Faaaogaina o Filifiliga mai le Tusitaulima Aoao

O filifiliga mai le Tusitaulima Aoao o se tuufaatasiga lea o faatonuga e sili ona taua mai le Tusitaulima Aoao atoa: Auauna Atu i Le Ekalesia a Iesu Keriso o le Au Paia o Aso e Gata Ai. E mo taitai o e:

• E le’i mauaina le tusitaulima atoa i le gagana e fiafia i ai.

• E mafai ona aoga mai se lomiga faaitiitia o le Tusitaulima Aoao.

O le numera o mataupu, vaega, ma soavaega o loo faaaogaina i Filifiliga mai le Tusitaulima Aoao e fetaui ma numera o loo faaaogaina i le Tusitaulima Aoao atoa. O lenei mea e mafai ai ona faigofie ona fesootai ma faatusatusa i lo la va.

O le numera i le Filifiliga mai le Tusitaulima Aoao o nisi taimi o le a faamisi ai numera o vaega po o soavaega i le tusitaulima atoa. E mafua lenā mea ona o lenei tusitaulima ua faaitiitia, ua na o anotusi e sili ona taua o loo taofia mai le tusitaulima atoa.

E ui lava o Filifiliga mai le Tusitaulima Aoao ua tuuina mai ai tali i le tele o fesili e masani ona fesiligia e taitai, ae atonu o le a i ai i taitai ni fesili e le o talanoaina pe taliina atoatoa. I tulaga faapena, e mafai e taitai ona faasino i le Tusitaulima Aoao atoa pe afai o loo maua i se gagana e mafai ona latou faaaogaina. E mafai foi e taitai ona feutagai ma o latou pulefaamalumalu totino mo le taitaiga.

Tau ina ia faamanuiaina oe e le Atua a o e auai faatasi ma Ia i le galuega o le faaolataga ma le faaeaga mo Lana fanau.

O Le Au Peresitene Sili ma le Korama a Aposetolo e Toasefululua