Paggamit sang Mga Pinili nga Bahin halin sa Libro sang Pangkabilogan nga Pagsulundan

Ang Mga Pinili nga Bahin halin sa Libro sang Pangkabilogan nga Pagsulundan koleksyon sang pinakakinahanglanon nga mga instruksyon halin sa kompleto nga Libro sang Pangkabilogan nga Pagsulundan: Pagserbisyo sa Ang Simbahan ni Jesucristo sang mga Santos sa Ulihing mga Adlaw. Para ini sa mga lider nga:

• Indi pa matigayon ang kompleto nga libro nga nalubad sa ila gusto nga lenggwahe.

• Makabenepisyo sa ginpalip-ot nga bersyon sang Libro sang Pangkabilogan nga Pagsulundan.

Ang pagnumero sang kapitulo, seksyon, kag subseksyon nga ginagamit sa Mga Pinili nga Bahin halin sa Libro sang Pangkabilogan nga Pagsulundan pareho man sa pagnumero sa kompleto nga Libro sang Pangkabilogan nga Pagsulundan. Ginapahapos sini ang pagpangita kag pagkumparar sang kaundan sa duha ka libro.

Ang pagnumero sang Mga Pinili nga Bahin halin sa Libro sang Pangkabilogan nga Pagsulundan kon kaisa magalaktaw sa mga numero ukon subseksyon sa kompleto nga libro. Tungod ina kay ining ginpalip-ot nga libro nagaunod lamang sang pinakakinahanglanon nga kaundan halin sa kompleto nga libro.

Bisan pa nga ang Mga Pinili nga Bahin halin sa Libro sang Pangkabilogan nga Pagsulundan nagahatag sang mga sabat sa madamo nga pirme ginapamangkot sang mga lider, laban-laban nga ang mga lider may mga pamangkot nga indi masabat ukon kulang ang sabat diri. Sa sini nga mga kaso, ang mga lider pwede maggamit sang kompleto nga Libro sang Pangkabilogan nga Pagsulundan kon may ara sini sa lenggwahe nga maintiendihan nila. Pwede man ang mga lider magkonsulta sa ila madason nga mataas nga nagapamuno nga awtoridad para sa giya.

Kabay nga bugayan ka sang Dios sa pag-upod mo sa Iya sa buluhaton sang pagluwas kag pagpahitaas sang Iya mga anak.

Ang Unang Pangulohan kag Korum sang Dose ka Apostoles