6.

Kairiiri n te Titeiki

6.1

Te Kantaninga ibukin te Titeiki

Itaia e kabwarabwaraa Tion ni boong aika kaitira bwa te ooning ke te tabanaeko ae kamatoaaki man titeiki (taraa Itaia 33:20; 54:2).

Te Uea e katei titeiki ibukin “ikotakin ni kabane” Ana aomata ao “ibukin te otanga ao … te kamanomano” man te aonaaba (Reirei ao Berita aika Tabu 115:6

6.2

Beretitentii n te Titeiki

Te beretitenti n te titeiki e taui kiingin te nakoanibonga ni kaira ana mwakuri te Ekaretia inanon te titeiki (taraa 3.4.1). Ngaia ma ana kauntira a katea te beretitentii n te titeiki. A tabe ibukiia kaain te titeiki ma te tangira, ni buokiia bwa a na riki bwa taan iriira Iesu Kristo ni koaua.

Te beretitenti n te titeiki iai aua oin tabena n reirei aikai:

1. Ngaia bon te tia tararua n ibonga ae rietata n te titeiki.

2. E kairi Ana mwakuri te Atua ibukin te kamaiuaki ao te karietataaki n te titeiki.

3. Ngaia te tia moti ni kabuta.

4. E tararuai rekooti, taekan te mwane, ao bwaai.

6.3

Kaokoro imarenan aia Kariaia Beretitenti n te Mwakoro ao Ma Beretitenti n te Titeiki

N aia mwakoro membwa n tatabeua nako, te aomata are iai irouna te Nakoanibonga ae te Merekitereka e na weteaki bwa te beretitenti n te mwakoro. E beku riki kanga n aron te beretitenti n te titeiki ma kaokorona aikai:

• Te beretitenti n te mwakoro tiaki ngaia te beretitenti n te kooram n ibonga ae rietaata. A baireaki kooram aikanne ti inanon taian titeiki.

• Man ana kariaia te beretitenti n te mition, te beretitenti n mwakoro e kona n intawiuna te tari ni katabuaki bwa te unimwaane. Te beretitenti n te mwakoro ke temanna iaan ana kairiiri e kona naba (1) ni kaota te tari ibukin kamatoaana ao (2) ni karaoa te katabu (taraa 18.10.1.3, 18.10.3, ao 18.10.4). Ma, te beretitenti n te mwakoro e aki kona ni katabua te tamanuea, ibonga aika rietaata, ke bitiobi.

• Man ana kariaia te beretitenti n te mition, te beretitenti n te mwakoro e kona ni karaoa te kaokoroaki ibukin te beretitenti n te mwaanga (taraa 18.11

• E aki kamotirawaia mitinare aika bwanin aia tai.

• Te beretitenti n te mwakoro e aki karaoi intawiu ibukin beeba ni kariaia nakon te tembora ke n tiainai beeba ni kariaia nakon te tembora (taraa 26.3.1

• E aki tewea te membwatibu kauntira ma ti ngkana e kariaiakaki iroun te beretitenti n te mition.

6.5

Te Kauntira Ae Rietaata

Te titeiki beretitentii e weteia 12 ibonga aika rietaata ni kaaina te kauntira ae rietaata n te titeiki (taraa Reirei ao Berita aika Tabu 102:1; 124:131).

6.5.1

Onean Mwiin te Titeiki Beretitentii

Te beretitentii n te titeiki e mwiokoa temanna te kauntira ae rietaata nakon uoote n tatabeua nako inanon te titeiki.

Te beretitentii n te titeiki e katabea naba te kauntira ae rietaata irouia kaain te kooram n unimwaane n tatabeua nako inanon te titeiki.

Te beretitenti n te titeiki a kona n angan te kauntira ae rietaata bwa e na tuangiia aomata aikai aia mwakuri ibukin te tembora ao rongorongon te utu ao te mwakuri ni mitinare:

• Beretitentii n aia kooram unimwaane

• Taan kairiiri n te mition n te uoote

• Taan kairiiri ibukin te uoote n te tembora ao rongorongon te utu

6.7

Bootaki n te Titeiki

Bootaki n Aine, Ataeinnaine, Moanrinan, Reirei n Tabati, ao Ataeinimwaane n te titeiki a bane ni kairaki iroun te beretitenti. Beretitenti aikai a beku iaan ana kairiiri te beretitentii n te titeiki.

Oin raoi tabeia taan kairiiri aikai bwa a na buoka te beretitenti n te titeiki ao n reireina ao ni boutokaia beretitentii ni bootakin te uoote.

6.7.1

Beretitentii n te Bootaki n Aine, Ataeinnaine, Moanrinan, ao Reirei n Taabati n te Titeiki

Kaain te beretitentii aikai iai tabeia n aron aikai:

• Beku n ana kauntira te titeiki (ti beretitenti).

• A butimwaia beretitentii n ni botakin te uoote aika tibwa weteaki.

• Imwiin boutoka ao reirei aika reitinako. Reitaki ma beretitentii ni bootakin te uoote n taainako n atai kainanoia, ni maroroakina kainanoia membwa ake a beku ibukiia, ao n taekin rongorongo man te beretitenti n te titeiki.

• Reireiniia kaain te beretitentii ni botakin te uoote n tain aia bowi taan kairiiri n te titeiki (taraa 29.3.4

6.7.2

Te Beretitentii n te Bootaki n Ataeinimwaane n te Titeiki

Te beretitenti irouia ataeinimwaane n te titeiki iai tabena n aron aikai:

• Ibuobuoki nakon te bitiobiriki n aia mwakuri ibukiia taari n te Nakoanibonga ae te Aaron.

• E beku n aia komete ni kairiiri kairake n te titeiki (taraa 29.3.10

• Iaan a na kaetieti te beretitentii n te titeiki, bairei ao barongai a na waaki ni kakukurei ao a na kaembwa te Nakoanibonga ae te Aaron n te titeiki.