sucu petsac

2.

Ahkkweye Kais Sie ac Sucu ke Orekma in Molwelah ac Ma Pahtpaht

2.0

Ikucslah

Ekihn mwet kol se ke Alu luhn Jisus Kraist, kom ahkkweye kais sie ac sucu in ahksahfyelah orekma in molwelah ac ma pahtpaht luhn God (liye 1.2). Srihpac yohk luhn orekma se inge pa in kahsruh tuhlihk nuhkewa nuhtin God in eis mwe insewowo ke moul ma pahtpaht ac in sesesslah ke engan.

Inkaiyen orekma in molwelah ac ma pahtpaht inge oreklac sin sucu. Nuh sin mempucrs nuhkewa ke Alu uh, orekma se inge tuhkuh yohk in lohm se.

2.1

Ma Kunacn Sucu nuh ke Placn luhn God

Ip ke placn Lal, Pahpah Inkuhsrao el akiyac sucu nuh facluh. El akiyac tuh sucu in use nuh sesr engan. Oasr inkacnek luhn sucu in lutlut, kapwack, kuhlwacnsap, auliyak, ac nuhnak muhnahs. Elos kuh in kahsre kuht ahkolah nuh ke moul ma pahtpaht.

Olwelah luhn God nuh ke moul ma pahtpaht suc pa nuh ke macruht ne tok ma pahtpaht, tuhlihk, ac mwe insewowo nuhkewa ke sucu ma pahtpaht se. Olwelah se inge som pac nuh selos suc sona macruhtlac kuh wacngihn sucu la ke Alu uh.

2.1.1

Sucu Ma Pahtpaht

Sucu ma pahtpaht oreklac ke mempucr se ke Alu uh oraclah olwelah ke elos eis akwuck sil lin tempuhl. Mwe insewowo ke sucu ma pahtpaht akihlenyuck ke mempucr elos karihngihn olwelah inge ac auliyak pacl elos puhtatlac. Mwet kol ke Alu uh kahsruh mempucr in ahkolah eis akwuck inge ac in ahkmuhtahlye olwelah lalos.

Sie pac ma oasr ke sucu ma pahtpaht pa in oruh akwuck lin tempuhl ma lwelah mempucr in sili nuh sin mwet misac lalos.

2.1.2

Mukul Tuhma ac Muhtwacn Kiyac

Macruht inmahsrlon mukul se ac muhtwacn se akwucki sin God (liye Doctrine and Covenants 49:15). Mukul tuhma ac muhtwacn kiyac enenuh in tuhkeni fahsr nuh ke moul ma pahtpaht (liye Sie Corinth 11:11).

Sie ma enenuh in eis moul ma pahtpaht pa mukul se ac muhtwacn se enenuh in utyak oraclah olwelah ke celestial macruht (see Doctrine and Covenants 131:1–4). Siyacnyacn oraclah olwelah se inge ke elos eis sil ke akwuck in macruht lalos lin tempuhl. Olwelah se inge pa pwelucng ke sucu ma pahtpaht. Fin kampare liacng, e lwelah macruht lalos in som ma pahtpaht.

Ahko inmahsrlon pahyuck se el oreklac in wolacna ac muhtahl. Oreklac sin God nuh ke oraclah luhn tuhlihk ac in ahkkahlwemye luhngse inmahsrlon mukul ac muhtwacn se ma pahyuck uh. Akakye ac suhnak—tiac nuhnkac kac sifacna—kuh in kol inmahsrloltahl.

God el sapkihn lah apuhsrali enenuh in karihngihnyuck nuh ke macruhtlac inmahsrlon mukul se ac muhtwacn se.

Mukul tuhma ac muhtwacn kiyac elos oacna sie ye muhtuhn God. Sie tiac enenuh in kol sie. Sulwaclah lalos uh enenuh in ma se fanna ac ke luhngse, kewana in oacna sie oruh la.

2.1.3

Pahpah Ninac ac Tuhlihk

Mwet pahluh ke Lwen-sahflah luti lah “masap luhn God nuh sin tuhlihk nahtuh pa in puhseni ac nwacklah facluh” (“Sucu: Sie Mwe Fahkwack nuh fin Facluh”; liye pac Doctrine and Covenants 49:16–17).

Pahpah ac ninac wowo se tuhkeni sokwack acn wowo in luhngse ac tuhfahlah tuhlihk. Kais sie mwe ahkfohs kuh in tulokihnyac pahpah ninac liki tuhkeni tuhfahlah tuhlihk nahtuhlos. Tuhsruhktuh, Leum elac ahkinsewowoyacltahl fin elos suk kahsruh Sel ac moniyuck in ahkos olwelah lalos nuh Sel.

Mukul ac muhtwacn pahyuck oasr kunohkohn muhtahl lalos in kahsruh ahkolah tuhlihk nahtuhlos in eis mwe sang ke moul ma pahtpaht. Elos luti tuhlihk nahtuhlos in luhngse ac kuhlwacnsuhpuh God ac mwet sahyac (liye Matthew 22:36–40).

“Pahpah uh nuhnuhnkuh fin sucu laltahl ke luhngse ac suwohswohs ac in fosrngahkihn in sang enenuh luhn moul ac karihngihn sucu” (“Sucu: Sie Mwe Fahkwack nuh fin Facluh”). Fin wacngihn mukul se kuh pahpah se in lohm se, ninac se pa kol sucu se.

Ma kunacn mwet kol sucu se pa in kahsruh kol mwet in sucu sacn in fohlohk muhta yurin God. Ma inge oreklac ke kuhlwacnsap ac luti ke okak, fakpwacp, ac luhngse pwacye, fahsr tukun srihsrasrak lal Jisus Kraist (liye Matthew 20:26–28). Kol sucu se pa in oruh in oasr pruhe, lutlutkihn wosasuc, ac kuhtuh ohiyac ahkfuhlwact ke pacl nuhkewa. Ninac pahpah tuhkweni orekma in ahkfahsryelah kunohkohn se inge.

“Ninac el enenuh na in tuhfahlah tuhlihk nahtuhlos” (“Sucu: Sie Mwe Fahkwack nuh fin Facluh”). Kalmen tuhfahlah pa in oracni, luti, ac ahkweye, fahsr tukun srihkasrak luhn Mwet Lahngo (liye 3 Nephi 10:4). In ma se fana nuh sin mukul tuhmwacl, ninac se kahsruh sucu lal in luti ke wosasuc ac in eis luhlahlfongi kacl Pahpah Inkusrao ac Jisus Kraist. Elos tuhkeni muhsahi acn in luhngse ke sucu.

“Ke kunohkohn muhtahl inge, pahpah ac ninac enenuh in kahsruh sie sin sie in oacna sie” (“Sucu: Sie Mwe Fahkwack nuh fin Facluh”). Elos sramsram ac pruhe tuhkweni ac nuh sin Leum. Elos tuhkweni otwelah sulwaclah ke luhngse ac ma se fana, kewana in oacna sie oruh la.

2.2

Orekma in Molwelah ac Ma Pahtpaht in Lohm se

Prestuhnsi se Meet elos fahk, “Lohm pa pwelucng ke moul suwohs se” (First Presidency letter, Feb. 11, 1999).

In kahsruh mempucrs in oruh orekma in molwelah ac ma pahtpaht in lohm selos, mwet kol ke Alu uh ahkweyaclos in muhsahelah lohm se ma Nguhn e oasr kac. Elos oacyacpac ahkkweye mempucrs in ahkmuhtahlye lwen Sabbath, luti ac eis etacack ke wosasuc in lohm selos, ac oruh toeni in sucu ke wik nuhkewa.

2.2.3

Lutlutkihn Wosasuc ac Eis Etacack Lohm ah

Lutlutkihn wosasuc ac eis etacack tuhkuh in lohm se ac ahkweyuck sin Alu uh. Mwet kol ke Alu uh ahkkweye mempucrs nuhkewa in lutlutkihn wosasuc lohm selos ke lwen Sabbath ac ke wik na fohn sac.

Lutlutkihn ma suhmuhslah suc tahkihnyucklac ke Fahsruh, Fahsr Tukuk—Nuh sin Kais sie ac Sucu pa atac se in lutlutkihn wosasuc lohm ah.

2.2.4

Toeni Ekuh in Sucu ac Mukwikwi Sahyac

Mwet pahluh ke Lwen-sahflah kwacfe mempucr ke Alu uh in oruh toeni in sucu ke wik nuhkewa. Pacl na muhtahl se nuh sin kais sie ac sucu in lutlutkihn wosasuc, ahkkweye luhlahlfongi, muhsahi inseselac, ac tuhkeni engan.

Toeni in sucu kuh in orek ke lwen mwesahs sin mempucr. Kuh in orek ke lwen Sabbath kuh lwen ac pacl sahyac. Enenuh in oasr:

• Lutlutkihn wosasuc ac mwe ahkahlwemye (ke Fahsruh, Fahsr Tukuk kuhfa kuh in orekmakihnyuck oacna ke ahkuhtweyucki).

• Kuhlwacnsapuh mwet sahyac.

• Onkihn ac sritaclkihn on in alu luhn Tuhlihk Srihsrihk (liye sapta 19).

• Ahkkweye mwet in sucu ke kap luhn Tuhlihk Srihsrihk ac Mwet Fuhsr.

• Sucu se tuhkweni kahsruh oraclah finsrak, ahkwoyelah elyah, ac placnwelah pacl.

• Sritacl in orek.

Mwet tiac pahyuck kuh mwet sahyac kuh in tuhkeni nuh ke u se tukun alu ke lwen Sabbath in oruh toeni in sucu ac ahkweye sie sin sie ke elos lutlutkihn wosasuc.

2.2.5

Ahkkweye Kais Sie

Mwet kol ke Alu kahsruh mempucr ma srihk.

Mwet kol kahsruh mempucr ac sucu inge oraclah inkanek in muhtwacta, wi oruh ma orek inmahsrlon kais sie, ac in kapkapwack ke nguhn.

2.3

Kuhpahsr inmahsrlon Lohm ac Alu

Orekma in molwelah ac ma pahtpaht tuhkuh yohk ke lohm se ac kahsreyuck sin Alu. Ip yohk ten inge orekmakihnyuck nuh ke kuhpahsr inmahsrlon lohm ac Alu.

• Mwet kol ac mwet luti ahkfuhlwactye kunohkohn luhn pahpah ninac se ac kahsrelos.

• Kuhtuh miting ke Alu uh yohk srihpac nuh ke kais sie ward ac pracns. Pa nuh ke toeni in eis kuhfa luhn Leum ac toeni ke kuhlahs ac u orek ke lwen Sabbath. Miting, mukwikwi ac prokracm puhs sahyac tiac yohk srihpac.

• Kuhlwacnsap ac kunohkohn ke Alu fahkwack luhpan kihsackuhnlah. Leum elac fah ahkinsewowoye mempucrs ke elos kuhlwacnsap ac kihsac ke Alu Lal. Tuhsruhktuh, puhlan pacl ituckyang in kuhlwacnsap ke Alu uh tiac enenuh in eislah pacl luhn mempucr in ahkfahsrye ma kunaclos in lohm, orekma ac acn sahyac.