14.

Dagiti Miembro nga Awan Asawana

14.0

Pakauna

Dagiti lallaki ken babbai a saan pay a nagkallaysa wenno diborsiado wenno balo ti mangbukel iti napateg a paset ti kinamiembro iti Simbaan. Napateg para iti amin a mangsapul iti namnama babaen ti Pannubbot ni Jesucristo (kitaen iti Ether 12:4). Makatulong dagiti sumaganad nga agnanayon a kinapudno a mangpatanor iti kasta a namnama:

• Ipatalged dagiti nasantuan a kasuratan ken dagiti propeta iti ud-udina nga aldaw a ti amin a napudno nga agtungtungpal kadagiti katulagan iti ebanghelio ket maaddaandanto iti gundaway para iti pannakaitan-ok.

• Saan pay amin a naipalgak ti eksakto nga oras ken wagas a pannakaited dagiti bendision ti pannakaitan-ok. Ngem nupay kasta maipanamnamada (kitaen iti Mosiah 2:41).

• Ti panaguray iti Apo ipasimudaagna ti agtultuloy a panagtulnog ken naespirituan a panagdur-as nga agturong Kenkuana (kitaen iti Isaias 64:4).

• Idiaya ti Dios ti agnanayon a biag iti amin nga annakna. Amin a maikari iti naparabur a sagut ti Mangisalakan a pammakawan ken agbiag kadagiti bilinna ket umawatdanto iti agnanayon a biag. (Kitaen iti Mosiah 26:30; Moroni 6:8.)

• Ti panagtalek kadagitoy a pammatalged ket nairamut iti pammati ken ni Jesucristo. Babaen ti paraburna, nalinteg ti amin a banag a mainaig iti mortalidad (kitaen iti Alma 7:11–13).

Kasapulan ti Apo dagiti amin a miembro a tumulong iti trabaho ti pannakaisalakan kadagiti ward ken stake-da (kitaen iti 1 Taga Corinto 12:12–27). Kas iturong ti Espiritu, maawagan dagiti miembro nga awan asawana kadagiti posision ti panangidaulo ken panangisuro.

Iti daytoy a kapitulo:

• “Single members [dagiti miembro nga awan asawana]” ket tumukoy kadagiti amin a nataengan a miembro ti Simbaan a saan nga agdama a naasawaan.

• “Young single adults” ket tumukoy kadagiti agtawen iti 18–30.

• “Single adults” ket tumukoy kadagiti agtawen iti 31 ken natataengan.

14.1

Dagiti Miembro nga Awan Asawana kadagiti Yunit iti Heograpiko

14.1.1

Panangidaulo iti Stake

14.1.1.2

Dagiti Komite ti Young Single Adult ken Single Adult iti Stake

Mangbuangay ti panguluen ti stake iti komite ti young single adult.

Mangbuangay pay ti panguluen ti stake iti komite ti single adult.

Ikalikagum dagiti komite ti mangsuporta kadagiti miembro babaen ti pannakigayyem ken dagiti gundaway a makiraman iti aramid ti pannakaisalakan ken pannakaitan-ok (kitaen iti 14.2).

14.1.2

Panangidaulo iti Ward

14.1.2.1

Bishopric

Ti bishopric isu ti tulbek iti pannakipaset dagiti miembro nga awan asawana iti aramid ti pannakaisalakan ken pannakaitan-ok. Makipagtrabahoda iti konseho ti ward tapno mangilasin kadagiti napapateg a calling ken naituding nga aramiden para kadagiti miembro nga awan asawana. Bigbigen ken ikagumaanda ti tumulong a mangpennek kadagiti kasapulan dagiti agsolsolo a nagannak.

• Makipagkita ti maysa a miembro ti bishopric iti tunggal young single adult iti uray maminsan laeng iti makatawen.

• Mabalin ti bishopric ti mangbuangay iti komite ti young single adult iti ward.

14.1.2.2

Dagiti Miembro ti Panguluen ti Korum dagiti Elder ken Relief Society a Naidutok kadagiti Young Single Adult

Mabalin dagiti presidente ti korum dagiti elder ken Relief Society a saggaysa a mangdutok iti maysa a miembro dagiti panguluenda tapno mangsuporta kadagiti young single adult. Maammuan dagitoy a miembro ti panguluen dagiti pagpigsaan dagiti young single adult ken tumulongda a mangpennek kadagiti kasapulanda.

Mabalin nga ireport ti presidente ti korum dagiti elder ken Relief Society dagitoy a panagkagumaan iti miting ti konseho iti ward.

14.1.2.3

Dagiti Lider ti Young Single Adult

Iti maysa a ward nga adu dagiti young single adult, mabalin nga umawag ti bishopric iti maysa a lalaki ken babai a young single adult kas lider ti young single adult. Dagitoy ti mairaman kadagiti pagrebbenganda:

• Panangtulong kadagiti young single adult a makiraman iti aramid ti pannakaisalakan ken pannakaitan-ok (kitaen iti 14.2).

• Panagserbi iti komite ti young single adult iti stake.

• Panangidaulo iti komite ti young single adult iti ward no adda maysa a mabuangay.

• Regular a makipagmiting iti panguluen ti korum dagiti elder ken panguluen ti Relief Society. Kadagitoy a miting, pagsasaritaanda dagiti pagpigsaan dagiti young single adult ken no kasano ti tumulong a mangpennek kadagiti kasapulanda. Ipamaysada pay ti ministering kadagiti young single adult.

14.2

Pannakiraman iti Aramid ti Pannakaisalakan ken Pannakaitan-ok

14.2.1

Panagbiag iti Ebanghelio ni Jesucristo

14.2.1.1

Home Evening ken Panagadal iti Ebanghelio

Dagiti lider wenno miembro nga agtarigagay a makiraman ket mabalinda ti mangbuangay iti maysa wenno ad-adu pay a grupo ti home evening para kadagiti single adult ken dadduma pay a grupo para kadagiti young single adult.

14.2.1.3

Dagiti Aktibidad

Iti babaen ti panangiturong dagiti lider ti ward wenno stake, mabalin nga agplano ken makiraman dagiti young single adult kadagiti aktibidad a naipangpangruna para kadakuada. Mabalin nga iraman dagitoy a pagarigan:

• Dagiti isasarungkar iti templo.

• Aramid iti family history.

• Panangibinglay iti ebanghelio.

• Dagiti serbisio iti komunidad.

• Musika ken dagiti pasken a mainaig iti kultura.

• Dagiti ay-ayam.

Iti babaen ti panangiturong dagiti lider ti stake, mabalin nga agplano dagiti single adult kadagiti isu met la nga aktibidad iti lebel ti stake.