8.

Kworom blong Ol Elda

8.1

Stamba Tingting mo Oganaesesen

8.1.1

Stamba Tingting

Ol man we oli gat 18 yia o moa, we oli klin inaf, oli save kasem Melkesedek Prishud, mo oli odenem olgeta long ofis blong elda. Wan we i wan man we oli odenem hem long ofis ia, i mekem wan tabu kavenan blong helpem God blong mekem wok blong Hem i kamtru (luk long Doktrin mo Ol Kavenan 84:33–44).

8.1.2

Membasip Insaed long Kworom blong Ol Elda

Wanwan wod i gat wan kworom blong ol elda. Insaed long kworom ia, i gat olgeta brata ia:

• Evri elda insaed long wod.

• Evri fiuja elda insaed long wod (luk long 8.4).

• Evri hae pris insaed long wod, be i no olgeta we oli stap givim seves insaed long wan stek presidensi, insaed long wan bisoprik, long wan hae kaonsel, o olsem wan petriak.

Wan yang man i save stat blong go long ol miting blong kworom blong ol elda taem hem i kasem 18 yia, iven sapos oli no odenem hem yet olsem wan elda. Taem hem i kasem 19 yia, o bifo hem i aot long hom blong go long yunivesiti o go long wan misin, oli mas odenem hem i kam wan elda sapos hem i klin inaf.

Ol mared man we oli no kasem 18 yia yet, oli ol fiuja elda, mo tu, oli memba blong kworom blong Ol Elda.

8.2

Stap Tekpat long Wok blong God blong Fasin blong Sevem Man mo Fasin blong Kam Olsem Wan God

8.2.1

Stap Laef Folem Gospel blong Jisas Kraes

8.2.1.2

Stap Lanem Gospel insaed long Ol Miting blong Kworom

Ol miting, oli holem olgeta long nambatu mo nambafo Sandei blong wanwan manis. Oli blong 50 minit. Presidensi blong kworom blong ol elda oli mekem plan blong ol miting ia. Wan memba blong presidensi i lidim.

Ol miting blong kworom blong yumi oli lukluk nomo long ol topik long wan, o moa long wan long ol toktok we oli kamaot long las jeneral konfrens.

8.2.1.3

Ol Aktiviti

Ol presidensi blong kworom blong ol elda oli mekem plan blong holem sam aktiviti. Plante long ol aktiviti ia, oli stap holem olgeta long ol dei we i no Sandei o Mandei naet.

8.2.2

Stap Kea long Olgeta long Nid

8.2.2.1

Wok blong Givhan

Ol memba blong kworom blong ol elda oli kasem ol givhan wok we kworom presidensi i givimaot long olgeta. Blong kasem moa infomesen, luk long japta 21.

8.2.2.2

Sot Taem Nid

Ol givhan brata oli lukaotem blong oli andastanem gud, mo oli givim ansa long ol nid blong olgeta we oli givim seves long olgeta. Sam memba, maet oli nidim help blong sot taem, olsem long taem blong sik, taem pikinini i bon i kam long wol ia, long taem blong ded, blong wan i lusum wok, mo ol nara situesen.

Taem we i nid, ol givhan brata oli askem presidensi blong kworom blong ol elda blong oli help.

8.2.2.3

Ol Longtaem Nid mo Fasin blong Indipenden Laef

Olsem we bisop i kodinetem, ol presidensi blong kworom blong ol elda mo Rilif Sosaeti oli helpem ol memba we oli gat ol longtaem nid mo ol nid blong oli stap dipen long olgetawan.

presiden blong kworom blong ol elda, Rilif Sosaeti presiden, o wan nara lida i helpem man, woman o famli ia blong mekem wan Plan blong Indipenden Laef. Ol givhan brata o sista oli save help tu wetem plan ia.

8.2.2.4

Taem Wan Memba blong Wod I Ded

Taem wan memba blong wod i ded, ol presidensi blong kworom mo Rilif Sosaeti oli givim kamfot mo help. Anda long gaed blong bisop, oli save help wetem fenerol.

Blong kasem moa infomesen, luk long 38.5.8

8.2.3

Stap Invaetem Evriwan blong Akseptem Gospel

Presiden blong kworom blong ol elda i givim wok long wan memba blong presidensi blong help blong lidim memba misinari wok insaed long wod. Hem i wok wetem memba blong presidensi blong Rilif Sosaeti we i kasem wok ia, blong i kodinetem ol wok ia.

Luk long 23.5.1mo 23.5.3

8.2.4

Stap Joenem Ol Famli blong Taem we I No Save Finis

Presiden blong kworom blong ol elda i givim wok long wan memba blong presidensi blong help blong lidim wok blong tempol mo famli histri insaed long wod. Hem i wok wetem memba blong presidensi blong Rilif Sosaeti we i kasem wok ia, blong i kodinetem ol wok ia.

Luk long 25.2.2

8.3

Ol Lida blong Kworom blong Ol Elda

8.3.1

Stek Presidensi mo Ol Bisop

Presiden blong kworom blong ol elda bae i ripot i go stret long stek presidensi. Hem i mit wetem wan memba blong presidensi blong kasem daereksen mo ripot long saed blong ol responsabiliti blong hem.

Presiden blong kworom blong ol elda i kasem toktok blong i gaedem hem, we i kam long bisop, we i stap olsem prisaeding ofisa insaed long wod. Oli mit oltaem.

8.3.2

Hae Kaonsela

Stek presidensi i givim wok long wan hae kaonsela blong ripresentem olgeta long wanwan kworom blong ol elda. Ol responsabiliti blong hem, oli stap long 6.5.

8.3.3

Presidensi blong Kworom blong Ol Elda

8.3.3.1

Stap Singaotem Presidensi blong Kworom blong Ol Elda

Afta we hem i toktok wetem bisop, stek presiden i singaotem wan elda o wan hae pris blong i stap olsem presiden blong kworom blong ol elda.

Sapos yunit i bigwan inaf, presiden blong kworom blong ol elda i givim nem blong wan o tu elda o hae pris, i go long stek presiden, blong hem i singaotem olgeta olsem ol kaonsela blong hem.

8.3.3.2

Ol Responsabiliti

Presiden blong kworom blong ol elda i gat olgeta responsabiliti ia. Ol kaonsela blong hem oli stap helpem hem.

• I stap olsem wan memba blong wod kaonsel.

• Oli lidim ol hadwok blong kworom blong tekpat long wok blong fasin blong sevem man mo hemia blong kam olsem wan god (luk long japta 1).

• I oganaesem mo lukluk ova long seves blong ol givhan brata.

• Anda long gaed blong bisop, i kaonsel wetem ol adalt memba blong wod.

• Hem i kodinetem ol efot blong kworom blong ol elda blong mekem ol yang adalt brata oli kam strong moa, tugeta olgeta we oli singgel mo olgeta we oli mared.

• Hem i mit wetem wanwan memba blong kworom wan taem long wan yia, o moa.

• Hem i tijim ol memba blong kworom long saed blong prishud diuti blong olgeta (luk long Doktrin mo Ol Kavenan 107:89). Hemia i minim tu blong tijim olgeta olsem wanem blong yusum prishud blong olgeta taem oli stap mekem ol odinens mo ol blesing.

• Hem i lukluk ova long ol rekod blong kworom, mo ol ripot mo ol faenens (luk long LCR.ChurchofJesusChrist.org

8.3.3.3

Presidensi Miting

Presidensi blong kworom blong ol elda mo sekretari oli gat miting evri taem. Presiden i lidim ol miting ia. Hae kaonsela we oli givim wok blong lukaot long kworom ia, oltaem i go long miting ia.

Ajenda ia i save gat olgeta poen ia:

• Mekem plan blong gat sam wei blong mekem ol memba blong kworom oli kam strong moa (mo hemia i tekem tu ol fiuja elda) mo ol famli blong olgeta.

• Kodinetem misinari wok, mo tempol mo famli histri wok.

• Mekem ol wok we oli gat blong mekem we i kamaot long ol miting blong wod kaonsel.

• Luklukbak long infomesen we i kamaot long ol intaviu blong wok blong givhan.

• Lukluk long ol brata blong givim seves long ol koling mo ol wok we oli givimaot.

• Mekem plan blong ol kworom miting mo ol aktiviti.

8.3.4

Sekretari

Wetem raet blong bisop, wan memba blong presidensi blong kworom blong ol elda i save singaotem wan kworom memba blong i stap olsem sekretari blong kworom.

8.4

Stap Helpem Ol Fiuja Elda blong Stap Rere blong Kasem Melkesedek Prishud

Wan fiuja elda i wan we i wan man, we i memba blong Jos, we i no kasem Melkesedek Prishud yet, mo (1) hem i gat 19 yia o moa, o (2) i no kasem 19 yia yet mo hem i mared finis.

Blong stap helpem ol fiuja elda ia blong rere blong kasem Melkesedek Prishud i wan long ol fas hae wok blong presidensi blong kworom.