o le aiga o loo ‘u’u ia tusitusiga paia

12.

Peraimeri

12.1

Faamoemoega ma le Faatulagaga

O le Peraimeri o se faalapotopotoga e faatotonugalemu-i-le-aiga ma lagolagoina e le Ekalesia. E mo tamaiti ua ta’i 18 masina e oo i le 11 tausaga.

12.1.1

Faamoemoega

E fesoasoani le Peraimeri i tamaiti ia:

• Lagonaina le alofa o lo latou Tama Faalelagi ma a’oa’o e uiga i Lana fuafuaga o le fiafia.

• A’oa’o e uiga ia Iesu Keriso ma Lana matafaioi i le fuafuaga a le Tama Faalelagi.

• Aoao ma ola i le talalelei a Iesu Keriso.

• Lagona, iloa, ma faatino e ala i le tosinaga a le Agaga Paia.

• Saunia mo, osia, ma tausia feagaiga paia.

• Auai i le faatinoina o le galuega a le Atua mo le faaolataga ma le faaeaga.

12.1.3

Vasega

A lava tamaiti, e vaevaeina i latou i vasega e tusa ai ma o latou tausaga.

E masani ona sii atu tamaiti mai le Peraimeri i Tamaitai Talavou po o le korama a tiakono ia Ianuari o le tausaga e atoa i ai lo latou ta’i 12.

12.1.4

Taimi o Pesepesega

O le taimi o pesepesega e fesoasoani i tamaiti ia lagonaina le alofa o le Tama Faalelagi ma a’oa’o ai e uiga i Lana fuafuaga o le fiafia. Ao pepese tamaiti e uiga i mataupu faavae o le talalelei, e molimau atu le Agaga Paia e uiga i lo latou moni.

O le au peresitene o le Peraimeri ma le taitai musika e filifilia pese mo masina taitasi e toe faamalosia ai mataupu faavae o loo aoaoina e tamaiti i totonu o a latou vasega ma i le aiga.

12.1.5

Vasega Pepe

O le Vasega Pepe e fesoasoani i tamaiti ua ta’i 18 masina e oo i le 3 tausaga ia lagonaina le alofa o le Tama Faalelagi ma aoao ai e uiga i Lana fuafuaga o le fiafia.

12.2

Auai i le Faatinoina o le Galuega a le Atua mo le Faaolataga ma le Faaeaga

12.2.1

Ola i le Talalelei a Iesu Keriso

12.2.1.2

A’oa’oina o le Talalelei

Sauniga a le Peraimeri i le Aso Sa. O se tasi o le au peresitene o le Peraimeri e taitai i le tatalaina.

O le faasologa lenei o taimi:

Vaega o le Sauniga	Umi
Vaega o le Sauniga Tatalaina i le (tatalo, mau po o se Mataupu Faavae o le Faatuatua, ma se lauga—e faia uma e tamaiti)	Umi 5 minute
Vaega o le Sauniga Taimi o pesepesega	Umi 20 minute
Vaega o le Sauniga Fesuiaiga i vasega	Umi 5 minute
Vaega o le Sauniga Vasega ma le tatalo faaiu	Umi 20 minute

Vasega pepe mo tamaiti ua ta’i 18 masina e oo i le 3 tausaga e 50 minute. Vaai Ia I O Outou Tamaiti o loo avatu ai se faasologa fautuaina.

Polokalama a Tamaiti mo le Sauniga Faamanatuga. O le polokalama faaletausaga a tamaiti mo le sauniga faamanatuga e faia i le aluga o nai masina mulimuli o le tausaga.

E fuafuaina ma le agaga tatalo e le au peresitene o le Peraimeri ma le taitai musika le polokalama. E tuuina atu e le au epikopo le taitaiga. E mafai ona pepese ia tamaiti, fai ni lauga, ma faasoa mai ni tala, mau, po o molimau.

Fonotaga o le Sauniuniga mo le Malumalu ma le Perisitua. E fuafua e le au peresitene o le Peraimeri se fonotaga o le Sauniuniga mo le Malumalu ma le Perisitua i tausaga taitasi. E tuuina atu e le au epikopo le taitaiga. O le fonotaga e mo tamaiti e ta’i 10 tausaga. E valaaulia ai matua.

12.2.1.3

Auaunaga ma Gaoioiga

E amata atu ia Ianuari o le tausaga e atoa ai lo latou ta’i 8, e mafai ona amata auai tamaiti i gaoioiga a le Peraimeri.

O gaoioiga a le Peraimeri e faia i taimi e ese mai le Aso Sa po o afiafi o Aso Gafua.

• O gaoioiga a le Peraimeri e faia ta’i lua i se masina pe a mafai.

• E masani ona potopoto eseese tama ma teine. Peitai, e mafai ona tuufaatasia i latou mo gaoioiga patino pe i nofoaga e toalaiti ai tamaiti.

E faamautinoa e le au epikopo o le paketi ma gaoioiga mo tama ma teine i le Peraimeri e lava ma fuatutusa.

12.2.1.4

Atinaega Faaletagata Lava Ia

I a latou taumafaiga ia avea atili e faapei o le Faaola, o tamaiti—e amata i le tausaga e atoa i ai lo latou ta’i 8—e valaaulia e faatutu ni sini ia tuputupu ae faaleagaga, faaleagafesootai, faaletino, ma faaleatamai (tagai i le Luka 2:52).

E mafai ona latou faaaogaina le Atinaega Faaletagata Lava Ia: Tusitaiala a Tamaitie seti ma faamaumau ai sini.

12.3

Taitaiga o le Peraimeri i le Uarota

12.3.1

Au Epikopo

O le tiutetauave aupito taua o le epikopo e mo le tupulaga faia’e, e aofia ai ma tamaiti. E mafai e le epikopo ona tofia sona fesoasoani e fesoasoani i lona tiutetauave mo le Peraimeri. O le epikopo po o sona fesoasoani ua tofia, e fono e le aunoa ma le peresitene o le Peraimeri.

O le epikopo ma ona fesoasoani e auai atu e le aunoa i le Peraimeri.

12.3.2

Au Peresitene o le Peraimeri

E valaau ma vaetofia e le epikopo se tamaitai matua e auauna o se peresitene o le Peraimeri i le uarota.

I se iunite laitiiti, e mafai ona avea le peresitene o le Peraimeri na o ia lava le taitai valaauina i le Peraimeri. I le tulaga lea, e galue faatasi o ia ma matua e faatulaga ia lesona, taimi o pesepesega, ma gaoioiga. Afai e lava le telē o le iunite, e mafai ona faatumu ia valaauga faaopoopo i le faatulagaga lenei: fesoasoani, taitai musika, faiaoga ma taitai o le vasega pepe, failautusi, ma taitai o gaoioiga.

E fesoasoani le au peresitene o le Peraimeri i matua e saunia fanau e ulu atu ma alualu i luma i luga o le ala o feagaiga.

Ina ia ausia lenei mea, e mafai e le peresitene o le Peraimeri ona tofia se tasi o le au peresitene e fesoasoani i matua e saunia a latou fanau ina ia papatisoina ma faamauina. E mafai e le peresitene o le Peraimeri ona tofia se isi sui o le au peresitene e fesoasoani i matua i sauniuniga mo le malumalu ma le perisitua mo a latou fanau.

Ua i ai i le peresitene o le Peraimeri ia tiutetauave faaopoopo nei. E lagolago atu ona fesoasoani ia te ia.

• E auauna atu o ia i le aufono a le uarota.

• E faia e le aunoa fonotaga a le au peresitene o le Peraimeri ma fono ma le epikopo po o lona fesoasoani ua tofia i ai.

• Fesoasoani e fuafua sauniga o le papatisoga mo tamaiti ua i ai pepa faamaumau pe a talosagaina ai (tagai i le 18.7.2).

• Fuafua ma taitai sauniga amata a le Peraimeri i Aso Sa.

• Auauna atu i tamaiti taitoatasi, faiaoga, ma taitai i le Peraimeri.

• Aoao atu ia taitai ma faiaoga o le Peraimeri i o latou tiutetauave ma lagolagosua atu ia i latou i na tiutetauave e ala i le aoaoina faamasani o i latou i o latou valaauga (tagai i le Aoao atu i le Ala a le Faaola [216], 38).

• Vaaia ia faamaumauga, lipoti, paketi, ma mea tautupe a le Peraimeri.

12.3.4

Taitai Musika ma le Tapiano

O le taitai musika ma le tapiano e aoao atu i tamaiti le talalelei a Iesu Keriso e ala i musika i le taimi o pesepesega.

Afai e le o maua se ta piano po o se piano, e mafai e taitai ona faaaoga ia musika na pu‘eina.

12.3.5

Faiaoga ma Taitai o le Vasega Pepe

O le au peresitene o le Peraimeri e fautuaina atu i le au epikopo ia alii ma tamaitai e auauna atu o ni faiaoga o le Peraimeri ma taitai o le vasega pepe. E valaauina nei tagata o le au paia e faiaoga ma auauna atu i ni vaega o vaitausaga patino o tamaiti.

O faiaoga o le Peraimeri ma taitai o le vasega pepe e a’oa’o atu mai le Sau, Mulimuli Mai ia te A’u—Mo Le Peraimeritausaga 3–11) ma le Vaai Ia I O Outou Tamaitivasega pepe).

12.3.6

Taitai o Gaoioiga

O taitai o gaoioiga a le Peraimeri e auauna atu i tamaiti pe a latou fuafuaina ni auaunaga ma gaoioiga e amata ia Ianuari o tausaga e atoa ai le ta’i 8 tausaga o tamaiti (tagai i le 12.2.1.3). O auaunaga ma gaoioiga e taulai atu i le galuega o le faaolataga ma le faaeaga. E mālie ma tosinaloto.

12.5

Taiala ma Aiaiga Faaopoopo

12.5.1

Malupuipuia o Tamaiti

Pe a fegalegaleai ia tagata matutua ma tamaiti i faatulagaga faale-Ekalesia, ia le itiiti ifo ma le toalua tagata matutua faatuatuaina e tatau ona i ai.

O tagata matutua uma e galulue faatasi ma tamaiti e tatau ona faamae’aina le a’oa’oga faamasani o le puipuiga o tamaiti ma le autalavou i totonu o le masina e tasi talu ona lagolagoina (ProtectingChildren.ChurchofJesusChrist.org