Handbooks ac Kunohkohn
14. Mempucrs ma Muhkena

“14. Mempucrs ma Muhkena,” Ma Sulweyucklac ke General Handbook (2023).

“14. Mempucrs ma Muhkena,” Ma Sulweyucklac ke General Handbook

mwet sramsram

14.

Mempucrs ma Muhkena

14.

Ikucslah

Mukul ac muhtwacn ma sonna macruhtlac kuh ma macruht ne fahsrelihk kuh ma misac tuhma kuh kiac tuhkweni oraclah u se ke Alu uh. Yohk srihpac nuh sin nohfohn in sokwack finsrak ke Iwaclah luhn Jisus Kraist (liye Ether 12:4). Finsrak ma pahtpaht ekahsr inge kuh in kahsruh ahkyohkye luhlahlfongi:

  • Ma suhmuhslah ac mwet pahluh ke lwen-sahflah ahkpwacyei lah mwet nuhkewa ma muhtweng in karihngihn olwelah ke wosasuc e fah eisyuck nuh ke moul ma pahtpaht.

  • Pacl ac ohiyac fal ma mwe insewowo inge e puhtati uh tiacna kahlwem. Tuhsruhk ma inge olweyucklac (liye Mosiah 2:41).

  • Tuhpan Leum pa in kampare in ahkosten ac fahsr nuh meet ke nguhn nuh Yohrohl (liye Isaiah 64:4).

  • God el sang moul ma pahtpaht nuh sin tuhlihk nuhkewa Nahtuhl. Elos nuhkewa suc kuh in eis mwe sang wolacna ke nuhnak muhnahs luhn Mwet Lahngo ac moulkihn masap Lal e fah eis moul ma pahtpaht. (Liye Mosiah 26:30; Moroni 6:8.)

  • In etuh yohk ke ma pwacye inge kapwac in luhlahlfongi kacl Jisus Kraist. Ke kuhlwacng Lal, ma nuhkewa akiyucki nuh ke moul kawihl se oreklac pwacye (liye Alma 7:11–13).

Leum el enenuh mempucr nuhkewa in kahsruh pahtok orekma in molwelah ac ma pahtpaht ke ward ac stek lalos (liye 1 Corinth 12:12–27). Kolyuck sin Nguhn, mempucrs ma muhkena uh pahngonyuck in wi kol ac in luti.

Ke sapta se inge:

  • “Mempucrs ma muhkena” uh som nuh sin mempucr mahtuh ke Alu uh ma sonna macruht.

  • “Mwet fuhsr mahtuh ma muhkena” som nuh sin matwac yac 18–30.

  • “Mwet mahtuh ma muhkena” som nuh sin yac 31 ac mahtuh.

14.1

Mempucrs ma Muhkena ke Acn Lalos

14.1.1

Mwet Kol ke Stek

14.1.1.2

Mwet Fuhsr Mahtuh ma Muhkena ke Stek ac Mwet Mahtuh ma Muhkena Committee

Prestuhnsi ke stek oraclah committee se luhn mwet fuhsr mahtuh ma muhkena.

Prestuhnsi ke stek kuh pac in oraclah sie committee ah luhn mwet fuhsr mahtuh ma muhkena.

Committee inge suk in kahsruh mempucrs in kawuckyak ac inkacnek in wi oruh orekma in molwelah ac ma pahtpaht (liye 14.2).

14.1.2

Mwet in Kol ke Ward

14.1.2.1

Pisaprik

Pisaprik el ki se ma ahkfahsrye mempucrs ma muhkena in oruh orekma in molwelah ac ma pahtpaht. Elos orekma ke u in eis ac sang kahsruh luhn ward in akihlen kunohkohn yohk srihpac ac ma mempucrs ma muhkena inge enenuh in oruh. Elos akihlen ac insacnweacng, in oraclah enenuh luhn pahpah ninac ma muhkwena.

  • Mempucr se ke pisaprik ohsun nuh sin kais sie mwet fuhsr mahtuh ma muhkena inge pacl se ma in yac se.

  • Pisaprik el akiyac pac committee se luhn mwet fuhsr mahtuh ma muhkena ke ward.

14.1.2.2

Mempucrs ke Prestuhnsi ke U luhn Elders ac Rilif Sosaiti Kunweyucki nuh sin Mwet Fuhsr Mahtuh ma Muhkena

Prestuhn ke u luhn elders ac Rilif Sosaiti elos e kunweyac mempucrs se ke prestuhnsi lalos in ahkkweye mwet fuhsr mahtuh ma muhkena. Mempucr ke prestuhnsi e lotwelah kuhiyacn mwet fuhsr mahtuh ma muhkena inge ac kahsruh in oraclah enenuh lalos.

Prestuhn ke u luhn elders ac Rilif Sosaiti e fah sruhmuhn orekma lalos inge ke pacl in toeni in eis ac sang kahsruh luhn ward.

14.1.2.3

Mwet kol luhn Mwet Fuhsr Mahtuh ma Muhkena

Ke ward se ma puhslac mwet fuhsr mahtuh kac uh, pisaprik kuh in pahngon sie mukul ac muhtwacn fuhsr mahtuh in ekihn mwet kol luhn mwet fuhsr mahtuh. Kunohkohnohn lalos uh pa:

  • Kahsruh mwet fuhsr mahtuh in wi oruh orekma in molwelah ac ma pahtpaht (liye 14.2).

  • Kuhlwacnsap ke committee luhn mwet fuhsr mahtuh ke stek.

  • Kol committee luhn mwet fuhsr mahtuh ke ward fin oreklac sie.

  • Kwacna ohsun sin prestuhnsi ke u luhn elders ac prestuhnsi ke Rilif Sosaiti. Ke miting inge, elos e sramsramkihn kuhiyacn mwet fuhsr mahtuh ac lah elos e kahsruh fuhkah enenuh lalos. Elos oacyacpac siyac in luti mwet fuhsr mahtuh.

14.2

Wi oruh Orekma in Molwelah ac Ma Pahtpaht

14.2.1

Moulkihn Wosasuc luhn Jisus Kraist

14.2.1.1

Toeni in Ekuh in Sucu ac Lutlutkihn Wosasuc

Mwet kol kuh mempucrs ma luhngse wi kuh in tuhkeni oraclah sie kuh kuhtuh u in toeni in ekuhn sucu nuh sin mwet fuhsr mahtuh ac u sahyac luhn mwet fuhsr mahtuh.

14.2.1.3

Mukwikwi

Ye kohkoh luhn mwet kol ke ward kuh stek, mwet fuhsr mahtuh plwacnelah ac wi mukwikwi orek nuh selos. Kuhtuh srihkasrak uh pa:

  • Muhtwacta nuh Tempuhl.

  • Orekma ke sramsram mahtuh ke sucu.

  • Akacsruhi ke wosasuc uh.

  • Kuhlwacnsap ke mura.

  • On ac mukwikwi mahtuh.

  • Sritacl.

Ye kohkoh luhn mwet kol ke stek, mwet mahtuh ma muhkena kuh in plwacnelah kuhtuh mukwikwi ke stek lalos.