Ol Hanbuk mo Ol Koling
11. Ol Yang Woman

“11. Ol Yang Woman,” Ol Pat We Oli Jusumaot long Jeneral Hanbuk (2023).

“11. Ol Yang Woman,” Ol Pat We Oli Jusumaot long Jeneral Hanbuk

sam yang woman oli stap aotsaed

11.

Ol Yang Woman

11.1

Stamba Tingting mo Oganaesesen

11.1.1

Stamba Tingting

Oganaesesen blong Ol Yang Woman i blong helpem ol yang woman blong oli mekem mo oli kipim ol tabu kavenan, mo tu, blong oli mekem ol dip jenis long laef blong olgeta i go long Jisas Kraes mo gospel blong Hem.

11.1.2

Stamba Toktok blong Ol Yang Woman

“Mi mi wan gel blong Papa mo Mama long Heven, we Tufala i laekem mi tumas, mo mi gat wan tabu fasin mo wan ples we i no save finis.

“Olsem wan disaepol blong Jisas Kraes, mi traehad blong kam olsem Hem. Mi lukaot mo tekem aksen folem revelesen we mi kasem blong miwan, mo givhan long ol narawan long tabu nem blong Hem.

“Bae mi stanap olsem wan witnes blong God long evri taem, mo long evri samting, mo long evri ples.

“Taem mi stap traehad blong kwalifae blong kam olsem wan god, bae mi holemtaet strong presen ia we i fasin blong sakem sin, mo bae mi kam gud moa evri dei. Wetem fet, bae mi mekem hom mo famli blong mi i kam strong moa, bae mi mekem mo kipim ol tabu kavenan, mo kasem ol odinens mo ol blesing blong tabu tempol.”

11.1.3

Ol Klas

Ol yang woman oli kam ol memba blong wan klas blong Ol Yang Woman stat long Jenuware blong yia we oli kasem 12 yia.

Ol bisoprik mo ol adalt lida blong Ol Yang Woman oli prea mo disaed olsem wanem blong oganaesem ol klas i folem yia blong olgeta. Insaed long wanwan klas, i nomata se klas i smol o i bigwan, i mas gat wan presiden mo, taem i posibol, i gat wan o tu kaonsela mo wan sekretari.

11.2

Stap Tekpat long Wok blong God blong Fasin blong Sevem Man mo Fasin blong Kam Olsem Wan God

11.2.1

Stap Laef Folem Gospel blong Jisas Kraes

11.2.1.2

Stap Lanem Gospel

Ol klas miting, oli holem olgeta long nambatu mo nambafo Sandei blong wanwan manis. Oli blong 50 minit. Wan memba blong klas presidensi i lidim. Hem i lidim klas blong talem baehat stamba toktok, mo blong stap toktok raon long ol asaenmen, mo ol nara mata.

Wan memba blong klas, o wan adalt lida, i lidim gospel instraksen.

11.2.1.3

Seves mo Ol Aktiviti

Ol seves mo ol aktiviti ia, oli mas bildimap ol testemoni, mekem ol famli oli kam strong moa, pusum yuniti insaed long ol klas, mo i givim ol janis blong blesem ol narawan.

Samfala seves mo aktiviti, insaed i mas gat tugeta, ol yang man mo ol yang woman, speseli ol yut we oli bigwan.

Ol Yia Aktiviti. Antap long ol yut aktiviti we i hapen oltaem, ol yang woman oli save tekpat tu, evri yia, long:

  • Wan Yang Woman kamp, (luk long Young Women Camp Guide

  • Wan wod o stek yut konfrens, o wan konfrens blong, Blong Ol Yut Oli Kam Strong(BYKS).

11.2.1.4

Divelopmen blong Yuwan

Long ol hadwok blong olgeta blong oli kam moa olsem Sevya, oli stap invaetem ol yut blong setem ol gol blong groap long saed blong spirit, sosol laef, bodi mo waes (luk long Luk 2:52).

Blong kasem moa infomesen, luk long ChildrenandYouth.ChurchofJesusChrist.org.

11.2.2

Stap Kea long Olgeta long Nid

Ol yang woman oli mas gat ol taem we i tekem ples oltaem blong oli givim seves long ol narawan, mo tu, ol taem blong givim seves long famli blong olgeta, long taem blong ol yut aktiviti, mo tu, long taem blong olgetawan nomo.

11.2.2.1

Wok blong Givhan

Ol yang woman, oli kasem ol givhan wok we oli givimaot long olgeta stat long manis Jenuware blong yia ia we oli kasem 14 yia. Blong kasem moa infomesen, luk long japta 21.

11.2.3

Stap Invaetem Evriwan blong Akseptem Gospel

Ol yang woman oli stap invaetem evriwan blong akseptem gospel taem we oli “stanap olsem ol witnes blong God long evri taem mo long evri samting, mo long evri ples” (Mosaea 18:9).

Ol papa mo mama, mo ol lida, oli leftemap tingting blong ol yang woman blong rere blong serem gospel truaot long laef blong olgeta.

11.2.4

Stap Joenem Ol Famli blong Taem we I No Save Finis

Ol yang woman oli save help blong yunaetem ol famli blong taem we i no save finis long plante wei.

  • Givim ona long papa mo mama blong olgeta mo stap olsem wan eksampol blong fasin blong stap laef insaed long hom blong olgeta, we i olsem fasin blong Kraes.

  • Stap rere blong kasem ol odinens blong tempol, wetem hemia blong mared we i no save finis.

  • Faenemaot nem blong ol bubu we oli nidim blong kasem ol odinens blong tempol (luk long FamilySearch.org).

  • Tekpat long ol baptaes mo ol konfemesen blong olgeta we oli ded plante taem olsem we situesen blong olgeta i letem olgeta.

11.3

Wod Lidasip blong Ol Yang Woman

11.3.1

Bisoprik

Fasfala mo moa impoten responsabiliti blong bisop, hem i blong kea long ol yang woman mo ol yang man insaed long wod blong hem. Hem, wetem ol kaonsela blong hem, oli lanem nem blong olgeta mo oli andastanem hom situesen blong olgeta. Oli mitim wanwan yang woman tu (2) taem long wan yia (luk long 31.3.1).

Bisop i gat responsabiliti blong lukluk ova long ol wod oganaesesen blong Ol Yang Woman. Hem i mit oltaem wetem presiden blong Ol Yang Woman.

Bisop mo ol kaonsela blong hem, oli tekpat oltaem long ol Yang Woman miting, seves mo aktiviti.

11.3.2

Adalt Yang Woman Presidensi

Bisop i singaotem mo i setem apat wan adalt woman blong i givim seves olsem wod presiden blong Ol Yang Woman. Sapos wan yunit i bigwan inaf, presiden blong Praemeri i givim nem blong wan o tu adalt woman, blong bisop i singaotem olsem ol kaonsela blong hem (luk long japta 30

Long wan smol yunit, presiden blong Ol Yang Woman, maet bae i wan adalt lida ia nomo insaed long oganaesesen blong Ol Yang Woman. Long kes olsem, hem i wok wetem papa mo mama blong oganaesem instraksen mo ol aktiviti blong ol yang woman.

Sapos wan branj i no gat wan presiden blong Yang Woman, Rilif Sosaeti presiden i save oganaesem instraksen blong ol yang woman kasem taem we oli singaotem presiden blong Ol Yang Woman.

Yang Woman presiden i gat olgeta responsabiliti ia: Ol kaonsela blong hem oli stap helpem hem.

  • I stap olsem wan memba blong wod kaonsel.

  • Hem i stap olsem wan memba blong wod yut kaonsel (luk long 29.2.6).

  • Givhan long wanwan yang woman.

  • I tijim ol nara Yang Woman lida mo klas presidensi long saed blong responsabiliti blong olgeta.

  • I kaonsel, o toktok wetem ol yang woman abaot ol jalenj we oli no nidim bisop, o i no gat abius insaed long hem (luk long 32.3, 31.3.1, mo 38.6.2).

11.3.4

Klas Presidensi mo Sekretari

11.3.4.1

Stap Singaotem, Sastenem, mo Setem Apat Ol Yang Woman

Wanwan klas blong Ol Yang Woman i sapos blong gat wan klas presidensi.

Wan memba blong bisoprik i singaotem wan yang woman blong wok olsem wan klas presiden. Taem we i gat inaf yang woman blong givim seves, klas presiden ia, i tingting long ol memba blong klas, mo i prea blong save wijwan nem blong givim blong oli stap olsem ol kaonsela mo sekretari blong hem.

Afta we oli givimaot ol koling ia, wan memba blong bisoprik i presentem ol yang woman ia long ol klas blong olgeta blong oli sastenem. Afta nao, bisop, o wan kaonsela we hem i givim wok ia long hem, i setem apat ol yang woman ia.

11.3.4.2

Ol Responsabiliti

Ol klas presiden oli givim seves insaed long wod yut kaonsel (luk long 11.3.4.4). Ol presidensi blong klas oli gat olgeta responsabiliti ia:

  • Oli lidim ol hadwok blong ol klas blong tekpat long wok blong God blong fasin blong sevem man mo hemia blong kam olsem wan god (luk long japta 1).

  • Kam blong save mo givim seves long wanwan yang woman, wetem olgeta we oli no stap go long ol klas miting.

  • Mekem plan mo lidim ol Sandei klas miting ia (luk long 11.2.1.2).

  • Mekem plan, mo kareaot ol seves mo aktiviti blong ol klas (luk long 11.2.1.3

11.3.4.3

Klas Presidensi Miting

Ol klas presidensi blong klas blong Ol Yang Woman oli mit oltaem. Klas presiden i lidim miting ia. Ol adalt Yang Woman lida oli kasem wok ia blong sapotem klas presidensi tu blong oli mas kam.

11.3.4.4

Wod Yut Kaonsel

Luk long 29.2.6 blong kasem moa infomesen abaot wod yut kaonsel.

11.6

Sam Moa Gaedlaen mo Polisi

11.6.1

Kipim Ol Yut Oli Sef Oltaem

Long ol ples long Jos, taem i gat ol adalt we oli stap tijim ol pikinini o ol yut, i mas gat tu responsibol adalt tu, we oli mas stap. Maet bae i nid blong kombaenem ol klas blong mekem hemia i posibol.

Evri adalt we oli wok wetem ol yut oli mas finisim proteksen trening blong ol pikinini mo ol yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org).