9.

Aualofa

9.1

Faamoemoega ma le Faatulagaga

9.1.1

Faamoemoega

Na aoao mai e le Perofeta o Iosefa Samita e faapea, o le faamoemoega o le Aualofa o le lavea’i o agaga ma faamāmā i mafatiaga.

O le mau tau’ave a le Aualofa o le “E le uma le alofa” (1 Korinito 13:8

9.1.2

Avea ma Tagata Auai i le Aualofa

E mafai ona amata auai atu se tamaitai talavou i le Aualofa pe a atoa lona 18. E oo atu i le 19 tausaga pe o le a tuua foi le aiga, e pei o le alu i se iunivesite pe auauna atu i se misiona, e ao ona auai o ia i le Aualofa.

O tamaitai e i lalo o le 18 tausaga a ua faaipoipo, o ni sui auai foi ia o le Aualofa.

9.2

Auai i le Faatinoina o le Galuega a le Atua mo le Faaolataga ma le Faaeaga

9.2.1

Ola i le Talalelei a Iesu Keriso

9.2.1.2

Aoaoina o le Talalelei i Fonotaga a le Aualofa

O sauniga e faia i Aso Sa lona lua ma le lona fa o le masina. E 50 minute le umi. O le au peresitene o le Aualofa e fuafuaina nei sauniga. O se tasi o le au peresitene e taitai.

E taulai sauniga a le Aualofa i autu mai se lauga se tasi pe sili atu foi mai le konafesi aoao aupito lata mai.

9.2.1.3

Gaoioiga

O au peresitene o le Aualofa e mafai ona fuafuaina ia gaoioiga. O le tele o gaoioiga e faia i taimi e ese mai le Aso Sa po o afiafi o Aso Gafua.

9.2.2

Tausiga o i Latou e Lē Tagolima

9.2.2.1

Auaunaga

E maua e tuafafine ia tofitofiga o auaunaga mai le au peresitene o le Aualofa. Mo ni isi faamatalaga, tagai i le mataupu 21.

9.2.2.2

Manaoga mo se Taimi Puupuu

O tuafafine o auaunaga e saili ia malamalama ma tali atu i manaoga o e latou te auauna i ai. E ono manaomia e tagata se fesoasoani mo se taimi puupuu, i le taimi o ma’i, pepe fou e fananau mai, maliu, leai o ni galuega, ma isi tulaga.

Pe a oo ina manaomia, e fesili atu tuafafine o auaunaga i le au peresitene o le Aualofa mo se fesoasoani.

9.2.2.3

Manaoga mo se Taimi Umi ma le Ola-Tutoatasi

E pei ona faamaopoopoina ai e le epikopo, e fesoasoani au peresitene o le Aualofa ma le korama a toeaina i tagata o le au paia i manaoga mo se taimi umi ma le ola-tutoatasi.

O le peresitene o le Aualofa, peresitene o le korama a toeaina, po o se isi taitai e fesoasoani i le tagata po o le aiga e atia’e se Fuafuaga mo le Ola-Tutoatasi

9.2.2.4

Pe A Maliu se Tagata o le Uarota

Pe a maliu se tagata o le uarota, o au peresitene o le Aualofa ma le korama a toeaina e ofoina atu le faamafanafanaga ma le fesoasoani. I lalo o le taitaiga a le epikopo, e mafai ona latou fesoasoani i le falelauasiga.

Mo nisi faamatalaga, tagai i le 38.5.8

9.2.3

Valaaulia Tagata Uma e Talia le Talalelei

O le peresitene o le Aualofa e tofia se tasi o le au peresitene e fesoasoani e taitai le galuega faafaifeautalai a le au paia i le uarota. E galulue faatasi o ia ma le sui ua tofia o le au peresitene o le korama a toeaina e faamaopoopo nei taumafaiga (tagai i le 23.5.1).

9.2.4

Tuufaatasia o Aiga mo le Faavavau

E tofi e le peresitene o le Aualofa se tasi o le au peresitene e fesoasoani e taitai le galuega faalemalumalu ma talafaasolopito o aiga i le uarota. E galulue faatasi o ia ma le sui ua tofia o le au peresitene o le korama a toeaina e faamaopoopo nei taumafaiga (tagai i le 25.2.2).

9.3

Taitai o le Aualofa

9.3.1

Epikopo

E masani ona fono le epikopo ma le peresitene o le Aualofa a itiiti e ta’i masina. La te talanoaina le galuega a le Atua mo le faaolataga ma le faaeaga, e aofia ai galuega a tuafafine o auaunaga.

9.3.2

Au Peresitene o le Aualofa

9.3.2.1

Valaauina o se Au Peresitene o le Aualofa

E valaau e le epikopo se tamaitai e avea ma peresitene o le Aualofa a le uarota. Afai e lava le telē o le iunite, na te fautua atu [i le epikopo] se tamaitai se toatasi pe toalua e avea ma ona fesoasoani.

O ni isi iunite laiti e ono le i ai se peresitene o Tamaitai Talavou po o le Peraimeri. I iunite nei, e mafai e le peresitene o le Aualofa ona fesoasoani i matua e fuafua ia a’oa’oga mo le autalavou ma tamaiti.

9.3.2.2

Tiutetauave

O tiutetauave nei o le peresitene o le Aualofa. E lagolago atu ona fesoasoani ia te ia.

• E auauna atu o ia i le aufono a le uarota.

• Taitaia taumafaiga a le Aualofa e auai i le faatinoga o le galuega o le faaolataga ma le faaeaga (tagai i le mataupu 1).

• Faatulaga ma vaavaaia le galuega a tuafafine o auaunaga.

• I lalo o le taitaiga a le epikopo, ia fefautuaai ma tagata matutua o le uarota.

• E faamaopoopoa taumafaiga a le Aualofa e faamalolosia tuafafine talavou matutua i le uarota, o ē nofofua ma ē ua faaipoipo.

• E feiloai ma sui auai taitasi o le Aualofa ia le itiiti ifo ma le faatasi i le tausaga.

• Vaavaaia ia faamaumauga, lipoti, ma mea tautupe a le Aualofa (tagai i le LCR.ChurchofJesusChrist.org

9.3.2.3

Fonotaga a le Au Peresitene

E fono e le aunoa le au peresitene o le Aualofa ma le failautusi. O le peresitene e taitaia nei fonotaga. O le lisi o mataupu e talanoaina e mafai ona aofia ai mea nei:

• Fuafua ni auala e faamalolosia ai tuafafine ma o latou aiga.

• Faamaopoopo le galuega faafaifeautalai ma le galuega mo malumalu ma talafaasolopito o aiga.

• Tali atu i tofitofiga mai fonotaga a le aufono a le uarota.

• Iloilo faamatalaga mai faatalanoaga o auaunaga.

• Mafaufau i ni tuafafine e galulue i valaauga ma tofiga o le Aualofa.

• Fuafua ia fonotaga ma gaoioiga a le Aualofa.

9.3.3

Failautusi

E mafai e le au peresitene o le Aualofa ona fautuaina mai se tuafafine e avea ma failautusi a le Aualofa.

9.4

Fesoasoani i Tamaitai Talavou ia Sauniuni e Auai i le Aualofa

E galulue le au peresitene o le Aualofa faatasi ma tamaitai talavou, o o latou matua, ma taitai o Tamaitai Talavou e fesoasoani ia saunia tamaitai talavou e auai i le Aualofa.

E saunia foi e taitai ni avanoa faifai pea mo tamaitai talavou ma uso o le Aualofa e atiae ia sootaga. O le galulue faatasi o ni tuafafine a auaunaga o se tasi o auala taua tele e faia ai sootaga.

9.6

Taiala ma Aiaiga Faavae Faaopoopo

9.6.2

Tusitusi ma Faitautusi

Pe a manaomia, e galulue le au peresitene o le Aualofa ma le epikopo, au peresitene o le korama a toeaina, ma le aufono a le uarota e fesoasoani i tagata o le au paia e aoao e faitau ma tusitusi.