Panangusar iti Dagiti Napili manipud iti Sapasap a Handbook

Dagiti Napili manipud iti Sapasap a Handbook ket panagtitipon dagiti kapapatgan a pannursuro manipud iti naan-anay a Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw. Para daytoy kadagiti lider a:

• Saan pay a makagun-od iti naan-anay a handbook iti kayatda a pagsasao.

• Mabenepisuan manipud iti napaababa a bersion ti Sapasap a Handbook.

Ti panangnumero ti kapitulo, seksion, ken subseksion a nausar iti Dagiti Napili manipud iti Sapasap a Handbook maiparis iti panangnumero a nausar iti naan-anay a Sapasap a Handbook. Daytoy ti mangipalubos iti nalaka a cross-referencing ken panagidilig iti nagbabaetan dagitoy.

Ti panangnumero iti Dagiti Napili manipud iti Sapasap a Handbook ket laktawanna no dadduma dagiti numero dagiti seksion wenno subseksion iti naan-anay a handbook. Dayta ket gapu ta daytoy a napaababa a handbook pagtalinaedenna laeng ti kapatgan a linaon manipud iti naan-anay a handbook.

Nupay ti Dagiti Napili manipud iti Sapasap a Handbook ket mangipaay kadagiti sungbat iti adu kadagiti masansan a saludsoden dagiti lider, addanto la ketdi sumagmamano a saludsod dagiti lider a dina patgan wenno naan-anay a sungbatan. Iti kasta a kasasaad, mabalin nga agibasar dagiti lider iti Sapasap a Handbook no addan daytoy a magun-od iti pagsasao a mausarda. Mabalin met nga agpabalakad dagiti lider iti asideg a mangimatmaton a dadauloda para iti panangiwanwan.

Sapay koma ta bendisionannakayo ti Dios bayat ti pannakikaduayo Kenkuana iti aramid ti pannakaisalakan ken pannakaitan-ok para kadagiti annakna.

Ti Umuna a Panguluen ken Korum dagiti Sangapulo-ket-dua nga Apostol