ke lohm sacn kuh ke ohiyacn ahkngal kuh in tiac sef.

38.6.2.1

Lain in Kahsruh ke Ahkkoluk

Ke kuhtuh muhtuhnfacl uh, Alu uh oraclah lain se nuh ke acnwuck ma e tiac kuh in etweyuck sin mwet sahyac in kahsruh prestuhn luhn stek ac pisap. Mwet kol inge enenuh in silahklahk pahngon lain soko inge in fahk ke ohiyac nuhkwewa ma mwet se kuh in puhtatyang nuh ke ahkngalyeyuck—kuh sensenkihnyuck in oasr ke ahkngal Elos enenuh pac in pahngon fin elos etwacack ke mempucr se el liye, moli, kuh kihte petsac koluk ke tuhlihk.

Lain in kahsruh se inge mwesahs nuh sin pisap ac prestuhn luhn stek in pahngon ke ao 24 ke lwen se, lwen 7 ke wik se. Nacmpuh nuh ke tacluhfon inge pa ten inge.

Macrike ac Kacnuhta: 1-801-240-1911 or 1-800-453-3860, tuhtahf 2-1911
United Kingdom: 0800-970--6757
Ireland: 1800-937--546
France: 0805-710--531
Australia: 02 9841 5454 (lun muhtuhnfacl sacn)
New Zealand: 09 488 5592 (lun muhtuhnfacl sacn)

Pisap ac prestuhn luhn stek elos enenuh in pahngon lain in kahsruh se inge ke elos fahk ke ohiyac ma oasr ke oacna sie atac ke ahkngal. Mwet ma oasr pwepuh ac etuh la ke ma inge tuhfah topuk kihsensiyuck lalos. Mwet inge tuhfah pac sang mwe kolyuck in oruh fuhkah:

Kahsruh mwet ahkngalyeyuck ac kahsruh karuhnguhnuhlos liki ahkngal.
Kahsruh karihngihn mwet kuh in puhtatyang nuh kac.
Ukwe ma enenweyuck nuh ke fahkwack ahkngal.

Alu uh srihke in ukwe masap ke fahkwack ke ahkngal (liye 38.6.2.7). Masap uh tiac oacna sie ke acn an kac, ac inkaiyacn mwet kol uh tiac mwet yohk etuh la. Yohk srihpac in pahngon lain in kahsruh se inge sin pisap ac prestuhn luhn stek in ahkfalyelah kunohkohn lalos in fahkwack ke ahkngal.

Pisap se el ahkkahlwemye uh sin prestuhn luhn stek lal ke kuhtuh ohiyac ke ahkngal.

Ke muhtuhnfacl ma tiac oasr lain in kahsruh se inge, pisap se ma etwacack ke ahkngal enenuh in pahngon prestuhn luhn stek lal. El ac suk kolyuck sin likuhl eria ke kahsruh ke ohfuhs luhn eria ah. Ke acn sahyac an, mwet kol an kuh in sruokyac mwet orekma luhn Family Services kuh manager luhn ohiyac wo ac sifacna-kuh-in-liyacacng an ke eria ohfuhs.

38.6.2.2

Kahsruh ke Srihpen Ahkngal

Mwet ma ahkngalyeyuck uh kwacna kweok ke ongaiyac upac ac elos puhlakihn muh oasr ma koluk elos oraclah. Prestuhn luhn stek ac pisap uh ahkkweye sucu ke inse muhlahlah ac pahkomuhta. Mwet kol an enenuh in acsmak nuh selos ac sang kahsruh wowo in kahsrelos in kuhtanglah ohiyac koluk ma sikyak ke srihpen ahkngal.

Kuhtuh pacl uh mwet ahkngalyeyuck inge puhlakihn mwekihn ac koluk. Wacngihn ma koluk ma mwet ahkngalyeyuck inge oraclah. Mwet kol uh kahsrwelos ac sucu lalos in kahlwem ke luhngse luhn God ac onwelah se ma tuhkuh sel Jisus Kraist ac Iwaclah lal (liye Alma 15:8; 3 Nephi 17:9).

Prestuhn luhn stek ac pisap an enenuh in kahsrelos suc oraclah mukwikwi in ahkngal uh in auliyak ac in tui tilac oruh ohiyac in ahkngallalos. Fin sie mwet mahtuh el oraclah sruh in kuh koluk nuh sin sie tuhlihk, sahp ac arulacna upac in ekuhllah elah se ingacn. Ohiyac in auliyak uh sahp ac arulacna paht. Liye 38.6.2.3.

Prestuhn luhn stek ac pisap an enenuh pac in karihngihn ac acsmak ke elos orekma wi sucu lalos suc ahkngalyeyuck ac elos suc oraclah mukwikwi in ahkngal.

Mwe kolyuck nuh ke kahsruh mwet ahkngalyeyucklac ac mwet oraclah mukwikwi in ahkngalye an oasr ke Ahkngal: Fuhkah in Kahsruh.

In weacng pac kahsruh mokleyuck luhn mwet kol luhn Alu uh, kahsruh luhn mwet suhmahtsahp ac enenweyuck nuh sin mwet ahkngalyeyucklac, mwet ahkngalye, ac sucu lalos an. Nuh ke mwe etwacack an, liye 31.2.6.

Nuh ke kahs in kahsruh ke ma pisap ac prestuhn luhn stek an ac enenuh in oruh ke elos etwacack ke kuhtwena kain in ahkngal uh, liye 38.6.2.1. Nuh ke mwe etwacack nuh ke kahsruh nuh ke ohiyac luhn ahkngal ke sruh ke kuh, rep, kuh kuhtuh atac ke ahkngal sakihrihk, liye 38.6.18.2.

Liye pac FamilyServices.ChurchofJesusChrist.org.

38.6.2.3

Ahkngalyeyuck Tuhlihk Srihsrihk kuh Tuhlihk Fuhsr

Ahkngalyeyacn sie tuhlihk srihsrihk kuh tuhlihk fuhsr uh pa sie ma koluk na upac (liye Luke 17:2). Oacna ke orekmakihnyuck inse, ahkngalyeyacn tuhlihk srihsrihk ac tuhlihk fuhsr nwacnwack ke ma tahklac inge:

Ahkngalke Acnwuck Mahno: Ahkngalye ne kihnet ke acnwuck mahno. Kuhtuh ngalyak uh tiac kuh in liyeyuck.
Ahkngalyeyuck ke Sruh in Kuh Kuh Kuhnaus: Oruh mukwikwi in oreyac sie tuhlihk srihsrihk kuh tuhlihk fuhsr kuh oruh in oacyac in lwelah kuh kahsruh mwet sahyac in oruh kain mukwikwi ingacn. Oacna ke orekmakihnyuck inge, ahkngalye ke sruh in kuh uh tiacna wi mukwikwi in orek ma lwelah inmahsrlon mwet fuhsr luo suc fototo imatwaclos.
Ahkngalke Ma Puhlakihnyuck: Orekmakihn mukwikwi ac kahs in sang kuhnahoslah tuhlihk srihsrihk kuh tuhlihk fuhsr se ke ohiyacn etuh sifacna suhnakuhnuhl kuh sifacna etuh yohk srihpaciyacl. Ma inge sikyak ke kalweniyuck ac fahfahlacna in fahklah kahs in ahkngalye, ahktonongye, ac suhfanyuck ma ac ahkmwekihnye ac srihkkihnyuck. Sooaru in liyacacng ac weacng pac ma inge.
Petsac koluk ke tuhlihk srihsrihk: Liye 38.6.6.

Fin sie pisap kuh prestuhn luhn stek el etwacack kac kuh luhma muh ahkkolukyeyuck sie tuhlihk srihsrihk kuh tuhlihk fuhsr, elan silahklahk ukwe mwe etuh ke 38.6.2.1. El oacyacpac mukwilac in kahsruh karuhnguhnwacng in tiac sifilpac ahkkolukyeyuck.

Fin sie tuhlihk srihk liki matwac yac 18 el ahkkolukye siepac tuhlihk srihsrihk, prestuhn luhn stek elan pahngon Ohfuhs luhn Prestuhnsi Se Met in eis kolyuck.

Ahngonkahs ke mahno kuh ma puhlakihnyuck inmahsrlon tuhlihk srihsrihk kuh tuhlihk fuhsr ma oacna sie matwaclos an enenuh in karihngihnyuck sin mwet kol ke ward an. Ac wacngihn council ke mempucrlac an.

38.6.2.4

Ahkngalye Mwet Pahyuck kuh Siepacna Mwet Mahtuh

Ahkngalye muhtwacn kiyac kuh mukul tuhmwac kuh siepacna mwet mahtuh kuh in sikyak ke kain in ohiyac puhs. Ma inge pa ke acnwuck mahno, sruh in kuh, ma puhlakihnyuck, ac mani. Mwet mahtuh ma mahtuhoh, muhnahs kuh suhkahpahslah uh yohk sensenkackihnyac in ahkngalyeyuck.

Puhs pacl wacngihn kahs in ahkuhtweyac ahkngalma kuh in luhmweyuck nuh ke kain ohiyac nuhkwewa uh. Tuhsruhk, oasr kain in level ke upaciyacn elahwet in ahkngal uh. Kain in level inge muhtwacwacack ke orekmakihnyacn kahs kohsroh in sang ahkngalye in upac.

Fin sie pisap kuh prestuhn luhn stek el etwacack muh ahkkolukyeyuck sie mwet pahyuck kuh siepacna mwet mahtuh, el silahklahk ukwe mwe etuh ke 38.6.2.1. El oacyacpac mukwilac in kahsruh karihngihn in tiac sifilpac ahkngalyeyuck.

Mwet kol uh suk kolyuck luhn Nguhn in sulaclah lah piyac kac lah ac muhkwena sramsram nuh sin mwet sacn kuh council ke mempucrlac an pa fal emet in sramsramkihn ahkkolukyeyuck uh. Elos kuh pac in sramsram eis kahsruh sin mwet kol luhn pristut lalos ke ohiyac ingacn. Tuhsruhk, kuhtwena ahkngalke mwet pahyuck kuh siepacna mwet mahtuh ma somsomlah nuh ke level ma ahkuhtweyucki ten inge enenuh na in oasr council ke mempucrlac an.

Ahkngalke Acnwuck Mahno: Ahkngalye ne kihnet ke acnwuck mahno. Kuhtuh ngalyak uh tiac kuh in liyeyuck.
Ahkngalyeyuck ke Sruh in Kuh: Liye ohiyac ma ahkkahlwemyeyuck ke 38.6.18.3.
Ahkngalke Ma Puhlakihnyuck: Orekmakihn mukwikwi ac kahs uh in sang kuhnahoslah na upac sie mwet ke el sifacna-suhnakuhnuhl kuh sifacna etuh yohk srihpaciyacl. Ma inge sikyak ke kalweniyuck ac fahfahlacna in fahklah kahs in ahkngalye, ahktonongye, ac suhfanyuck ma ac ahkmwekihnye ac srihkkihnyuck.
Ahkngalke Mani: Ahklahlfonye sie mwet ke ip luhn mani. Ma inge kuh in weacng ke kuhnausyucklac masap kuh tiac lwelah in orekmakihn ma, mani, kuh kuhtuh pac na ma sacohk sahyac luhn sie mwet. Ma inge kuh pac in weacng kuhtasrihk in eislah kuh ke ip luhn mani liki sie mwet. In weacng orekmakihn kuh ke ip luhn mani in fohrsi luhma kuh ohiyac. Liyac pac 32.6.1.3.

38.6.2.5

Sihmihsyucklac luhn Kunohkohn ke Alu, Pwepuh in Lwelah nuh Tempuhl, ac Ma Sihmlac luhn Mempucr

Mempucr ma ahkngalye mwet sahyac an tiac enenuh in ituckyang kunohkohn luhn Alu ac in wacngihn pwelah in lwelah in utyak nuh tempuhl ne ke na elos auliyak, ac ma ma tulokihn mempucr lac luhn Alu uh in eisyucklac.

Fin sie mwet el ahkkolukyelah sie tuhlihk srihsrihk kuh tuhlihk fuhsr ke sruh in kuh, kuh ahkkolukyelah na upac sie tuhlihk srihsrihk kuh tuhlihk fuhsr ke ma puhlakihnyuck kuh ke acnwuck mahno, pwepuh in mempucr lal an ac sihmihsyucklac kac. El enenuh in tiac ituckyang kuhtwena pahng kuh kunohkohn ma oasr tuhlihk srihsrihk kuh tuhlihk fuhsr wi. Ma inge weacng in tiac ituckyang kunohkohn in kahsruh luti sie sucu ma oasr tuhlihk fuhsr kuh tuhlihk srihsrihk ke lohm se. Ma inge weacng pac in tiac ituckyang mwet fuhsr in weluhl kahsruh luti. Mwe kohsrkohsr inge enenuh in an na ne ke na Prestuhnsi Se Met lwelah in itucklac ma sihmlac kac ingacn. Liye 32.14.5 nuh ke mwe etuh ke ma sihmihsyuck.

38.6.2.7

Elyah Ma Kuhpahsr Nuh ke Ahkkolukye

Fin mukwikwi in ahkkoluk luhn mempucr se lain masap uh, pisap kuh stek prestuhn el enenuh in pahtok mempucr se inge in fahkwack ke ma inge nuh sin puhlismacn ah kuh kuhtuh mwet kol sahyac ma fal in etuh ke ma inge. Pisap kuh stek prestuhn el kuh in eis mwe etwacack ke ma enenuh nuh ke fahkwack luhn ma ke lain in kahsruh luhn Alu uh (liye 38.6.2.1). Fin kuhtuh mempucr uh kihsensiyuck ke ma enenuh ke fahkwack luhn ma, el pahtokuhlos in eis mwe kahs in kahsruh sin mwet ma fal nuh kac uh.

Mwet kol ke Alu uh ac mempucr uh enenuh in ahkfalyelah ma enenuh nuhkwewa in fahk ke ahkkoluk se nuh sin puhlismacn ah. Ke kuhtuh acn inge, mwet kol ac mwet luti suc orekma sin tuhlihk srihsrihk ac tuhlihk fuhsr uh oreklac muh elos “mwet in fahkwack” ac enenuh in fahk ke ahkkoluk se nuh sin puhlismacn uh. Oacna sie, ke acn puhkantwen, oacna sie mwet ma etwacack ke ahkkoluk se enenuh in fahk kac nuh sin mwet puhlismacn uh. Pisap ac stek prestuhn uh enenuh in pahngonwack lain in kahsruh nuh ke mwe ahkuhtweyac ke mwet in fahkwack ac kuhtuh ma enenuh nuh ke fahkwackiyacn ahkkoluk uh. Akwuck luhn Alu uh pa in ukwe masap luhn acn uh.

38.6.5

Nwacsnwacs ac Suwohs

Masap luhn Leum ke nwacsnwacs pa:

Tiac oruh ahko nuh sin mwet ma tiac pahyuck nuh sum in fal nuh ke masap luhn God.
Suwohs lun pahyuck se.

Ahko inmahsrlon pahyuck se el oreklac in wolacna ac muhtahl. Oreklac sin God nuh ke oraclah luhn tuhlihk ac in ahkkahlwemye luhngse inmahsrlon mukul ac muhtwacn se ma pahyuck uh.

Mukul se ac muhtwacn se ma pahyuck na pwacye oasr pwepuh la uh muhkwena pa kuh in ahko uh. Ye muhtuhn God, nwacsnwacs luhn mahno uh arulacna yohk srihpac. In kuhnahoslah masap luhn nwacsnwacs uh arulacna ma upac se (liye Exodus 20:14; Mattu 5:28; Alma 39:5). Mwet ma kuhnahoslah masap se inge elos oruh koluk kuh muhtahl se ma God El use in sang oraclah moul se.

E kuh in enenuh in oasr toeni fin mempucr se el:

Ahko sahyacn ohiyac in pahyuck ma alulac ke masap luhn God, oacna ke kosro, ahko inmahsrlon mwet luo ma tiac pahyuck, ac mukul ahko sin mukul kuh muhtwacn ahko nuh sin muhtwacn (liye 32.6.2).
Muhta ke ohiyac ma tiac ukwe masap luhn God, kain se ke tiac pahyuck a tuhkweni muhta, ac mukul pahyuck nuh sin mukul kuh muhtwacn pahyuck nuh sin muhtwacn.
Orekmakihn yohk kuh ahkkohs ke petsac koluk ma oraclah ongaiyac nuh ke sie pahyuck luhn mempucr kuh sucu (liye 38.6.13).

Sulaclah nuh ke in oruh sie miting nuh ke ohiyac inge nuhnuhnkweyuck ke ma puhkantwen. Ma inge sihmlac oasr ke 32.7. Ke srihkasrak, kuhnahoslah luhn akwuck luhn tempuhl el ahkyohkyelihk in oasr enenweyacn toeni kuh miting luhn mempucrsrip in kahsruh mwet se inge in auliyak. Ke kuhtuh ohiyac, kahs in kahsruh ac mwe tulokihnyuck kuh in fal (liye 32.8).

Liye 32.6.1.2 nuh ke pacl miting uh enenuh nuh ke ohiyac koluk ke ahko.

38.6.6

Petsac Koluk ke Tuhlihk Srihsrihk.

Alu uh tiacna ahkkweye oacna sie atac ke petsac koluk ke tuhlihk srihsrihk. Fin sie pisap kuh prestuhn luhn stek el etwacack muh mempucr se el wi oruh petsac koluk luhn tuhlihk srihsrihk, elan silahklahk ukwe mwe etuh ke 38.6.2.1.

Council ke mempucrlac luhn Alu uh ac in sihmihsyucklac ke ma sihmlac an enenweyuck fin mwet mahtuh se el oruh, akacsruhi kac, sruok, kuh kalweni na in liye petsac koluk ke tuhlihk srihsrihk (liye 32.6.1.2 ac 32.14.5). Mwe ahkuhtweyac se inge tiac ma nuh sin tuhlihk kuh mwet fuhsr ma oacna sie matwaclos suc ma akacsruhi ke petsac koluk kaclos sifacna kuh mwet sahyac. Toeni kuh miting luhn ke mempucrsrip enenuh in ahkfahsryeyuck ke ohiyac inge.

Nuh ke mwe kahsruh pac, liye 38.6.13.

38.6.10

Luhngse Inmahsrlon Mwet Luo ma Fototo ke Sucu Lalos Pwacnwacng Tiac Fal Elos in Pahyuck kuh Lain Facsin Lalos

Alu uh tiacna ahkkweye oacna sie atac ke pihkasr. Ke orekmakihnyuck inse uh, pihkasr pa ahko inmahsrlon:

Ninac kuh pahpah ac tuhlihk se.
Ninac mahtuh kuh pahpah mahtuh ac tuhlihk se.
Tamuhlwel ac tahmtahel.
Uhngkuhl se kuh anti se ac nis kuh nacfiyu se.

Oacna ke orekmakihnyuck inse uh, tuhlihk, tuhlihk nuhtin tuhlihk nahtuh, tamuhlwel ac tahmtahel, muhtwacn nuhtin muhtwacn kuh mukul wiyac, ac mukul nuhtin muhtwacn kuh mukul wiyac weacng ma isuslac nahtuh, ma nuhtlac, ma nuhtin muhtwacn kuh mukul ma kom pahyuck tok se, kuh sucu tiac ma ke srah. Pihkasr uh kuh in sikyak inmahsrlon tuhlihk srihsrihk luo, mwet mahtuh se ac tuhlihk srihsrihk se, kuh mwet mahtuh luo. Fin oasr kihsensiyuck luhn stek prestuhn se kac lah toeni el pihkasr kuh mac oacna ke masap uh fahk uh, el suk kolyuck sin Ohfuhs luhn Prestuhnsi Se Met.

In eis kolyuck, mwet kol uh silahklahk pahngon lain in kahsruh nuh ke tuhlihk srihsrihk se ma oasr ke ohiyac luhn pihkasr ke yen ma oasr we (liye 38.6.2.1). Ke muhtuhnfacl sahyac, stek prestuhn el enenuh in suk kolyuck sin eria ke ohfuhs luhn eria uh. Ke acn sahyac an, mwet kol pahtokyuck pac in sruokyac mwet orekma luhn Mwe Kahsruh Sucu kuh manager luhn ohiyac wo ac sifacna kuh in liyacacng an ke ohfuhs luhn eria.

Council ke mempucrlac luhn Alu uh ac in sihmihsyucklac ke ma sihmlac an enenweyuck fin mwet mahtuh se ahkkolukyelah sie tuhlihk srihsrihk kuh tuhlihk fuhsr oacna ke ahkuhtweyucki ke section se inge (liye 32.6.1.2 ac 32.14.5). Pihkasr uh el pacl nuhkwewa apkuhran in enenuh Alu uh in eslah inen mwet se inge liki alu uh elan tilac mempucr.

Fin sie tuhlihk srihk liki matwac yac 18 el pihkasr, prestuhn luhn stek elan pahngon Ohfuhs luhn Prestuhnsi Se Met in eis kolyuck.

Mwet ma puhtatyang nuh ke ohiyac luhn pihkasr uh kwacna kweok ke ongaiyac upac ac elos puhlakihn muh oasr ma koluk elos oraclah. Mwet kol uh elos sramsram nuh sin mwet inge ke luhngse ac pahkomuhta. Elos sang ahkkweyeyuck ke nguhn ac kahs in kahsruh in kahsrwelos kuhtanglah ma elos puhla kweokkihn ke pihkasr.

Kuhtuh pacl uh mwet inge puhla mwekihn ac koluk. Wacngihn ma koluk ma mwet ahkkolukyeyuck inge oraclah. Mwet kol uh kahsrwelos ac sucu lalos in kahlwem ke luhngse luhn God ac ke onweyuck se ma tuhkuh kacl Jisus Kraist ac Iwaclah Lal (liye Alma 15:8; 3 Nephi 17:9).

In weacng pac kahsruh mokleyuck luhn mwet kol luhn Alu uh, kahsruh luhn taktuh sahp ac enenweyuck nuh sin mwet ahkkolukyeyucklac ac sucu lalos an. Nuh ke ke mwe etwacack pac, liye 38.6.18.2.

38.6.13

Petsac Koluk

Alu uh tiacna ahkkweye oacna sie atac ke petsac koluk. Kuhtwena orekmakihnyacn petsac koluk uh kuhnahoslah moul luhn kais sie mwet, sucu, ac mura se. El oacyacpac luhslah Nguhn luhn Leum. Mempucr ke Alu uh enenuh in kahingkihn atac nuhkwewa ke petsac koluk ac lain oreklac la uh, kihtaclihk kac uh, ac orekmakihnyac.

Alu uh sang mwe kahsruh in kahsruh mwet suc moul lalos ahkkolukyeyucklac ke petsac koluk:

AddressingPornography.ChurchofJesusChrist.org
AddictionRecovery.ChurchofJesusChrist.org
Kahsruh Mwet Suc Upac in Kahingkihn Petsac Koluk (puk srihsrihk)
Lwelah Ma Wo in Ahkkahtoye Nuhnak Lom (puk srihsrihk)

Stek prestuhn ac pisap uh sang ahkkweye nuh sin sucu oacna ke enenweyuck uh.

Mwet kol ke Alu uh enenuh in akihlen lah orekmakihnyen petsac koluk uh kuh in mwe kuhnahoslah kuh mwe pahlah se. In weacng pac kahsruh mokleyuck luhn mwet kol luhn Alu uh, kahsruh luhn taktuh sahp ac enenweyuck sin kuhtuh mempucr uh. Mwet kol an kuh in sruokyac ohfuhs luhn Mwe Kahsruh Sucu kuh kuhtwepacna mwe kahsruh sahyac ke mura sacn in kahsruh. Liye 31.2.6 nuh ke mwe ahkuhtweyac.

Kolyuck ac tulokihnyacn kuh luhn mempucr se wacna fal in sang kahsruh mwet se in auliyak ke orekmakihnyacn petsac koluk uh (liye 32.8). Toeni luhn mempucr tiac muhta orek. Tuhsruhktuh, miting se e enenuh in orek ke orekmakihn yohk ke petsac koluk ma oraclah ongaiyac nuh ke sie pahyuck luhn mempucr kuh sucu (liye 38.6.5). Enenuh in orek sie miting ah fin mempucr se el oraclah, kihte, sruok, kuh kalweni na in liye petsac koluk ke tuhlihk srihsrihk (liye 38.6.6).

38.6.18

Ahkkoluk ke Ahko, Rep, ac Kuhtuh Ohiyac Koluk ke Ahko

Alu uh tiacna ahkkweye ahkkoluk ke ahko uh. Oacna ke orekmakihnyuck inse uh, ahkkoluk ke ahko ahkuhtweyucki uh pa ohiyac in ahko nuhkwewa ma mwet se tiac luhngse a mwet se el oruh nuh sel. Ohiyac in ahko nuh sin sie mwet ma tiac kuh tiac luhngse el luhmweyuck muh ahkkoluk ke ahko. Ahkkoluk ke ahko kuh pac in sikyak sin mukul kuh muhtwacn kiom kuh mwet se kom wi uh. Nuh ke kuhtuh pac mwe etwacack ke fahkwack ke ahkkoluk ke ahko nuh sin tuhlihk kuh mwet fuhsr, liye 38.6.2.3.

Ahkngal ke ohiyac suhfal el oasr ke kain in ma puhkantwen, nuh ke acnwuck nuh ke rep ac kuhtuh ohiyac ke ahkkoluk ke ahko. Kuh in sikyak ke mahno, ke sramsram, ac ke atac pac sahyac. Nuh ke mwe kolyuck ke kahsruh mempucr suc puhlakihn ahkkoluk ke ahko, rep, kuh kuhtuh pac ohiyac sahyac ke ahkkoluk ke ahko, liye 38.6.18.2.

Fin mempucr uh luhman akihlen kuh etwacack ke ahkkoluk ke ahko, elos mukwiyak in karihngihn mwet ongaiyac kac uh ac mwet sahyac ke pacl na sa. Ma se inge weacng pac in fahk nuh sin puhlismacn ah ac fahk nuh sin pisap kuh stek prestuhn. Fin ahkkolukyeyuck tuhlihk se, mempucr uh enenuh in ukwe mwe ahkuhtweyac ke 38.6.2.

38.6.18.1

Lain in Kahsruh ke Ahkkoluk

Fin pisap kuh stek prestuhn el etwacack ke ahkkoluk ke ahko se, rep kuh siepacna atac ke ohiyac sakihrihk, el pahngonwack lain in kahsruh luhn Alu uh ke muhtuhnfacl ma oasr an (liye 38.6.2.1 nuh ke nacmpuh an). Taktuh ma etweyuck uh ac tuhfah topuk kihsensiyuck lal uh. Taktuh kuh mwet oasr etwacack la ke ma inge fah sang mwe ahkuhtweyac nuh ke in fuhkah:

Wi mwet ongaiyac ac kahsruh karuhnguhnuhlos liki ongaiyac.
Kahsruh karihngihn mwet ma e kuh in puhtatyang nuh ke ohiyac se inge.
Orekmakihn ma enenuh ke masap luhn acn uh ke fahkwack.

Ke muhtuhnfacl ma tiac oasr lain in kahsruh se inge, pisap se ma etwacack ke ahkngal enenuh in pahngon stek prestuhn lal. Stek prestuhn el enenuh in suk kolyuck sin kaunsuhl luhn eria ke ohfuhs luhn eria uh. El oacyacpac pahtokyuck in sruokyac mwet orekma luhn Mwe Kahsruh Sucu kuh manager luhn ohiyac wo ac sifacna-kuh-in-liyacacng an ke eria ohfuhs.

38.6.18.2

Ahkkoluk ke Ahko, Rep, ac Kuhtuh Ohiyac Koluk ke Ahko

Mwet ongaiyac ke ahkngal ke ahko, rep, kuh kuhtuh atac sahyac ke ahkkoluk ke ahko wacna kweokkihn wellac. Ke mempucr se e sramsram nuh sin pisap kuh stek prestuhn, el topuk ke luhngse ac pahkomuhta. Mwet kol an enenuh in acsmak nuh selos ac sang kahsruh wowo in kahsrwelos in kuhtanglah ohiyac koluk ma sikyak ke srihpen ahkkolukyeyuck. In eis kolyuck, mwet kol uh silahklahk pahngon lain in kahsruh nuh ke acnwuck ke yen ma oasr we (liye 38.6.18.1).

Kuhtuh pacl uh mwet inge puhla mwekihn ac koluk. Wacngihn ma koluk ma mwet ahkkolukyeyuck inge oraclah. Mwet kol uh tiac sang koluk nuh sin mwet ongaiyac inge. Elos kahsruh mwet inge ac sucu lalos in kahlwem ke luhngse luhn God ac onweyuck se ma tuhkuh sel Jisus Kraist me ac Iwaclah Lal (liye Alma 15:8; 3 Nephi 17:9).

Ke kuhtuh mempucr uh e kuh in sulaclah in fahk ke ahkkoluk se inge, mwet kol uh tiac enenuh in lohacng yohk ke ip srihsrihk kac an. Ma se inge kuh in ahkngalye mwet ingacn.

In weacng pac kahsruh mokleyuck luhn mwet kol luhn Alu uh, kahsruh luhn taktuh sahp ac enenweyuck nuh sin mwet ahkkolukyeyucklac, mwet ahkkolukye, ac sucu lalos an. Nuh ke kuhtuh mwe etwacack pac, liye 31.2.6.

38.6.18.3

Toeni Nuh Ke Mempucrsrip

Toeni kuh miting luhn mempucrsrip e kuh in enenuh in orek luhn mwet se fin el oruh ohiyac suhfal kuh ahkngalye sie mwet. Toeni kuh miting luhn mempucrsrip enenuh in orek fin mempucr se el repiyac sie mwet kuh fwack muh el oraclah sie ohiyac suhfal ke ahko (liye 32.6.1.1)

Enenuh sie miting ah in orek nuh ke mukwikwi soac se wi mwet se ma oraclah ingacn. Oacna ke orekmakihnyuck inse uh, mwet muhnahs se pa sie mwet suc, ke srihpen ma sruhuh nuh sel ke mahno ac ke nuhnak, tiac kuh in lwelah mukwikwi se inge kuh tiac kuh in kahlwem ke ohiyac kac uh.

Mwet kol an in suk kolyuck luhn Nguhn in sulaclah lah piyac kac lah ac muhkwena sramsram nuh sin mwet sacn kuh kaunsuhl ke mempucrlac an pa fal emet in sramsramkihn ahkkolukyeyuck uh (liye 32.6.2.2 ac 32.8). Ke ma upac uh miting se el enenweyuck. Elos kuh pac in sramsram eis kahsruh sin mwet kol luhn pristut lalos ke ohiyac ingacn.

Fin ma tilokoh ke miting luhn mempucrsrip ma orek luhn mwet se ma ahkkolukye ohiyac in ahko uh, rackuhrt luhn mwet se inge e sihmlac.

Nuh ke mwe etwacack ac kahsruh nuh ke ohiyac nuh ke ahkkoluk, liye 38.6.2.2. Nuh ke mwe etwacack ac kahsruh nuh ke ohiyac nuh sin mwet ma puhlakihn mwe ahkkoluk inge, liye 38.6.2.2.

38.6.23

Mwet ma Ekuhllah Ataclos

Mwet ma ekuhllah ataclos liki atac se elos isuslac kac ah sun ma upac. Mempucr ac mwet tiac mempucr suc etweyuck muh ekuhllah ataclos liki atac se elos isuslac kac ah—ac sucu lalos ac kawuck—enenuh in orek eltahl ke suhnak, kuhlwacng, luhngse, ac ke luhngse yohk luhn Kraist. Mwet nuhkwewa suliyuck in wi alu, sahyacn toeni ke Sacnri uh, ac kuhtuh pac toeni ke Alu uh (liye 38.1.1).

Atacn mukul kuh muhtwacn uh enenuh nuh ke plwacn in engan luhn Pahpah Luhng. Kalmac na pwacye nuh ke atac luhn mukul kuh muhtwacn ke sie mwe fahkwack nuh fin facluh pa atac se ma elos isuslac kac ah. Kuhtuh mwet uh puhlakihn muh elos siena liki atac se elos isuslac kac ah. Pwacnwacng, elos kuh in fwack muh elos ekuhllah ataclos. Alu uh tiac wi mokle ma sikyak ke mwet inge ekuhllah ataclos uh.

Inkaiyacn ma Alu uh wi oruh uh ac kuhtuh akwuck luhn pristut uh wiwi na atacn mwet uh. Mwet ma ekuhllah ataclos uh kuh in pacptaislac ac ahkkweyeyucklac oacna ke sihmlac ke 38.2.3.14. Elos kuh pac in eis kuhfa luhn Leum ac eis mwe insewowo luhn pristut. Tuhsruhk, aluiyacn pristut ac akwuck lun tempuhl uh ituck fal nuh ke atac se ma kom isuslac oasr ke an.

Mwet kol ke Alu uh srihke in tulokihn mwet se ma nuhnkuh in ekuhllah atacl kain se nuh ke ekuhllah in muhtwacn lac kuh in mukul lac tiac kuh in pacptaislac ac ahkkweyeyucklac. Mwet kol uh sang kahs in kahsruh lah orweyacn ma inge e tuhfah oruh in tilokoh kuhtuh suwohs luhn mwet se ke Alu uh.

Mwet kol uh oacyacpac sramsramkihn in tiac ekuhllah atac nuh ke siena mwet. Eklac se inge pa in ekuhllah atacn nuknuk, kuh ekuhllah ine, in fahk muh kom siepacna mwet sahyac. Mwet kol uh sramsramkihn nuh sin mwet ke eklac inge e tuhfah oasr mwe tulokihnyuck nuh selos ke Alu uh ke pacl se elos eklac inge.

Tulokihnyuck inge pa eis kuh orekmakihn pristut, eis kuh orekmakihn tempuhl rackuhmacn, ac eis kunohkohn la ke Alu uh. Finne kuhtuh suwohs luhn mempucr se inge uh tulokihnyucki, kuhtuh ma sahyac ke Alu uh el kuh in wi oruh.

Mwet ma puhla muh elos tiac mukul kuh muhtwacn ma tiac suk in ekuhllah ataclos nuh ke atac se sahyacn na atacl ac nwacsnwacs kuh in eis kunohkohn ke Alu, tempuhl rackuhmacn, ac akwuck lun tempuhl.

Kuhtuh tuhlihk srihsrihk uh, ac mwet mahtuh uh ituckyang ono nimaclos sin taktuh ma oasr pwepuh la in ahkfihsrwacsrye nuhnak in ekuhllah ataclos ac in ahksrihkyelah nuhnak in sifacna uniyac. Met liki mwet se muhtwacwacack ke eisyacn ono inge, yohk srihpac el in (ac ninac ac pahpah tuhmwacn tuhlihk sacn) kahlwem ke mwe sensen ac ma e kuh in eis wo kac. Fin mempucr inge tiac oruh elos in ekuhllah ataclos nuh ke atac se sahyacn na atac na pwacye lalos ac elos nwacsnwacs, elos kuh in eis kunohkohn ke Alu, tempuhl rackuhmacn, ac akwuck lun tempuhl.

Fin mempucr se el sulaclah in ekuhllah inel, inel na pwacye kuh in sihmlac ke rackuhrt lal. Mwet se inge kuh in pahngonyuck ke ine se el ke an ke ward an.

Ma ac sikyak uh kuh in yohk ma siena kac ke u nuh ke u ac mwet se nuh ke mwet se. Mempucr ac mwet kol uh tuhkweni sramsram ac nuh sin Leum. Prestuhnsi luhn Eria e kahsruh mwet kol ke alu srihsrihk inge in etuh lah ke ac elos ac oruh ke kain in ohiyac inge. Pisap se el sramsram nuh sin stek prestuhn se ke kuhtuh ohiyac. Stek prestuhn ac misin prestuhn enenuh in suk kahsruh sin Prestuhnsi luhn Eria (liye 32.6.3 ac 32.6.3.1).

Nuh ke kuhtuh pac mwe etweyuck nuh ke kahlwemiyacn ac ahkkweyeyacn mwet ma puhla siena inge, liye “Transgender” ke ChurchofJesusChrist.org.

38.8

Masap luhn Mwet Kol

38.8.27

Kahsruh Fal nuh ke Elyah luhn Alu

Ke pacl se ma kahsruh sahyac uh enenweyuck nuh ke ohiyac luhn Alu uh, mwet kol ke Alu uh enenuh in pahngonwack ohfuhs in kahsruh luhn Alu uh. Fin acn Macrike ac Kacnata, prestuhn luhn stek uh enenuh in pahngon Ohfuhs Luhlahp luhn Alu uh (1-801-240-6301 kuh 1-800-453-3860). Lihkihn acn Macrike ac Kacnata, prestuhn luhn stek el sruok eria legal kaunsuhl ke ohfuhs luhn eria.

38.8.27.1

Wi la kuh Pwepuh ke Ma Ahkfahsryeyuck

Mwet kol ke Alu uh enenuh in tiac isaclos nuh ke elyah luhn acn kuh ma koluk nuh ke mempucr ke acn lalos, u, kuh toeni nuh ke na elos sramsramkihn nuh sin kahsruh luhn Alu uh met. Masap se pacna inge orekmakihnyuck nuh sin mwet orekma ke kohrt, weacng pacna ke email uh.

Mwet kol uh enenuh in sramsram nuh sin kahsruh luhn Alu uh fin, pa ke kuhiyacn Alu lalos, lah elos:

Luhlahlfongi tuh elos enenuh in fahkwack kuh sramsram ke ohiyac fal.
Enenweyuck ke masap luhn acn uh in fahkwack ke ohiyac fal uh.
Sapkihnyuck in sruhkwack ma pwacye ma el etuh ke ohiyac se.
Siyuckyuck in sruhkwack pwacpa kuh ma etweyuck ke luhngse la sifacna.
Siyuckyuck in sramsram nuh sin mwet orekma kohrt kuh puhlismacn ah ke ma sikyak uh, weacng ke kaiyuck kuh miting la lun kohrt.

Tuhsruhktuh in ke ohiyac wo, mwet kol ke Alu ma akacsruhi ke mwe etweyuck ke ma sikyak uh kuh in lwenglah tiac pwacye ac kuh in kuhnahoslah ma. Ma se inge kuh in ahkngalye mwet ingacn ac sucu lalos uh. In ukwe masap luhn Alu uh el oacyacpac kahsruh karihngihn Alu uh in tiac luhmweyuck nuh ke ma tiac pwacye ke pacl ma inge sikyak uh.

Mwet kol ke Alu uh kuh in ahollah Alu in tiac fahkwack ke ma sikyak in kohrt fin wacngihn lwelah tuhkuh ke ohfuhs in kahsruh luhlahp luhn Alu uh. Masap se inge orekmakihnyuck pac nuh ke pacl ituckyang kaiyuck ac miting in kohrt uh. Mwet kol uh kuh in tiac sruhkwack ma suhmuhslah in sang ahkpwacyei ke kuhiyac kol lalos fin wacngihn lwelah.

Mwet kol uh tiac enenuh in fahk lah luhlahlfongi lalos ke ma ahkfahsryeyuck in kohrt ma ahollah wal ke Alu uh.

Mwet kol uh enenuh in tiac mokle luhlahlfongi luhn mwet loh se inge ke oacna sie miting in kohrt uh.

Enenuh nuh ke ma koluk upac ma fwackyuck ke 38.8.27. Lihkihn acn Macrike ac Kacnuhta, mwet kol uh enenuh in sruok area legal counsel ke ohfuhs luhn eria.