Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
  - 1.0. Tshibangilu
  - 1.1. Dilongolola dia Nzambi dia Disanka
  - 1.2. Mudimu wa Lupandu ne Dizanjikibua
  - 1.3. Kipatshila ka Ekelezia
  - 1.4. Bujitu Bueba mu Mudimu wa Nzambi
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua

“1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua,” Masungula Mangatshibua mu Mukanda Munena wa Maludiki (2023).

“1. Mudimu wa Lupandu ne Dizanjikibua,” Masungula Mangatshibua mu Mukanda Munena wa Maludiki

Dilongolola dia Nzambi ne Bujitu Bueba mu Mudimu wa Lupandu ne Dizanjikibua

1.0

Tshibangilu

Nudi babikidibua bua kusadila mu Ekelezia wa Yezu Kilisto wa Bansantu ba Matuku a Ndekelu. Tuasakidilayi bua disadila dienu. Nenubenesha mioyo ne nenumanya disanka panuikala nusadila mu lulamatu.

Mukanda wa maludiki ewu neanuambuluisha bua kulonga malongesha a buena Kilisto ne nenumvua majitu enu. Nenuenza bimpa bikola panudi nuteka kusadila kuenu mu Ekelezia buludi ne mudimu wa Tatu Nzambi ne Muanenda, Yezu Kilisto.

1.1

Dilongolola dia Nzambi dia Disanka

Tatu wa mu Diûlu wakatuenzela dilongolola bua kutuambuluisha bua tusanka ne mabenesha enda. Mudimu ne butumbi bienda mbua kukumbaja kubenga kufua ne moyo wa tshiendelela wa muntu (Mose 1:39).

Yezu Kilisto udi munkatshi mua dilongolola dia Nzambi. Kupitshila ku dinanga dia Tatu wa mu Diûlu didi kadiyi ndekelu buetu, wakatuma Muanenda bua kutusungila ku bubi ne ku lufu kupitshila ku mulambu wa bupikudi wenda(tangila Yone 3:16). Kupitshila ku Bupikudi buenda, Yezu Kilisto wakatujadikila ne yonsu wa kutudi udi uledibua pa buloba, neabika ne kupeta mubidi udi kawuyi ufua. Bupikudi buenda budi kabidi butupepejela bua tutokeshibua ku bubi mitshima yetu ikudimuka bua tupeta moyo wa tshiendelela ne tshiwudi tshia disanka.

Bua kupeta moyo wa tshiendelela, tudi ne bua “kulua kudi Kilisto, ne kuikala bajalama mudiye” (Moloni 10:32).

1.2

Mudimu wa Lupandu ne Dizanjikibua

Patudi tulua kudi Kilisto ne tuambuluisha bakuabu bua kuenza momumua, tudi tubuela mu mudimu wa Nzambi wa lupandu ne dizanjikibua. Mudimu ewu udi uludikibua kudi mikenji minena ibidi bua kunanga Nzambi ne kunanga mukuetu (tangila Matayo 22:37–39).

Mudimu wa lupandu ne dizanjikibua udi wenzekela pa majitu a bunzambi anayi.

Mukanda wa maludiki ewu neakuambuluisha bua kumanya mushindu inayi ya mudimu wa Nzambi. Nyuma wa Tshijila neakuludika pawudi wenza tshieba tshitupa mu kuyikumbaja (tangila 2 Nefi 32:5).

1.2.1

Kuteka Lumu Luimpa lua Yezu Kilisto mu Tshienzedi

Kuteka lumu luimpa lua Yezu Kilisto mu tshienzedi kudi kumvuija ne:

Kuikala ne ditabuija mu Kilisto, kukudimuna mutshima dituku dionsu, kuenza bipungidi ne Nzambi patudi tupeta milulu ya lupandu ne ya dizanjikibua, ne kunanukila ne ku ndekelu mu kulama bipungidi abi (tangila 3.5.1).
Kulonga ne kulongesha lumu luimpa lua Yezu Kilisto ku nzubu ne mu Ekelezia.
Kulua badikadila mu kupeta tshintu buetu ne bua mêku etu, mu nyuma ne mu mubidi.

1.2.2

Kuambuluisha Bantu Badi mu Majinga

Kuambuluisha bantu badi mu majinga kudi kumvuija ne:

Kusadila ne kukuba bantu, mêku, ne nsangilu.
Kufila mishindu, pamua ne diambuluisha dia Ekelezia kudi bantu badi mu majinga.
Kuambuluisha bakuabu bua balua badikadila.

1.2.3

Kubikila Bantu Bonsu bua Kupeta Lumu Luimpa

Kubikila bantu bonsu bua kupeta lumu luimpa kudi kumvuija ne:

Kusadila mu mudimu wa bukenji ne kusadila bu muena bukenji.
Kuambuluisha bidimba bipia-bipia ne bidi bipingana bua kutungunuka mu njila wa tshipungidi.

1.2.4

Kukunguija Mêku bua Tshiendelela

Kukunguija mêku bua tshiendelela kudi kuangata:

Kuenza bipungidi patudi tupeta milulu yetu nkayetu ya mu ntempelo.
Kupeta bankambua betu badi bafua ne kukumbaja milulu buabu mu ntempelo bua ne badi mua kuenza bipungidi ne Nzambi.
Kuya ku ntempelo ku misangu, padibi bikumbana, bua kutendelela Nzambi ne kukumbaja milulu bua bana benda.

1.3

Kipatshila ka Ekelezia

Yezu Kilisto wakibaka Ekelezia wenda bua kuambuluisha bantu ne mêku bua kuenza mudimu wa lupandu ne dizanjikibua (tangila Efeso 4:11–13; tangila kabidi 2.2 mu mukanda wa maludiki ewu). Bua kuambuluisha dikumba dia kipatshila ka bunzambi aka, balombodi ba Ekelezia badi bafila:

Bukôkeshi ne nsapi bia Buakuidi.
Bipungidi ne milulu.
Bulombodi bua muambi
Mifundu.
Kulonga kua lumu luimpa ne diambuluisha dia kulongesha nadi.
Mishindu ya kusadila ne kulombola.
Nsangilu wa Bansantu.

1.3.1

Bukôkeshi ne Nsapi bia Buakuidi

Kupitshila ku buakuidi, Nzambi udi ukumbaja mudimu wa lupandu ne dizanjikibua. Bukôkeshi ne nsapi bia Buakuidi bivua bikengedibua bua kulombola mudimu wa Nzambi pa buloba biakapingulujibua kudi Muambi Joseph Smith (tangila Dilongesha ne Bipungidi 110:11–16; 112:30). Nsapi eyi idi kudi balombodi ba Ekelezia lelu. Badi babikila ne banyishila bakuabu bua kuambuluisha mu mudimu wa Nzambi (tangila Dilongesha ne Bipungidi 107:8, 65–67).

1.3.2

Bipungidi ne Milulu

Mu dilongolola dia Tatu wa mu Diûlu, tudi tuenza bipungidi patudi tupeta milulu ya lupandu ne ya dizanjikibua, bu mudi ditambula (tangila Yone 3:5; tangila kabidi shapita 18 mu mukanda wa maludiki ewu). Bipungidi ne milulu bidi bituambuluisha bua tulua bafuanangana ne Nzambi ne tupingana bua kusomba ku mesu kuenda (tangila Dilongesha ne Bipungidi 84:19–22).

1.3.3

Bulombodi bua Muambi

Kupitshila ku bambi benda basungula, Nzambi udi ubuluila ne ufila maludiki ne madimuisha a nyuma (tangila Amosa 3:7; Dilongesha ne Bipungidi 1:4). Buludiki budi butuambuluisha bua kubuela ne kushala mu njila udi ulombola ku moyo wa tshiendelela.

1.3.4

Mifundu

Kupitshila ku bulombodi bua bambi ne bapostolo ba Mukalenga, Ekelezia udi ufila ne ulama dîyi dia Nzambi bu mudibi bifunda mu mifundu ya tshijila. Mifundu idi ijadika bua Kilisto, idi ilongesha lumu luimpa luenda, ne ituambuluisha bua kuteka ditabuija mu tshienzedi mu yeya (tangila Yakoba 7:10–11; Helamana 15:7).

1.3.5

Kulonga kua Lumu Luimpa ne Diambuluisha dia Kulongesha Nadi

Ekelezia udi wambuluisha bantu ne mêku mu bujitu buabu bua kulonga malelela a lumu luimpa ne kulongesha malelela â kudi bidimba bia dîku ne bakuabu (tangila Dilongesha ne Bipungidi 88:77–78, 118; tangila kabidi 2.2.3 mu mukanda wa maludiki ewu).

1.3.6

Mishindu ya Kusadila ne Kulombola

Kupitshila ku mabikila ne matumika mu Ekelezia, Nzambi udi upesha bidimba mishindu ya kusadila ne kulombola. Ekelezia udi upesha bisumbu bia bulongolodi bintu bua kuambuluisha bidimba bidi mu majinga ne bua kufila dikuatshisha dia bumuntu kudi bakuabu (tangila Mosiya 18:27–29).

1.3.7

Nsangilu wa Bansantu

Bu nsangilu wa Bansantu, bidimba bia Ekelezia bidi bikunguila pa tshibidilu bua kutendelela Nzambi ne kuvuluka Mupandishi mu kuabanyangana biakudia bia tshijila (tangila Moloni 6:4–6; Dilongesha ne Bipungidi 20:77). Bidimba pabi bidi biambuluisha ne bisadila umua ne umua (tangila Efeso 2:19).

1.4

Bujitu Bueba mu Mudimu wa Nzambi

Bu mulombodi mu Ekelezia, udi mubikidibua bua kulongesha bantu bawudi usadila bua badifila mu mudimu wa lupandu ne dizanjikibua (tangila 1.2). Udi ne bujitu bua kukumbaja dibikila dieba ne “kulongesha dîyi dia Nzambi ne dinanukila” (Yakoba 1:19). Kuenza mudimu ne Mukalenga mu budimi bua olive buenda nekutuala disanka dinena (tangila Yakoba 5:70–72).

Kuikala ne lumvu lutoka lua mudimu wa Nzambi, lua tshidiyi mukubikila bua kuenza, ne lua kipatshila ka Ekelezia wenda, nekukuambuluisha bua kudienzeja ne bukola bua kutuala anyima kudi Kilisto.

Ikala utangila ku misangu mu malongesha a shapita ewu. Keba mu disambila bua kumanya mushindu uwudi mua kuambuluisha bua kukumbaja tuipatshila tua Nzambi mu mioyo ya bantu bawudi usadila. Nzambi neakulombola kupitshila ku ditumibua dia Nyuma wa Tshijila.