0.

Ñepyrũmby mbyky

0.0

Ñepyrũmby

Ñandejára ombo’e, “Toikuaa hembiaporã opa kuimba’e, ha omba’apo hag̃ua opa jesarekópe pe ofísio oñehenói haguépe” (Doctrina ha konveniokuéra 107:99). Jesucristo Tupao Santokuéra Ára Pahapegua líder-ramo, nde rehekava’erã rrevelasiõ tee neipytyvõ hag̃ua reikuaa ha rekumplívo ne llamamiento rembiaporãnguéra.

Escritura-kuéra ha umi ára pahapegua profeta tekombo’ekuéra estudio nepytyvõta rentende ha rekumpli hag̃ua ne rembiaporãnguéra. Reñemoaranduháicha Tupã ñe’ẽme, rehechakuaavéta pe Espíritu influencia (tojehecha Doctrina ha Konveniokuéra 84:85).

Avei reñemoarandukuaa ne rembiaporãme restudiávo umi tekombo’e oĩva ko manual general-pe. Ko’ã tekombo’e ikatu oinvita rrevelasiõ ojeiporúrõ oñentende hag̃ua umi principio, norma ha procedimiento oje’aplikáva ojeheka aja pe Espíritu gía.

0.1

Manual General

Manual General: Jaservívo Jesucristo Tupao Santokuéra Ára Pahapeguápe ome’ẽ gía umi Tupaogua líder general ha local-pe g̃uarã.

Umi título ha sub-título ko manual-pe oñembopapa hasyve’ỹ hag̃ua ojejuhu umi téma ha ojejapo hag̃ua rreferénsia umívare. Techaukarã, tekombo’e mávapa ikatu ojesella templo-pe rehegua oñeme’ẽ 27.3.1-pe. Número 27 he’ise pe capítulo, número 3 he’ise peteĩ pehẽ upe capítulo-pe, ha número 1 he’ise peteĩ pehẽ michĩvéva.

0.2

Adaptasiõ ha Ambue Rrekúrso Ikatúva Ojeiporu

Ndaopavavéi estáka ha barrio oreko remikotevẽ peteĩchaite.

Liderkuéra oheka inspirasiõ mba’e páuta ha rrekursokuérapa oĩve ikatúva ojeiporu oñemyanyhẽ hag̃ua miembro-kuéra remikotevẽ.

0.4

Umi Porandu Rekombo’ekuéra rehegua

Oĩramo umi porandu noñeñe’ẽivagui escritura-kuéra, umi proféta oikovéva ñe’ẽme, térã ko manual general-pe, Tupaogua miembro-kuéra ojekova’erã ikonveniokuéra Tupã ndive, iliderkuéra local konsého, ha pe Espíritu inspirasiõre ohupyty hag̃ua gía.

Liderkuéra orekóramo porandu marandu oĩvare ko manual general-pe térã téma noñeñe’ẽivagui upépe, ha’ekuéra okonsultava’erã pe autorida oĩraẽvéva ndive opresidíva chupekuéra.

0.5

Ñe’ẽ’aty

Ỹrõ oje’e ambue mba’e:

• Pe ñe’ẽ obispo ha obispado ko manual general-pe he’ise avei rramagua presidente ha rramagua presidencia. Pe ñe’ẽ estáka presidente ha estáka presidencia he’ise avei distrito presidente ha distrito presidencia. Ojehecha hag̃ua peteĩ ñemombyky mba’éichapa distrito presidente autorida ojoavy estáka presidente autoridágui, tojehecha 6.3-pe.

• Umi rreferénsia barrio ha estáka rehe oje’aplikakuaa jepi avei rráma, distrito ha misiõnguérape.

• Rreferénsia domingo rehe oje’aplikakuaa oimeraẽ árape oñeñongatuhápe pe día de reposo upe tendápe.

• Pe ñe’ẽ unida he’ise barrio ha rramakuéra.

• Umi rreferénsia tuvakuéra rehe avei oje’aplika jepi umi tutor legal-pe.

Umi obispo ha rramagua presidente llamamiento ndaha’éi ojojáva autorida ha rresponsabilidápe, ndaupéichai avei estáka presidente ha distrito presidente ndive. Pe obispo ha’e peteĩ sacerdocio ofísio, ha oñeordena ha ojeautorisa Primera Presidencia rupi añónte. Umi Estáka presidente oñehenói umi Autorida General ha Área-gua Setenta rupive.

0.6

Oñeñe’ẽvo Tupaogua Oficinas Generales térã Área-gua Oficina ndive

Oĩ umi capítulo ko manual general-pe oikehápe umi tekombo’e oñeñe’ẽ hag̃ua Tupaogua oficinas generales térã areagua oficina ndive. Tekombo’e oñeñe’ẽ hag̃ua Tupaogua oficinas generales ndive oje’aplika umi oĩva Estados Unidos ha Canada-pe. Tekombo’e oñeñe’ẽ hag̃ua Área-gua oficina ndive oje’aplika umi oikóva ambue tetãme ndaha’éiva Estados Unidos ha Canada-pe g̃uarã.