3.

3. Mme Ido-mbet Itie-oku

3.0

Ntɔŋɔ

Itie-oku edi unen ye odudu Abasi. Otode ke itie-oku, Ete Heaven anam utom Esie eke “edida uwem-unana-mkpa ye nsinsi uwem nsɔk owo” (Moses 1:39). Abasi ayak unen ye odudu ɔnɔ nditɔ iren ye iban Esie ke isɔŋ man enwam enam utom emi (se iduot Kiet).

3.2

Mme Edidiɔŋ eke Itie-oku

Otode ke ediomi ye mme edinam itie-oku, Abasi anam ikpɔ edidiɔŋ odu ɔnɔ ofuri nditɔ Esie. Mme edidiɔŋ emi esine:

• Baptism ye edidi-owo eke Ufɔk Abasi Jesus Christ Ndisana Owo Ekpere Edem Usen.

• Enɔ Edisana Spirit.

• Edidia udia-ɔbɔŋ.

• Unen ye odudu man anam-utom ke mme ikoot ye ubiɔŋ-utom ke Ufɔk Abasi.

• Edibɔ mme edidiɔŋ eke Patriarch ye mme edidiɔŋ itie-oku eke edibɔ-ukɔk, ndɔŋesit, ye ukpeme.

• Ediyɔhɔ ye odudu Abasi ke temple.

• Edidian fi enɔ owo ufɔkemana fo kiet ke nsinsi.

• Enwɔŋɔ eke nsinsi uwem.

3.3

Itie-oku Melchizedek ye Itie-oku Aaron

Ke Ufɔk Abasi, itie-oku enyene ndaha ba: Itie-oku Melchizedek ye Itie-oku Aaron (se Doctrine ye Covenants 107:1).

3.3.1.

Itie-oku Melchizedek

Itie-oku Melchizedek “edi Edisana Itie-oku, edide ke Ewuhɔ eke Eyen Abasi” (Doctrine ye Covenants 107:3). Edi odudu emi nditɔ iren ye iban Abasi ekeme edikabare ntie nte Enye(see Doctrine ye Covenants 84:19–21; 132:19–20).

Otode ke unen emi, mme adausuŋ ke Ufɔk Abasi ekama enyuŋ enam ofuri utom Abasi ke Ufɔk Abasi (se Doctrine ye Covenants 107:18).

Stake president edi etie-ibuot akwa oku ke stake (ee Doctrine ye Covenants 107:8, 10; se nko ibuot Itiokiet ke nwed ndutum emi). Bishop edi etie-ibuot akwa oku ke stake (ee Doctrine ye Covenants 107: 10; se ŋko ibuot Itiokiet ke ŋwed ndutum emi).

Ke oyomde etop kabaŋa mme itie-utom ye ubiɔŋ-utom eke Itie-oku Melchizedek, se 8:1.

3.3.2.

Itie-oku Aaron

Itie-oku Aaron edi “udiana ɔnɔ … Itie-oku Melchizedek (Doctrine ye Covenants 107:14). Oro esine mme ukpɔhɔde eke:

• Unwam eke mme angel.

• Ikɔ Abasi erikabare-esit.

• Edi-nam mme edinam ke anwa-anwa, esinede baptism man edahade-do ke mme idiɔkŋkpɔ.

(Se Doctrine ye Covenants 13:1; 84:26–27; 107:20.)

Bishop edi president eke Itie-oku Aaron ke ward (se Doctrine ye Covenants 107:15).

Ke oyomde etop kabaŋa mme itie-utom ye ubiɔŋ-utom eke Itie-oku Aaron, se 10.1.3.

3.4

Odudu-unen Itie-oku

Odudu-unen Itie-oku edi unyime man ada-ɔnɔ Abasi onyuŋ anam-ŋkpɔ ke enyiŋ Esie. Ke Ufɔk Abasi, ekama kpukpru odudu-unen itie-oku ke idak ndausuŋ eke mbon emi ekaamade mme ukpɔhɔde itie-oku.

3.4.1.

Mme Ukpɔhɔde Itie-oku

Mme Ukpɔhɔde itie-oku edi unen ndinɔ ndausuŋ ke nte edade itie-oku enam-nkpɔ ke ibuot nditɔ Abasi.

3.4.1.1

Mbon Emi Ekamade mme Ukpɔhɔde Itie-oku

Jehovah ama ɔnɔ mme Apostle Esie kiet-kiet ofuri ukpɔhɔde itie-oku emi ebehede obio-ubɔŋ Abasi ke isɔŋ. Mkpon-nkan odu-uwem Apostle, President eke Ufɔk Abasi, edi nkokure owo ke isɔŋ enyenede unen ke ndikama kpukpru mme ukpɔhɔde itie-oku oro (see Doctrine ye Covenants 81:1–2; 107:64–67, 91–92; 132:7).

Ke idak ndausuŋ eke President Ufɔk Abasi, enɔ mme adausuŋ itie-oku ukpɔhɔde man mmɔ ekeme editie-ibuot ke mme nde ibiiɔŋ-utom mmɔ. Mme adausuŋ emi esine:

• Mme president eke stake ye district.

• Mme bishop ye branch presdent.

• Mme president eke eboho Itie-oku Melchizedek ye eke Aaron.

• Mme Temple president.

• Mme mission president ye president eke missonary training center.

Mme adausuŋ emi ebɔ ukpɔhɔde itie-oku kini ekemekde mmɔ esio enɔ ikoot mmɔ.

Owo inɔhɔ mbon efen mme ukpɔhɔde itie-oku, edide mme ɔnɔitem eke mkpri adausuŋ itie-oku mme president eke mme nka ke Ufɔk Abasi. Mme president eke mme nka ke Ufɔk Abasi etie-ibuot ke idak ndausuŋ mbon ekamade mme ukpɔhɔde itie-oku (se 4.2.4).

3.4.1.2

Item enɔde ke utom Abasi

Mme adausuŋ itie-oku ekut ete ke enam utom erinyaŋa-ukpɔŋ ye edimenede ekure ke usuŋ emi ɔfɔnde (se Doctrine ye Covenants 42:11; 132:8). Mbon emi ekamade mme ukpɔhɔde itie-oku ese utom Abasi ke adaŋa ebiet ubiɔŋ-utom mmɔ. Anditie ibuot ɔsɔŋɔ kpɔt ɔnɔ asaŋa-asaŋa ubiɔŋ-utom eke ikoot adausuŋ oro. Ini emi eyakde mme adausuŋ itie-oku ke mme ikoot mmɔ, mmɔ ikamake mme ukpɔhɔde oro aba.

3.4.2.

Edinɔ Itie-oku ye Edimek nim

Ke idak ndausuŋ eke mbon emi ekamade mme ukpɔhɔde itie-oku, eyak Itie-oku Aaron ye Itie-oku Melchizedek enɔ iren mbon Ufɔk Abasi emi edotde (se Doctrine ye Covenants 84:14–17). Ke ema ekenɔ itie-oku emi ekemde, edimek owo oro esin ke itie-utom eke itie-oku oro, oruk nte deacon mme edlder. Akama itie-oku anam-utom itie-oku nte ekemde ke mme unen ye utom eke itie-utom oro (se Doctrine ye Covenants 107:99).

Ke oyomde etop kabaŋa edinɔ ye edimek nim eke itie-oku, se 8.1.1 ye 18.10.

3.4.3.

Ndɔŋutom eke Odudu-unen Itie-oku man Enam-utom ke Ufɔk Abasi

3.4.3.1

Edisio Mek-nim

Ini emi esiode irenowo ye iban emek-enim ke idak ndausuŋ eke mbon ekamade mme ukpɔhɔde itie-oku, enɔ mmɔ odudu otode Abasi ndinam ŋkpɔ ke ikoot oro. Ini emi eyakde mmɔ ke ikoot, mmɔ inyeneke unen ekesaŋade ye ikoot oro aba.

Enɔ kpukpru mbon Ufɔk Abasi emi esiode emek-enim man enam-utom edisana unen ye ubiɔŋ-utom ndinam ŋkpɔ ke mme ikoot mmɔ. Nte uwutnŋkpɔ:

• Enɔ ŋwan emi bishop okotde onyuŋ emekde-enim nte president eke Relief Society odudu-unen editeme utom eke Relief Society ke ward.

Kpukpru mbon emi ekotde enyuŋ emekde-enim enam-utom ke ndak ndausuŋ eke mbon emei eteiede-ibuot kotu mmɔ (se 3.4.1.2).

3.4.3.2

Udeme-utom

Mme etie-ibuot ke Ufɔk Abasi ekeme ediiyak unen ke edideme-utom. Ini emi irenowo ye iban ebɔde mme udeme-utom emi, enɔ mmɔ odudu-unen eketode Abasi man enam-nkpɔ. Nte uwutnŋkpɔ:

• First Presidency ye Eboho mme Apostle Duopeba eyak odudu-unen enɔ mbon Seventy emi edɔŋde ete ekara mme area enyuŋ etie=ibuot ke mme mbono eke stake.

• Eyak odudu-unen enɔ mbon Ufɔk Abasi man enam-ŋkpɔ nte ɔnɔ-unwam eyeneka eren ye ɔnɔ-unwam eyeneka ŋwan.

Odudu-unen emi eyakde-enɔ ke udeme-utom edi ekpri ɔnɔ mme nsio-nim ubiɔŋ-utom ye ndaha-ini eke udeme-utom oro.

3.4.4.

Edida Odudu-unen Itie-oku nam ŋkpɔ Nnen-nnen

Edikama odudu-unen emi kpɔt ke edinen-ido (se Doctrine ye Covenants 121:36). Ekama oro ke mkpa-ubɔk, anyan-ime, ifure-ifure ido, suŋ-suŋ ido, ima, ye mfɔnido (se Doctrine ye Covenants 121:41–42).

Mbon emi edade unen itie-oku enam-ŋkpɔ inyikke uduak mmɔ idori ke mbon efen. Mmɔ inamke oro inɔ uduak eke idem mmɔ.

3.5

Odudu Itie-oku

Odudu itie-oku edi odudu emi Abasi ɔdiɔŋde nditɔ Esie. Odudu itie-oku eke Abasi ɔfiɔrɔ ɔnɔ ofuri mbon Ufɔk—ŋwan ye eren—ke nte mmɔ enimde ediomi emi mmɔ ekanamde ye Enye. Mbon ufɔk Abasienam mme ediomi emi ke nte mmɔ ebɔde mme edinam itie-oku. (Se Doctrine ye Covenants 84:19–20.)

Mme edidiɔŋ eke odudu itie-oku emi mbon ufɔk Abasi ekemede edibɔ esine:

• Ndausuŋ enɔ uwem mmɔ.

• Ifiɔk-spirit man ediɔŋɔ nte ekpenamde ŋkpɔ enɔ mbon ufɔkemana ye mbon efen.

• Ɔsɔŋɔ ke ediyɔ nyuŋ nkam mme afanikɔŋ.

• Mme enɔ eke Spirit man enehede anam ukeme mmɔ.

• Eriyayare man ɔdiɔŋɔ nte ekpenmade utom emi ekemekde, esiode-enim, mme edɔŋde ete mmɔ enam ekure.

• Unwam ye ɔsɔŋɔ man enehede akabare etie nte Jesus Christ ye Ete Heaven.

3.5.1.

Ediomi

Ediomi edi nsasana enwɔŋɔ enamde ke ufɔt Abasi ye nditɔ Esie. Abasi ɔnɔ mme ndaha kabaŋa ediomo, ndien nditɔ Esie enyime edinim mme ndaha oro. Abasi ɔŋwɔŋɔ ndidiɔŋ ndito Esie ke nte mmɔ enamde ediomo oro ekure.

Kpukpru mbon emi eyɔde esim utit ke edinim mme ediomi mmɔ eyebɔ nsinsi uwem (se 2 Nephi 31:17–20; Doctrine ye Covenants 14:7).

Mme ete ye eka, adausuŋ ke Ufɔk Abasi, ye mbon efen enwam mme owo ke edibeŋe idem man enam ediomi ke nte mmɔ ebɔde mme edinam ikɔ Abasi. Mmɔ ekut ete ke owo oro ɔfiɔk ediomi oemi enye edinamde. Ke owo ama akanam ediomi okure, mmɔ enwam enye ke edinim ediomo oro. (Se Mosiah 18:8–11, 23–26.)

3.5.2.

Mme Edinam Ikɔ Abasi

Edinam edi nsasana utom enamde ke odudu-unen eke itie-oku.

Ke mme ediwak edinam, mme owo enam ediomi ye Abasi. Mme uwutŋkpɔ esine bpatism, udia-ɔbɔŋ, endowment, ye edinam edidian ndɔ.

Mme edinam erinyaŋa-ukpɔŋ ye edimenede edi ata akpan-ŋkpɔ ɔnɔ nsinsi uwem. Ke oyomde ediwak etop, seke 18.1.

3.6

Itie-oku ye Ufɔkiduŋ

Kpukpru mbon Ufɔk Abasiemi enimde ediomi mmɔ—iban, irenowo, ye nditɔ-ɔwɔŋ—ebɔ edidiɔŋ odudu itie-oku eke Abasi ke ufɔkiduŋ mmɔ man ɔsɔŋɔ mmɔ idem ye ke ufɔkemana mmɔ (se 3.5). Odudu emi eyenwam mbon ufɔk Abasi ke ndinam utom Abasi eke erinyaŋa-ukpɔŋ ye edimenede ke uwem ye ke ufɔkemana mmɔ (se 2.2).

Irenowo emi ekamade Itie-oku Melchizedek ekeme edinɔ mbon ufɔkemana edidiɔŋ itie-oku man ɔnɔ ndausuŋ, ɔkɔk-udɔŋɔ, onyuŋ ɔdɔŋesit. Kini eyomde, mbon Ufɔk Abasi ŋko ekeme ediyom mme edidiɔŋ emi nto mbon ufɔkemana, mme ɔnɔ-unwam nditɔ-eka irenowo, mme mkpri mme adausuɔŋ eke ufɔk Abasi.