«6. Ցցի ղեկավարություն», Ընտրված հատվածներ Ընդհանուր ձեռնարկից (2023)։
«6. Ցցի ղեկավարություն» Ընտրված հատվածներ Ընդհանուր ձեռնարկից։
6.
Ցցի ղեկավարություն
6.1
Ցցի նպատակները
Եսայիան նկարագրեց վերջին օրերի Սիոնը որպես վրան կամ խորան, որն ամրացված էր ցցերով (տես Եսայիա 33.20, 54.2):
Տերը ցցեր է հաստատում Իր ժողովրդի «միասին հավաքվելու» և աշխարհից «պաշտպանության և … ապաստանի համար» (Վարդապետություն և Ուխտեր 115.6):
6.2
Ցցի նախագահությունը
Ցցի նախագահը կրում է քահանայության բանալիները ցցում Եկեղեցու աշխատանքը ղեկավարելու համար (տես 3.4.1): Նա և իր խորհրդականները կազմում են ցցի նախագահություն: Նրանք սիրով հոգ են տանում ցցի անդամների մասին՝ օգնելով նրանց դառնալ Հիսուս Քրիստոսի ճշմարիտ հետևորդները:
Ցցի նախագահն ունի չորս հիմնական պարտականություն.
-
Նա ցցի նախագահող քահանայապետն է:
-
Նա ղեկավարում է փրկության և վեհացման աշխատանքը ցցում:
-
Նա ընդհանուր դատավոր է։
-
Նա վերահսկում է գրանցումները, ֆինանսները և գույքը:
6.3
Տարբերությունները շրջանների նախագահների և ցցերի նախագահների լիազորությունների միջև
Յուրաքանչյուր շրջանում Մելքիսեդեկյան քահանայություն որևէ կրող կանչվում է որպես շրջանի նախագահ: Նա ծառայում է ցցի նախագահի նման, բայց հետևյալ տարբերություններով.
-
Նա քահանայապետների քվորումի նախագահը չէ: Նման քվորումները կազմակերպվում են միայն ցցերում:
-
Միսիայի նախագահի թույլտվությամբ շրջանի նախագահը կարող է հարցազրույց վերցնել եղբորից՝ երեց կարգվելու համար: Շրջանի նախագահը կամ նրա ղեկավարության տակ գտնվող որևէ մեկը կարող է նաև 1) հաստատման ներկայացնել որևէ եղբոր և 2) կատարել կարգում (տես 18.10.1.3, 18.10.3, և 18.10.4): Այնուամենայնիվ, շրջանի նախագահը չի կարող հայրապետեր, քահանայապետներ կամ եպիսկոպոսներ կարգել:
-
Միսիայի նախագահի թույլտվությամբ շրջանի նախագահը կարող է ի սպաս դնել ճյուղերի նախագահներին (տես 18.11):
-
Նա չի ազատում լիաժամկետ միսիոներներին։
-
Նա չի անցկացնում տաճարային երաշխավորագրերի հարցազրույցներ և չի ստորագրում տաճարային երաշխավորագրեր (տես 26.3.1):
-
Նա անդամության խորհուրդ չի հրավիրում, եթե լիազորված չէ միսիայի նախագահի կողմից:
6.5
Բարձրագույն խորհուրդ
Ցցի նախագահությունը կանչում է 12 քահանայապետների՝ ձևավորելու ցցի բարձրագույն խորհուրդը (տես Վարդապետություն և Ուխտեր 102.1, 124.131):
6.5.1
Ներկայացնել ցցի նախագահությանը
Ցցի նախագահությունը բարձրագույն խորհրդական է նշանակում ցցի յուրաքանչյուր ծխի համար:
Ցցի նախագահությունը նաև բարձրագույն խորհրդական է նշանակում ցցի յուրաքանչյուր Երեցների քվորումի համար:
Ցցի նախագահությունը կարող է հանձնարարել բարձրագույն խորհրդականներին հետևյալ մարդկանց հրահանգել տաճարային և ընտանեկան պատմության աշխատանքի և միսիոներական աշխատանքի համար իրենց պարտականությունների վերաբերյալ.
-
Երեցների քվորումի նախագահություններ
-
Ծխի միսիայի ղեկավարներ
-
Ծխի տաճարային և ընտանեկան պատմության ղեկավարներ
6.7
Ցցերի կազմակերպությունները
Ցցի Սփոփող միության, Երիտասարդ կանանց, Երեխաների միության, Կիրակնօրյա դպրոցի և Երիտասարդ տղամարդկանց կազմակերպություններից յուրաքանչյուրը ղեկավարվում է իր նախագահի կողմից: Այս նախագահները ծառայում են ցցի նախագահության ղեկավարության ներքո:
Այս ղեկավարների հիմնական պարտականություններն են՝ օգնել ցցի նախագահությանը և հրահանգել ու աջակցել ծխերի կազմակերպությունների նախագահություններին:
6.7.1
Ցցի Սփոփող միության, Երիտասարդ կանանց և Երեխաների միության և Կիրակնօրյա դպրոցի նախագահությունները
Այս նախագահությունների անդամներն ունեն հետևյալ պարտականությունները.
-
Ծառայում են ցցի խորհրդում (միայն նախագահները):
-
Կողմնորոշում են նոր կանչված ծխերի կազմակերպությունների նախագահություններին:
-
Առաջարկում են շարունակական աջակցություն և հրահանգներ: Պարբերաբար շփվում են ծխերի կազմակերպությունների նախագահությունների հետ՝ իմանալու նրանց կարիքների մասին, քննարկելու այն անդամների կարիքները, որոնց նրանք ծառայում են, և ցցի նախագահությունից տեղեկություններ հաղորդելու համար:
-
Հրահանգում են ծխերի կազմակերպությունների նախագահություններին ցցի ղեկավարների ժողովների ժամանակ (տես 29.3.4):
6.7.2
Ցցի Երիտասարդ տղամարդկանց նախագահություն
Ցցի Երիտասարդ տղամարդկանց նախագահությունն ունի հետևյալ պարտականությունները․
-
Որպես տեղեկատվական աղբյուր է ծառայում եպիսկոպոսություններին՝ Ահարոնյան քահանայության եղբայրների համար իրենց պարտականություններում:
-
Ծառայում է ցցի երիտասարդների ղեկավարների հանձնախմբում (տես 29.3.10):
-
Ցցի նախագահության ղեկավարության ներքո պլանավորում և համակարգում է ցցի Ահարոնյան քահանայության միջոցառումներն ու ճամբարները: