Chan ru roksinkil Li na’leb’ isinb’il chaq sa’ li Jolomil K’anjenel Hu

Li na’leb’ isinb’il chaq sa’ li Jolomil K’anjenel Hu a’an jun xch’utub’ankil li na’leb’ jwal aajel ru li wan sa’ Jolomil K’anjenel Hu: Li k’anjelak sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. K’uub’anb’il choq’ reheb’ laj jolominel li:

• Maji’ wan xtz’aqalil li k’anjenel hu sa’ raatinob’aaleb’.

• Naru neke’xk’ul xna’leb’ rik’in lix k’osb’al ru li Jolomil K’anjenel Hu.

Eb’ li ajl reheb’ li ch’ol, jolomil raqal, ut kok’ raqal wankeb’ sa’ Li na’leb’ isinb’il chaq sa’ li Jolomil K’anjenel Hu juntaq’eeteb’ rik’ineb’ li ajl wankeb’ sa’ li Jolomil K’anjenel Hu. Chi jo’kan, naru natawman ut najuntaq’eetaman sa’ junpaat li na’leb’ sa’ xkab’ichaleb’ li hu.

Wankeb’ li jolomil raqal ut kok’ raqal li moko neke’tawman ta sa’ Li na’leb’ isinb’il chaq sa’ li Jolomil K’anjenel Hu us ta wankeb’ sa’ li k’anjenel hu. Wan chi jo’kan xb’aan naq sa’ lix k’osb’al ru li k’anjenel hu wan ka’ajwi’ li na’leb’ jwal aajel ru li natawman sa’ xtz’aqalil li k’anjenel hu.

Us ta wankeb’ xsumenkil naab’aleb’ lix patz’omeb’ laj jolominel sa’ Li na’leb’ isinb’il chaq sa’ li Jolomil K’anjenel Hu, naru naq wankeb’ xpatz’om li moko sumenb’ileb’ ta chi tz’aqal chi sa’. Wi yaal a’an, eb’ laj jolominel naru neke’roksi li Jolomil K’anjenel Hu wi wan sa’ jalan chik aatinob’aal neke’xtaw ru. Eb’ laj jolominel naru ajwi’ neke’xtaw xna’leb’ rik’in laj jolominel li wan xwankil sa’ xb’eeneb’.

Li Dios chi’osob’tesinq aawe naq nakajunaji aawib’ rik’in a’an sa’ li k’anjel re li kolb’a-ib’ ut li taqenaqil loq’al choq’ reheb’ li ralal xk’ajol.

Li Xb’eenil Awa’b’ejil ut lix Molameb’ li Kab’laju chi Apostol