6.

Lidèchip Pieu

6.1

Objekti yon Pieu

Ezayi te dekri Siyon dènye jou a kòm yon tant oswa yon tabènak ki sekirize pa poto (gade Ezayi 33:20; 54:2).

Senyè a etabli pieu pou “rasanbleman ansanm” pèp Li a ak “pou yon defans, epi kòm … yon refij” kont mond lan (Doktrin ak Alyans 115:6).

6.2

Prezidan Pieu

Prezidan pieu a detni kle prètriz pou dirije travay Legliz la nan pieu a (gade 3.4.1). Limenm ak konseye l yo fòme yon prezidans pieu. Yo pran swen manm pieu yo avèk lanmou, pou ede yo vin vrè disip Jezikri.

Prezidan pieu a gen kat responsablite prensipal:

1. Li se gran prèt prezidan nan pieu a.

2. Li dirije travay sali ak egzaltasyon an nan pieu a.

3. Li se jij an Izrayèl.

4. Li sipèvize rejis yo, finans, ak pwopriyete yo.

6.3

Diferans ki genyen ant Otorite Prezidan Distri yo ak Otorite Prezidan Pieu yo

Nan chak distri, yo aple yon detantè Prètriz Mèlkisedèk kòm prezidan distri a. Li sèvi prèske tankou yon prezidan pieu men avèk diferans sa yo:

• Li pa prezidan yon kowòm gran prèt. Kowòm sa yo òganize nan pieu sèlman.

• Avèk apwobasyon prezidan misyon an, yon prezidan distri ka entèvyouve yon frè pou l òdone kòm yon ansyen. Yon prezidan distri oswa yon moun ki sou direksyon li kapab (1) prezante yon frè pou soutyen ak (2) fè òdinasyon an tou (gade 18.10.1.3, 18.10.3, ak 18.10.4). Sepandan, yon prezidan distri pa ka òdone patriyach, gran prèt, oswa evèk.

• Avèk apwobasyon prezidan misyon an, yon prezidan distri ka mete prezidan branch apa (gade 18.11).

• Li pa ka relve misyonè aplentan.

• Li pa ka fè entèvyou rekòmandasyon tanp oswa siyen rekòmandasyon tanp (gade 26.3.1).

• Li pa ka konvoke yon konsèy pou manm sof si prezidan misyon an otorize li.

6.5

Gran konsèy

Prezidans pieu a aple 12 gran prèt pou fòme gran konsèy pieu a (gade Doktrin ak Alyans 102:1; 124:131).

6.5.1

Reprezante Prezidans Pieu a

Prezidans pieu asiyen yon manm gran konsèy pou chak pawas nan pieu a.

Prezidans pieu a asiyen yon manm gran konseye pou chak kowòm ansyen nan pieu a tou.

Prezidans pieu a ka asiyen kèk manm gran konsèy pou enstwi moun sa yo nan responsablite yo pou travay tanp ak travay istwa familyal ak travay misyonè tou:

• Prezidans kowòm ansyen yo

• Lidè misyon pawas yo

• LIdè travay tanp ak istwa familyal pawas

6.7

Òganizasyon Pieu yo

Chak òganizasyon Sosyete Sekou, Jènfi, Primè, Lekòldidimanch, ak Jènjan nan Pieu yo dirije pa yon prezidan. Prezidan sa yo sèvi sou direksyon prezidans pieu a.

Responsablite prensipal dirijan sa yo se pou pote asistans bay prezidans pieu a epi pou enstwi ak sipòte prezidans òganizasyon pawas yo.

6.7.1

Prezidans Sosyete Sekou, Jènfi, Primè ak Lekòldidimanch Pieu

Manm prezidans sa yo gen responsablite sa yo:

• Sèvi nan konsèy pieu a (prezidan sèlman).

• Oryante nouvo prezidans òganizasyon ki fèk aple nan pawas yo.

• Ofri sipò ak enstriksyon kontinyèl. Kominike avèk prezidans òganizasyon pawas yo regilyèman pou aprann bezwen yo, diskite sou bezwen manm y ap sèvi yo, epi kominike enfòmasyon ki soti nan prezidans pieu a.

• Enstwi prezidans òganizasyon pawas yo pandan reyinyon lidèchip pieu yo (gade 29.3.4).

6.7.2

Prezidans Jènjan Pieu

Prezidans Jènjan Pieu a gen responsablite sa yo:

• Li sèvi kòm yon resous pou episkopa yo nan responsablite yo pou frè Prètriz Aawon yo.

• Li sèvi nan komite lidèchip jèn yo nan pieu a (gade 29.3.10).

• Sou direksyon prezidans pieu a, li planifye ak kowòdone aktivite ak kan Prètriz Aawon yo.