12.

Praemeri

12.1

Stamba Tingting mo Oganaesesen

Praemeri, hem i wan hom oganaesesen we Jos i sapotem. Praemeri, hem i blong ol pikinini we yia blong olgeta i stat long 18 manis i go kasem 11 yia.

12.1.1

Ol Stamba Tingting

Praemeri i helpem ol pikinini:

• Blong oli filim lav we Papa long Heven i gat long olgeta, mo blong oli lanem abaot plan blong Hem blong man i stap hapi.

• Blong oli lan abaot Jisas Kraes mo rol blong Hem insaed long plan blong Papa long Heven.

• Lanem mo laef folem gospel blong Jisas Kraes.

• Blong oli filim, luksave mo mekem samting folem wanem Tabu Spirit i lidim olgeta blong mekem.

• Blong oli rere from, blong oli mekem mo stap kipim ol tabu kavenan.

• Tekpat long wok blong God blong fasin blong sevem man mo fasin blong kam olsem wan god.

12.1.3

Ol Klas

Taem i gat inaf pikinini, oli serem olgeta long ol klas we i folem yia blong olgeta.

Plante taem, ol pikinini oli muv long Praemeri i go long Ol Yang Woman o kworom blong ol dikon long Jenuware blong yia ia we oli kasem 12 yia.

12.1.4

Taem blong Singsing

Singsing taem i helpem ol pikinini blong oli filim lav we Papa long Heven i gat long olgeta, mo blong oli lanem abaot plan blong Hem blong man i stap hapi. Taem ol pikinini oli stap singsing abaot ol prinsipol blong gospel, Tabu Spirit i stap testifae se ol prinsipol ia oli tru.

Praemeri presidensi mo miusik lida i jusum ol singsing blong wanwan manis blong sapotem ol gospel prinsipol we ol pikinini oli stap lanem insaed long ol klas blong olgeta, mo insaed long hom.

12.1.5

Neseri

Neseri i helpem ol pikinini we oli gat 18 manis i go kasem 3 yia blong oli filim lav we Papa long Heven i gat long olgeta, mo blong oli lanem abaot plan blong Hem blong man i stap hapi.

12.2

Stap Tekpat long Wok blong God blong Fasin blong Sevem Man mo Fasin blong Kam Olsem Wan God

12.2.1

Stap Laef Folem Gospel blong Jisas Kraes

12.2.1.2

Stap Lanem Gospel

Ol Sandei Praemeri Miting Wan memba blong Praemeri presidensi nao i lidim opening blong miting ia.

Taemtebol hem i go olsem:

Pat blong Miting	Hao long
Pat blong Miting Opening (prea, skripja o Toktok blong Bilif, mo toktok—evriwan ia, ol pikinini nao oli givim)	Hao long 5 minit
Pat blong Miting Singsing Taem	Hao long 20 minit
Pat blong Miting Muv i go long nara klas	Hao long 5 minit
Pat blong Miting Ol klas mo las prea	Hao long 20 minit

Neseri, hem i blong ol pikinini we oli gat 18 manis i go kasem 3 yia, mo klas i blong 50 minit. Behold Your Little Ones i givim wan eksampol blong wan taemtebol.

Sakramen Miting Presentesen blong Ol Pikinini Yia sakramen miting presentesen blong ol pikinini, oli holem long ol las manis blong yia.

Praemeri presidensi mo miusik lida oli prea mo mekem plan blong presentesen. Bisoprik i givim daereksen. Ol pikinini oli save singsing, givim ol toktok, mo serem ol stori, ol skripja o ol testemoni.

Miting blong Rere from Tempol mo Prishud Praemeri presidensi i mekem plan blong holem wan miting, evri yia, blong Rere from Tempol mo Prishud. Bisoprik i givim daereksen. Miting ia, hem i blong ol pikinini we oli gat 10 yia. Oli invaetem ol papa mo mama blong kam.

12.2.1.3

Seves mo Ol Aktiviti

Stat long manis Jenuware blong yia ia we bae oli kasem 8 yia, ol pikinini oli save stat blong go long ol Praemeri aktiviti.

Ol Praemeri aktiviti, oli holem long wan dei we i no Sandei o i no Mandei.

• Ol praemeri aktiviti, oli holem olgeta tu taem long wan manis taem i posibol.

• Ol boe mo ol gel oli mit seperet long nomol taem. Be, oli save kombaen blong holem samfala aktiviti o oli save kombaen long ol ples we i no gat tumas pikinini.

Bisoprik i meksua se bajet mo ol aktiviti blong ol boe mo gel long Praemeri oli inaf mo oli serem i ikwol.

12.2.1.4

Divelopmen blong Yuwan

Long ol hadwok blong olgeta blong oli kam moa olsem Sevya, oli stap invaetem ol pikinini—stat long yia ia we oli kasem eit yia—blong setem ol gol blong groap long saed blong spirit, sosol laef, bodi mo waes (luk long Luk 2:52).

Oli save yusum Divelopmen blong Yuwan: Gaedbuk blong Ol Pikinini blong setemap mo rekodem ol gol blong olgeta.

12.3

Wod Praemeri Lidasip

12.3.1

Bisoprik

Fasfala mo moa impoten responsabiliti blong bisop, hem i blong kea long jeneresen ia we i stap kam antap, mo i tekem tu ol pikinini. Bisop i save givim wok long wan kaonsela blong hem blong i helpem hem long responsabiliti ia blong lukaot long Praemeri. Bisop mo kaonsela blong hem we hem i givim wok ia long hem, tufala i mit oltaem wetem Praemeri presiden.

Bisop mo ol kaonsela blong hem, oltaem oli go long Praemeri.

12.3.2

Praemeri Presidensi

Bisop i singaotem mo i setem apat wan adalt woman blong i givim seves olsem presiden blong Praemeri long wod.

Long wan yunit we i smol, Praemeri presiden bae i wan Praemeri lida ia nomo we bae oli singaotem. Long kes olsem, hem i wok wetem papa mo mama blong ol pikinini blong oli oganaesem ol lesen, gat singsing taem, mo ol aktiviti. Sapos yunit i bigwan inaf, bae oli save fulumap ol posisen blong ol koling i folem oda ia: ol kaonsela, miusik lida, ol tija mo neseri lida, sekretari, mo ol aktiviti lida.

Praemeri Presidensi i helpem ol papa mo mama blong help mekem rere ol pikinini blong kam insaed mo progres folem kavenan rod ia.

Blong mekem hemia, Praemeri presiden i save givim wok long wan memba blong presidensi blong hem i helpem ol mama mo papa blong mekem ol pikinini blong olgeta oli rere blong oli kasem baptaes mo kasem konfemesen. Praemeri presiden i save givim wok long wan nara memba blong presidensi blong hem i helpem ol mama mo papa blong ol pikinini blong olgeta oli rere blong go long tempol mo kasem prishud.

Praemeri presiden i gat sam moa responsabiliti ia: Ol kaonsela blong hem oli stap helpem hem.

• I stap olsem wan memba blong wod kaonsel.

• Oltaem hem i holem ol Praemeri presidensi miting mo hem i mit wetem bisop o kaonsela ia we i lukaot long Praemeri.

• Hem i helpem blong mekem plan blong ol seves blong baptaes blong ol pikinini blong rekod taem oli askem hem ( luk long 18.7.2).

• Mekem plan mo lidim opening blong ol Sandei miting blong Praemeri.

• Hem i givhan long wanwan pikinini, ol tija, mo ol lida insaed long Praemeri.

• Hem i tijim ol lida mo ol tija blong Praemeri long saed blong ol responsabiliti blong olgeta, mo hem i sapotem olgeta long ol responsabiliti ia taem hem i givim trening long olgeta long saed blong ol koling blong olgeta (luk long Stap Tij long Wei blong Sevya [2016], 38).

• Hem i lukluk ova ol rekod, ol ripot, bajet, mo ol faenens blong oganaesesen blong Praemeri long wod.

12.3.4

Ol Miusik Lida mo Pianis

Miusik lida mo pianis, tufala i tijim pikinini long saed blong gospel blong Jisas Kraes tru long miusik long taem blong singsing taem.

Sapos i no gat wan pianis o i no gat piano i stap, ol lida oli save yusum ol rekoding.

12.3.5

Ol Tija mo Ol Neseri Lida

Praemeri presidensi i givim ol nem long bisoprik blong ol man mo ol woman we bae oli givim seves olsem ol tija blong Praemeri mo olsem ol neseri lida. Ol memba ia, oli singaotem olgeta blong tijim mo givhan long ol spesifik yia grup blong ol pikinini.

Ol praemeri tija mo neseri lida oli tij aot long Kam Folem Mi—Blong Praemeri (3–11 yia) mo Behold Your Little Ones (neseri).

12.3.6

Ol Aktiviti Lida

Ol aktiviti lida blong Praemeri oli givhan long ol pikinini long taem we oli stap mekem plan blong holem ol seves mo ol aktiviti blong ol pikinini, hemia stat long manis Jenuware blong yia ia we ol pikinini oli kasem 8 yia (luk long 12.2.1.3). Ol seves mo ol aktiviti oli mas lukluk nomo long wok ia blong fasin blong sevem man mo mekem oli kam olsem wan god. Oli wan hapi taem mo wan taem blong mekem samting.

12.5

Sam Moa Gaedlaen mo Polisi

12.5.1

Kipim Ol Pikinini Oli Sef Oltaem

Long ol ples long Jos, taem i gat ol adalt we oli stap tijim ol pikinini o ol yut, i mas gat tu responsibol adalt tu, we oli mas stap.

Evri adalt we oli wok wetem ol pikinini yut oli mas finisim proteksen trening blong ol pikinini mo ol yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org