0.

Kedeb el Omesodel

0.0

Uchelel a Omesodel

A Rubak a ulsisechakl el kmo a chad bol subii sel ngerchelel, e bo loruul a ngerchelel el ngar sel obis el ngii a mla metutk el kirel, el blak a rengul (Doctrine and Covenants 107:99). Sel morredel el ngara Ikelesia er a Jesus Kristo er a Uriul-klebesei el Santo, eng kirem el melai a ocholt el molngeseu er kau el kudmokl a ngerchelem er sel mosiou er ngii.

Omesubel a chedaol llechukl me a osisecheklir a reprofet er chelechang a mo ngosukau el mo kudmokl a ikel ngerchelem. Me sel mosuub a tekingel a Dios, e kau a mo ungil lomelchesiu er a Chedaol Reng (mesa Doctrine and Covenants 84:85).

Kau a dirrek el mo ungil subii a ngerchelem sel omosuub osisechakl el ngar tial handbook. A ikal osisechakl a sebechel meskau a ocholt a lsekum ke ousbech el mo medengei a osisechakl, llach, me a teletael el bo mousbech sel mosiik a ulekrael er a Chedaol Reng.

0.1

Handbook

General Handbook: Mesiou er a chelsel a Ikelesia er a Jesus Kristo er a Uriul-klebesei el Santo omesterir a ulekrael el mora cherrengelel me a derta el merredel er a Ikelesia er a ikel beluu le ngarngii.

A ikel meklou el dai me a mekekerei el ngar tial handbook a oulambang me bol sebechel a tekoi el debetik e mukrael. A okesiul tiang, a osisechakl el kirel a kmong techa kirel mo moak er a templo a ngara 27.3.1. Sel lambang el 27 a melutk el kirel a klou el bliongel, sel lambang 3 a melutk el kirel a kekerel bliongel el ngar tial klou el bliongel, e sel lambang 1 a melutk er sel bliongel el ngar cheungel a kekerei el bliongel.

0.2

Usbechellel me a Bebil er a Ngeseu

Ng diak el rokui el stake me a ward a osisiu a lousbech.

A re merredel a osiik a uldasu el kmo ngeral ulekrael me a ngarngii el ngesou e lousbech el mo kudmokl a lousbech a rechedal a ikelesia.

0.4

Ker el kirel a Osisechakl

Sel bo er ngii a ker el ngii a diak el monger lokiu a chedaol llechukl, tekingir a rengar el profet, malechub e tial handbook, ea rechedal a Ikelesia a kirir el ultuil er sel telbilir lobengkel a Dios, omellach er a merredelir, me a llomes el ngar Chedaol Reng el ngii omekrael.

A lsekum me a remerredel a ngarngii a kerrir el kirel a tekoi el ngar tial handbook malechub a bebil ra tekoi el diak el ngarngii, e te mengedecheduch er tirkel ngarbab el oungerachel er tir.

0.5

Belkul a tekoi

Ng di merekmo a lsekum e ngarngii:

• A tekoi el bisop ma klebisop er tial handbook a dirrek e melutk el kirel a merredel er a branch me a remerredel er a branch. A tekoi el merredel er a stake ma remerredel a stake a melutk el dirrek el mora merredel er a district me a remerredel a district. Sel kedeb el omesodel a klekakerous er a klisichel a merredel a district me a merredel a stake, e mesa 6.3.

• A tekoi el mora ward me a stake a dirrek el mora branch, district, me a mision.

• A tekoi el kirel a Sandei a dirrek el mora ngii di el sils el longull er ngii a rechad er a ikelesia er sel beluu.

• A tekoi el unit a melekoi el kirel a ward malechub eng branch.

• A tekoi el kirel a roungalek a melekoi el dirrek el mora re oungerachel.

A okedong er a bisop me a merredel er a branch a diak el osisiu a klisichel me a ngerchelel, me a dirrek a okedong er a merredel er a stake me a district. A bisop a obis el ngara priesthood, me a oterkeklel a lekengei er ngii a dita el Kot el Presidency. A remerredel a Stake a mokedong lokiu a General Authorities me a Area Seventies.

0.6

Omekedong er a Church Headquarters malechub a Area Office

A bebil er a bliongel er a handbook a ngarngii a osisechakl el mo omekedong er a bdelul a obis er a Ikelesia malechub a sel obis er a beluu. Sel osisechakl el mo mengedecheduch er a bdelul a obis ra Ikelesia a mor tirkel tir a kiei er a beluu er a Merikel ma Canada. Sel osisechakl el mo mengedecheduch er a obis er a beluu a mo er tirkel kiei er a ikrel a Merikel ma Canada.