Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
- Bansongakaji
  - 11.1. Kipatshila ne Ndongoluelu
  - 11.2. Dibuela mu Mudimu wa Lupandu ne wa Dizanjikibua
  - 11.3. Bulombodi bua Bansongakaji mu Tshikongu
  - 11.6. Maludiki ne Ngenzelu Mikuabu
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

11. Bansongakaji

“11. Bansongakaji,” Masungula Mangatshibua mu Mukanda Munena wa Maludiki (2023).

“11. Bansongakaji,” Masungula Mangatshibua mu Mukanda Munena wa Maludiki

11.

Bansongakaji

11.1

Kipatshila ne Ndongoluelu

11.1.1

Kipatshila

Ndongoluelu wa Bansongakaji udi wambuluisha bansongakaji bua kuenza ne kulama bipungidi bia tshijila ne kushindameja dikudimuna dia mioyo yabu kudi Yezu Kilisto ne lumu luimpa luenda.

11.1.2

Tshiena-Bualu tshia Bansongakaji

“Ndi muana wa bakaji munanga wa baledi ba mu diûlu, ndi ne bumuntu bua bunzambi ne dipungila dia tshiendelela.

“Bu muyidi wa Yezu Kilisto, ndi ndienzeja bua kuikala bu mudiye. Ndi nkeba ne ndi ndonda tshidi dibuluila dia nkaya dingambila ne ndi nsadila bakuabu mu dina dienda dia tshijila.

“Ndi ngimana bu mujadiki wa Nzambi mu diba dionsu, mu bintu bionsu ne mu miaba yonsu.

“Pandi ndikumbaja bua dizanjikibua, ndi nsanka ne dipa dia dikudimuna dia mutshima ne ndi nkeba bua kudiakaja dituku dionsu. Mu ditabuija, ndi nkankamika nzubu wanyi ne dîku dianyi, bua dienza ne dilama bipungidi bia tshijila, ne dipeta milulu ne mabenesha bia ku ntempelo.”

11.1.3

Tulasa

Bansongakaji badi balua bidimba bia kalasa ka Bansongakaji kubangila mu Ngondu wa Kumpala wa tshidimu tshidibu bakumbaja bidimu 12.

Buepiskopo ne balombodi bakulumpa ba Bansongakaji, badi bapangadika mu disambila mushindu wa kulongolola tulasa bilondeshila bidimu. Kalasa konsu, kabiyi kutangila bunena, kadi ne bua kuikala ne mulombodi mukulu, ne miaba idibi bikumbana, kuikala ne mubedi umua anyi babidi ne mufundi.

11.2

Dibuela mu Mudimu wa Lupandu ne wa Dizanjikibua

11.2.1

Kuteka Lumu Luimpa lua Yezu Kilisto mu Tshienzedi

11.2.1.2

Kulonga kua Lumu Luimpa

Bisangilu bia kalasa bidi bienzeka mu Dialumingu dibidi ne dinayi dia ngondu. Bidi binenga minuta 50. Tshidimba tshia mu bulombodi bukulu bua kalasa tshidi tshilombola. Udi ulombola kalasa mu kuambulula tshiena-bualu ne kubelangana pamua bitangila matumika ne makuabu malu.

Nanku tshidimba tshia mu kalasa anyi mulombodi mukulumpa udi ulombola dilongesha dia lumu luimpa.

11.2.1.3

Disadila ne Bibilu

Disadila ne bibilu bidi ne bua kutantshisha majadiki, kukankamika mêku, kukolesha bobumua bua kalasa, ne kufila mishindu ya kubenesha bakuabu.

Dimua disadila ne bibilu, bidi ne bua kusangisha bansongaluma ne bansongakaji, nangananga bua bansonga bakulumpa.

Bibilu bia ku Tshidimu Mu dikumbaja ku bibilu bia tshibidilu, bansongakaji badi kabidi mua kubuela mu bibilu bia ku tshidimu ebi:

Tshitangu tshia Bansongakaji (tangila Young Women Camp Guide).
Mpungilu wa bansonga wa tshikongu anyi wa dikunji anyi mpungilu wa Bua Dikankamika dia Bansonga (BDB).

11.2.1.4

Ditanta dia Nkaya

Mu kudienzeja kuabu bua kuikala bafuanangana ne Mupandishi, bansonga badi babikidibua bua kuteka tuipatshila bua kukola mu nyuma, mu nsombelu, mu mubidi, ne mu lungenyi (tangila Luka 2:52).

Bua mamanyisha a bungi, tangila ChildrenandYouth.ChurchofJesusChrist.org.

11.2.2

Kuambuluisha Bantu Badi mu Majinga

Bansongakaji badi ne bua kuikala ne mishindu ya pa tshibidilu bua kusadila bantu pamua ne mu mêku abu, mu bibilu bia bansonga, ne padibu nkayabu.

11.2.2.1

Dikuba

Bansongakaji badi mua kupeta matumika a bukubi kubangila mu Ngondu wa Kumpala wa tshidimu tshidibu bakumbaja bidimu 14. Bua mamanyisha a bungi, tangila shapita 21.

11.2.3

Kubikila Bantu Bonsu bua Kupeta Lumu Luimpa

Bansongakaji badi babikila bantu bonsu bua kupeta lumu luimpa mu “kuikala bajadiki ba Nzambi diba dionsu, mu bintu bionsu, ne mu miaba yonsu” (Mosiya 18:9).

Baledi ne balombodi badi mua kuambuluisha bansongakaji bua kudilongolola bua kutangalaja lumu luimpa mu mioyo yabu.

11.2.4

Kukunguija Mêku bua Tshiendelela

Bansongakaji badi mua kuambuluisha bua kusangisha mêku bua tshiendelela mu mishindu ya bungi.

Kunemeka baledi babu ne kuleja tshilejilu tshia buena Kilisto mu nzubu yabu.
Kudilongolola bua kupeta milulu ya mu ntempelo, pamua ne dibaka dia tshiendelela.
Kupeta bankambua badi dijinga ne milulu ya mu ntempelo (tangila FamilySearch.org).
Kubuela mu ditambula ne dijadikibua bua bafua misangu yonsu idi mushindu umueka.

11.3

Bulombodi bua Bansongakaji mu Tshikongu

11.3.1

Buepiskopo

Bujitu bua kumpala bua muepiskopo, mbua kulama bansongakaji ne bansongaluma mu tshikongu. Yeya ne babedi benda, badi bamanya mena abu ne bumvua malu a mu mêku abu. Badi bamunangana ne nsongakaji yonsu nansha misangu ibidi ku tshidimu (tangila 31.3.1).

Muepiskopo udi ne bujitu bua ndongoluelu wa Bansongakaji ba mu tshikongu. Udi umonangana pa tshibidilu ne mulombodi mukulu wa Bansongakaji.

Muepiskopo ne babedi benda badi babuela ku misangu mu bisangilu, disadila ne mu bibilu bia Bansongakaji.

11.3.2

Bulombodi Bukulu bua Bansongakaji Bakulumba

Muepiskopo udi ubikila ne uteka pa muaba nsongakaji mukulumpa bua kusadila bu mulombodi mukulu wa Bansongakaji ba mu tshikongu. Pikala tshisumbu tshinena bikola, udi wanyishila kudiye nsongakaji mukulumpa umua anyi babidi bua bikala babedi benda (tangila shapita 30).

Mu tshisumbu tshikesa, mulombodi mukulu wa Bansongakaji udi mua kubikidibua nkayenda mulombodi mukulumpa mu ndongoluelu wa Bansongakaji. Padibi nanku, udi wenza mudimu pamua ne baledi bua kulongolola malongesha ne bibilu bia bansongakaji.

Pikala ditamba kadiyi ne mulombodi mukulu wa Bansongakaji, mulombodi mukulu wa Nsangilu wa Diambuluisha udi mua kulongolola malongesha bua bansongakaji tô ne padi mulombodi mukulu wa Bansongakaji ubikidibua.

Mulombodi mukulu wa Bansongakaji udi ne majitu adi alonda â. Babedi benda badi bamuambuluisha.

Kusadila mu tshipangu tshia tshikongu.
Kusadila bu tshidimba tshia tshipangu tshia bansonga mu tshikongu (tangila 29.2.6).
Kusadila bidimba bidi bikala nsongakaji.
Kulongesha balombodi bakuabu ba Bansongakaji ne balombodi bakulu ba tulasa majitu abu.
Kuyukila ne bansongakaji bitangila ntatu idi kayiyi ilomba muepiskopo anyi kayiyi malu a tshinyangu to (tangila 32.3, 31.3.1, ne 38.6.2).

11.3.4

Bulombodi Bukulu bua Kalasa ne Mufundi

11.3.4.1

Kubikila, Kutua Mpanda, ne Kuteka pa Muaba

Kalasa konsu ka Bansongakaji kadi ne bua kuikala ne bulombodi bukulu bua kalasa aku.

Tshidimba tshia mu buepiskopo tshidi tshibikila nsongakaji bua kusadila bu mulombodi mukulu wa kalasa. Padiku bansongakaji ba bungi bua kusadila, udi utangila mu disambila midimba bia mu kalasa bia kuanyishila bua kuikala babedi ne mufundi.

Panyima pa kubapesha mabikila â, tshidimba tshia mu buepiskopo tshidi tshileja bansongakaji kudi kalasa bua ditua dia mpanda. Muepiskopo anyi mubedi mutumibua, udi uteka bansongakaji pa muaba.

11.3.4.2

Majitu

Balombodi bakulu ba tulasa badi basadila mu tshipangu tshia bansonga mu tshikongu (tangila 11.3.4.4). bulombodi bukulu bua kalasa budi kabidi ne majitu adi alonda:

Kulombola midimu ya kalasa bua kudibuinka mu mudimu wa lupandu ne dizanjikibua (tangila shapita 1).
Kumanya ne kusadila nsongakaji yonsu, pamua ne aba badi kabayi balua mu bisangilu bia kalasa to.
Kulongolola ne kulombola bisangilu bia tulasa tua Dialumingu (tangila 11.2.1.2).
Kulongolola ne kuenza disadila ne bibilu bia kalasa (tangila 11.2.1.3).

11.3.4.3

Tshisangilu tshia Bulombodi Bukulu bua Kalasa

Bulombodi bukulu bua Bansongakaji budi bumunangana ku misangu. Mulombodi mukulu wa kalasa udi ulombola bisangilu ebi. Balombodi bakulumpa ba Bansongakaji badi batumibua bua kukuatshisha bulombodi bukulu bua kalasa, badi pabu babuela.

11.3.4.4

Tshipangu tshia Bansonga mu Tshikongu

Tangila 29.2.6 bua mamanyisha a bungi pa tshipangu tshia bansonga mu tshikongu.

11.6

Maludiki ne Ngenzelu Mikuabu

11.6.1

Kulama Bansonga

Padi bantu bakulumpa bayukila ne bansonga mu ngikadilu wa Ekelezia, bantu bakulumpa badikadila nansha babidi badi ne bua kuikala koku. Bidi mua kuikala ne mushinga bua kusangisha tulasa, bua kupepeja tshiotshi etshi.

Bantu bakulumpa bonsu badi benza mudimu pamua ne bansonga, badi ne bua kukumbaja dilongesha dipiluka dia bulami bua bansonga mu ngondu umua panyima pa batuibua mpanda (ProtectingChildren.ChurchofJesusChrist.org).