Ol woman we oli stap stadi long skripja

9.

Rilif Sosaeti

9.1

Stamba Tingting mo Oganaesesen

9.1.1

Stamba Tingting

Profet Josef Smit i bin tijim se stamba tingting blong Rilif Sosaeti hem i blong sevem ol sol mo help long taem blong safaring.

Moto blong Rilif Sosaeti hem i “Bigfala lav i neva sot” (1 Korin 13:8

9.1.2

Membasip Insaed long Rilif Sosaeti

Wan yang woman i save kam long Rilif Sosaeti taem hem i kasem 18 yia. Taem yang woman ia i kasem 19 yia, o bifo hem i aot long hom blong go long yunivesiti o go long wan misin, hem i sapos blong tekpat long Rilif Sosaeti.

Ol mared woman we oli no kasem 18 yia yet, olgeta tu, oli ol memba blong Rilif Sosaeti.

9.2

Stap Tekpat long Wok blong God blong Fasin blong Sevem Man mo Fasin blong Kam Olsem Wan God

9.2.1

Stap Laef Folem Gospel blong Jisas Kraes

9.2.1.2

Stap Lanem Gospel Insaed long Ol Miting blong Rilif Sosaeti

Ol miting, oli holem olgeta long nambatu mo nambafo Sandei blong wanwan manis. Oli blong 50 minit. Presidensi blong Rilif Sosaeti i mekem plan blong ol miting ia. Wan memba blong presidensi i lidim.

Ol miting blong Rilif Sosaeti blong yumi oli lukluk nomo long wan, o moa long wan long ol toktok we i kamaot long las jeneral konfrens.

9.2.1.3

Ol Aktiviti

Ol presidensi blong Rilif Sosaeti oli mekem plan blong holem sam aktiviti. Plante long ol aktiviti ia, oli stap holem olgeta long ol dei we i no Sandei o Mandei naet.

9.2.2

Stap Kea long Olgeta long Nid

9.2.2.1

Wok blong Givhan

Ol sista oli kasem ol givhan wok ia tru long Rilif Sosaeti presidensi. Blong kasem moa infomesen, luk long japta 21.

9.2.2.2

Sot Taem Nid

Ol givhan sista oli lukaotem blong oli andastanem gud, mo oli givim ansa long ol nid blong olgeta we oli givim seves long olgeta. Sam memba, maet oli nidim help blong sot taem, olsem long taem blong sik, taem pikinini i bon i kam long wol ia, long taem blong ded, blong wan i lusum wok, mo ol nara situesen.

Taem we i nid, ol givhan sista oli askem presidensi blong Rilif Sosaeti blong oli help.

9.2.2.3

Ol Longtaem Nid mo Fasin blong Indipenden Laef

Anda long daereksen blong bisop, ol presidensi blong Rilif Sosaeti mo olgeta blong kworom blong ol elda oli helpem ol memba we oli gat ol longtaem nid, mo ol nid blong oli stap dipen long olgetawan.

Presiden blong Rilif Sosaeti, mo hemia blong kworom blong ol elda, o wan nara lida i helpem man, woman o famli ia blong mekem wan Plan blong Indipenden Laef

9.2.2.4

Taem Wan Memba blong Wod I Ded

Taem wan memba blong wod i ded, ol presidensi blong Rilif Sosaeti mo hemia blong kworom blong ol elda oli givim kamfot mo help. Anda long gaed blong bisop, oli save help wetem fenerol.

Blong kasem moa infomesen, luk long 38.5.8

9.2.3

Stap Invaetem Evriwan blong Akseptem Gospel

Presiden blong Rilif Sosaeti i givim wok long wan memba blong presidensi blong help blong lidim memba misinari wok insaed long wod. Hem i wok wetem memba blong presidensi blong kworom blong ol elda we i kasem wok ia blong oli kodinetem ol wok ia (luk long 23.5.1).

9.2.4

Stap Joenem Ol Famli blong Taem we I No Save Finis

Presiden blong Rilif Sosaeti i givim wok long wan memba blong presidensi blong help blong lidim wok blong tempol mo famli histri insaed long wod. Hem i wok wetem memba blong presidensi blong kworom blong ol elda we i kasem wok ia blong oli kodinetem ol wok ia (luk long 25.2.2).

9.3

Ol Lida blong Rilif Sosaeti

9.3.1

Bisop

Plante taem bisop i mit wetem Rilif Sosaeti presiden wan taem long wan manis. Oli toktok raon long wok blong God blong fasin blong sevem man, mo fasin blong kam olsem wan god, mo tu, oli toktok raon long seves blong ol givhan sista.

9.3.2

Rilif Sosaeti Presidensi

9.3.2.1

Stap Singaotem wan Rilif Sosaeti Presidensi

Bisop i singaotem wan adalt woman blong givim seves olsem presiden blong Rilif Sosaeti. Sapos yunit i bigwan inaf, presiden blong Rilif Sosaeti i save givim nem blong wan o tu adalt woman i go long bisoprik blong oli stap olsem ol kaonsela blong hem.

Sam yunit we oli smol, maet bae oli no gat wan presiden blong Ol Yang Woman o Praemeri. Long ol yunit ia, presiden blong Rilif Sosaeti i save helpem ol papa mo mama blong oli mekem plan blong instraksen blong ol yut mo ol pikinini.

9.3.2.2

Ol Responsabiliti

Rilif Sosaeti presiden i gat olgeta responsabiliti ia. Ol kaonsela blong hem oli stap helpem hem.

• I stap olsem wan memba blong wod kaonsel.

• Hem i lidim ol hadwok blong Rilif Sosaeti blong tekpat long wok blong fasin blong sevem man mo hemia blong kam olsem wan god (luk long japta 1).

• Hem i oganaesem mo lukluk ova long seves blong ol givhan sista.

• Anda long gaed blong bisop, i kaonsel wetem ol adalt memba blong wod.

• Hem i kodinetem ol efot blong Rilif Sosaeti blong mekem ol yang adalt sista insaed long wod oli kam strong moa, tugeta, olgeta we oli singgel mo olgeta we oli mared.

• Hem i mit wetem wanwan long ol memba blong Rilif Sosaeti wan taem long wan yia, o moa.

• Hem i lukluk ova long ol rekod blong Rilif Sosaeti, mo ol ripot mo ol faenens (luk long LCR.ChurchofJesusChrist.org

9.3.2.3

Presidensi Miting

Presidensi blong Rilif Sosaeti mo sekretari oli gat miting evri taem. Presiden i lidim ol miting ia. Ajenda ia i save gat olgeta poen ia:

• Mekem ol plan blong wok long sam wei blong mekem ol sista mo famli blong olgeta oli kam strong moa.

• Kodinetem misinari wok, mo tempol mo famli histri wok.

• Mekem ol wok we oli gat blong mekem we i kamaot long ol miting blong wod kaonsel.

• Luklukbak long infomesen we i kamaot long ol intaviu blong wok blong givhan.

• Lukluk long ol sista blong givim seves long ol Rilif Sosaeti koling mo ol wok we oli givimaot.

• Mekem plan blong ol Rilif Sosaeti miting mo aktiviti.

9.3.3

Sekretari

Presidensi blong Rilif Sosaeti i save givim nem blong wan sista blong givim seves olsem Rilif Sosaeti sekretari.

9.4

Stap Helpem Ol Yang Woman blong Stap Rere blong Joenem Rilif Sosaeti

Rilif Sosaeti presidensi i wok wetem ol yang woman, ol papa mo mama blong olgeta, mo ol lida blong Ol Yang Woman blong helpem ol yang woman blong oli rere blong tekpat long Rilif Sosaeti.

Ol lida ia oli givim ol janis oltaem blong ol yang woman mo ol sista blong Rilif Sosaeti oli stap developem ol rilesensip. Blong stap givim seves olsem ol givhan sista, i wan gudfala wei blong joen wetem ol narawan.

9.6

Sam Moa Gaedlaen mo Polisi

9.6.2

Litresi

Olsem we i nid, presidensi blong Rilif Sosaeti i wok wetem bisop, presidensi blong kworom blong ol elda, mo wod kaonsel blong helpem ol memba blong lan blong rid mo raet.