Episkopa a

7.1

Evèk la ak konseye Li yo

Evèk la detni kle prètriz pou dirije travay Legliz la nan pawas la (gade 3.4.1). Limenm ak konseye l yo fòme yon episkopa.

Evèk la gen senk responsablite prensipal:

Li se gran prèt prezidan nan pawas la.
Li se prezidan Prètriz Aawon an.
Li se jij an Izrayèl.
Li kowòdone travay sali ak egzaltasyon an, ki enkli pran swen moun ki nan nesesite yo.
Epi li sipèvize rejis, finans, ak itilizasyon chapèl la.

Pi gwo responsablite evèk la se anvè jenerasyon k ap grandi a nan pawas la (timoun yo, jèn yo, ak jèn adilt sèl yo). Pou pèmèt li konsantre sou responsablite sa a, li delege anpil tach (gade 4.2.5).

7.1.1

Gran Prèt Prezidan

Evèk la se lidè espirityèl prensipal pawas la.

7.1.1.1

Òganizasyon Pawas ak Kowòm Prètriz yo

Evèk la gen responsablite pou òganizasyon Sosyete Sekou ak Jènfi pawas la. Li bay konseye l yo responsablite pou òganizasyon Lekòldidimanch ak Primè ak lòt pwogram pawas la genyen yo.

Responsablite evèk la pou kowòm Prètriz Aawon yo dekri nan 7.1.2. Responsablite li pou kowòm ansyen yo dekri nan 8.3.1.

7.1.1.2

Òdonans ak Benediksyon

Evèk la dirije administrasyon òdonans ak benediksyon sa yo nan pawas la:

Sentsèn nan
Bay timoun non ak benediksyon
Batèm ak konfimasyon timoun ki gen laj 8 tan (pou konvèti yo, gade 31.2.3.2)
Konfere Prètriz Aawon ak òdinasyon nan ofis dyak, enstriktè, ak prèt

7.1.1.3

Konsèy ak Reyinyon

Evèk la dirije konsèy pawas la ak konsèy jèn pawas la (gade 29.2.5 ak 29.2.6).

Episkopa a planifye reyinyon sentsèn yo ak lòt reyinyon pawas ki nan lis nan chapit 29 la.

7.1.1.4

Apèl ak Relèv

Responsablite evèk la pou apèl ak relèv yo dekri nan chapit 30.

7.1.2

Prezidan Prètriz Aawon an

Evèk la gen responsablite sa yo kòm prezidan Prètriz Aawon an nan pawas la. Konseye l yo ede li.

Sipòte paran yo nan anseye jèn yo.
Sipèvize kowòm Prètriz Aawon yo ak Klas Jènfi yo. Evèk la se prezidan kowòm prèt yo (gade Doktrin ak Alyans 107:87–88). Premye konseye l la gen responsablite pou kowòm enstriktè yo. Dezyèm konseye l la gen responsablite pou kowòm dyak yo.
Reyini an konsèy avèk prezidant Jènfi pawas la.
Rankontre regilyèman avèk chak jèn.

7.1.3

Jij Òdinè

Evèk la se jij òdinè nan pawas la (gade Doktrin ak Alyans 107:71–74). Li gen responsablite sa yo:

Ede jèn yo ak adilt yo kalifye epi rete diy pou yon rekòmandasyon tanp.
Fè entèvyou jan sa endike nan 31.2.
Rankontre avèk manm pawas k ap chèche direksyon espirityèl, ki gen gwo pwoblèm pèsonèl, oswa ki te komèt peche grav, ede yo konte sou pouvwa gerizon Jezikri a.
Sou direksyon prezidan pieu a, reyini konsèy pou manm jan sa nesesè. Pou direksyon, gade chapit 32.

7.1.4

Kowòdone Travay Sali ak Egzaltasyon an

Evèk la kowòdone travay sali ak egzaltasyon an nan pawas la (gade chapit 1). Konseye l yo ak lòt dirijan pawas yo ede li.

7.1.4.1

Dirije Efò pou Pran swen Moun ki gen Bezwen Tanporèl yo

Pou plis enfòmasyon sou kijan evèk la pran swen moun ki nan bezwen, gade 22.6.1.

7.1.5

Rejis, Finans, ak Chapèl la

Pou enfòmasyon sou rejis yo, gade chapit 33. Pou enfòmasyon sou finans, enkli dim, gade chapit 34. Pou enfòmasyon sou chapèl yo gade chapit 35.

7.3

Sekretè Egzekitif Pawas ak Asistan Sekretè Egzekitif Pawas

Evèk la rekòmande yon detantè Prètriz Mèlkisedèk pou sèvi kòm sekretè egzekitif pawas la.

Li gen responsablite sa yo:

Rankontre avèk episkopa a epi prepare ajanda selon jan yo asiyen.
Sèvi kòm manm konsèy pawas la epi asiste reyinyon konsèy pawas yo.
Pran randevou pou evèk la.

7.4

Grefye Pawas ak Asistan Grefye Pawas

Responsablite grefye pawas la ak asistan grefye pawas yo dekri nan 33.4.2.