Itilize Seleksyon ki soti nan Manyèl Jeneral la

Seleksyon ki soti nan Manyèl Jeneral la se yon konpilasyon enstriksyon ki pi esansyèl yo ke yo seleksyone nan Manyèl Jeneral: Sèvi nan Legliz Jezikri pou Sen Dènye Jou yoantye a. Li se pou dirijan ki:

• Poko gen aksè a manyèl la annantye nan lang yo prefere a.

• Ka benefisye de yon vèsyon kondanse sou Manyèl Jeneral la.

Nimewotaj chapit, seksyon, ak souseksyon yo itilize nan Seleksyon ki soti nan Manyèl Jeneral la koresponn avèk nimewotaj yo itilize nan Manyèl Jeneralantye a. Sa ap pèmèt nou fasilman fè referans ak konparezon antre yo.

Nimewotaj paj yo ki nan Seleksyon ki soti nan Manyèl Jeneral la ap pafwa sote kantite seksyon oswa souseksyon ki nan manyèl antye a. Se paske manyèl kondanse sa a kenbe sèlman kontni ki pi esansyèl yo nan manyèl antye a.

Malgre ke Seleksyon ki soti nan Manyèl Jeneral la bay repons a anpil nan kesyon lidè yo souvan poze, lidè yo ap gen kèk kesyon ke l pa adrese oswa li pa reponn konplètman. Nan ka sa yo, dirijan yo ka fè referans a manyèl Jeneral antye a si l disponib nan yon lang yo ka itilize. Yo ka chita an konsèy avèk otorite imedyat ki prezide sou yo a tou pou gidans.

Se pou Bondye beni nou pandan n ap ini avèk Li nan travay sali ak egzaltasyon pou pitit Li yo.

Premye Prezidans lan ak Kolèj Douz Apot yo