6.

Bulombodi bua Dikunji

6.1

Tuipatshila tua Dikunji

Yeshaya wakumvuija Siona wa matuku a ndekelu bu ntenta anyi tshitanda tshibukibua kudi makunji (tangila Yeshaya 33:20; 54:2).

Mukalenga mmuibaka makunji bua “disangisha pamua” dia bantu benda bua kudilama ne bua bukubi kumpala kua malu a pa buloba (Dilongesha ne Bipungidi 115:6).

6.2

Bulombodi Bukulu bua Dikunji

Mulombodi mukulu wa dikunji udi ne nsapi ya buakuidi bua kulombola mudimu wa Ekelezia mu dikunji (tangila 3.4.1). Yeya ne babedi benda badi benza bulombodi bukulu bua dikunji. Badi balama bidimba bia dikunji mu dinanga, mu dibambuluisha bua kulua balondi balelela ba Yezu Kilisto.

Mulombodi mukulu wa dikunji udi ne majitu manena anayi:

1. Udi muakuidi munena udi ku mutu mu dikunji.

2. Udi ulombola mudimu wa lupandu ne dizanjikibua mu dikunji.

3. Udi mulumbuluishi wa bantu.

4. Udi utangila malu a miandiku, mpetu, ne bintu.

6.3

Dishilangana pankatshi pa Bukôkeshi bua Balombodi Bakulu ba Distrika ne bua Balombodi Bakulu ba Dikunji

Mu distrika dia tshidimba tshionsu, muntu udi ne Buakuidi bua Melekisedeke udi ubikidibua bu mulombodi mukulu wa distika. Udi usadila bu mudi mulombodi mukulu wa dikunji, kadi ne mashilangana â:

• Kena mulombodi mukulu wa mpuilu wa bakuidi banena to. Mpuilu ya nanku idi ilongolodibua anu mu makunji.

• Ku dianyisha dia mulombodi mukulu wa bukenji, mulombodi mukulu wa distrika udi mua kuenza muyuki ne muntu muluma bua kujidibua mukulu. Mulombodi mukulu wa distrika anyi ku bulombodi buenda, udi mua (1) kuleja muntu muluma bua kutuibua mpanda ne (2) kukumbaja dijidila (tangila 18.10.1.3, 18.10.3, ne 18.10.4). Kadi, mulombodi mukulu wa distrika kena mua kujidila bankambua bakulu, bakuidi banena, anyi bepiskopo to.

• Ne dianyisha dia mulombodi mukulu wa dikunji, mulombodi mukulu wa distrika udi mua kuteka pa muaba balombodi bakulu ba matamba (tangila 18.11).

• Kena mua kujula bena bukenji ba diba dionsu to.

• Kena mua kuenza miyuki ya kufila dianyisha dia kubuela mu ntempelo anyi kutua tshiala ku manyisha a kubuela ku ntempelo to (tangila 26.3.1).

• Kena mua kuteka tshipangu tshia buikadi bua tshidimba padiye kayi ne dianyisha dia mulombodi mukulu wa bukenji.

6.5

Tshipangu Tshinena

Bulombodi bukulu bua dikunji budi bubikila bakuidi banena 12 bua kuenza tshipangu tshinena tshia dikunji (tangila Dilongesha ne Bipungidi 102:1; 124:131).

6.5.1

Kuimanyina Bulombodi Bukulu bua Dikunji

Bulombodi bukulu bua dikunji budi butuma tshidimba tshia mu tshipangu tshinena mu tshikongu tshionsu mu dikunji.

Bulombodi bukulu bua dikunji budi kabidi butuma tshidimba tshia mu tshipangu tshinena mu mpuilu wa bakulu yonsu mu dikunji.

Bulombodi bukulu bua dikunji budi mua kutuma bidimba bia mu tshipangu tshinena bua kulongesha bantu badi balonda aba mu majitu abu bua mudimu wa muyuki wa ntempelo ne dîku ne mudimu wa bukenji:

• Bulombodi bukulu bua mpuilu wa bakulu

• Balombodi ba bukenji mu tshikongu

• Balombodi ba muyuki wa ntempelo ne dîku mu tshikongu

6.7

Ndongoluelu ya Dikunji

Ndongoluelu ya mu dikunji ya Nsangilu wa Diambuluisha, Bansongakaji, Tshilongelu tshia Mbedi, Tshilongelu tshia Dialumingu, ne Bansongaluma idi yonsu ilombodibua kudi mulombodi mukulu. Balombodi bakulu aba badi basadila ku bulombodi bua bulombodi bukulu bua dikunji.

Majitu manena a balombodi aba nga kuambuluisha bulombodi bukulu bua dikunji ne bua kulongesha ne kutua mpanda malombodi makulu a bikongu.

6.7.1

Bulombodi Bukulu bua Dikunji bua Nsangilu wa Diambuluisha, bua Bansongakaji, bua Tshilongelu tshia Mbedi, ne bua Tshilongelu tshia Dialumingu

Bidimba bia malombodi makulu â bidi ne majitu adi alonda:

• Kusadila mu tshipangu tshia dikunji (anu balombodi bakulu).

• Kuludika balombodi bakulu bapia-bapia badi babikidibua mu bikongu.

• Kufila diambuluisha ne malongesha bitungunuka. Kuyukila ne malombodi makulu a ndongoluelu ya bikongu misangu yonsu bua kumanya majinga abu, Kulejangana majinga a bantu badibu basadila, ne kufikisha mamanyisha a kudi bulombodi bukulu bua dikunji.

• Kulongesha bulombodi bukulu bua ndongoluelu ya tshikongu mu bisangilu bia bulombodi bua dikunji (tangila 29.3.4).

6.7.2

Bulombodi Bukulu bua Bansongaluma bua Dikunji

Bulombodi bukulu bua Bansongaluma bua dikunji budi ne majitu adi alonda â:

• Kusadila bu diambuluisha kudi buepiskopo mu majitu abu a badi ne Buakuidi bua Alona.

• Kusadila mu nsangilu wa bulombodi bua bansonga bua dikunji (tangila 29.3.10).

• Ku bulombodi bua bulombodi bukulu bua dikunji, budi bulongolola ne buakaja pamua bibilu ne bitangu bia Buakuidi bua Alona.