8.

Kowòm Ansyen yo

8.1

Objektif ak Òganizasyon

8.1.1

Objektif

Gason diy 18 ak pi gran yo ka resevwa Prètriz Mèlkisedèk la epi òdone nan ofis ansyen an. Yon gason ki òdone nan ofis sa a antre nan yon alyans sakre pou l ede Bondye nan akonplisman travay Li a (gade Doktrin ak Alyans 84:33–44).

8.1.2

Manm nan Kowòm Ansyen yo

Chak pawas gen yon kowòm ansyen. Li enkli frè sa yo:

• Tout ansyen ki nan pawas la.

• Tout ansyen potansyèl ki nan pawas la (gade 8.4).

• Tout gran prèt ki nan pawas la, eksepte moun k ap sèvi nan yon prezidans pieu, nan yon episkopa, nan yon gran konsèy, oswa kòm yon patriyach pou moman an.

Yon jèn gason kapab kòmanse asiste reyinyon kowòm ansyen yo lè l gen 18 an, menmsi li poko òdone yon ansyen. Rive laj 19 an oswa lè l ap deplase kite kay li, tankou pou ale nan inivèsite oubyen sèvi yon misyon, li ta dwe òdone kòm yon ansyen si li diy.

Gason ki marye ki gen 18 an yo se kandida ansyen epi yo se manm kowòm ansyen yo tou.

8.2

Patisipe nan Travay Sali ak Egzaltasyon an

8.2.1

Viv Levanjil Jezikri a

8.2.1.2

Aprantisaj Levanjil nan Reyinyon Kowòm yo

Reyinyon yo fèt nan dezyèm ak katriyèm dimanch nan mwa a. Yo dire 50 minit. Prezidans kowòm ansyen yo planifye reyinyon sa yo. Yon manm prezidans lan dirije.

Reyinyon kowòm yo fokis sou sijè nan youn oubyen plis nan diskou dènye konferans jeneral ki pi resan an.

8.2.1.3

Aktivite

Prezidans kowòm ansyen yo ka planifye aktivite. Pifò aktivite yo dwe fèt nan lòt jou pase dimanch oswa lendi swa.

8.2.2

Pran Swen Moun ki nan Nesesite

8.2.2.1

Sèvis Pastoral

Manm kowòm ansyen yo resevwa tach sèvis pastoral nan men prezidans kowòm nan. Pou plis enfòmasyon, gade 18.1

8.2.2.2

Bezwen a kou-tèm

Frè sèvis pastoral yo chèche konprann epi reponn bezwen moun y ap sèvi yo. Manm yo ka bezwen asistans a kou-tèm pafwa pou maladi, nesans, lanmò, pèdi travay, ak lòt sikonstans.

Lè sa nesesè, frè sèvis pastoral yo mande prezidans kowòm ansyen yo pou ede.

8.2.2.3

Bezwen Alontèm ak Otonomi

Jan sa kowòdone pa evèk la, kowòm ansyen yo ak prezidans Sosyete Sekou yo ede manm ki gen bezwen alontèm ak otonomi yo.

Prezidan kowòm ansyen yo, prezidant Sosyete Sekou a, oswa yon lòt dirijan ede moun nan oswa fanmi an devlope yon Plan Otonomi. Frè sèvis pastoral yo kapab ede tou avèk plan an.

8.2.2.4

Lè yon Manm Pawas la Mouri

Lè yon manm pawas la mouri, prezidans kowòm ansyen an ak prezidans Sosyete Sekou a ofri rekonfò ak asistans. Anba gidans evèk la, yo ka ede avèk fineray la.

Pou plis enfòmasyon, gade 18.1

8.2.3

Envite Tout Moun Resevwa Levanjil la

Prezidan kowòm ansyen yo asiyen yon manm prezidans lan pou ede dirije travay misyonè nan pawas la. Li travay avèk manm prezidans Sosyete Sekou ki asiyen an pou kowòdone efò sa yo.

Gade 23.5.1 ak 23.5.3.

8.2.4

Ini Fanmi yo pou Letènite

Prezidan kowòm ansyen yo asiyen yon manm prezidans lan pou ede dirije travay tanp ak istwa familyal nan pawas la. Li travay avèk manm prezidans Sosyete Sekou ki asiyen an pou kowòdone efò sa yo.

Gade 38.6.5

8.3

Dirijan Kowòm Ansyen yo

8.3.1

Prezidans Pieu ak Episkopa

Prezidan kowòm ansyen yo dirèkteman responsab devan prezidans pieu a. Li rankontre regilyèman avèk yon manm prezidans lan pou resevwa direksyon ak bay rapò sou responsablite l yo.

Prezidan kowòm ansyen yo resevwa konsèy tou nan men evèk la, ki se ofisye k ap prezide nan pawas la. Yo rankontre regilyèman.

8.3.2

Manm Gran Konsèy

Prezidans pieu a asiyen yon manm gran konsèy pou reprezante yo nan chak kowòm ansyen. Responsablite l yo dekri nan 6.5.

8.3.3

Prezidans Kowòm Ansyen yo

8.3.3.1

Aple yon Prezidans Kowòm Ansyen

Apre prezidan pieu a fin konsilte evèk la, prezidan pieu a aple yon ansyen oswa gran prèt pou sèvi kòm prezidan kowòm ansyen an.

Si inite a gwo ase, prezidan kowòm ansyen an rekòmande prezidan pieu a youn oubyen de ansyen oswa gran prèt pou sèvi kòm konseye li.

8.3.3.2

Responsablite:

Prezidan kowòm ansyen an gen responsablite sa yo. Konseye l yo ede li.

• Sèvi nan konsèy pawas la.

• Dirije efò kowòm nan pou patisipe nan travay sali ak egzaltasyon an (gade chapit 1).

• Òganize ak sipèvize sèvis pastoral pou frè yo.

• Anba konsèy evèk la, li reyini an konsèy avèk manm adilt yo nan pawas la.

• Kowòdone efò kowòm ansyen an pou fòtifye frè ki jèn adilt yo, selibatè ansanm ak marye.

• Rankontre avèk chak manm kowòm nan endividyèlman omwen yon fwa chak ane.

• Anseye manm kowòm yo devwa prètriz yo (gade Doktrin ak Alyans 107:89). Sa enkli anseye yo kijan pou yo egzèse prètriz yo a nan akonpli òdonans ak benediksyon.

• Sipèvize rejis, rapò, ak finans kowòm nan (gade LCR.ChurchofJesusChrist.org).

8.3.3.3

Reyinyon Prezidans

Prezidans kowòm ansyen yo ak sekretè yo rankontre regilyèman. Prezidan an dirije reyinyon sa yo. Manm gran konsèy ki asiyen nan kowòm nan asiste detanzantan.

Ajanda a ka enkli bagay sa yo:

• Planifye kijan pou fòtifye manm kowòm yo (enkli kandida ansyen yo) ak fanmi yo.

• Kowòdone travay misyonè ak travay tanp ak istwa familyal

• Reponn a tach yo asiyen yo nan reyinyon konsèy pawas yo.

• Revize enfòmasyon ki soti nan entèvyou sèvis pastoral yo.

• Konsidere frè ki pou sèvi nan apèl ak asiyasyon yo.

• Planifye reyinyon ak aktivite kowòm yo

8.3.4

Sekretè

Avèk apwobasyon evèk la, yon manm prezidans kowòm ansyen yo ka aple yon manm nan kowòm nan pou vin sekretè kowòm nan.

8.4

Ede Kandida Ansyen yo Prepare pou Resevwa Prètriz Mèlkisedèk la

Yon kandida ansyen se yon manm Legliz gason ki pa t resevwa Prètriz Mèlkisedèk la epi (1) ki gen laj 19 oubyen plis oswa (2) ki pi piti pase 19 epi marye.

Ede kandida ansyen yo prepare pou resevwa Prètriz Mèlkisedèk la se youn nan pi gwo priyorite prezidans kowòm nan.