.“10. Mme Eboho Itie-oku Aaron,” Mme ŋkpɔ se Emekde eto Ofuri Ŋwed Ndutum (2023).
.“10. Mme Eboho Itie-oku Aaron,” Mme ŋkpɔ se Emekde eto Ofuri Ŋwed Ndutum
10.
Mme Eboho Itie-oku Aaron
10.1
Ntak ye Nka
10.1.1.
Ntak
Ufɔn eboho edi edinwam mme akama itie-oku enam-utom ɔtɔkiet man enam utom erinyaŋa-ukpɔŋ ye edimenede ekure.
10.1.2.
Ibuot Ikɔ eke Eboho Itie-oku Aaron
“Ami ndi edima eyeneren eke Abasi, ndien Enye utom enyene ono mi ndinam.
“Ke ofuri esit, ukeme, ekikere, ye odudu, ami nyema Abasi, nim ediomi mi, nyuŋ nda itie-oku Esie man nnwam mbon efen, tɔnŋɔde ke ufɔkiduŋ mi.
“Nte ami ndomode ndinwam, nnyene mbuɔtidem, nkabare-esit, nyuŋ nam-ɔfɔn kwa usen, ami nyedot edibɔ mme edidiɔŋ temple ye edibihe idara eke ikɔ Abasi.
“Ami nyebeŋe-idem ndidi eti ɔkwɔrɔ-ikɔ, nsukibuot ebe, ye edima ete ke edidi eti mbet Jesus Christ.
“Ami nyenwam mbeŋe ererimbot nnɔ edifiak-ndi eke Andinyaŋa ke edikot kpukpru owo man edi etiene Christ enyuŋ ebɔ mme edidiɔŋ eke Erisio-isop Esie.”
10.1.3.
Mme Eboho
10.1.3.1
Eboho mme Deacon
Mkparawa iren eduk eboho mme deacon tɔŋɔ ke January eke isua emi mmɔ esimde isua Duopeba. Ke ini emi mmɔ nko ekem man edimek mmɔ nte deacon edieke mmɔ ema ekebeŋe-idem enyuŋ edot.
Emen mme utom eke deacon ewut ke Doctrine ye Covenants 20:57–59; 84:111. Mme utom efen esine edideme udia-ɔbɔŋ ye edinwam bishop ke “edikara ke kpukpru ŋkpɔ ikpɔkidem” (Doctrine ye Covenants 107:68).
10.1.3.2
Eboho mme Teacher
Mkparawa iren eduk eboho mme andikpep tɔŋɔ ke January eke isua emi mmɔ esimde isua Duopenaŋ. Ke ini emi mmɔ nko ekem man edimek mmɔ nte mme andikpep edieke mmɔ ema ekebeŋe-idem enyuŋ edot.
Mme andikpep enyene ukem utom nte mme deacon. Mmo nko esinam udia-ɔbɔŋ enuyŋ enam-utom nte mme ɔnɔ-unwam irenowo. Emen mme ndadian utom ewut ke Doctrine ye Covenants 20:53–59; 84:111.
10.1.3.3
Eboho mme Priest
Mkparawa iren eduk eboho mme priest tɔŋɔ ke January eke isua emi mmɔ esimde isua Efurekiet. Ke ini emi mmɔ nko ekem man edimek mmɔ nte mme priest edieke mmɔ ema ekebeŋe-idem enyuŋ edot.
Mme priest enyene ukem utom nte mme deacon ye mme andikpep. Emen mme ndadian utom ewut ke Doctrine ye Covenants 20:46–52, 73– 79.
10.1.4.
Mme Ukpɔhɔde Itie-oku
Ke oyomde etop awak kabaŋa mme ukpɔhɔde, se 3.4.1.
10.1.5.
Edinam mme Eboho ekem ye Ndaha Mbon oro
Ke ward mme branch emi esisit mkparawa irenowo edude, mme eboho Itie-oku Aaron ekeme edisobo ɔtɔkiet ebɔ item ye mme edinam.
10.2
Edibuana ke Utom Erinyaŋa-ukpɔŋ ye Edimenede
10.2.1.
Edi-nam Ikɔ Abasi Jesus Christ
10.2.1.2
Edikpep Ikɔ Abasi
Enim mme esop-eboho ke udiana ye ɔyɔhɔ Sunday inang ke ɔfiɔŋ. Mmɔ ebihe ke minit Aba-ye-duop. Owo presidency eboho oro (mme kiet kotu andinwam bishop ekedude ke eboho priest) edikama-ndutum. Enye ada eboho usuŋ ke editingt ibuot-ikɔ ke ibuot onyuŋ eneme ɔtɔkiet abaŋa udeme-utom, utom, ye mbubehe efen.
Owo eboho mme akamba adausuŋ ekem ɔtɔŋɔ edinɔ item ikɔ Abasi.
10.2.1.3
Utom-unwam ye mme Edinam
Utom-unwam ye mme edinam enyene edibɔp ikɔ ntiense, ɔsɔŋɔ ufɔkemana, enim eboho edidiana-kiet, onyuŋ ɔnɔ nti-ifet man ediɔŋ mbon efen.
Usuk utom-unwam ye mme edinam enyene edisine mkparawa iren ye nkaiferi iban mbiba, akpan-akpan eke ikpɔ iwaad.
Mme Edinam enamde ke Isua-kiet Ke edidian ke mme edinam eke iwaad emi enamde kini-kini, mkparawa irenowo nko ekeme edibuana ke ŋkpɔ emi kwa isua:
-
Nna-ekɔŋ eke eboho Itie-oku Aaron (se Item eke Nna-ekoŋ Eboho Itie-oku Aaron).
-
Mbono iwaad eke ward mme stake mme mbono Kabaŋa Nsoŋonda eke Iwaad (FSY).
10.2.1.4
Nkɔri Idem-owo
Ke utom mmɔ man ekabare etie nte Andinyaŋa, edɔhɔ mme iwaad ete enam mme uduak man ekɔri ke ŋkpɔ-spirit, ebuana-mbre, ke idaha, ye ke ikikke (se Luke 2;52)
Ke oyomde ediwak etop, se ChildrenandYouth.ChurchofJesusChrist.org.
10.2.2.
Edise Mbon Unana Enyin
Mme akama Itie-oku Aaron esinwam bishop ke “edikara ke kpukpru ŋkpɔ ikpɔkidem” (Doctrine ye Covenants 107:68). Mmɔ ana enyene nti-ifet kini-kini man enwam mbon efen ye mme ufɔkemana mmɔ, kini mme edinam eke iwaad, ye ke idem mmɔ.
10.2.2.1
21. Edinɔ-unwam
Mme akama Itie-oku Aaron ebɔ udeme-utom unɔ-unwam tɔŋɔɔde ke January eke isua emi mmɔ esimde isua Duopenaŋ. Ke oyomde ediwak etop, se ibuot 21.
10.2.3.
Edikot Kpukpru owo ete Edibɔ Ikɔ Abasi
Mme akama Itie-oku Aaron enyen utom ke “edikot kpukpru owo man edi etiene Christ” (Doctrine ye Covenants 20:59).
Mme ete ye eka ye adausuŋ eteme mkparawa irenowo ete ebeŋe-idem man eka full-time mission enyuŋ ebuana ikɔ Abasi ke ofuri eyo uwem mmɔ
10.2.4.
Edibɔp mme Ufɔkemana ke Nsinsi
Mme akama Itie-oku Aaron ekeme edinwam mbɔp mme ufɔkemana ke nsinsi ke ediwak usuŋ.
-
Ekpono mme ete ye eka mmɔ enyuŋ ewut uwutŋkpɔ eke eddidu mbiet-uwem eke Christ ke ufɔkiduŋ mmɔ.
-
Ebenge-idem man ebɔ mme edinam temple, esinede nsinsi ndɔ.
-
Ediongo mbon-ntongo-ubon emi eyomde mme edinam temple (se FamilySearch.org).
-
Ebuana ke mme baptism ye ndori-ubɔk nnɔ akpa-mkpa kini-kini ke nte ndaha enyimede.
10.3
Bishopric
Ata akpa ubiɔŋ-utom eke bishop edi ndikpeme mkarawa irenowo ye nkaiferi iban ke ward esie. Enye ɔdiɔŋɔ enyiŋ mmɔ onyuŋ ɔfiɔk mme ndaha ufɔkiduŋ mmɔ. Enye oduk mme edinam mmɔ ye mme esop Sunday mmɔ kini-kini.
Bishop edi adaibuot ke eboho mme priest.
Akpa ɔnɔitem ke bishopric enyene ubiɔŋ-utom ɔnɔ eboho mme teacher. Udiana ɔnɔitem ke bishopric enyene ubiɔŋ-utom ɔnɔ eboho mme deacon.
Bishopric enyene mme ndadian ubiɔŋ-utom emi enɔ mme eboho Itie-oku Aaron:
-
Esobo ye akparawa eren kiet-kiet ekpedi inikiet ke isua (se 31.3.1).
-
Enwam mkparawa irenowo edibeŋe-idem man ebɔ Itie-oku Melchizedek.
-
Etie-ese mme nwed, etop, ye ŋkpɔ-okuk eke mme Eboho Itie-oku Aaron.
Mme ɔnɔitem ye ntaifiɔk eke eboho enwam ke mme ubiɔŋ-utom emi ke nte eyomde.
10.4
Mme Adausuŋ ke Eboho Iwaad
10.4.1.
Ikoot, Edinyime, ye Edimek-nsio Nim
Bishop okot priest kiet mme iba ndi-di andinwam esie ke edida mme priest usuŋ ke eboho mme priest.
Owo bishopric okot mme president eke eboho deacon ye eke teacher. Ini eke ediwak mme akama Itie-oku Aaron edude man enam-utom, mkparawa irenowo emi eda-akam ekere-ebaŋa mbon eboho man ekot nte mme ɔnɔitem ye ewet-ŋwed.
Ke ema ekenɔ mme ikoot emi, owo bishopric emen mme adausuŋ ke eboho iwaad owut oyom edinyime ke esop eboho mmɔ. Bishop emek mme andinwam esie ye mme president eke eboho mme deacon ye teacher enim. Enye ayak mme ukpɔhɔde itie-oku ɔnɔ mme president eboho. Enye ekeme ndidɔŋ mme ɔnɔitem esie ete emek mbon presidency ye mme ewet-ŋwed eken enim.
10.4.2.
Mme Ubiɔŋ-utom
-
Ada usuŋ ke utom eboho man ebuana ke utom erinyaŋa-ukpɔŋ ye edimenede (se Akpa ibuot).
-
Oyom edidingo nyuŋ nwam owo eboho kiet-kiet, esinede mbon emi midukke esop eboho.
-
Anam-utom ke esop ndausuŋ iwaad ke ward (se 10.4.4).
-
Ekpep mbon eboho abaŋa mme utom itie-oku mmɔ (se Doctrine ye Covenants 107: 85– 88).
-
Aduak onyuŋ akama-ndutum eke esop eboho (se 10.2.1.2).
-
Aduak onyuŋ anam utom-unwam ye mme edinam eke eboho (se 10.2.1.3).
10.4.3.
Mbono eke Quorum Presidency
Mme presidency eke eboho Itie-oku Aaron esisobo kini-kini. Adaibuot eboho akama-ndutum ke mme mbono emi. Nte ededi ikpɔ owo iba eduk do—owo bishopric, ɔnɔitem kiet, mme ata-ifiɔk kiet.
10.4.4.
Esop eke Iwaad ke Ward
Se 29.2.6 ke oyomde ediwak etop kabaŋa mbono iwaad ke ward.
10.8
Ndidian Item ye Ido-mbet
10.8.1.
Edikpeme mme Iwaad
Ini emi ikpɔ-owo enemede ŋkpɔ ye iwaad ke ndaha Ufɔk Abasi, nte ededi nti ikpɔ-owo iba enyene edidu do.
Ofuri ikpɔowo emi enamde utom ye iwaad akpana ekure ubɔ-ukpep edikpeme nditɔ-ŋwɔŋ ye iwaad ke ufaŋ ɔfiɔŋ kiet emi ekenyimede mmɔ (ProtectingChildren.ChurchofJesusChrist.org).