Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

0. Tshikepeshelu tshia Tshibangilu

“0. Tshikepeshelu tshia Tshibangilu,” Masungula Mangatshibua mu Mukanda Munena wa Maludiki (2023).

“0. Tshikepeshelu tshia Tshibangilu,” Masungula Mangatshibua mu Mukanda Munena wa Maludiki

Tshikepeshelu tshia Tshibangilu

0.0

Tshibangilu

Mukalenga wakalongesha ne, muntu yonsu alonga bua kukumbaja bujitu buenda, ne bua kuenza mu mudimu udiye mupeshibua, ne dinanukila dionsu.(Dilongesha ne Bipungidi 107:99). Bu mulombodi mu Ekelezia wa Yezu Kilisto wa Bansantu ba Matuku a Ndekelu, udi ne bua kukeba dibuluila dia nkaya bua diambuluisha bua kulonga ne kukumbaja majitu a dibikila dieba.

Kulonga kua mifundu ne malongesha a bambi ba matuku a ndekelu, nekukuambuluisha bua kumvua ne kukumbaja majitu eba. Pawudi ulonga mêyi a Nzambi, newikala ne ntema ya bungi ku lumvu lua Nyuma (tangila Dilongesha ne Bipungi 84:85).

Udi kabidi ulonga majitu eba mu kulonga malongesha adi mu mukanda wa maludiki ewu. Malongesha â adi mua kubikila dibuluila pawudi wenza nawu mudimu bua kufila lumvu lua malongesha, ngenzelu, ne mishindu ya kuenza pawudi ukeba buludiki bua Nyuma.

0.1

Mukanda wa Maludiki

Mukanda Munena wa Maludiki: Kusadila mu Ekelezia wa Yezu Kilisto wa Bansantu ba Matuku a Ndekelu udi ufila buludiki bua balombodi banena ne ba pabuipi.

Mitu minena ne mikesa ya biena-bualu mu mukanda wa maludiki ewu idi ne nomba bua kupepeja dipeta dia biena-bualu ne dia malu mambibua. Bu tshilejilu, malongesha pa udi mua kusuikibua mu ntempelo adi mafidibua mu 27.3.1. Nomba 27 uleja shapita, nomba 3 udi uleja tshitupa tshia mu shapita, ne nomba 1 udi uleja katupa ka muinshi.

0.2

Ngakajilu ne Biambuluishi bia Disungula

Makunji ne bikongu bionsu kabiena ne majinga a momumua to.

Balombodi badi bakeba lungenyi lua nyuma bua kumanya maludiki ne mishindu ya ku disungula ya kuenza nayi mudimu bua kuandamuna ku majinga a bidimba.

0.4

Nkonku pa Maludiki

Padi nkonku idi kayiyi ne mandamuna mu mifundu, mu mêyi a bambi badi ne moyo, anyi mu mukanda wa maludiki ewu to, bidimba bia Ekelezia bidi ne bua kueyemena ku bipungidi biabu ne Nzambi, ku mibelu ya balombodi babu ba pabuipi, ne ku lungenyi lua nyuma bua kupeta buludiki.

Pikala balombodi ne nkonku pa mamanyisha adi mu mukanda wa maludiki ewu anyi pa malu adiwu kayi wandamuna, badi ne bua kupeta mibelu kudi mukôkeshi wa bulombodi bukulu wabu.

0.5

Mbikidilu wa Miaku

Pakumbusha ndejelu mushilangana:

Muaku wa muepiskopo ne wa buepiskopo mu mukanda wa maludiki ewu, idi ileja kabidi balombodi bakulu ba matamba ne bulombodi bukulu bua ditamba. Miaku mulombodi mukulu wa dikunji ne bulombodi bukulu bua dikunji idi ileja kabidi balombodi bakulu ba distrika ne bulombodi bukulu bua distrika. Bua diumvuija pa mushindu udi bukôkeshi bua balombodi bakulu ba distrika bushilangana ne bua balombodi bakulu ba makunji, tangila 6.3.
Malu adi mambibua bua bikongu ne makunji adi mu tshitupa tshinena atangila kabidi matamba, distrika, ne bukenji.
Malu adi mambibua bua Dialumingu adi atangila dituku dionsu didi Sabata wenjibua mu muaba uwudi.
Muaku tshisumbu udi uleja bikongu ne matamba.
Malu adi mambibua bua baledi adi mu tshitupa tshinena atangila kudi balami bakoleshi ba dîyi dia ditunga.

Dibikila dia muepiskopo ne mulombodi mukulu wa ditamba, kadiena ne bukôkeshi ne bujitu bua momumua to, nansha kabidi dibikila dia mulombodi mukulu wa dikunji ne mulombodi mukulu wa distrika. Muepiskopo mmudimu mu buakuidi, ne dijidila didi dianyishibua anu kudi Bulombodi Bukulu bua Kumpala. Balombodi bakulu badi babikidibua kudi Bakôkeshi Banena ne kudi Bayidi ba Makumi Muanda Muteketa ba Ntenji.

0.6

Kuyukila ne Badi ku Muaba wa tshishikaminu wa Ekelezia anyi ku Tshibambalu tshia Ntenji

Imua shapita mu mukanda wa maludi ewu, idi ne malongesha bua kuyukila ne badi ku Muaba wa tshishikaminu wa Ekelezia anyi ku tshibambalu tshia ntenji. Malongesha pa mushindu wa kuyukila ne badi ku Muaba wa tshishikaminu wa Ekelezia, adi atangila aba badi mu Etats Unis ne mu Canada. Malongesha pa mushindu wa kuyukila ne tshibambalu tshia ntenji, adi atangila aba badi bambelu pa Etats Unis ne mu Canada.