wan yang man long jos

10.

Ol Kworom blong Aronik Prishud

10.1

Stamba Tingting mo Oganaesesen

10.1.1

Stamba Tingting

Stamba tingting blong gat wan kworom hem i blong helpem ol brata we oli holem prishud blong wok tugeta blong tekpat long wok blong God blong fasin blong sevem man mo fasin blong kam olsem wan god, i hapen.

10.1.2

Stamba Toktok blong Aronik Prishud Kworom

“Mi mi pikinini boe blong God we Hem i lavem, mo Hem i gat wan wok blong mi mekem.

“Wetem ful hat, ful paoa blong tingting, ful maen mo ful paoa, bae mi lavem God, stap biaen long ol kavenan, mo yusum prishud blong Hem blong givim seves long ol narawan, statem long hom blong miwan.

“Taem mi stap traehad blong givim seves, praktisim fet, sakem sin, mo kam antap evri dei, bae mi kwalifae blong kasem ol blesing blong tempol mo blong kasem glad we i stap oltaem long gospel.

“Bae mi rere blong kam wan misinari we i wok had oltaem wetem strong tingting, stap wan fetful hasban, mo wan gudfala papa taem mi stap olsem wan tru disaepol blong Jisas Kraes.

“Bae mi help blong mekem wol i rere long taem we Sevya bae i kambak taem mi stap invaetem evriwan blong kam long Kraes mo kasem ol blesing blong Atonmen blong Hem.

10.1.3

Ol Kworom

10.1.3.1

Kworom blong Ol Dikon

Ol yang man oli joenem kworom blong ol dikon stat long Jenuware blong yia we oli kasem 12 yia. Long taem olsem, oli save odenem olgeta oli kam ol dikon sapos oli rere mo sapos oli klin inaf.

Ol diuti blong wan dikon oli stap insaed long Doktrin mo Ol Kavenan 20:57–59; 84:111. Sam nara diuti i blong pasem sakramen mo stap helpem bisop blong “lukaotem evri samting we i blong laef long wol ia” (Doktrin mo Ol Kavenan 107:68).

10.1.3.2

Kworom blong Ol Tija

Ol yang man oli joenem kworom blong ol tija stat long manis Jenuware blong yia we bae oli kasem 14 yia. Long taem olsem, oli save odenem olgeta oli kam ol tija sapos oli rere mo sapos oli klin inaf.

Ol tija oli gat ol semmak diuti olsem ol dikon. Mo tu, oli rere long sakramen, mo oli wok olsem ol givhan brata. Oli tokbaot sam moa diuti insaed long Doktrin mo Ol Kavenan 20:53–59; 84:111.

10.1.3.3

Kworom blong Ol Pris

Ol yang man oli joenem kworom blong ol pris stat long manis Jenuware blong yia we bae oli kasem 16 yia. Long taem olsem, oli save odenem olgeta oli kam ol pris sapos oli rere mo sapos oli klin inaf.

Ol pris oli gat ol semfala diuti olsem ol dikon mo ol tija. Oli gat sam moa diuti we oli tokbaot insaed long Doktrin mo Ol Kavenan 20:46–52, 73–79.

10.1.4

Ol Ki blong Prishud

Blong gat moa infomesen long saed blong ol ki ia, luk long 3.4.1.

10.1.5

Stretem Ol Kworom Folem Ol Lokol Nid

Long wan wod o branj wetem samfala yang man nomo, ol kworom blong Aronik Prishud oli save mit tugeta blong kasem instraksen mo gat ol aktiviti.

10.2

Stap Tekpat long Wok blong God blong Fasin blong Sevem Man mo Fasin blong Kam Olsem Wan God

10.2.1

Stap Laef Folem Gospel blong Jisas Kraes

10.2.1.2

Stap Lanem Gospel

Ol kworom miting, oli holem olgeta long nambatu mo nambafo Sandei blong manis. Oli blong 50 minit. Wan memba blong kworom presidensi (o wan long ol asisten blong bisop insaed long kworom blong ol pris) i lidim miting ia. Hem i lidim kworom blong talem baehat stamba toktok, mo blong stap toktok raon long ol asaenmen, ol diuti, mo ol nara mata.

Wan memba blong kworom, o wan adalt lida, i lidim gospel instraksen.

10.2.1.3

Seves mo Ol Aktiviti

Ol seves mo ol aktiviti ia, oli mas bildimap ol testemoni, mekem ol famli oli kam strong moa, pusum yuniti insaed long kworom, mo i givim ol janis blong blesem ol narawan.

Samfala seves mo aktiviti, insaed i mas gat tugeta, ol yang man mo ol yang woman, speseli ol yut we oli bigwan.

Ol Yia Aktiviti. Antap long ol yut aktiviti we i hapen oltaem, ol yang man oli save tekpat tu, evri yia, long:

• Wan Aronik Prishud Kworom kamp (luk long Aaronic Priesthood Quorum Camp Guide

• Wan wod o stek yut konfrens, o wan konfrens blong, Blong Ol Yut Oli Kam Strong(BYKS).

10.2.1.4

Divelopmen blong Yuwan

Long ol hadwok blong olgeta blong oli kam moa olsem Sevya, oli stap invaetem ol yut blong setem ol gol blong groap long saed blong spirit, sosol laef, bodi mo waes (luk long Luk 2:52).

Blong kasem moa infomesen, luk long ChildrenandYouth.ChurchofJesusChrist.org.

10.2.2

Stap Kea long Olgeta long Nid

Olgeta we oli kasem Aronik Prishud oli helpem bisop blong “lukaotem evri samting we i blong laef long wol ia” (Doktrin mo Ol Kavenan 107:68). Oli mas gat ol taem we i tekem ples oltaem blong oli givim seves long ol narawan, mo tu ol taem blong givim seves long famli blong olgeta, long taem blong ol yut aktiviti, mo tu, long taem blong olgetawan nomo.

10.2.2.1

Wok blong Givhan

Olgeta we oli holem Aronik Prishud, oli kasem ol givhan wok we oli givimaot long olgeta stat long manis Jenuware blong yia ia we oli kasem 14 yia. Blong kasem moa infomesen, luk long japta 21.

10.2.3

Stap Invaetem Evriwan blong Akseptem Gospel

Olgeta we oli kasem Aronik Prishud oli gat diuti ia blong “invaetem evriwan blong kam long Kraes” (Doktrin mo Ol Kavenan 20:59).

Ol papa mo mama, mo ol lida, oli leftemap tingting blong ol yang man blong rere blong givim seves long ol fultaem misin, mo tu, blong oli serem gospel truaot long laef blong olgeta.

10.2.4

Stap Joenem Ol Famli blong Taem we I No Save Finis

Olgeta we oli holem Aronik Prishud oli save help blong yunaetem ol famli blong taem we i no save finis long plante wei.

• Givim ona long papa mo mama blong olgeta mo stap olsem wan eksampol blong fasin blong stap laef insaed long hom blong olgeta, we i olsem fasin blong Kraes.

• Stap rere blong kasem ol odinens blong tempol, wetem hemia blong mared we i no save finis.

• Faenemaot nem blong ol bubu we oli nidim blong kasem ol odinens blong tempol (luk long FamilySearch.org).

• Tekpat long ol baptaes mo ol konfemesen blong olgeta we oli ded plante taem olsem we situesen blong olgeta i letem olgeta.

10.3

Bisoprik

Fasfala mo moa impoten responsabiliti blong bisop, hem i blong kea long ol yang man mo ol yang woman insaed long wod blong hem. Hem i lanem nem blong olgeta mo hem i andastanem hom situesen blong olgeta. Hem i go long ol aktiviti blong olgeta mo ol Sandei miting oltaem.

Bisop i presiden blong kworom blong ol pris.

Fas kaonsela insaed long bisoprik i gat responsabiliti ia blong lukaotem kworom blong ol tija. Seken kaonsela i gat responsabiliti blong lukaotem kworom blong ol dikon.

Bisoprik i gat olgeta responsabiliti ia moa long saed blong ol kworom blong Aronik Prishud:

• Stap intaviu long wanwan yang man tu (2) taem long wan yia (luk long 31.3.1

• Helpem ol yang man blong rere blong kasem Melkesedek Prishud.

• Lukluk ova ol rekod, ol ripot, bajet, mo ol faenens blong oganaesesen blong ol kworom blong Aronik Prishud.

Ol kworom advaesa mo ol speselis oli help wetem ol responsabiliti ia olsem we oli askem olgeta.

10.4

Ol Yut Kworom Lida

10.4.1

Stap Singaotem, Sastenem, mo Setem Apat Ol Yang Man

Bisop i singaotem wan o tu long ol pris blong oli stap olsem ol asisten blong hem long wok ia blong stap lidim kworom blong ol pris.

Wan memba blong bisoprik i singaotem ol presiden blong kworom blong ol dikon mo hemia blong ol tija. Taem we i gat inaf man we i kasem Aronik Prishud blong givim seves, ol yang man ia oli prea blong tingting long ol memba blong kworom blong givim nem olsem ol kaonsela mo wan sekretari.

Afta we oli givimaot ol koling ia, wan memba blong bisoprik i presentem ol yut kworom lida ia blong oli sastenem olgeta insaed long kworom miting blong olgeta. Bisop i setem apat ol asisten blong hem, mo tu, ol presiden blong kworom blong ol dikon mo hemia blong kworom blong ol tija. Hem i pasem o givim ol prishud ki long ol presiden blong kworom. Hem i save givimaot wok long ol kaonsela blong hem blong oli setem apat ol nara memba blong presidensi mo ol sekretari.

10.4.2

Ol Responsabiliti

• Oli lidim ol hadwok blong kworom blong tekpat long wok blong God blong fasin blong sevem man mo hemia blong kam olsem wan god (luk long japta 1).

• Kam blong save mo givim seves long wanwan memba blong kworom, wetem olgeta we oli no stap go long ol miting blong kworom.

• Oli givim seves, o stap insaed long wod yut kaonsel (luk long 10.4.4).

• Oli tijim ol memba blong kworom long saed blong ol prishud diuti blong olgeta (luk long Doktrin mo Ol Kavenan 107:85–88).

• Mekem plan mo lidim ol kworom miting ia (luk long 10.2.1.2).

• Mekem plan mo kareaot ol seves mo aktiviti blong kworom (luk long 10.2.1.3).

10.4.3

Kworom Presidensi Miting

Ol kworom presidensi blong ol Aronik Prishud oli mit oltaem. Kworom presiden i lidim ol miting ia. I mas gat tu (2) adalt i stap long miting ia—wan memba blong bisoprik, wan advaesa, o wan speselis.

10.4.4

Wod Yut Kaonsel

Luk long 29.2.6 blong kasem moa infomesen abaot wod yut kaonsel.

10.8

Sam Moa Gaedlaen mo Polisi

10.8.1

Kipim Ol Yut Oli Sef Oltaem

Long ol ples long Jos, taem i gat ol adalt we oli stap tijim ol pikinini o ol yut, i mas gat tu responsibol adalt tu, we oli mas stap.

Evri adalt we oli wok wetem ol yut i mas finisim proteksen trening blong ol pikinini mo ol yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org