Boyingisi Monene

0.0

Boyingisi

Nkolo ateyaki, “Tika ete moto na moto ayekola  mosala na ye, mpe asala na mosala atiami, na etingia nyonso” (Malongi mpe Mayokani 107:99). Lokola mokambi ya Eklezia ya Yesu Klisto ya Basantu ba Mikolo mya Nsuka, osengeli koluka emoniseli na yo moko mpo na kosalisa yo oyekola mpe okokisa mokumba ya libiangi na yo.

Koyekola makomi mpe mpe mateya ya basantu ya mikolo ya nsuka ekosalisa yo ososola mpe okokisa mokumba na yo. Ntango bozali koyekola maloba ya Nzambe, bokoyamba mingi nguya ya Molimo (tala Malongi mpe Mayokani 84:85).

Bokoyekola lisusu mikumba na bino na koyekolaka mitindo ya buku monene oyo. Mitindo oyo ekoki kobengisa emoniseli soki esalemelami mpo na kopesa bososoli ya mibeko, politiki, mpe ndenge ya kosalela ntango bozalaki koluka bokambi ya Molimo.

0.1

Buku Monene

Buku Monene: Kosalela Nzambe kati na Eklezia ya Yesu Klisto ya Basantu ba Mikolo mya Nsuka epesaka bokambi mpo na bakambi minene mpe ya bisika tofandi.

Mito mpe mito ya nse kati na buku monene oyo etiami na molongo mpo na kokomisa bamama ya makambo na pete mpe maloba mosusu elobelami. Ndakisa, motindo etali banani bakoki kokangisama na tempelo epesami kati na 27.3.1. Nimelo 27 elobeli mokapo yango, nimelo 3 elobeli eteni moko kati na mokapo wana, mpe nimelo 1 elobeli eteni ya nse.

0.2

Bomekoli mpe Mikanda ya Kosalelela soki Bolingi

Makonzi mpe bapalwasi nyonso te ezali na bosenga ekokani.

Bakambi balukaka bofuli etali milongo ya bokambi nini mpe mikanda nini ebongi na bango kosalela mpo na kokokisa bamposa ya bandimi.

0.4

Mituna etali mitindo

Ntango mituna ezali oyo elobelami te kati na makomi, maloba ya baprofeta na bomoi, to buku ya malako oyo, bandimi ya Eklezia basengeli koyekama na mayokani na bango elongo na Nzambe, to ya bakambi ya bisika bafandi, mpe bofuli ya Molimo mpo na bokambi.

Soki bakambi bazali na mituna etali nsango oyo ezali kati na buku monene oyo to etali makambo oyo ezali kolobela te, basangana elongo na bakonzi bayangeli na bango oyo bazali liboso .

0.5

Nkombo

Longola se esika elakisami lolenge mosusu:

Bankombo episikopo mpe boepisikopo kati na buku monene oyo elobeli lisusu bakambi ya bitape mpe babokambi ya bitape. Bankombo mokambi ya likonzi mpe bokambi ya likonzi elobeli lisusu bakambi ya disitiliki mpe babokambi ya disitiliki. Mpo na mokuse ya lolenge bokonzi ya bakambi ya disitiliki ekeseni na oyo ya bakambi ya makonzi, tala 6.3.
Bosaleli na bapalwasi mpe na makonzi mingimingi lisusu esalelami mpo na bitape, badisitiliki, mpe bamisio.
Bosalei ya mokolo ya eyenga esalami mpo na mokolo nyonso ya Saba esalelamaka na bisika bofandi.
Nkombo etonga elingi koloba bapalwasi mpe bitape.
Bankombo baboti mingimingi lisusu esalelami na babateli engebene na mobeko.

Mabiangi ya episikopo mpe mokambi ya etape ekokani te na likoki mpe mokumba, mpe te mabiangi ya mokambi ya likonzi na mokambi ya disitiliki. Episikopo ezali mosala moko kati na bonganganzambe, mpe bobulisami epesami ndingisa bobele na Bokambi ya Yambo. Bakambi ya makonzi babiangami na Bakambi Banene mpe Bantuku Nsambo ya Etuka Enene.

0.6

Kokutana na Babilo Minene ya Eklezia to ya Etuka Enene

Mikapo misusu kati na buku monene oyo esangisi mitindo ya kokutana na babilo minene to ya etuka enene. Motindo ya kokutana na babilo minene ya Eklezia esalelami mpe baye bafandi na Etazini mpe na Canada. Motindo ya kokutana na bilo ya etuka enene esalelami na baye bafandi libanda ya Etazini mpe ya Canada.