9.

Doulul eo an Kōrā ro

9.1

Jibadbad eo im Doulul eo

9.1.1

Jibadbad

Rikanaan Josep Smith ekar katakin bwe jibadbad eo an Doulul eo an Kōrā ro ej n̄an lo̧mo̧o̧ren jetōb ko im kōmeraik en̄taan ko.

Unin tōl eo an Doulul eo an Kōrā ro ej “Yokwe e jāmin jako” (1 Korint 13:8

9.1.2

Ro uwaan Doulul eo an Kōrā ro

Juon jiron̄ emaron̄ jino pād ilo Doulul eo an Kōrā ro ke ej jejjet 18 an iiō. N̄e 19 an iiō ak n̄e ej em̧m̧akūt jān m̧ōko, āinwōt n̄an pād ilo juon university ak mijen, ej aikuj bōk koņaan ilo Doulul eo an Kōrā ro.

Kōrā ro em̧ōj aer m̧are ium̧win 18 iiō rej barāinwōt membōr in Doulul eo an Kōrā ro.

9.2

Bōk Koņaad ilo Jerbal in Lo̧mo̧o̧r eo an Anij im Mour Ijo Eutiej Tata

9.2.1

Mour kōn Gospel eo an Jisōs Kraist

9.2.1.2

Ekkatak kōn Gospel eo ilo Kweilo̧k ko an Doulul eo an Kōrā ro

Kweilo̧k ko rej kōm̧m̧an ilo Jabōt ruo im emān ilo kajjojo allōn̄. 50 minit aeitokan. Būreejtōnji eo an Doulul eo an Kōrā ro rej karōk ak peek kweilo̧k kein. Juon membōr in būreejtōnji ej tōl.

Kweilo̧k ko an Doulul eo an Kōrā ro rej mije wōt unin kōnono ko ilo juon ak ruo kōnono ko jān kweilo̧k eo eļap me ej kab raan kein ak kiiō.

9.2.1.3

M̧akūtkūt ko

Būreejtōnji ro an Doulul eo an Kōrā ro remaron̄ karōk m̧akūtkūt ko. Eiten aolep m̧akūtkūt ko rej kōm̧m̧an ilo iien ko ijjeļo̧kin Jabōt ko im joteen in Mande otemjej.

9.2.2

Kea kōn Ro Riaikuj

9.2.2.1

Jerbal in Karejar

Sister or rej bōk ijjitōn̄ in jerbal in karejar jān Būreejtōnji eo an Doulul an Kōrā ro. N̄an meļeļe ko reļļapļo̧k, lale jebta 21.

9.2.2.2

Aikuj ko ilo Juon Iien Ekadu Kitien

Sister ro rej jerbal in karejar rej kappukot n̄an meļeļe im kake aikuj ko an ro rej jerbal. Membōr ro remaron̄ aikuj jipan̄ ilo juon iien ekadu kitien ilo iien nan̄inmej, ļotak, mej, luuji jerbal, im jekjek ko jet.

Eļan̄n̄e emenin aikuj, sister ro rej jerbal in karejar rej kajjitōk ippān būreejtōnji eo an Doulul eo an Kōrā ro n̄an jipan̄.

9.2.2.3

Aikuj ko ilo juon iien Eaitok Kitien im Un̄n̄are Peid Make

Āinwōt an kōtōbalbal jān bisop eo, būreejtōnji ko an Doulul eo an Kōrā ro im doulul eo an elder ro rej jipan̄ membōr ro kōn aikuj ko aer ilo juon iien eaitok kitien im kōn un̄n̄are peid make.

Būreejtōn eo an Doulul eo an Kōrā ro, būreejtōn eo an doulul eo an em̧m̧aan ro, ak bar juon ritōl ej jipan̄ armej eo ak baam̧le eo ejaake juon Self-Reliance Plan

9.2.2.4

N̄e juon Ward Membōr Emej

N̄e juon ward membōr emej, būreejtōnji ko an Doulul eo an Kōrā ro im doulul eo an em̧m̧aan ro rej aikuj leļo̧k kaenōm̧m̧an im jipan̄. Ium̧win tōl eo an bisop eo, remaron̄ jipan̄ kōn ilomej eo.

N̄an meļele ko reļļapļo̧k, lale 38.5.8

9.2.3

Karuwaineneik Aolep n̄an Bōk Gospel eo

Būreejtōn eo an Doulul eo an Kōrā ro ej jitōn̄ juon membōr in būreejtōnji eo n̄an jipan̄ tōl jerbal in mijenede an membōr ro ilo ward eo. Ej jerbal ippān membōr eo em̧ōj jitōn̄e ilo būreejtōnji eo an doulul eo an elder ro n̄an kajeikiik kijejeto kein (lale 23.5.1).

9.2.4

Kakobaik Baam̧le ko n̄an Mour Indeeo

Būreejtōn eo an Doulul eo an Kōrā ro ej jitōn̄ juon membōr in būreejtōnji eo n̄an j̄ipan̄ tōl jerbal eo an tampeļ im menmenbwij an baam̧le ilo ward eo. Liin ej jerbal ippān membōr eo kar jitōn̄e an būreejtōnji eo an doulul eo an elder ro n̄an kōtōbalbal kijejeto kein (lale 25.2.2).

9.3

Ritōl ro an Doulul eo an Kōrā ro

9.3.1

Bisop

Bisop eo ej kweilo̧k ippān būreejtōn eo an Doulul eo an Kōrā ro diktata juon allōn̄. Er rej ekōnono kōn jerbal in lo̧mo̧o̧r eo an Anij im mour ijo eutiej tata, ekoba jerbal in jipan̄ eo an sister in jerbal in karejar ro.

9.3.2

Būreejtōnji eo Eļap an Doulul an Kōrā ro

9.3.2.1

Kūr juon Būreejtōni an Doulul eo an Kōrā ro

Bisop eo ej kūr juon kōrā n̄an jerbal āinwōt būreejtōn eo an Doulul eo an Kōrā ro. Eļan̄n̄e iunit eo ebwe an kilep, ej leļo̧k ļōmņak in n̄an e kōn juon ak ruo kōrā n̄an jerbal āinwōt rikakpilōklōk ro an.

Jet iunit jiddik emaron̄ jab wōr juon būreejtōn an Doulul eo an Jiron̄ ro ak Būraimere. Ilo iunit in, būreejtōn eo an Doulul eo an Kōrā emaron̄ jipan̄ jinen im jemān ajri ro karōk kōmeļeļe ko n̄an jodikdik im ajri ro.

9.3.2.2

Eddo ko

Būreejtōn eo an Doulul eo an Kōrā ro ewōr ippāer eddo kein rej ellaajrak. Rikakpilōklōk ro an rej jipan̄ e.

• Jerbal ilo ward ko̧o̧njeļ eo.

• Tōl kijejeto ko an Doulul eo an Kōrā n̄an bōk koņaad ilo jerbal in lo̧mo̧o̧r im mour ilo aiboojoj eo eutiejtata (lale jebta 1).

• Karōk im eddoik jerbal ko an sister ro rej jerbal in karejar.

• Ium̧win tōl eo an bisop eo, kapilōk ippān membōr ro rerūtto ilo ward eo.

• Lale kijejeto ko an Doulul eo an Kōrā ro n̄an kōkajoorļo̧k sister ro rem̧m̧an ded ilo ward eo, jim̧ōr ro rejjan̄in m̧are im em̧ōj aer m̧are.

• Kweilo̧k ippān kajjojo ro uwaan Doulul eo an Kōrā ro diktata juon kōttan juon iiō.

• Eddoik rekoot ko an Doulul eo an Kōrā ro, riboot ko, im jāān ko (lale LCR.ChurchofJesusChrist.org

9.3.2.3

Kweilo̧k an Būreejtōnji

Būreejtōni eo an Doulul eo an Kōrā ro im rijeje eo rej kweilo̧k ippān doon emakijkij. Būreejtōn eo ej kōjeikiik kweilo̧k kein. Laajrak in kobban kweilo̧k ko remaron̄ koba aitōm̧ kein rej ellajrak:

• Karōk wāween n̄an kōkajoorļo̧k sister ro im baam̧le ko aer.

• Loloorjake jerbal in mijenede im jerbal an tampeļ im menmenbwij an baam̧le.

• Eo̧ron̄ ijjitōn̄ ko jān kweilo̧k ko an ward ko̧o̧njeļ eo.

• Etale meļeļe ko jān intōrpiu ko an jerbal in karejar.

• Ļōmņake sister ro n̄an jerbal ilo kūr im ijjitōn̄ ko an Doulul eo an Kōrā ro.

• Karōk kweilo̧k im m̧akūtkūt ko an Doulul eo an Kōrā ro.

9.3.3

Rijeje

Būreejtōnji eo an Doulul eo an Kōrā ro emaron̄ leļo̧k etan juon sister n̄an jerbal āinwōt juon rijeje an Doulul eo an Kōrā ro.

9.4

Jipan̄ Kōpooj Doulul eo an Jiron̄ ro n̄an Bōk Koņaer ilo Doulul eo an Kōrā ro

Būreejtōnji eo an Doulul eo an Kōrā ro rej jerbal ippān jiron̄ ro, pāāren ro aer, im ritōl ro an Doulul eo an Jiron̄ ro n̄an jipan̄ jiron̄ ro kōppopo n̄an bōk koņaer ilo Doulul eo an Kōrā ro.

Ritōl ro rej leļo̧k iien ejjeļo̧k jem̧ļo̧kin n̄an jiron̄ ro im sister ro ilo Doulul eo an Kōrā ro n̄an ejaake jem̧jerā ko aer. Jerbal ippān doon āinwōt rikarejar kōrā ro ej juon iaan wāween ko raorōk n̄an epaake doon.

9.6

Kakobaba ko Jet kōn Laajrak in Unin tōl im Kakien ko

9.6.2

Riit im Jeje

N̄e emenin aikuj, būreejtōnji eo an Doulul eo an Kōrā ro rej jerbal ippān bisop eo, būreejtōnji eo an doulul eo an em̧m̧aan ro, im ward ko̧o̧njeļ eo n̄an jipan̄ membōr ro ekkatak riit im jeje.