7.

Bisoprik

7.1

Bisop mo Ol Kaonsela blong Hem

Bisop nao i holem ol prishud ki blong lidim wok blong Jos insaed long wod (luk long 3.4.1) Hem, wetem tufala kaonsela blong hem, oli stap olsem wan bisoprik.

Bisop i gat faevfala stamba responsabiliti:

• Hem i prisaeding hae pris insaed long wod.

• Hem i presiden blong Aronik Prishud.

• Hem i jeneral jaj.

• Hem i kodinetem wok blong God blong fasin blong sevem man mo fasin blong kam olsem wan god, we i tekem tu wok blong stap kea long olgeta we oli stap long nid.

• Hem i lukluk ova ol wok blong kipim ol rekod, lukaotem ol faenens, mo fasin blong yusum mitinghaos.

Fasfala mo moa impoten responsabiliti blong bisop, hem i blong kea long jeneresen ia we i stap kam antap insaed long wod blong hem, (ol pikinini, ol yut, mo ol yang singgel adalt). Blong mekem se hem i save lukluk nomo long responsabiliti ia, hem i givimaot plante wok long ol narawan (luk long 4.2.5

7.1.1

Prisaeding Hae Pris

Bisop hem i fasfala lida long saed blong spirit, blong wod.

7.1.1.1

Ol Wod Oganaesesen mo Ol Kworom blong Prishud

Bisop i gat responsabiliti blong lukluk ova long ol oganaesesen blong Rilif Sosaeti mo Ol Yang Woman. Hem i givim wok long ol kaonsela blong hem blong oli lukaotem ol oganaesesen blong Sandei Skul, mo blong Praemeri, mo ol nara program blong wod.

Long saed blong ol responsabiliti blong bisop long saed blong Aronik Prishud, oli putum long aotlaen long 7.1.2. Ol responsabiliti we i go wetem ol kworom blong ol elda, oli stap long aotlaen long 8.3.1

7.1.1.2

Ol Odinens mo Ol Blesing

Bisop i lidim fasin blong mekem ol wok long saed blong olgeta odinens mo blesing ia insaed long wod:

• Sakramen

• Stap givim nem mo blesing long ol pikinini

• Baptaes mo konfemesen blong ol pikinini blong rekod we oli gat 8 yia (blong ol konvet, luk long 31.2.3.2)

• Wok blong givim Aronik Prishud mo odinesen long ol ofis blong dikon, tija, mo pris

7.1.1.3

Ol Kaonsel mo Ol Miting

Bisop i lidim wod kaonsel mo wod yut kaonsel (luk long 29.2.5 mo 29.2.6).

Bisoprik i mekem plan blong ol sakramen miting mo ol nara miting blong wod we oli putum long wan lis long japta 29

7.1.1.4

Ol Koling mo Ol Rilis

Ol responsabiliti blong bisop long saed blong ol koling mo ol rilis, oli putumaot gud olgeta long aotlaen long japta 30.

7.1.2

Presiden blong Aronik Prishud

Bisop i gat olgeta responsabiliti ia olsem wan presiden blong Aronik Prishud insaed long wod. Ol kaonsela blong hem oli stap helpem hem.

• Sapotem ol papa mo mama blong oli tijim ol yut.

• Lukluk ova long ol kworom blong Aronik Prishud mo Ol Yang Woman klas. Bisop i presiden blong kworom blong ol pris (luk long Doktrin mo Ol Kavenan 107:87–88). Fas kaonsela i gat responsabiliti blong lukaotem kworom blong ol tija. Seken kaonsela i gat responsabiliti blong lukaotem kworom blong ol dikon.

• Kaonsel wetem presiden blong Ol Yang Woman blong wod.

• Oli mit oltaem wetem wanwan yut.

7.1.3

Jeneral Jaj

Bisop i jeneral jaj insaed long wod (luk long Doktrin mo Ol Kavenan 107:71–74). Hem i gat olgeta responsabiliti ia:

• Helpem ol yut mo ol adalt blong oli kwalifae blong kasem mo stap klin inaf blong holem wan tempol rekomen.

• I mekem ol intaviu olsem we i stap long aotlaen long 31.2.

• Hem i mit wetem ol memba blong wod we oli stap lukaotem help long saed blong spirit, we oli gat ol hevi problem blong olgetawan, o, we oli mekem ol series sin; hem i helpem olgeta blong yusum hiling paoa blong Jisas Kraes.

• Anda long daereksen blong stek presiden, hem i holem ol membasip kaonsel olsem we i nid. Blong kasem samfala gaedlaen, luk long japta 32.

7.1.4

Stap Kodinetem Wok blong God blong Fasin blong Sevem Man mo Fasin blong Kam Olsem Wan God.

Bisop i kodinetem wok blong God blong fasin blong sevem man mo fasin blong kam olsem wan god, insaed long wod (luk long japta 1 Ol kaonsela blong hem mo ol nara lida, oli helpem hem.

7.1.4.1

Stap Lidim Ol Hadwok blong Kea long Olgeta we Oli Gat Ol Nid blong Laef Ia

Blong kasem moa infomesen long wei we bisop i kea long olgeta we oli stap long nid, luk long 22.6.1

7.1.5

Ol Rekod, Ol Faenens, mo Mitinghaos

Blong gat moa infomesen abaot ol rekod, luk long japta 33 Blong gat moa infomesen abaot ol faenens, we i tekem taeting tu, luk long japta 34. Blong gat moa infomesen abaot ol mitinghaos, luk long japta 35

7.3

Wod Eksekutiv Sekretari mo Ol Asisten Wod Eksekutiv Sekretari

Bisoprik i givim nem blong wan we i holem Melkesedek Prishud blong i givim seves olsem wod eksekutiv sekretari.

Hem i gat olgeta responsabiliti ia:

• Hem i mit wetem bisoprik mo i rere ol ajenda olsem we oli talemaot long hem.

• Hem i wan memba blong wod kaonsel mo hem i atendem ol wod kaonsel miting.

• Hem putum taem blong ol apoenmen blong bisoprik.

7.4

Wod Klak mo Ol Asisten Wod Klak

Ol responsabiliti ia blong wod klak, mo ol asisten wod klak, oli tokbaot olgeta long 33.4.2.