mga lalaki nga nagaistoryahanay

8.

Elders Quorum

8.1

Katuyuan kag Organisasyon

8.1.1

Katuyuan

Ang kaangay-angay nga mga lalaki nga nagaedad 18 pataas pwede nga magbaton sang Melchizedek Priesthood kag maordin sa palangakuan sang elder. Ang lalaki nga ginaordin sa sina nga palangakuan nagasulod sa sagrado nga kasugtanan nga magbulig sa Dios sa pagpahanabo sang Iya buluhaton (tan-awa sa Doktrina kag mga Kasugtanan 84:33–44).

8.1.2

Pagkamiyembro sa Elders Quorum

Ang tagsa ka ward may elders quorum. Dala diri ang masunod nga mga kauturan:

• Tanan nga mga elder sa ward.

• Tanan nga manug-elder sa ward (tan-awa sa 8.4).

• Tanan nga high priest sa ward, magluwas sadtong mga nagaserbisyo sa stake presidency, sa bishopric, sa high council, ukon bilang patriarka.

Ang pamatan-on pwede na magsugod sulod sa mga miting sang elders quorum pagtungtong niya 18 anyos, bisan nga wala pa sia maordin nga elder. Sa edad 19 ukon paggwa niya sa ila puluy-an, pareho sang pag-eskwela sa unibersidad ukon pagserbisyo sa misyon, dapat sia nga maordin nga elder kon kaangay-angay sia.

Ang kasado nga mga lalaki nga wala pa 18 anyos mga gapalaabuton nga mga elder kag mga miyembro man sang elders quorum.

8.2

Pagpartisipar sa Buluhaton sang Kaluwasan kag Pangkahitaasan

8.2.1

Pagpangabuhi sang Ebanghelyo ni Jesucristo

8.2.1.2

Pagtuon sang Ebanghelyo sa mga Miting sa Korum

Ang mga miting ginahiwat sa ikaduha kag ikaapat nga mga Domingo sang bulan. Nagalawig ini sang 50 minutos. Ang elders quorum presidency ang nagaplano sining mga miting. Isa ka miyembro sang pangulohan ang nagapamuno.

Ang mga miting sang korum nagatutok sa mga topiko sang isa ukon mas madamo pa nga mga pamulong-pulong sa pinakaulihi nga pangkabilogan nga komperensya.

8.2.1.3

Aktibidades

Ang mga pangulohan sang elders quorum pwede nga magplano sang aktibidades. Kalabanan sang mga aktibidades ginahiwat sa mga adlaw nga wala matuon sa Domingo ukon Lunes sang gab-i.

8.2.2

Pag-atipan sang mga Nagakinahanglan

8.2.2.1

Ministering

Ang mga miyembro sang elders quorum dapat makabaton sang ministering assignment halin sa pangulohan sang korum. Para sa dugang nga impormasyon, tan-awa sa kapitulo 21.

8.2.2.2

Temporaryo nga mga Panginahanglan

Ang mga ministering brother nagatinguha nga intiendihon kag sabton ang mga panginahanglan sang ila mga ginaserbisyohan. Posible nga may mga miyembro nga nagakinahanglan sang temporaryo nga bulig sa oras sang pagmasakit, pagbata, pagkapatay, pagkadula sang trabaho, kag iban pa nga mga sirkumstansya.

Kon kinahanglanon, ang mga ministering brother nagapangayo sang bulig sa elders quorum presidency.

8.2.2.3

Malawig nga Panginahanglan kag Pagsandig sa Kaugalingon

Sa pagpakig-angot sang bishop, ang mga pangulohan sang elders quorum kag Relief Society nagabulig sa mga miyembro nga may malawig nga panginahanglan kag sa self-reliance (pagsandig sa kaugalingon).

Ang elders quorum president, Relief Society president, ukon iban pa nga lider nagabulig sa tawo ukon pamilya nga maghimo sang Self-Reliance Plan. Ang mga ministering brother kag sister pwede man magbulig sa paghimo sang plano.

8.2.2.4

Kon Mapatay ang Isa ka Miyembro sa Ward

Kon may mapatay nga miyembro sang ward, ang mga pangulohan sang elders quorum kag Relief Society nagahatag sang pagpaumpaw kag bulig. Sa giya sang bishop, pwede sila magbulig sa lubong.

Para sa dugang nga impormasyon, tan-awa sa 38.5.8.

8.2.3

Pag-imbitar sang Tanan nga Magbaton sang Ebanghelyo

Ang elders quorum president nagaasayn sang isa ka miyembro sang pangulohan nga magbulig sa pagpanguna sa pangmisyonero nga buluhaton sang miyembro sa ward. Nagatrabaho sia upod sa naasayn nga miyembro sang pangulohan sang Relief Society sa pagpakig-angot sining mga pagpaninguha.

Tan-awa sa 23.5.1 kag 23.5.3.

8.2.4

Pag-isa sang mga Pamilya sa Wala Katapusan

Ang elders quorum president nagaasayn sang miyembro sang pangulohan nga magbulig sa pagpanguna sa buluhaton sang templo kag family history sa ward. Nagatrabaho sia upod sa naasayn nga miyembro sang pangulohan sang Relief Society sa pagpakig-angot sining mga pagpaninguha.

Tan-awa sa 25.2.2.

8.3

Mga Lider sang Elders Quorum

8.3.1

Stake Presidency kag Bishop

Ang elders quorum president direkta nga may salabton sa stake presidency. Regular sia nga nagapakigkita sa isa ka miyembro sang pangulohan para magbaton sang direksyon kag magreport sa iya mga responsibilidad.

Ang elders quorum president nagabaton man sang giya halin sa bishop, nga amo ang presiding officer sa ward. Regular sila nga nagakitaay.

8.3.2

Miyembro sang High Council

Ang stake presidency nagaasayn sang isa ka miyembro sang high council para magrepresentar sa ila sa kada elders quorum. Ang iya mga responsibilidad nalista sa 6.5.

8.3.3

Elders Quorum Presidency

8.3.3.1

Pag-call sang Elders Quorum Presidency

Pagkatapos nga magkonsulta sa bishop, ang stake president nagatawag sang elder ukon high priest nga mag-alagad bilang elders quorum president.

Kon igoigo ang kadakuon sang yunit, ang elders quorum president nagarekomenda sa stake president sang isa ukon duha ka mga elder ukon high priest nga mag-alagad bilang iya mga manuglaygay.

8.3.3.2

Mga Responsibilidad

Ang elders quorum president may masunod nga mga responsibilidad. Ginabuligan sia sang iya mga manuglaygay.

• Mag-alagad sa ward council.

• Pamunoan ang mga pagpaninguha sang quorum nga magpartisipar sa buluhaton sang kaluwasan kag pangkahitaasan (tan-awa sa kapitulo 1).

• Mag-organisar kag dumalahan ang pagserbisyo sang mga ministering brother.

• Sa giya sang bishop, maglaygay sa hamtong nga mga miyembro sang ward.

• Ipakig-angot ang mga pagpaninguha sang elders quorum nga pabakuron ang young adult nga mga lalaki, ang pareho mga single kag kasado.

• Makigkita sa tagsa ka miyembro sang korum sing bisan kaisa sa isa ka tuig.

• Magtudlo sa mga miyembro sang korum sang ila mga tulumanon sa priesthood (tan-awa sa Doktrina kag mga Kasugtanan 107:89). Dala sini ang pagtudlo sa ila kon paano gamiton ang ila priesthood sa paghikot sang mga ordinansa kag mga bendisyon.

• Magdumala sang mga rekord sang korum, mga report, kag pinansyal (tan-awa sa LCR.ChurchofJesusChrist.org).

8.3.3.3

Miting sang Pangulohan

Ang elders quorum presidency kag sekretaryo nagamiting sing regular. Ang presidente amo ang nagapamuno sining mga miting. Ang miyembro sang high council nga naasayn sa korum nagaupod sing panalagsa.

Ang agenda pwede nga may masunod nga mga butang:

• Magplano kon paano pabakuron ang mga miyembro sang korum (dala na ang palaabuton nga mga elder) kag ang ila mga pamilya.

• Ipakig-angot ang pangmisyonaryo nga buluhaton kag buluhaton sa templo kag family history.

• Magresponde sa mga asaynment halin sa mga miting sang ward council.

• Magrebyu sang impormasyon halin sa mga ministering interview.

• Magbinagbinag sang mga brother nga magserbisyo sa mga calling kag mga asaynment.

• Magplano sang mga miting kag aktibidades sang korum.

8.3.4

Secretary

Upod ang pahanugot sang bishop, pwede magtawag ang isa ka miyembro sang elders quorum presidency sang isa ka miyembro sang korum para mangin secretary sang quorum.

8.4

Pagbulig sang Palaabuton nga mga Elder nga Maghanda sa Pagbaton sang Melchizedek Priesthood

Ang palaabuton nga elder isa ka lalaki nga miyembro sang Simbahan nga wala pa makabaton sang Melchizedek Priesthood kag (1) 19 anyos ukon pasaka ang edad ukon (2) mas manubo pa sa 19 anyos nga kasado.

Ang pagbulig sang palaabuton nga mga elder nga maghanda sa pagbaton sang Melchizedek Priesthood isa sa pinakamataas nga prayoridad sang pangulohan sang korum.