6.

Panangidaulo iti Stake

6.1

Dagiti Panggep ti Stake

Inladawan ni Isaias ti Sion [Zion] iti ud-udina nga aldaw kas maysa a tolda wenno tabernakulo a pinatibker dagiti pasok (kitaen iti Isaias 33:20; 54:2).

Mangipasdek ti Apo kadagiti stake para iti “panaguummong a sangsangkamaysa” dagiti taona ken “agbalin a salakan, ken pagkamangan” manipud iti lubong (Doktrina ken Katulagan 115:6).

6.2

Panguluen ti Stake

Iggem ti stake president dagiti tulbek ti priesthood tapno mangidaulo iti aramid ti Simbaan iti stake (kitaen iti 3.4.1). Isu ken dagiti mamagbagana ti mangbukel iti panguluen ti stake. Aywananda dagiti miembro ti stake nga addaan iti ayat, a mangtultulong kadakuada nga agbalin a pudno a pasurot ni Jesucristo.

Addaan ti stake president iti uppat a kangrunaan a pagrebbengan:

1. Isu ti mangimatmaton a high priest iti stake.

2. Isu ti mangiturong iti aramid ti pannakaisalakan ken pannakaitan-ok iti stake.

3. Isu ti sapasap nga ukom.

4. Isu ti mangkita kadagiti rekord, pakaseknan iti kuarta, ken sanikua.

6.3

Dagiti Pagdudumaan ti Turay dagiti District President ken dagiti Stake President

Iti distrito ti tunggal miembro, maawagan ti maysa a Melchizedek Priesthood holder kas district president. Agserbi isuna a kas met laeng iti stake president ngem addaan kadagiti sumaganad a pagdumaan:

• Saan nga isu ti presidente ti korum dagiti high priest. Nabukel laeng kadagiti stake dagiti kasta a korum.

• Babaen ti pananganamong ti mission president, mabalin nga interbyuen ti district president ti maysa a kabsat a lalaki tapno maordenan nga elder. Ti district president wenno maysa a tao babaen ti direksionna mabalinna pay ti (1) mangidatag iti maysa a kabsat a lalaki a makanunongan ken (2) mangannong iti panangorden (kitaen iti 18.10.1.3, 18.10.3, ken 18.10.4). Nupay kasta, saan a mabalin ti district president ti mangorden kadagiti patriarch, high priest, wenno bishop.

• Babaen ti pananganamong ti mission president, mabalin ti district president ti mang-set apart kadagiti branch president (kitaen iti 18.11).

• Saanna nga i-release dagiti full-time a misionario.

• Saan a mangiturong kadagiti interbyu iti temple recommend wenno mangpirma kadagiti temple recommend (kitaen iti 26.3.1).

• Saan a mangawag iti konseho ti kinamiembro malaksid no pinusgan ti mission president.

6.5

Nangato a Konseho

Mangawag ti panguluen ti stake iti 12 a high priest tapno mangbukel iti nangato a konseho iti stake (kitaen iti Doktrina ken Katulagan 102:1; 124:131).

6.5.1

Ibagi ti Panguluen ti Stake

Mangpusgan ti panguluen ti stake iti maysa a nangato a konsehal iti tunggal ward iti stake.

Mangpusgan pay ti panguluen ti stake iti maysa a nangato a konsehal iti tunggal korum dagiti elder iti stake.

Mabalin pay a mangpusgan ti panguluen ti stake kadagiti nangato a konsehal a mangisuro iti sumaganad a tattao kadagiti pagrebbenganda para iti aramid iti templo ken family history ken aramid ti misionario:

• Dagiti panguluen ti korum dagiti elder

• Dagiti lider iti mision iti ward

• Dagiti lider iti templo ken family history iti ward

6.7

Dagiti Organisasion ti Stake

Dagiti organisasion ti Relief Society, Young Women, Primary, Sunday School, ken Young Men iti stake ket saggaysa nga idauluan ti maysa a presidente. Agserbi dagitoy a presidente babaen ti direksion ti panguluen ti stake.

Dagiti kangrunaan a pagrebbengan dagitoy a lider ket mangtulong iti panguluen ti stake ken mangisuro ken mangsuporta kadagiti panguluen ti organisasion iti ward.

6.7.1

Dagiti Pangulen ti Relief Society, Young Women, Primary, ken Sunday School iti Stake

Addaan dagitoy a panguluen kadagiti sumaganad a pagrebbengan:

• Agserbi iti konseho ti stake (dagiti presidente laeng).

• Mang-orient kadagiti kaaw-awag a panguluen ti organisasion iti ward.

• Mangidiaya iti agtultuloy a suporta ken instruksion. Masansan a makisarita kadagiti panguluen ti organisasion iti ward tapno maammuan dagiti kasapulanda, mapagsasaritaan dagiti kasapulan dagiti miembro a pagserbianda, ken maibaga ti impormasion manipud iti panguluen ti stake.

• Mangisuro kadagiti panguluen ti organisasion ti ward bayat dagiti miting ti panangidaulo ti stake (kitaen iti 29.3.4).

6.7.2

Panguluen ti Young Men iti Stake

Addaan ti panguluen ti Young Men iti stake kadagiti sumaganad a pagrebbengan:

• Agserbi a resource kadagiti bishopric iti pagrebbenganda para kadagiti kakabsat nga Aaronic Priesthood.

• Agserbi iti komite iti panangidaulo dagiti agtutubo iti stake (kitaen iti 29.3.10).

• Iti babaen ti panangiturong ti panguluen ti stake, mangplano ken mangitunos kadagiti aktibidad ken panagkamping ti Aaronic Priesthood iti stake.